Morgunblaðið - 16.06.1978, Blaðsíða 31

MORGUNBLAÐIÐ, FÖSTUDAGUR 16. JÚNÍ 1978
63
Ný lðggjðf:
Lýðræði í
hlutafélögum
Skuldabréfalán sem breyta má
í hlutabréfaeign
Ný lög um hlutafélög voru
samþykkt á Alþingi skömmu
fyrir þinglausnir. Lög þessi
fela í sér margar athyglisverð-
ar nýjungar, sem hafa munu
mikil áhrif er fram í sækir.
Meðal þeirra erui
• 1) Nú er ekki hægt að setja
hömlur á viðskipti með almenn
hlutabréf milli aðila í hluta-
félögum, þar sem hluthafar eru
200 eða fleiri. Þetta þýðir að
stjórnir hlutafélaga í almanna-
eign geta ekki hindrað hluthaf-
ana, eigendurna, í meðferð
réttinda sinna, og opnar leið til
almennra viðskipta með hluta-
bréf.
• 2) Lýðræði er aukið í hluta-
félögum með margfeldiskosn-
ingu, er tryggir að minnihluti
geti frekar náð rétti sínum.
Þetta þýðir að tæp 17% hlut-
hafa geta náð einum manni í 5
manna stjórnir hlutafélaga.
Fjórðungur hl. hluthafa geta
krafizt slíkrar hlutfalls- eða
margfeldiskosningar.
• 3) 10% hluthafa getur krafizt
þess að helmingur hagnaðar sé
greiddur út sem arður, með
vissum skilyrðum, en nokkuð
hefur borið á því að félög haldi
hluthöfum án arðs, þótt um
hagnað af rekstri hafi verið að
ræða.
• 4) Þá er ekki lengur heimilt
að stjórn hlutafélaga noti at-
kvæðisrétt fvrir hlutabréf, sem
félagið sjálft á. Hluthafar hafa
og skýlausan rétt til aögangs að
hluthafaskrá. Framanrituð
ákvæði öll horfa til aukins
lýðræðis í hlutafélögum en
fráhvarfs fráfámennisstjórnun
þeirra.
• 5) Þá er í hinum nýju lögum
ákvæði þess efnis að hlutafélag
getur boðið út skuldabréfalán,
sem unnt er að breyta síðar í
hlutabréf. Þann veg að fólk
getur nú keypt fulltryggð
skuldabréf en jafnframt öðlast
rétt til þátttöku í félaginu síðar.
Flogið yfir
Norðurpólinn
ÚTIVIST mun standa fyrir flug-
ferð yfir Norðurpólinn föstudags-
kvöldið 14. júlí n.k. Fiogið verður
norður með austurströnd- Græn-
lands og yfir pólinn. en millilent
á Svalbarða á heimlcið. Öll ferðin
tekur 9 klukkustundir.
Á austurströnd Grænlands er
hrikalegt landslag, fjöll og heljar-
miklir skriðjöklar. Það er varla
um annan ferðahátt en flug að.
ræða um þetta svæði. Á sjálfum
pólnum eru endalausar ísbreiður,
og þar verður veitt kampavín þeim
sem það vilja.
Allir fá skírteini um það að hafa
komið á Norðurpólinn.
Flogið verður með þotu Arnar-
flugs hf, sem tekur 149 farþega.
Farðseðlar verða seldir á skrif-
stofu Útivistar í Reykjavík.
Kappreiðar
Sindra í
Pétursey
Hestamannafélagið Sindri í
Mýrdal og undir Eyjafjöllum
heldur sínar árlegu kappreiðar
við Pétursey, laugardaginn 24.
júní n.k.
Ilestaþingið hefst kl. 2 e.h. með
hópreið félagsmanna. Síðan fer
fram gæðingakeppni mcð spjalda-
dómum og valinn verður sérstak-
lega fegursti gæðingurinn af
áhorfendum.
í kappreiðunum verður keppt í
250 m skeiði, fyrstu verðlaun kr.
10.000, 800 m stökki, fyrstu
verðlaun kr. 10.000, 300 m stökki,
fyrstu verðlaun kr. 6.000, 250 m
folahlaupi, fyrstu verðlaun kr.
5.000, og 800 m brokki þar sem
fyrsti hestur fær verðlaunapening,
— en að auki fá þrír fljótustu
hestar annarra keppnisgreina
verðlaunapeninga.
Þá koma fram börn úr reiðskóla
Sindra og væntanlega verður
sérstök sýning kynbótahrossa af
félagssvæðinu.
Þeir sem hyggjast taka þátt í
kappreiðum Sindra þurfa að til-
kynna þátttöku til Hermanns
Árnasonar í Vík fyrir fimmtu-
dagskvöld 22. júní. Lokaskráning
allra hrossa sem koma fram hjá
féiagsmönnum verður á Sindra-
velli á fimmtudagskveldi.
Eftir kappreiðarnar heldur
féiagið dansleik í Leikskálum í
Vík, sem hefst kl. 9. Hljómsveitin
Kaktus frá Selfossi leikur fyrir
dansinum.
Nýtt orlofs-
heimili Borg-
firðinga-
félagsins
Borgfirðingafélagið í Reykjavík
hefur nú komið upp sumarhúsi að
Svignaskarði í iandi félagsins, sem
kaliað er Borgarsel. Um næstu
helgi verður húsið tekið i notkun.
Laugardaginn 17. júní mun stjórn
félagsins taka þar á móti gestum.
Félagið hefur haft öfiugt félags-
starf í vetur. Fyrir mikinn dugnað
fólksins og rausnarlegar gjafir
tókst að byggja húsið í vetur og að
koma því í heimahérað fyrir
sumarið.
Leiðrétting- A.B.
VILLA kom fram í frétt í blaðinu
í gær varðandi útgáfu á bók Per
Olof Sundmans, „Beretteisen om
Sám“ í íslenzkri þýðingu, en það er
Almenna bókafélagið sem hyggur
á útgáfu hennar.
Nú er það gróft tweed sem gildir. Tweed efnið snýr aftur
og er nú sjóðheitt á tískumörkuðum Evrópu, þar sem hlutirnir gerast.
Adamson sá fyrir þróunina, og hefur því hafið framleiðslu á þessum gróflega
glæsilega fatnaði, fyrstir á íslenskum markaði.
Adamson býður þér í heimsbyltingu í fötum fyrir unga menn sem fylgjast með.
LAUGAVEGI47