Morgunblaðið - 06.10.1978, Blaðsíða 1

Morgunblaðið - 06.10.1978, Blaðsíða 1
32 SIÐUR 0t$miSfÍ$3tíí^ 227. tbl. 65. árg. FÖSTUDAGUR 6. OKTÓBER 1978 Prentsmiðja Morgunblaðsins. Kjarnorkukafbáturinn USS Trepang við sjósetningu 1970. Símamynd ap Ætluðu að ræna k j arnorkukafbát St. Louis, Missouri, 5. október. AP. BANDARISKA alríkislögreglan FBI hefur handtekið tvo menn í St. Louis og einn í New York-ríki fyrir samsæri um að stela bandaríska kjarnorkukafbátnum Trepang sem hefur bækistöð í New London, Connecticut. Þeir sem voru handteknir voru Edward J. Mendenhall, starfsmað- ur tryggingafyrirtækis í St. Louis, Kurtis J. Schmidt, teppahreinsari í sömu borg, og James W. Cosgrove frá New York-ríki. Roy B. Klager, fulltrúi FBI í St. Louis, segir að málið hafi komið fram í dagsljósið í síðasta mánuði Edward J. Mendenhall, 24 ára gamall, sést hér er var verið að flytja hann til yfirheyrslu í St. Louis í gær eftir að hann hafði ásamt tveimur öðrum verið ákærð- ur fyrir samsæri um að stela USS Trepang. þegar Mendenhall og .Cosgrove reyndu að fá til liðs við sig mann nokkurn sem var á mála hjá alríkislögreglunni og fá hann til að vera með í áhöfninni. Áhöfnin átti að vera tólf manna og hún átti að sigla Trepang út á Atlantshaf til fundar við óþekktan kaupanda. Mennirnir ætluðu að myrða 100 manna áhöfn kafbátsins og sprengja síðan upp birgðaskip Trepang þar sem það lægi við hliðina á kafbátnum til að dreifa athyglinni og hindra eltingaleik annarra herskipa í flotastöðinni í New London. Gert var ráð fyrir því að ef nauðsynlegt reyndist að auðvelda flótta kafbátsins skyldi skjóta kjarnorkueldflaug á flotastöðina eða stórborg á austurströndinni að sögn Klagers. Talsmaður bandaríska sjóhers- ins, David Cooney aðmírall, segir að slík áætlun hefði aidrei getað heppnazt. „Tólf menn af götunni gætu ekki siglt kafbáti eins og þessum," sagði hann. Hann sagði að til að sigla Trepang þyrfti 100 manna sérþjálfaða áhöfn. Trepang er af Sturgeon-gerð og búin gagnkafbátavopnum sem kall- ast Subroc og eru með kjarnaodd- Stjórn Fálldins sagði af sér: „ Við getum ekki sam- ið af okkur sálina" Stokkhólmi, 5. okt. AP RÍKISSTJÓRN Thorbjbrns Fálld- ins. íyrsta borgaraflokka stjórn í Svíþjóð í nálega hálfa öld, sagði aí sér í kvöld eftir langvarandi ágreining innan þeirra flokka sem áttu aðild að stjórninni, einkum með tilliti til kjarnorku- mála svo sem iðulega hefur komið fram. Fálldin afhenti forseta sænska þingsins afsagnarbeiðni sína síð- degis og skýrði síðan ákvörðun sína á blaðamannafundi sem var haldinn skömmu síðar í þinghús- Deildar meiningar borgara- flokkanna þriggja um afstöðuna til kjarnorkumála og framtíðar- þróunar kjarnorku í Svíþjóð hefur sett mikinn svip á þessa ríkis- stjórn og hefur það verið henni fjötur um fót að flestra dómi hversu djúpstæður sá ágreiningur hefur verið. Flokkur Fálldins hefur verið hvað einarðastur í afstöðu sinni til þess að ekki verði byggð fleiri kjarnorkuver í Svíþjóð. Sænsk blöð veðjuðu í kvöld á að næsti forsætisráðherra Svíþjóðar yrði Ola Ullsten formaður Frjáls- lvnda flokksins. Á blaðamanna- Thorbjörn Falldin forsætisráð- herra Svíþjóðar sést hér afhenda forseta sænska þingsins, Henry Allard, lausnarbeiðni stjórnar- ínnar í gær. Sfmamynd AP fundinum eftir afsögn stjórnar- innar gagnrýndi Fáildin þá Boh- man og Ullsten fyrir að vilja ekki fallast á þjóðaratkvæði um kjarn- orkumálin og taldi að þeir tækju á sig mikla ábyrgð með því að samþykkja ekki þá iýðræðislegu leið til að kanna hug almennings. Fálldin kvaðst hafa verið reiðu- búinn til málamiðlunar og að semja ef unnt reyndist „en ég tel ekki rétt að semja af sér sálina" sagði hann á blaðamannafundin- um. » » ¦»------------------ Annað glasabarn Nýju Delhi. 5. okt. Reutor. ÞRÍR indverskir læknar tilkynntu í Kalkútta í kvöld að annað tilrauna- glásabarnið í heiminum hefði fæðzt þar í borg á þriðjudag. Svipaðri tækni hefði verið beitt og við hið fyrsta. Foreldrarnir höfðu verið gift í 19 ár án þess að eignast barn. Þeir hafa óskað eftir að nöfn þeirra verði ekki birt. Barnið var stúlka sem vó um 3,35 kg. Mæðgunum heilsast báðum vel. Árás gerð á vestur - Beirut í gærkvöldi Beirut 5. okt. Reuter. í KVÖLD varð gerð eldflaugaárás á vesturhluta Beirut þar sem Múham- eðstrúarmenn búa. í fyrstu fréttum var sagt að ekki væri vitað hverjir stæðu að atlögunni. Þrír fallbyssu- bátar komu skyndilega inn á höfnina og hófu skothríðina. Sveitir Sýrlendinga svöruðu skothríðinni. Seint í kvbld sagði að ísraelar hefðu gert árás á skæruliðastöð við ströndina. Heiftúðugir bardagar héldu áfram allan daginn í austurhlutanum milli kristinna líbanskra hægrimanna og hermanna Sýrlendinga og er vitað að mannfall var mikið, líklega um tvö hundruð manns. Forsvarsmenn kristinna manna höfðu í hótunum að senda eldflaugar frá austurhiuta Beirut er komast myndu inn fyrir landamæri Sýrlands, en í fréttum í kvöld kemur ekkert fram um að það hafi verið reynt. Málgagn Baathflokksins í Sýr- landi, Al-Baath, sagði í dag að friður kæmist því aðeins á í Líbanon að þurrkaður yrði út í eitt skipti fyrir ðll liðsafli kristinna manna. Fær Khomeiny að hverfa heim? Teheran 5. október AP. RÍKISSTJÓRN írans hefur gefið í skyn, að ekki sé óhugsandi að trú- arleiðtoginn Ayatullah Khomeiny, fái að snúa heim. I yfirlýsingu sem utanríkisráðuneytið gaf út í morgun sagði að stjórnin hefði enga skoðun á því hvar Khomeiny ætti að búa og túlka sérfræðingar þetta sem upphaf að samningum um að trúarleiðtog- inn hverfi heim. Hann fór í útlegð vegna fjandsemi við keisarann. Khomeiny var í gær vísað úr landi í írak hvar hann hefur átt hæli. Hann freistaði þess að komast inn í Kuwait en var synjað og fékk leyfi til að vera í írak til bráðabirgða. Enn kemur valSœnsku akademíunnar á óvart Isaac Bashevis Singer, bandarískur Gyðingur af pólskum ættum fékk bókmenntaverðlaun Nóbels Miami. Stukkhólmi. 5. október. Reuter. AP. „ISAAC Bashevis Singer hlýtur Nóbelsverðlaunin í bókmenntum í ár vegna meistaralegrar frá- sagnarsnilldar sem á sér rætur í pólskri og gyðinglegri hefð," segir meðal annars f forsendum sænsku akademíunnar fyrir veit- ingu bókmenntaverðlaunanna í ár. Val Nóbelsnefndarinnar kom mjög á óvart, en furðu lítið hafði þó frétzt út um hvað hun hygðist fyrir í ár. Lars Gyllenstern, formaður sænsku akadcmíunnar, var spurður að því hvers vegna akademían léki ár eftir ár þann leik að veita verðlaunin höfund- um sem mjög lítt væru þekktir. Hann sagði að það væri eitt af hlutverkum akademíunnar og með því að lyfta Isaac Singer þannig upp á yfirborðið hefði akademían uppfyllt markmið sín. Isaac Bashevis Singer skrifar á jiddish og hafa bækur hans verið þýddar á mörg tungumál. Hann er annar rithöfundurinn Gyðinga- ættar á þremur árum sem hlýtur Nóbelsverðlaunin í bókmenntum. AP-fréttastofan náði tali af Singer á Miami síðdegis, nokkru eftir að tilkynnt hafði verið um verðlaunin. Þar kvaðst Singer vera að halda upp á hátíð Gyðinga vegna áramótanna skv. þeirra tímatali. Singer sagði við blaða- mann að hann tryði varla eigin eyrum. „Ég er fjarska þakklátur, en ég er einnig leiður yfir því að höfundar mér meiri skuli ekki fá þessi verðlaun. Ég vona að í framtíðinni fái allir menn viður- kenningu sem hana verðskulda. Singer sagðist ekki hafa trú á því að neinn höfundur skrifaði til að vinna til verðlauna: „Tolstoj kom til greina og síðan fékk verðlaunin annar höfundur. Svo að enda þótt gleðilegt sé að fá verðlaun, vil ég ekki staðhæfa að þau skeri í eitt skipti fyrir öll úr því að einn höfundur standi öðrum framar. Fjarri því..." Isaac Bashevis Singer er sjötíu og fjögurra ára að aldri. Hann fæddist í Radzymin í Póllandi 14. júlí 1904 en hélt til Bandaríkjanna 1935 og settist þar að. Hann hefur ritað skáldsögur, endurminninga- bækur og barnabækur. Fyrsta bók hans hér Satan in Goray kom út áður en hann flutti frá Póllandi. Hann hefur verið afkastamikill höfundur og síðasta bók hans „Shosha" kom út á þessu ári. Sjá „Um nýjan Nóbelsverðlaunahafa" og ummæli Halldórs Laxness bls. 16.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.