Morgunblaðið - 14.11.1978, Blaðsíða 22

30
MORGUNBLAÐIÐ, ÞRIÐJUDAGUR 14. NÓVEMBER 1978
Vildu að flokkurinn
ny ti af launum fyr-
ir störf í nefndum
ALÞINGISMENNIRNIR
Arni Gunnarsson og Vilmund-
ur Gylíason bcindu þeim
tilmælum til þings Alþýðu-
flokksins, sem haldið var um
helgina, að það samþykkti að
lagður yrði sérstakur skattur
á þingmenn, borgar- og bæjar-
fulltrúa flokksins, svo og alla
er þiggja laun fyrir störf í
nefndum og ráðum á vegum
flokksins. Lögðu Árni og
Vilmundur til að á laun
þingmanna, borgar- og bæjar-
fulltrúa yrði lagður 3% skatt-
ur. en á laun í nefndum og
ráðum yrði lagður á 20%
skattur.
Þingið samþykkti að fela
flokksstjórn Alþýðuflokksins
þessar reglur nánar út, þar
sem t.d. laun fyrir störf í
nefndum á vegum sveitar-
stjórna væru óveruleg. Einnig
var samþykkt að skattarnir
Benedikt vildi
ekki sendi-
herra í Chile
BENEDIKT Gröndal utanríkis-
ráðherra skýrði frá því við umræð-
ur á þingi Aiþýðuflokksins um
helgina að hann hefði komið í veg
fyrir, að íslen^kur sendiherra færi
til Chile til að afhenda þarlendum
stjórnvöldum trúnaðarbréf sitt,
eins og undirbúið hafði verið í
utanríkisráðuneytinu skömmu áð-
ur en Benedikt tók þar við völdum.
Á þingi Alþýðuflokksins var
m.a. samþykkt tillaga þar sem
herforingjastjórnin í Chile var
fordæmd.
skyldu vera 2% á laun þing-
manna o.s.frv. og 10% á laun í
nefndum o.s.frv.
Vilmyndur Gylfason tjáði
Mbl. í gær, að hann gerði ráð
fyrir því að sá skilningur yrði
ofan á, að þessum málum yrði
háttað eins og hann og Arni
hefðu lagt til þó svo að tillagan
hefði ekki verið samþykkt, en
vísað þess í stað til flokks-
stjórnar, sem sumir þingfull-
trúar nefndu „allsherjar salt-
kistu" á þinginu.
Ekki samstaða um úrslitakosti
varðandi aðild að ríkisstiórn
NOKKUÐ snarpar umræður urðu um verðbólgumál og aðild Alþýðuflokksins að ríkisstjórninni á þingi
Alþýðuflokksins á sunnudag. Inn í þjarkið um ályktun starfshóps um verðbólgumál blandaðist svo ágreiningur
þingfulitrúa um skjal sem ailsherjarnefnd þingsins lagði fyrir þingið sem stjórnmálaályktun Alþýðuflokksins.
Kom til harðra orðaskipta og vildu sumir fulltrúar undir forystu Sighvats Björgvinssonar, Björns Friðfinnssonar
o.fl., að ályktun um verðbólgumál yrði aðalályktun þingsins en ekki stjórnmálaályktunin. Sögðu viðkomandi að
stjórnmálaályktunin væri „mjög almenn og ófullkomin ályktun um ýmis mál milli himins og jarðar,“ og að þeir
sem kosið hefðu Alþýðuflokkinn í Alþingiskosningunum sl. vor vildu fyrst og fremst fá að vita um afstöðu
þingsins og flokksins í efnahags- og verðlagsmálum.
Þegar Kjartan Jóhannsson vara-
formaður Alþýðuflokksins og sjávar-
útvegsráðherra hafði kynnt ályktun
starfshóps um verðbólgumál kvaddi
Bragi Sigurjónsson alþingismaður
sér hljóðs og kynnti eigin tillögu að
ályktun um verðbólgumál. í tillögu
Braga var fastara að orði kveðið og
m.a. lagði hann til að Alþýðuflokkur-
inn segði sig úr ríkisstjórn ef ekki
næðist árangur í baráttunni við
verðbólguna á næstunni og í síðasta
lagi fyrir áramót.
Hlaut tillaga Braga mikinn hljóm-
grunn. Meðal þeirra sem tóku undir
tillöguna voru alþingismennirnir
Sighvatur Björgvinsson og Jóhanna
Sigurðardóttir og Bjarni Guðnason
prófessor. Sighvatur sagði, að sú
staðreynd, að launahækkanir 1.
desember yrðu um 14—15 vísitölu-
stig benti til þess að viðureignin við
verðbólguna það sem af væri valda-
tíð ríkisstjórnarinnar hefði mistek-
ist. Hann benti þingheimi á, að það
væri Svavar Gestson fyrrverandi
Þjóðviljaritstjóri sem færi með
verðlagsmálin í ríkisstjórninni og
sagði Sighvatur, að í ritstjóratíð
sinni hefði Svavar ritað marga
leiðara um hversu auðvelt væri að ná
verðbólgunni niður. Sagði Sighvatur
að verðbólgan yrði minnst 55—60 af
hundraði árið 1979, eða allmiklu
hærri en 1978.
Jóhanna Sigurðardóttir sagði að
ekki yrði hægt að greiða fjárlaga-
frumvarpi ríkkisstjórnarinnar
atkvæði í þeirri mynd sem það væri
og tóku Sighvatur og fleiri þingmenn
Alþýðuflokksins í sama streng.
Bjarni Guðnason sagði að flestir
hefðu verið orðnir leiðir á efnahags-
stefnum fyrri ríkisstjórna, en nú
stefndi hins vegar í sama farið.
Sagði Bjarni að frá því að ríkis-
stjórnin felldi gengi krónunnar í
byrjun september hefði gengissig
krónunnar orðið næstum jafn mikið
og því sem gengisfellingin í septem-
ber nam. „Með þessu áframhaldi
stefnir í verðbólgu sem enginn ræður
við,“ sagði Bjarni.
Gunnlaugur Stefánsson alþingis-
maður o.fl. töldu tillögu Braga ganga
of langt og vildu þeir gefa ríkis-
stjórninni meiri tíma til að koma
stefnumálum sínum í framkvæmd.
Varð það síðan úr að starfshópurinn
um verðbólgumál og Bragi Sigur-
jónsson skyldu reyna að „bræða“
tillögur sínar saman. Málamiðlunin
var síðan lögð fyrir þingið þegar
komið var fram yfir miðnætti á
sunnudagskvöld. Þar var í að finna
mörg þau atriði sem Bragi hafði
kveðið á um, en tímamörk allra
úrslita skilyrða var þó ekki að finna
þar í.
í endanlegri ályktun þings
Alþýðuflokksins um verðbólgumál
segir: „... þess vegna leggur flokks-
þingið fyrir þingflokk Alþýðuflokks-
ins að nýta til þrautar þingstyrk
sinn og aðild að ríkisstjórn til þess
að koma fram gerbreyttri efnáhags-
stefnu, þ. á m. nauðsynlegum
breytingum á fyrirliggjandi fjár-
lagafrumvarpi. Þingið ályktar að
stjórnarþátttakan sé undir því
komin að árangur náist um fram-
gang þeirrar efnahagsstefnu sem
Alþýðuflokkurinn mótaði fyrir kosn-
ingar og ítrekar í þessari ályktun."
Þjálfun flugáhafna DC-10
frestað rnn 3 til 4 mánuði
Tíminn nýttur til að finna samkomulagsleið segir st jórn Flugleiða
IIÉR fer á eftir frétt stjórnar
Flugleiöa þar sem greint cr frá
niðurstöðum stjórnarinnar um að
fresta komu DC-10 breiðþotunnar
til landsins um 3—4 mánuðii
Svo sem kunnugt er hafa Flug-
leiöir h.f gert leigukaupsamning
um breiðþotu af gerðinni
DC-10-30, sem afhent verður
félaginu í byrjun næsta árs.
' Að undanförnu hafa verið unnin
undirbúningsstörf á ýmsum
sviðum í þeim tilgangi að félaginu
yrði kleift að taka þotu þess í
notkun á áætlunarleiðum á
umsömdum tíma. Föstudaginn 3.
þ.m. gerði stjórnarnefnd Flugleiða
stéttarfélögum flugmanna, þ.e.
Félagi íslenskra Atvinnuflug-
manna og Félagi Loftleiðaflug-
manna grein fyrir tillögum sínum,
um á hvern hátt stöðum flug-
manna skyldi skipað við rekstur
hins nýja'farkosts og fól tillaga
stjórnarnefndar í stuttu máli í sér,
að til þjálfunar á hina nýju þotu
færu 7 flugstjórar úr hópi Loft-
leiðaflugmanna og 2 úr hópi
flugmanna Flugfélags íslands, en
allir 9 aðstoðarflugmennirnir
yrðu úr hópi Loftleiðaflugmanna.
Áformað var að þjálfunin hæfist í
dag mánud. 13. nóvember vestur í
Kaliforníu.
Viðbrögð stéttarfélaganna urðu
þau, að Félag íslenskra Atvinnu-
flugmanna hafnaði ekki tillögu
stjórnarnefndar Flugleiða, en
Félag Loftleiðaflugmanna gerði
tilkall til allra þeirra 9 flugstjóra-
staðna, sem um var að tefla.
Tíðar viðræður hafa átt sér stað
í sl. viku milli stjórnarnefndar
Flugleiða og Félags Loftleiðaflug-
manna um lausn málsins, síðast
föstudaginn 10. nóvember, en
síðdegis þann dag var sýnt að
Loftleiðaflugmenn myndu pkki
vilja halda vestur um haf á
laugardag til þjálfunar, nema
tryggt væri að allar umræddar 9
flugstjórastöður kæmu í þeirra
hlut.
Á föstudagskvöld og á laugardag
voru haldnir stjórnarfundir Flug-
leiða hf., þar sem mál þessi voru
ítarlega rædd.
Stjórn Flugleiða hf., komst að
þeirri niðurstöðu, að rétt væri í
þessari stöðu að fresta þjálfun
flugmanna á DC-10 flugvélina, en
reyna að afla henni skammtíma-
verkefna í 3—4 mánuði í þeirri von
og í því trausti, að sá tími, sem
þannig gefst, verði nýttur til hins
ýtrasta til að finna lausn á málinu
á samkomulagsgrundvelli, sem
allir aðilar geti við unað.
Jafnframt verði unnið að því, að
útvega annan þjálfunartíma fyrir
9 áhafnir, þannig að þær megi
nýtast í áætlunarflugi að 3—4
mánuðum liðnum.
Stjórn Flugleiða hf., væntir þess
að með þessari ákvörðun veitist
ráðrúm til að ná friðsamlegri
frambúðarlausn á skipan mála hér
að lútandi.
Lýsum furðu okkar
í þessari ákvörðun
— seg ja Loftleiðaflugmenn
STJÓRN. Félags Loftleiðaflug-
manna hafði þetta að segja er
Mbl. leitaði til félagsins um álit á
ákvörðun stjórnar Flugleiða.
Félag Loftleiðaflugmanna lýs-
ir furðu sinni á þeirri ákvörðun
Flugleiða að fresta komu DC-10
breiðþotunnar til landsins og
telur það vera óhagstætt hluthöf-
um og óþarfa fórn af hálfu
félagsins. Félag Loftleiðaflug-
manna hefur í gildi undirskrifað-
an samning er gildir til 1.
febrúar 1980 sem stjórn Flug-
leiða viðurkennir og teljum við
ekki fært að tala um sameiginlcg-
an starfsaldurslista fyrr en sá
samningur rennur út.
Félag Loftleiðaflugmanna telur
að með því að bjóíia einum
flugmanni DC-8 þotu að gerast
flugstjóri á Fokker-vél í innan-
landsflugi sé öryggi farþega stefnt
í hættu, þar sem störf á þessum
tveimur flugvélategundum eru svo
ólík að forkastanlegt er að blanda
þeim saman. Flug innanlands
krefst annars konar þekkingar á
veðri, staðháttum, tækjum og
hefði það í för með sér að teknir
yrðu óvanir menn í úthafsflug en
flestir Loftleiðaflugmanna hafa
10,15 og allt upp í 20 ára reynslu í
úthafsflugi. Töluverðan tíma tek-
ur fyrir mann sem hefur e.t.v. 18
ára reynslu í úthafsflugi að
venjast flugi á Fokker-vél, allt að
nokkrum árum, og benda má á að
þar eru fyrir yngstu menn í
aðstoðarflugmannssæti og er því
vafasamt að bjóða farþegum upp á
slíkt öryggisleysi.
Með því að kaupa DC-10 eru
Flugleiðir að taka upp ákveðna
hagræðingu og er hér því ein-
göngu um að ræða tilfærslu
manna milli véla.
Félagið er ekki bjartsýnt á að
samkomulag náist á 3—4 mánuð-
um m.a. vegna þess að þar sem
svipuð sameining hefur verið á
dagskrá t.d. meðal brezkra flugfé-
laga hefur hún enn ekki orðið
þrátt fyrir að 6—7 ár séu liðin frá
því fyrst var um hana rætt.
Okkur ekkert
ad vanbúnaði
segir B jörn Guðmundsson
BJÖRN Guðmundsson íormað-
ur Félags ísl. atvinnuflug-
manna var í gær inntur álits á
þeirri ákvörðun stjórnar Flug-
leiða að fresta þjálfun áhafna á
DC-10 þotunni sem keypt hefur
verið og átti að koma til
landsins í janúar n.k.<
— Frá hendi Félags ísl. at-
vinnuflugmanna er ekkert að
vanbúnaði að samningaviðræð-
ur verði teknar upp, enda hefur
félagið ekki mótmælt hugmynd-
um stjórnar Flugleiða um
áhafnaskipanina. Gera má ráð
fyrir að það lendi þá e.t.v. í hlut
nefnda þeirra sem við og Félag
Loftleiðaflugmanna hins vegar
hafa skipað til að fja.Ha um
sameiningu starfsaldurslista fé-
laganna tveggja og ég vona að
samkomulag náist um þessa
hluti. Við erum tilbúnir að láta
gerðarmenn, einn eða fleiri,
skera úr um þetta ef lausn fæst
ekki á annan hátt.