Morgunblaðið - 14.02.1979, Page 30

30
MORGtíNBLAÐIÐ, MIÐVIKUDAGUR 14. FEBRÚAR 1979
Smjörsteiktur fiskur!
(t.d. skötusetur)

-----------------
i
i
Skúli Hansen,
yfirmatreiðslumaður á
Hótel Holti,
gefur súper uppskriftir í dag
fyrir fjóra.
250 gá
mann).
Ýsuflöhin eru skorin í hœfilegar
sneiðar og velt upp úr hveiti.
Kryddað með:
Season all og engiferi. Steikt upp úr
íslensku 8mjöri. Látið 2 epli, afhýdd og
sneidd, með á pönnuna. Að síðustu er
1/2-1 dl afhvítvíni hellt yfir.
Karrýhrísgrjón:
Brœðið smjör á pönnu og stráið karrý
yfir. Blandið síðan soðnum hrísgrjónum
vel saman við.
2. Smjörsteiktir humarhalar í skel með
ristuðu brauði og smjöri. (U.þ. b. 1 kg.
halar í skel).
Humarinn er þýddur og hver hali
klofinn í tvennt. Steikt í íslensku smjöri.
Kryddað með:
Hvítlaukssalti. Þegar humarinn er
tilbúinn er saxaðri steinselju stráð yfir.
Berið fram með sneiddum sítrónum,
rÍ8tuðu brauði og smjöri.
3. Smjörsteiktur skötuselur með
rækjum. (U.þ.b. 1 kg. nýr skötuselur).
Skerið skötuselinn í 100 g sneiðar og
veltið þeim upp úr hveiti.
Kryddað með:
Salti, pipar og hvítlaukssalti. Steikt í
íslensku smjöri. Látið rœkjurnar krauma
með ofurlitía stund. Þegar fiskurinn er
tilbúinn er gott að kreista sítrónu yfir.
Borið fram með soðnum kartöflum og
agúrkusalati.
4. Pönnusteikt smálúðuflök með
tómötum og lcuik. (U.þ.b. 250 g á
mann).
Smálúðan er skorin í þunnar sneiðar.
Þeim er síðan velt upp úr hveiti og
kryddaðar með salti, pipar og papriku.
Steikt upp úr íslensku smjöri. Skerið
niður 4 tómata og 2 lauka og látið krauma
með. Að síðustu er safi úr sitrónu kreistur
yfir og auðvitað nýjar soðruxr kartöflur
og hrásalat borið með.
Smjör er hrein náttúruafurÖ. Framleidd úr nýjum
rjóma og örlitlu af salti. Viö bjóöum líka ósaltaÖ
og sérsaltaö smjör. Hitaeiningar eru jafnmargar og í
8mjörlíki. 110 grömmum eru 74 hitaeiningar.
TitiHinn til
Völsunga
Völsungar tryggðu sér endanlega íslandsmeistaratitilinn í 1. deild
kvenna í blaki. þegar liðið fékk UBK í heimsókn norður á Húsavik.
Fyrir leikinn var sigurinn næstum í höfn, það var þó enn tölfræðilegur
möguleiki á því að Völsungar myndu glopra titlinum. En ekkert varð
úr því, Völsungar unnu öruggan sigur á UBK og gulltryggðu titilinn.
Völsungur vann 3—1, hrinurnar enduðu 15—3, 15—4, 14—16 og
15—3. Breiðabliksstúlkurnar notuðu tækifærið og léku við IMA.
Töpuðu Blikarnir þeim leik einnig 1—3, en hrinurnar enduðu 15—9,
3-15,5-15 og 8—15.
Einn leikur fór fram í 1. deild karla og þar saumuðu stúdentar enn
að Þrótturum með því að vinna öruggan sigur á UMSE. ÍS vann 3—0,
hrinurnar enduðu 15—6,15—5 og 15—10. Staðan í 1. deild karla er nú
þessi:
Þróttur 11 9 2 29:12 18
ÍS 11 8 3 28:14 16
Laugdælir 10 7 3 22:17 14
UMSE 9 1 8 9:26 2
Mímir 9 0 9 8:27 0
Tveir leikir fóru og fram í 2. deild karla og var þar um að ræða litla
frægðarför ÍBV á vit KA og ÍMA. Eyjamenn töpuðu báðum leikjunum
1-3.
Samkvæmt leikskránni, áttu Laugdælir og Mímir að leika í 1. deild
karla um helgina, en leiknum var frestað. Fer hann fram eystra í
kvöld og hefst klukkan 20.00. GA/— gg.
Styrktar-
maraþon
8 piltar, Mosfellingar 14—15 ára gamlir ætla að hefja maraþon-
knattspyrnuleik í hinu nýja iþróttahúsi að Varmá í Mosfellssveit á
sunnudaginn klukkan 14.00.
Tilgangurinn er tvíþættur, annars vegar að reyna að vega að
gildandi Islandsmeti og hins vegar til að styrkja hið nýja íþróttahús,
en allur ágóði af maraþoninu mun renna óskiptur til kaupa á
íþróttaáhöldum fyrir húsið.
Aðgangur á sunnudaginn verður ókeypis og seld verða áheit sem
hljóða upp á 200 krónur fyrir hverja klukkustund meðan strákarnir
halda út.
Kissinger
bjartsynn
EINS og kunnugt er, er knattspyrnan frekar ný af nálinni meðal
Bandaríkjamanna, en vinsæidir hennar hafa aukist gífurlega á síðustu
misserum. Bandarískum knattspyrnumönnum hefur og farið mikið
fram þó að stoðir bandarisku liðanna hafi ávailt verið aidnir kappar
frá Evrópu og Suður-Ameríku, leikmenn sem eru um og rétt yfir
þrítugt og eru álitnir útbrunnir í heimalöndum sínum og því auðveldir
i samningum.
En eins og fyrr segir, hefur bandarískum leikmönnum bæði fjölgað
og farið mikið fram, þannig að miðað við fólksfjöida ættu Bandaríkin
hæglcga að geta orðið stórveldi í knattspyrnu ef rétt er á spilunum
haldið. Þó að þróun í þá átt gerist ekki á einni nóttu, er a.m.k. einn
náungi mjög bjartsýnn. Það er enginn annar en Henry nokkur
Kissinger, betur þekktur sem nánasti ráðgjafi hins ólánssama forseta
Richard Milhouse Nixon.
Kissinger er nú framkvæmdastjóri knattspyrnusambands Norður-
-Ameríku og nýlega var hann inntur eftir því í viðtali hvort hann teldi
knattspyrnuna vera á réttri leið þar í landi. Hann sagði hress í bragði:
— Þetta er allt að koma, árið 1982 ættum við að geta tryggt okkur sæti
í lokakeppni HM. Árið 1986 ættum við hins vegar að vera meðal 10
bestu landsliða í heimi og eiga sama möguleika á úrslitaleiknum og
önnur topplið.
• Henry Kissinger heilsar sovéskum lsndslidsmönnum sem voru á
keppnisferðalagi í Bandaríkjunum fyrir skömmu.