Morgunblaðið - 30.11.1979, Blaðsíða 14

14
MORGUNBLAÐIÐ, FÖSTUDAGUR 30. NÓVEMBER 1979
Ellert B. Schram. sem skipar baráttusætið á íramboðslista Sjálfstæðismanna i Reykjavik heimsótti ísbjörninn með formanni
Sjálfstæðisflokksins og svaraði einnig spurningum fundarmanna.
HVADAN ERU ÞESSIR MILLJ-
ARDAR I NIÐURGREIÐSLUR
TEKNIR? - AF MER DG ÞER
aukið á launabil og gerði enn.
Þannig mældi það nú hinum
lægstlaunuðu um 27.000 krónur í
verðbætur en hinum hærra laun-
uðu 100.000 krónur umfram lág-
launamanninn. Svona vísitölu-
kerfi er rangt og siðlaust, sagði
Ellert, en haldreipi Alþýðu-
bandalagsins engu að síður.
Launamismunur hlýtur að vísu
ætíð að verða nokkur, en lægstu
laun hér þarf að bæta, og verð-
bólguhömlur mega ekki bitna á
þeim.
Gengislækkanir
Ætlar Sjálfstæðisflokkurinn
að lækka gengið, var spurt. Ellert
B. Schram sagði að Alþýðubanda-
lagið og Þjóðviljinn hefðu fyrr á
tíð talað um gengislækkun sem
verk af hinu illa. Ritstjóri Þjóð-
viljans hefði síðan orðið ráðherra
gengismála. Á rúmu ári hefði
erlendur gjaldeyrir til orlofsferða
hækkað um 87% í höndum hans,
og almennt meðalgengi erlendrar
myntar litlu minna. Krónan
hefði, um gengissig, minnkað
örar í höndum hans en nokkurs
annars bankaráðherra. Sjálf-
stæðisflokkurinn stefndi í stöð-
ugleika, í gengisskráningu sem
öðrum þáttum efnahagsmála, en
spurning væri, hvort aðgerðir
fyrri stjórnar hefðu ekki skilið
eftir sig enn lægra gengi en
skráning nú segði þó til um.
Verðbólgan
stærsta lífs-
kjaraskerðingin
Fara ekki öll samningamál á
vinnumarkaði úr böndum, eftir
kosningar, var spurt. Ellert sagði
að fyrirhugaðar skattalækkanir,
sem Sjálfstæðisflokkurinn boð-
aði, ættu fremur að auðvelda
samninga en hitt. Samningar
yrðu að vera á ábyrgð vinnuveit-
enda og verkalýðsfélaga. Ekki
ætti að vera hægt að koma með
sífellda bakreikninga á ríkið eða
velta óraunhæfum samningum
yfir í aukinn dýrtíðarhraða.
Verðbólgan væri stærsta lífs-
kjaraskerðingin í þjóðfélaginu.
Allar efnahagsaðgerðir, einnig á
sviði kjaramála, yrðu að taka mið
af þeirri staðreynd. Fólk væri
orðið langþreytt á víxlhækkun-
um, sem eyddi jafnhraðan krónu-
töluhækkun launa. Stefna þyrfti
á kjarabætur um aukin atvinnu-
Geir Hallgrímsson, formaður Sjálfstæðisflokksins, endaði
vinnustaðaheimsóknir sínar í yfirstandandi kosningabaráttu
í frystihúsi ísbjarnarins í gær. Hann sagði fara vel á því að
þessi þáttur kosningastarfs formanns Sjálfstæðisflokksins
næði hápunkti í þessu glæsilega fyrirtæki. Fyrirtækið væri,
bæði að tæknibúnaði og í aðbúð starfsfólks, í fararbroddi hér
á landi — og jafnvel þó víðar væri leitað. Það væri dæmigert
fyrir það einstaklingsframtak, sem væri ein af höfuðstoðum
sjálfstæðisstefnunnar. Stefna sú, sem við boðum í orði, er
hér á borði, í tilvist þessa fyrirtækis, framleiðslu þess fyrir
þjóðarbúið og þeim starfsskilyrðum og aðbúnaði, er það hefur
búið starfsfólki sínu.
Geir Hallgrímsson geröi í
stuttu máli grein fyrir kosn-
ingastefnuskrá Sjálfstæðis-
flokksins, sem miöaðist við það,
að ná niður verðbólgu með
markvissum og skjótvirkum að-
gerðum, en jafnvægi og stöðug-
leiki á efnahagssviði væri nauð-
synlegur undanfari aukinna at-
vinnuumsvifa, aukinnar verð-
mætasköpunar og aukinna þjóð-
artekna. Sá árangur yrði síðan
undirstaða atvinnuöryggis og
betri lífskjara. . Síðan skoraði
hann á viðstadda að beina spurn-
ingum til sín og Ellerts B.
Schram sem væri í baráttusætinu
á framboðslista Sjálfstæðis-
flokksins í Reykjavík. Og spurn-
ingarnar létu ekki á sér standa.
Verðbólgan
í stjórn Geirs
Spurt var um verðbólguþróun 1
ríkisstjórn Geirs Hallgrímssonar.
Geir sagði verðbólguhömlur í
stjórn sinni hafa náð verðbólgu
niður úr 54%, í upphafi stjórn-
artímabils, í 26% á miðju ári
1977. Þá hafi bönd brostið, m.a.
vegna þess, að fólki hafi þótt of
hægt miða og þolinmæðin brostið
á Jcjaravettvangi. Sá lærdómur,
sem draga verði af þessu, væri
m.a. sá, að ná yrði verðbólgu
niður með snöggu og snörpu
átaki. Til samanburðar mætti
fólk þó hafa í huga verðbólguvöxt
hjá þeim fjórum vinstri stjórn-
um, sem hér hefðu verið við völd.
Þar hefði reynslan orðið ein og
hin sama í öll skiptin. Hver vill
enn höggva í sama knérunninn?
Víðishús
Aðspurður að því, hvort hann
myndi kaupa annað Víðishús, ef
Ge/r Hall-
grímsson
og Ellert
B. Schram
heimsækja
hann fengi völd, sagði Geir, að
hann treysti sér til að selja
Víðishúsið, hvenær sem væri,
með ágóða fyrir ríkissjóð. — Er
það þá ekki verðbólgugróði? —
var spurt. Ég treysti mér til að
selja það á verði, sem gerir meir
en halda í við verðbólguna, sagði
Geir. En hér erum við aftur
komin að verðbólgunni, sem eytt
hefur sparifé og kauphækkunum,
þann veg, að flestir sitja að verri
hlut eftir en áður. Þessvegna er
höfuðatriðið að ná niður verð-
bólgunni, svo hægt sé að tryggja
atvinnuöryggi til frambúðar og
bæta lífskjör um auknar þjóðar-
tekjur.
Skattalög
Ellert B. Schram var spurður
um, hvort skattalög yrðu óbreytt
ef Sjálfstæðisflokkurinn fengi
stjórnarforystu. Hann sagði að
kunn væru sjónarmið Sjálfstæð-
isflokksins um afnám þeirra
skatta, er vinstri stjórn hefði
tekið upp. Gera mætti hins vegar
ráð fyrir að tekjuskattslög yrðu í
aðalatriðum óbreytt, fyrst í stað,
en stefna Sjálfstæðisflokksins
væri að afnema tekjuskatt á
venjulegar launatekjur — og
auka þann veg ráðstöfunartekjur
almennings.
Launamismunur
Vill Sjálfstæðisflokkurinn ekki
sem mestan launamismun var
spurt. Ellert sagði að vísitölu-
kerfi það, sem Alþýðubandalagið
legði höfuðáherzlu á að halda
óbreyttu, sbr. kjörorðið, óbreytt-
ar verðbætur á laun, hefði sífellt
Geir Hallgrimsson, formaður Sjálfstæðisflokksins heimsótti frystihús
ísbjarnarins i gær og ræddi þar við starfsfólk i hádeginu og svaraði
spurningum.