Morgunblaðið - 13.12.1979, Blaðsíða 24
24
MORGUNBLAÐIÐ, FIMMTUDAGUR 13. DESEMBER 1979
Útgefandi
Framkvæmdastjóri
Ritstjórar
Ritstjórnarfulltrúi
Fréttastjóri
Auglýsingastjóri
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guömundsson.
Björn Jóhannsson.
Baldvin Jónsson.
Ritstjórn og skrifstofur: Aöalstræti 6, sími 10100. Auglýsingar:
Aöalstræti 6, sími 22480. Afgreiðsla: Skeifunni 19, sími 83033.
Áskriftargjald 4000.00 kr. á mánuöi innanlands. í lausasölu 200 kr.
eintakið.
Ummæli
Steingríms
Steingrímur Hermannsson, formaður Framsóknar-
flokksins, hefur lýst því yfir í blaðaviðtali, að
samstarf flokks hans við Sjálfstæðisflokkinn komi ekki til
greina. Hann tilgreinir þrjár ástæður fyrir þessari
afstöðu. í fyrsta lagi sé samstarf útilokað vegna
kosningastefnuskrár Sjálfstæðisflokksins í efnahagsmál-
um. I öðru lagi hafi faðir hans verið andsnúinn
Sjálfstæðisflokknum og í þriðja lagi hafi Tryggvi
Þórhallsson sagt að allt væri betra en íhaldið og
Steingrímur kveðst taka undir það. Jafnframt segir
Steingrímur, að þótt útlitið yrði mjög slæmt í þjóðmálum
mundi Framsóknarflokkurinn ekki taka upp samstarf við
Sjálfstæðisflokkinn.
Þessar yfirlýsingar formanns Framsóknarflokksins eru
með eindæmum. Abyrgur formaður stjórnmálaflokks á
ekki að gefa yfirlýsingar af þessu tagi. Steingrími
Hermannssyni hefur verið falin mikil ábyrgð með því að
gera hann að formanni annars stærsta stjórnmálaflokks
þjóðarinnar. Vissulega gæti það verið sjálfsagt og
nauðsynlegt vegna þjóðarhagsmuna, að þessir tveir
flokkar tækju höndum samanog hefur gerzt. Persónulegt
ofstæki á borð við það, sem lýsir sér í ummælum
formanns Framsóknarflokksins, er orðið fátítt í stjórn-
málaumræðu hér og er það vel.
Framsóknarmenn hafa áður gert tilraun til að útiloka
Sjálfstæðisflokkinn frá öllum áhrifum á landsstjórnina.
Síðasta slík tilraun var gerð fyrir 23 árum þegar pabbi
Steingríms lýsti því yfir fyrir kosningar 1956, að ætlunin
væri að einangra Sjálfstæðisflokkinn. Afleiðing þess varð
13 ára eyðimerkurganga Framsóknarflokksins.
Steingrímur Hermannsson ætti að gæta að sér. Vel má
vera, að ummæli hans nú eigi eftir að verða kveikjan að
atburðarás, sem kallar sömu örlög yfir Framsóknarflokk-
inn undir hans stjórn. Aðrir flokkar munu auðvitað ekki
þola það, að Steingrímur Hermannsson taki til við að
stjórna Islandi eins og einhver einræðisherra með
yfirlýsingum um, að hann vinni ekki með þessum í dag
eða hinum á morgun. Svo kann að fara, að Steingrímur
Hermannsson finni enga samstarfsmenn í öðrum flokkum
yfirleitt úr því að hann er byrjaður að tala á þennan veg.
Geir Hallgrímsson, formaður Sjálfstæðisflokksins,
sagði í tilefni af ummælum Steingríms Hermannssonar,
að þau sýndu, að formaður Framsóknarflokksins væri
fastur í gömlum, ímynduðum fordómum, sem ættu sér
sízt af öllu stað í nútímaþjóðfélagi. Formaður Sjálfstæð-
isflokksins sagði ennfremur: „Sjálfstæðisflokkurinn hefur
ekki útilokað samstarf við neinn annan stjórnmálaflokk."
Staðan í þjóðmálum nú kallar á nýtt frumkvæði á hinu
pólitíska sviði. Afleiðingar óðaverðbólgu margra ára eru
að koma fram. Rekstrarstaða atvinnuveganna verður
stöðugt erfiðari. Lífskjörin halda áfram að versna. Mikil
hætta er á, að atvinnulífið standi ekki undir sívaxandi
tilkostnaði og fyrirtækin dragi saman seglin og atvinnu-
leysi skapist. A slíkum tímum þurfum við fremur á að
halda sáttum í íslenzku þjóðfélagi en sundrungarstarf-
semi af því tagi, sem Steingrímur Hermannsson byrjar á
um leið og hann hefur fengið umboð til stjórnarmyndun-
ar.
Með því að undirstrika þá afstöðu, sem Sjálfstæðis-
flokkurinn hefur jafnan haft að flokkurinn er tilbúinn til
samstarfs við hvaða stjórnmálaflokk sem er, hefur Geir
Hallgrímsson beint athyglinni að því, að Sjálfstæðis-
flokkurinn er tilbúinn til að reyna nýjar leiðir, taka nýtt
frumkvæði í landsmálum, sem allar aðstæður kalla á. Því
frumkvæði verða aðrir að taka með opnum huga.
Halldór Blöndal og Guðmundur J. Guðmundsson hlýða á þingsetningu forseta íslands i gær.
Ljóxm Mbl: Kristján.
er jafnframt þing-
maður hefur ekki
setið þingfund síðan
1953—56 fyrr en nú
NÝKJÖRIÐ Alþingi var sett með
hefðbundnum hætti í gær. Þing-
menn sátu guðsþjónustu í dóm-
kirkju. sem hófst kl. 1.30 miðdeg-
is. Séra Björn Jónsson, sóknar-
prestur á Akranesi, predikaði.
Síðan gengu þingmenn til þing-
húss. Forseti Islands, herra
Kristján Eldjárn, las forsetabréf
um samkomulag Alþingis og
flutti þingheimi ávarp. Aldurs-
forseti, Gunnar Thoroddsen,
stýrði fundi. Hann flutti minn-
ingarorð um Jörund heitinn
Brynjólfsson, fyrrum þingmann
Árnesinga, og þingmenn heiðr-
uðu minningu Jörundar með því
að rísa úr sætum.
Gunnar Thoroddsen aldursfor-
seti, kvaddi þingmennina Lárus
Jónsson (S) og Jón Helgason (F)
sér til aðstoðar sem þingritara.
Síðan skipti hann þingheimi, sam-
kvæmt þingsköpum, í þrjár deildir
eftir hlutkesti, til skoðunar á
kjörbréfum. Að þeirri athugun
lokinni voru kjörbréfin samþykkt
samhljóða.
Þá unnu nýir þingmenn, sem
ekki hafa áður setið á Alþingi,
eiða að stjórnarskrá lýðveldisins.
Þeir reyndust 7 talsins.
Að því gjörðu bauð aldursforseti
þingmenn og starfslið velkomið til
Alþingis og árnaði því farsældar í
störfum.
Samkvæmt þingsköpum ber ald-
ursforseta að stýra kjöri forseta
Sameinaðs þings, sem síðan
gengst fyrir kjöri tveggja varafor-
seta. Þingfundi var frestað til
morguns án þess forsetakjör færi
fram. Önnur þingstörf munu ekki
hefjast fyrr en að forsetakjöri
afstöðnu, en ekki mun hafa verið
samstaða í gær milli þingflokka
um forsetakjör. Verður það vænt-
Þingsetning í gær:
Kjöri forseta Samein-
aðs þings var frestað
Ráðherra sem ekki
Frá þingsetningunni. Birgir ísleifur Gunnarsson, Saióme Þorkels-
dóttir og Þórarinn Sigurjónsson. í gættinni býður Jakob Jónsson
yfirþingvörður einn alþingismanna velkominn til þings.
anlega á dagskrá Sameinaðs þings
í dag (fimmtudag).
Bragi Sigurjónsson, iðnaðarráð-
herra í starfsstjórn Alþýðuflokks-
ins, sat þingsetningarfund í gær.
Það hefur ekki skeð síðan í
Ljósm Mbl: Kristján.
ráðuneyti Ólafs Thors, 1953—
1956, að ráðherra, sem ekki er
jafnframt þingmaður, sitji þing-
fund. Dr. Kristinn Guðmundsson,
sem þá var utanríkisráðherra, var
jafnframt utanþingsráðherra.
Arnarflug selur aðra þotu sína
ARNARFLUG hefur gengið frá
sölu annarrar Boeing 720 þotu
sinnar til írska fiugfélagsins Aer
Lingus og verður vélin afhent i
Bretlandi á morgun, föstudag.
Var gengið frá sölunni í gær, en
vélin TF-VLC er 13 ára gömul og
hefur verið í leiguflugi víða
erlendis, m.a. Guatemala, Bret-
landi, Möltu og Kenýa.
Magnús Gunnarsson, fram-
kvæmdastjóri Arnarflugs, tjáði
Mbl. að í framhaldi af þessari sölu
færi nú fram víðtæk könnun á
hvaða vél kæmi í staðinn, en það
hefur verið til umræðu um nokk-
urt skeið innan stjórnar Arnar-
flugs hvernig hægt yrði að haga
endurnýjun flugvélakosts félags-
ins. Sagði Magnús það vera hug-
myndina að reyna að þróa áfram
þessa erlendu leiguflugsstarfsemi
félagsins og færi könnunin fram
með hliðsjón af því.
Hin vélin sem
Arnarflug á er af sömu gerð,
Boeing 720, en er nokkru yngri og
á eftir lengri tíma þar til kemur
að umfangsmikilli skoðun. Er vél-
in nú í leiguflugi í Kenya.