Morgunblaðið - 13.12.1979, Blaðsíða 48
til jóla
#ull Sc ^ílftir
Laugavegi 35
FIMMTUDAGUR 13. DESEMBER 1979
Fasteignagjöld-
in mun þungbær-
ari en verið hefur
—- segir Birgir ísl. Gunnarsson um
tillögur vinstri meirihlutans um
fasteignaskatta næsta árs
LÖGÐ hefur verið fram í borgarráði Reykjavíkur
tillaga um fasteignagjöld fyrir næsta ár og var henni
vísað til endanlegrar samþykktar borgarstjórnar á
næsta fundi hennar fimmtudaginn 20. desember n.k.
Þar er gert ráð fyrir að þær álagningarreglur, er
samþykktar voru í fyrra, gildi áfram, en þær fela í sér
að lagt er á íbúðarhúsnæði 0,5% af fasteignamati og á
atvinnuhúsnæði 1,25% af fasteignamati.
Birgir ísleifur Gunnarsson tjáði
Mbl. að fasteignaskattar á íbúð-
arhúsnæði á næsta ári myndu
hækka um 60% og 55% á atvinnu-
húsnæði.
— Þessi tillaga um fasteigna-
gjöld á árinu 1980 felur í sér, að
fasteignagjöldin verða mun þung-
bærari fyrir almenning en verið
hefur, sagði Birgir ísleifur. Tillag-
an felur í sér að fasteignagjöld á
íbúðarhúsnæði muni hækka um
60% á hverja íbúð, en útreikn-
ingar sýna að tekjur borgarbúa
hafa hækkað um 43% á árinu. Þá
má og nefna, að brunabótamat
hefur hækkað um 52% á árinu, en
það er sú hækkun sem orðið hefur
á byggingarvísitölu. Það er því
skoðun okkar sjálfstæðismanna í
borgarstjórn að vinstri meirihlut-
inn gangi nú aftur óhóflega langt í
að skattleggja íbúðarhúsnæði al-
mennings. Við sjálfstæðismenn
munum því verða á móti þessari
tillögu í borgarstjórn og teljum að
hverfa eigi aftur til þeirra álagn-
ingarreglna sem giltu síðustu árin
sem við vorum í meirihluta, þ.e. að
gefa eigi afslátt af lögboðnum
fasteignagjöldum en þá var lagt á
íbúðarhúsnæði 0,421% ogatvinnu-
húsnæði 0,842%.
Gunnar Thoroddsen aldursforseti Alþingis stýrði þingfundi í gær og kvaddi hann til
skrifarastarfa Lárus Jónsson og Jón Helgason. Sjá frásagnir um setningu Alþingis
á bls. 22, 24 Og 25. Ljósm. Mbl: Krlstján.
Síðasta tilboð Framsóknar:
Samstarf um framsóknar-
mann sem þingforseta
Hækkun á
innanlands-
flugi og kaffi
VERÐLAGSRÁÐ hélt fund í
gærmorgun og var þar sam-
þykkt að heimila 9% hækk-
un á fargjöldum i innan-
landsflugi frá 1. janúar og
9% hækkun á kaffi. Frestað
var að taka afstöðu til beiðni
um hækkun á smjörliki.
Samþykktir þær. sem hér
um ræðir, eiga eftir að hljóta
staðfestingu ríkisstjórnar-
innar. Enn liggja hjá Verð-
lagsráði fjölmargar óaf-
greiddar hækkunarbeiðnir.
FRAMSÓKNARFLOKKURINN
skrifaði ALþýðubandalagi og Al-
þýðuflokki bréf í gærkvöldi, þar sem
boðið var upp á samstarf flokkanna
þriggja um kjör forseta Alþingis og
nefndakjör. þannig að framsóknar-
maður, sem væntanlega yrði Jón
Helgason, yrði forseti Sameinaðs
Alþingis, alþýðubandalagsmaður
yrði forseti neðri deildar og alþýðu-
flokksmaður forseti efri deildar.
Benda framsóknarmenn og á að ef
flokkarnir þrir hafi ekki samstarf
um nefndakjör, muni kjör i
sjömannanefndir fara þannig að
Sjálfstæðisflokkurinn fái þrjá
nefndarmenn, Framsóknaf lokkur-
inn tvo og hinir flokkarnir einn
hvor. Samstarf myndi hins vegar
þýða, að Sjálfstæðisflokkur og
Framsóknarflokkur fengju tvo full-
trúa hvor og hinir flokkarnir gætu
þá skipzt á um að eiga einn og tvo
nefndarmenn. Varðandi fjárveit-
inganefnd myndi samstarf þýða tvo
fulltrúa Alþýðubandalagsins, en að
öðrum kosti réði hlutkesti milli
annars manns Alþýðubandalagsins
og fjórða manns Sjálfstæðisflokks-
ins. „Við teljum að vilji þessara
þriggja flokka til samstarfs geti
birst í því, hvort við náum saman um
forseta- og nefndakjör eða ekki“,
sagði Steingrímur Hermannsson
formaður Framsóknarflokksins i
samtali við Mbl. í gær. „ Við
framsóknarmenn erum hins vegar
ekki reiðubúnir til samstarfs við
annan flokkinn á móti hinum, þar
sem við mundum þá bara fá á
okkur klofning“. Mbl. ræddi í gær-
kvöldi við formenn þingflokka Al-
þýðubandalags og Alþýðuflokks, þá
Ragnar Arnalds og Sighvat Björg-
vinsson, en hvorugur vildi tjá sig um
tilboð framsóknarmanna. Sögðu
þeir að afstaða yrði tekin til þess á
þingflokksfundum, sem haldnir
verða fyrir þingfund í dag.
Sighvatur Björgvinsson hreyfði því
við aðra þingflokksformenn í gær-
morgun, hvort samkomulag gæti tek-
izt um forsetakjör með þeirri aðferð,
sem forseti Islands hefði beitt varð-
andi stjórnarmyndunarumboðið,
þannig að forseti Sameinaðs þings
yrði úr þeim flokki, sem mest vann á
í kosningunum, þ.e. Framsóknar-
flokki, síðan veldi stærsti flokkurinn,
Sjálfstæðisflokkur, sér deild og þann-
ig koll af kolli. Alþýðubandalagið
hafnaði strax þessari leið. Alþýðu-
bandalagið skrifaði Framsóknar-
flokknum svo bréf, þar sem stungið
var upp á samstarfi þessara tveggja
flokka við forsetakjör og kosningu í
nefndir með fulltrúa Alþýðubanda-
lagsins, Helga Seljan, sem forsetaefni
Sameinaðs Alþingis, og vildu alþýðu-
bandalagsmenn að flokkarnir tveir
tækju „ eðlilegt tillit til Alþýðu-
flokksins" í þessu samstarfi sínu.
Alþýðuflokkurinn hafnaði þessari
lausn og settust framsóknarmenn þá
á rökstóla til að freista þess að ná
fram samkomulagi flokkanna
þriggja. Niðurstaðan varð svo bréf
það, sem sent var hinum flokkunum í
gærkvöldi.
„Við sjálfstæðismenn höfum fallizt
á tillögu Benedikts Gröndal varðandi
forsetakjörið. Þar með er þingmeiri-
hluti fyrir þeirri tillögu og við teljum
eðlilegt að Alþýðuflokkurinn fram-
fylgi henni á Alþingi. Það myndi þó
engan veginn þýða að neins konar
kosningabandalag væri komið á milli
þeirra og okkar, en við teljum þessa
tillögu skynsama og sanngjarna mið-
að við aðstæður", sagði Gunnar
Thoroddsen formaður þingflokks
sjálfstæðismanna í samtali við Mbl. í
gær.
Stjórnarmyndunarviðræður vinstri
flokkanna lágu niðri í gær vegna
þingsetningar og umræðna um for-
seta- og nefndakjör.
Kristján Ragnarsson í ræðu á aðalfundi LÍÚ:
Losnum á næsta ári að verulegu
leyti undan okurkjörum Rússa
Oliukostnaður fiskiskipa hefur þegar hækkað um 22.4 milljarða á árinu
Á SÍÐASTA ári kostaði olfan, sem fiskiskipaflotinn notaði, 7.850
milljónir króna. Sama magn af olíu mun hins vegar kosta 30.300
milljónir króna, þegar fram er komin sú verðhækkun, sem biður
staðfestingar ríkisstjórnarinnar. Hún byggir á 329 dollara verði, en
verð á Rotterdam-markaði er nú 362 dollarar, sem enn mun hækka
olíuna um allt að 10% umfram þá hækkun, sem nú er væntanleg.
Hækkun oliukostnaðar fiskiskipaflotans er þvi nú þegar 22.450
milljónir króna eða 28,5%.
Þessar upplýsingar komu m.a.
fram í ræðu Kristjáns Ragnars-
sonar á aðalfundi LIÚ, sem hófst í
gær. Kristján ræddi einnig um
olíuviðskipti við Sovétrnenn og
sagði, að „þegar rætt var við
Rússa um olíukaup fyrir næsta ár,
var loks rætt um nýja verðviðmið-
un, sem byggist á venjulegu við-
skiptaverði. Fékkst engu um þok-
að og virtist sem ákveðið hefði
verið af Rússum að láta kné fylgja
kviði gagnvart okkur, því sendi-
mennirnir komu heim með þær
breytingar einar, sem til útgjalda-
auka leiddu, þ.e. hækkað flutn-
ingsgjald, hækkaða vexti og stytt-
an greiðslufrest."
Síðan vék Kristján Ragnarsson
að öðrum möguleikum á olíukaup-
um og sagði að nú hefði tekist að
ná samkomulagi við brezka ríkis-
olíufélagið BNOC, um að það seldi
okkur 125—150 þúsund lestir af
gasolíu á næsta ári. „Verðið verð-
ur sambærilegt við það verð, sem
almennt gildir í V-Evrópu. Er að
því stefnt, að hér verði um lang-
tímaviðskipti að ræða og þetta
félag selji okkur eftir árið 1980
einnig aðrar tegundir af olíuvör-
um og enn meira af gasolíu. Þess
er að vænta, að við losnum á
næsta ári að verulegu leyti undan
þeim okurkjörum, sem við höfum
þurft að sæta hjá Rússum á þessu
verði, hvað við kemur verði á
gasolíu", sagði Kristján Ragnars-
son m.a. Tilboðum Norðmanna og
Finna um benzín og gasolíu sagði
Kristján að ólíklegt væri að tekið
yrði vegna lítils verðmunar.
Sjá nánar bls. 18: Ræðu
Kristjáns Ragnarssonar í heild.
/
1
Guðni
Sunnu
selur salt-
fisk í Mið-
Ameríku
GUÐNI Þórðarson í Sunnu
hefur undanfarna mánuði
dvalið í Mið- og Suður-
Ameríku, þar sem hann
hefur m.a. kannað mögu-
leika á sölu saltfisks og
lagmetis héðan. Sam-
kvæmt upplýsingum Mbl.
bauð Guðni SÍF og Sölu-
stofnun lagmetis þessa
þjónustu í haust, en er
væntanlegur heim á næst-
unni og kemur þá væntan-
lega í ljós hver árangur
hefur orðið af þessum sölu-
tilraunum hans samkvæmt
umboði fyrrnefndra stofn-
ana.— Guðni mun hafa
fleiri járn í eldinum í
samvinnu við bandaríska
aðila í Mið-Ameríku aðal-
lega, en einnig í Suður-
Ameríku.