Morgunblaðið - 12.02.1980, Blaðsíða 1
44 SÍÐUR MEÐ 8 SÍÐNA ÍÞRÓTTABLAÐI
35. tbl. 67. árg.
ÞRIÐJUDAGUR 12. FEBRÚAR 1980
Prentsmiðja Morgunblaðsins.
Hert kverkatak
á Afganistan
þrátt fyrir „friðarsóknartal“
Washinjrton, 11. febrúar. AP.
SOVÉTRÍKIN eru að hefja hina
svonefndu „friðarsókn“ sína, sem
sagt var frá fyrir helgi að stæði
fyrir dyrum og var gefið í skyn,
að Sovétmenn myndu reiðubúnir
að fækka í herliði sinu i landinu.
Hins vegar hefur enn ekkert
komið fram, sem sýni að þessi
brottflutningur sé hafinn.
í fréttum frá Afganistan í kvöld
var hermt að þá um morgunin
hefðu uppreisnarmenn náð á sitt
vald nokkrum bæjum í Badakhs-
hanhéraði í norðausturhluta
landsins og hefðu sezt um hér-
aðshöfuðborgina þar. Hefðu bar-
dagar milli þeirra og sovézkra
hermanna verið mjög grimmilegir
og harðir. í fréttum var líka haft
fyrir satt, að uppreisnarmenn
hefðu komið höndum yfir töluvert
af vopnum og matvælum, sem
sovézku hermennirnir hefðu skilið
eftir á undanhaldinu.
AP fréttastofan sagði og í kvöld
að þrátt fyrir hina títtnefndu
fyrirhuguðu friðarsókn benti fiest
til þess að Sovétmenn hertu enn
kverkatakið á Afganistan og ótal
ráðgjafar, sovézkir og austur-
þýzkir hefðu tekið við störfum í
aðskiljanlegum ráðuneytum. Er
verk þeirra að „hjálpa okkur að
byggja upp fullkomið sósíalískt
Únsan upp fyrir
700 dollara
VERÐ á gulli hækkaði nokkuð aftur
á evrópskum gjaldeyrismörkuðum í
dag, og þegar kauphallir lokuðu var
verð á únsunni 713.50 dollarar í
Zúrich og er það 25 dollurum meira
en var s.l. föstudag. í London var
verðið 711 dollarar í kvöld. Aftur á
móti átti dollarinn víða nokkuð í vök
að verjast og lækkaði hann
gagnvart öllum helztu gjaldmiðlum
öðrum.
ríki“ eins og einn embættismanna
orðaði það.
Sex vestrænum fréttamönnum
var snúið frá við komuna til
Kabulflugvallar í dag og þeir fáu
fréttamenn erlendir sem eftir eru
verða fyrir stöðugri áreitni.
Þá má geta þess að það þykir
tíðindum sæta að forsetinn Karm-
al hefur ekki sézt úti fyrir Þjóðar-
höllinni í meira en viku. Þar er
gríðarlega öflugur sovézkur her-
vörður á verði. Ostaðfestar fregnir
eru um að heyrzt hafi mikil skot-
hríð frá höllinni fyrir nokkrum
dögum, en engin nánari skýring
verið á því gefin.
Eskútinn
hækkaður
LlsHabon. 11. lcbr. AP.
ÁKVEÐIÐ hefur verið að
hækka eskútann, portúgalska
gjaldmiðilinn um sex prósent
gagnvart öðrum gjaldmiðlum,
að því er Cavaco e Silva
fjármálaráðherra skýrði frá í
morgun.
Hann sagði í viðtali við
sjónvarpið að þessi gjörð væri
liður í ráðstöfunum hinnar
nýju ríkisstjórnar Sa Carneiro
að reyna að sporna gegn verð-
bólgu og þetta myndi verða til
þess að bæta samkeppnisað-
stöðu portúgalskra iðnaðar-
vara á erlendum mörkuðum.
Þetta myndi einnig ýta undir
tiltrú á eskútanum og væri
ekki vanþörf á því.
Þá greindi Silva einnig frá
„matarkörfu" ríkisstjórnarinn-
ar, en ákveðið hefur verið að
draga verulega úr niðurgreiðsl-
um á ýmsum vörum svo sem
sykri, mjólk, hrísgrjónum,
hveiti og fiski.
Hjón skilja líka í Kína — en sjaldan þó
Hjónaskilnaðir í Kína eru fátíðir og yfirleitt
ekki farið hátt með slíkar fréttir, enda þykir
hjónaskilnaður þar mikil skömm báðum
aðilum. Nú er fyrir rétti í Peking slíkt mál og
mun vera í fyrsta skipti, að vestrænir
fréttamenn hafa fengið að fylgjast með
málflutningi.
Eiginkonan Zhou Huixie, þrítug að aldri, til
vinstri á myndinni, sækir um skilnaðinn frá
Han Fali, vörubílstjóra, 35 ára, (t.h) eftir
fjögurra ára hjónaband. Hún sagði að maður-
inn hefði svikið heit um að veita móður
hennar fjárhagsaðstoð, hann liggi í drykkju
og stundi fjárhættuspil og hafi margsinnis
lamið sig. Þær misþyrmingar hafi leitt til þess
að hún hafi tvívegis misst fóstur. Han Fali tók
ásökunum konunnar rólega fyrir réttinum.
Hahn viðurkenndi að hafa stöku sinnum
danglað í hana, en það tæki ekki að kalla það
barsmiðar. Búizt er við að þeim verði
úrskurðaður skilnaður, þrátt fyrir andmæli
eiginmannsins, sem kvaðst hafa hug á að þau
tækju upp sambúð og slægju striki yfir hið
liðna.
Iran:
Milljónir fögnuðu árs-
afmæli byltingarinnar
Teheran, ll.íebr. AP.
SAMTÍMA því að fimmtíu banda-
riskir gíslar höfðu setið 100 daga
fangnir i bandariska sendiráðinu
i Teheran, fóru um milljón borg-
arbúar í fagnaðargöngu til að
minnast þess að ár er nú liðið frá
þvi að islamska byltingin var
fullkomnuð. Bani Sadr, forseti
írans ávarpaði þjóðina og lesin
var yfirlýsing frá Khomeini
ftGAlNS
OVIE
erkiklerki, sem gat ekki verið
viðstaddur, vegna sjúkleika síns.
Préttaskýrendum ber saman um
að auknar blikur séu á lofti í íran,
eftir að Bani Sadr, forseti sagði í
viðtali við franska blaðið Le Monde
nú um helgina, að stjórn hans
krefðist ekki lengur að fyrrv. keisari
yrði framseldur, ef viðurkennt yrði
að hann og stjórn hans hefðu framið
margvíslega glæpi í stjórnartíð
sinni og þetta yrði rannsakað af
alþjóðlegri nefnd, til þess þegar
skipuð.
Bani Sadr sagði samkvæmt Le
Monde að hugsanlegt væru að gísl-
arnir yrðu látnir lausir „á næstu
dögum“, en í kvöld var síðan sagt, að
rangt hefði verið farið með orð
fórsetans. Var þá lögð sérstök
áherzla á að vitanlega kæmi ekki til
greina að sleppa fólkinu, nema
byltingarráðið og Khomeini iegðu
blessun sína yfir þessa tillögu. Var
haft eftir Bani Sadr í kvöld, að hann
hefði lagt hugmyndir sínar fyrir
Khomeini og vænti svars innan
tveggja daga um hvað Khomeini
teldi réttast að gera í málinu.
Auk hátíðahaldanna í Teheran
var í flestum borgum og bæjum
landsins efnt til funda og faghað-
arhátíða vegna afmælisins og ber
fréttum saman um að j)au hafi
hvarvetna verið fjöisótt. I Teheran
urðu nokkur slys í þrengslunum,
pallur með fjölda manns brotnaði og
slösuðust tugir og á aðaltorgi Teher-
an tróðust a.m.k þrír til bana.
Sovézki útlaginn og andófsmaðurinn Vladimir Bukovsky sést hér ávarpa fjöldafund á Trafalgar torgi i
London á sunnudag. Þetta var fyrsti fundur samtaka, sem hafa að markmiði að berjast gegn kúgun i
Sovétrikjunum. Gyðingar, Múhammeðstrúarmenn og kristnir menn tóku þátt i þessari göngu og fordæmdu
einum rómi innrás Sovétmanna i Afganistan og útlegð visindamannsins Andrei Sakharovs, svo og meðferð
á þúsundum andófsmanna i Sovétrikjunum.
Hjarta Títós
að gefa sig?
Belgrad 11. (ebr. AP.
í STUTTORÐRI tilkynningu
lækna Titos Júgóslaviuforseta,
sem var lesin upp i kvöldfrétt-
um útvarpsins i Júgóslaviu
sagði, að læknismeðferð vegna
nýrnakvilla, sem upp hefði
komið, reyndist nú erfiðleikum
bundin, þar sem truflun hefði
gert vart við sig i hjartastarfs-
seminni. Bentu likur til að
breyta yrði um lyf og meðferð
vegna þessa og hefðu viðeigandi
ráðstafanir þegar verið gerðar
vegna þessa.
AP fréttastofan segir að þetta
hafi komið löndum Titos illa á
óvart, þar sem útlit hafi virzt
fyrir, að hann væri allur að
braggast, eftir að af honum var
tekinn annar fóturinn. Um helg-
ina komu síðan í ljós truflanir á
nýrna og meltingarstarfssemi
hjá Tito, og nú virðist sem Tito
hraki enn, er hjarta hans er að
byrja að gefa sig.