Morgunblaðið - 12.02.1980, Blaðsíða 33
MORGUNBLAÐIÐ, ÞRIÐJUDAGUR 12. FEBRUAR 1980
33
Rekstur Dýraspít-
alans tryggður!
í tilefni greinar frú Sigríðar
Ásgeirsdóttur héraðsdómslög-
manns formanns stjórnar Dýra-
spítala Watsons langar okkur
undirritaða að koma eftirfarandi
á framfæri:
Á undanförnum árum hefur
íslenzku dýralæknastéttinni verið
legið á hálsi af hálfu stjórnar
Dýraspítala Watsons, að ekki
fengist íslenzkur dýralæknir til
starfa að dýraspítalanum, svo
rekstur gæti hafist. Síðastliðin tvö
ár hafa farið fram samningavið-
ræður milli héraðsdýralæknisins í
Kjósarumdæmi með vissum
hléum um reksturinn og hefur
gengið á ýmsu. Strax frá upphafi
voru lögð fram drög að samningi
af hálfu héraðsdýralæknisins, sem
eru nánast eins í öllum atriðum,
og samningurinn sem birtist hér á
eftir. I maí-mánuði á síðasta ári
var reynt að ná samkomulagi um
starfrækslu spítalans, en allt kom
fyrir ekki. Síðan þá hefur samn-
ingurinn legið fyrir, eins og stjórn
dýraspítalans ætti að vera kunn-
ugt. Samþykkt almenns fundar í
Sjálfseignarfélaginu Dýraspítala
Watsons 29. des. sl. kemur því
ákaflega spánskt fyrir sjónir.
Samþykkt þessa getur að líta í
grein Sigríðar 5.2. 1980 og hljóðar
svo:
„Á almennum fundi sem hald-
inn var í Sjálfseignarfélaginu
Dýraspítala Watsons hinn 29. des.
sl. var samþykkt að fela stjórninni
að gera samning við Breth-
Hansen dýralækni í Danmörku
um erlendan dýralækni í fullt
starf, þar sem fullreynt er að
íslenzkur dýralæknir er ekki
fáanlegur á þeim grundvelli en
það er álit félagsfundarins að
rekstur á spltalanum sé ekki
fjárhagslega öruggur nema með
dýralækni í fullu starfi."
Til að taka af allan vafa um
innihald samnings héraðsdýra-
læknisins birtist hann hér og skal
tekið fram að hann liggur fyrir
undirritaður af hans hálfu.
Samningur milli stjórnar dýra-
spítala Watsons og héraðsdýra-
læknisins í Kjósarumdæmi um
rekstur og starf við spítalann.
1. Spítalinn verður opinn kl.
14 — 18 hvern virkan dag. Starfs-
maður spítalans tekur á móti
viðtalsbeiðnum við lækninn. Dýr-
alæknirinn er á bakvakt þegar
spítalinn er ekki opinn. Símsvari
veitir upplýsingar um hvar hægt
er að ná í dýralækni spítalans á
bakvakt.
2. Héraðsdýralæknirinn eða
staðgengill hans verður til viðtals
á spítalanum mánudaga til föstu-
daga, a.m.k. 3 klst. daglega eftir
nánara samkomulagi. Meiriháttar
aðgerðir munu framkvæmdar á
öðrum tímum ef með þarf á
spítalanum.
3. Greiðsla til læknisins fyrir
störf hans við lækningar á spítal-
anum verður samkvæmt gjaldskrá
Dýralæknafélags íslands. Dýra-
læknirinn sér um öflun lyfja og
afgreiðslu þeirra og ber alla
fjárhagslega áhyrgð í sambandi
við það. Spítalinn sér um röntgen-
myndatökur á ábyrgð dýralæknis-
ins en á fjárhagslega ábyrgð
spítalans.
Þóknun vegna spítalans verður
ákveðið gjald, sem miðast við
hversu viðamiklar aðgerðirnar eru
og er samkomulag milli stjórnar
spítalans og læknisins á hverjum
tíma. Skulu þessir aðilar semja
gjaldskrá spítalans.# Gjaldskráin
skal vera verðtryggð.’
Náist ekki samkomulag um
gjaldskrána, tilnefnir hvor aðila
um sig mann en yfirborgardómari
Reykjavíkur skal tilnefna 3ja
mann, sem verður formaður og
skal nefnd þessi úrskurða um
ágreininginn.
4. Héraðsdýralæknirinn fer
með alla stjórn á daglegum rekstri
spítalans og hefur umsjón með
viðhaldi hans í samráði við stjórn-
ina.
Hann hefur einnig alla stjórn á
starfsmönnum spítalans, sem
hann ræður með samþ.vkki stjórn-
ar spítalans, sama gildir um
uppsagnir.
Þóknun fyrir þetta starf verður
ákveðin síðar, þegar komin er t.d.
6 mánaða reynsla á rekstur spítal-
ans. Náist ekki samkomulag um
þóknun, tilnefnir hvor aðila um
sig mann en yfirborgardómari
Reykjavíkur skal tilnefna 3ja
mann, sem verður formaður og
skal nefnd þessi úrskurða um
ágreininginn.
5. Spítalinn sér um, að ávallt
séu fyrir hendi hreinar hlífðar-
svuntur handa starfsmönnum.
6. Annað starfsfólk en læknar
fær greidd laun frá spítalanum
sjálfum.
7. Fundir skulu haldnir með
stjórn og dýralækni einu sinni í
mánuði um rekstur og fjármála-
stöðu spítalans.
8. Verði komið upp aðstöðu til
hestalækninga í sambandið við
spítalann skuldbindur Brynjólfur
Sandholt sig til að beina hesta-
lækningum að spítalanum eftir
því sem kostur er.
9. Samningur þessi tekur gildi
frá og með 1. desember 1979 og
gildir í 1 ár en er síðan uppsegj-
anlegur af beggja hálfu með 3ja
mánaða fyrirvara.
Ef grein Sigríðar er lesin með
þennan samning í huga kemur
margt einkennilegt í ljós. Alla
vega verður fullyrðing Sigríðar
um að „gengið hafi verið úr
skugga um að íslenzkur dýralækn-
ir fengist ekki að spítalanum,"
ákaflega annkannaleg. En frú
Sigríður ber víða niður í þessari
ritsmíð sinni. Það að gera annan
aðilann tortryggilegan er háttur
sem löngum hefur verið tíðkaður
og lítur út fyrir að vera enn í fullu
gildi. Hvað er betra tilefni til slíks
á tímum harðnandi kjarabaráttu
en einmitt laun og kjör. Þetta
virðist frú Sigríður ætla að færa
sér í nyt. í þessu sambandi er vert
að taka fram til skýringar að föst
laun dýralækna og lækna eru
hérlendis greidd af ríkinu, en
aðgerðargjöld eru greidd sam-
kvæmt gildandi gjaldskrá hvers
stéttarfélags, í þessu tilviki
gjaldskrá Dýralæknafélags
Islands. Þetta þýðir aö gjaldskráin
verður töluvert lægri en ef miðað
er við nágrannalönd okkar eins og
t.d. Danmörku. Stjórn dýraspítal-
ans hefur þráfaldlega leitaö til
landbúnaðarráðuneytisins um að
tryggja þessi föstu laun og með
þetta í huga hafði landbúnaðar-
ráðuneytið milligöngu um þær
samningaviðræður er fóru fram í
maí á síðasta ári og áður hefur
verið frá greint. I grein sinni segir
frú Sigríður dýraspítalann hafa
boðið landbúnaðarráðuneytinu
laun aðstoðardýralæknis en eftir
því sem við best vitum og ráðu-
neytið getur staðfest leitaði hún
einmitt eftir föstum launum.
Þetta hefur eflaust verið boð með
öfugu formerki.
Aðrar greiðslur yrðu síðan sam-
kvæmt gjaldskrá D.í. eins og
greinilega kemur fram í samn-
ingnum. Ákveðið spítalagjald
skyldi síðan koma til, til að standa
undir daglegum rekstri spítalans
og öðrum framkvæmdum. Von-
andi er öllum ljós sá kostnaðar-
auki sem tilfærsla af heimili og á
stofnun, sem dýraspítalinn vænt-
anlega yrði. Fullyrðingar um tvö-
falt til þrefalt hærra gjald á
spítalanum er því í rauninni ekki
eins furðuleg og fram kemur í
grein frú Sigríðar. Hræddir erum
við líka um að, ef taka ætti föstu
laun dýralæknisins líka út úr
rekstrinum, þá yrði gjaldskráin
töluvert hærri.
I samningnum er gert ráð fyrir
að opið sé milli 14—18 virka daga,
en viðtalstími dýralæknis sé 3
tímar á dag, auk aðgerða sem
framkvæmdar yrðu á öðrum tíma.
Auk þess yrði að sjálfsögðu neyð-
arþjónusta. Við teljum ákaflega
ósanngjarnt að tortryggja þennan
opnunartíma á þann hátt sem gert
er. Á flestum ef ekki öllum stöðum
erlendis þar sem við þekkjum til,
er þessi háttur hafður á, hvað
snertir viðtalstíma dýralæknis.
Stjórn dýraspítalans virðist líta á
dýralækningar sem eins konar
„akkorðsvinnu" A.m.k. er hugsun-
arhátturinn sá að, ef dýralæknir
sé til viðtals 3 tíma á dag komi inn
ákveðnar tekjur, sé dýralæknir við
í 8 tíma þ.e. fullu starfi eins og það
er kallað komi hlutfallslega meiri
tekjur inn og reksturinn sé örugg-
ur.
Fyrirsögn greinar frú Sigríðar
ber greinilega vott um þetta svo
og samþykkt félagsfundar 29. des.
1979. Við bendum á að nýting
tímans er það sem við leggjum til
grurrdvallar og reynum eftir
megni að sporna við myndun
svokallaðra „dauðra tíma“. Einnig
viljum við benda háttvirtri stjórn
á, að við sem stundum dýralækn-
ingar hér á Stór-Reykjavíkur-
svæðinu áriö um kring ættum að
þekkja eitthvað til þessara mála.
Það hefur þráfaldlega verið á það
bent, að farsælast er að sníða sér
stakk eftir vexti og miða rekstur-
inn við það sem reynslan leiddi í
ljós.
I samningum við danska dýra-
lækninn er gert ráð fyrir föstum
launum. Þessi laun þarf að sjálf-
sögðu að taka úr rekstrinum, svo
og laun aðstoðarfólks. Laun
danskra dýralækna eru töluvert
hærri en íslenzkra dýralækna og í
ljósi þessa er þessi „veðurbreyt-
ing“ í fjármálum dýraspítalans
óskiljanleg, sérstaklega þegar ekki
hefur verið hægt að tryggja þeim
íslensku dýralæknum, sem sótt
hafa um starf á dýraspítalanum
sambærileg kjör að þeirra rnati.
Þá þlasir við af þessari grein að
um leið og dýraspítalinn tæki til
starfa undir danskri leiðsögn
muni þeir íslensku dýralæknar
sem fyrir eru á svæðinu hætta
störfum við dýralækningar-»á
Stór-Rey kj avíkursvæði n u.
Allir aðilar verða að horfast í
augu við það að þó fjöldi gæludýra
og hrossa sé mikill á þessu svæði
er hann þó takmarkaður. Einnig
verðum við að gera okkur ljóst að
af þeim sjúkdómstilfellum sem
hér um ræðir eru í rauninni
ákaflega fá sem þurfa slíka að-
stöðu, sem þessi dýraspítali hefur
uppá að bjóða. Hins vegar skal
játað að rekstur dýraspítala lyftir
„standardnum" allnokkuð en að
sjálfsögðu samhliða auknum út-
gjöldum dýraeigenda.
Þar sem við þrír undirritaðir
hýggjum á samstarf á Stór-
Reykjavíkursvæðinu skrifuðum
við stjórninni bréf þann 10. jan.
1980, þar sem við athuguðum
möguleikann á að fá leigða þá
aðstöðu sem dýraspítalinn hefur
upp á að bjóða og hingað til hefur
ekki verið notuð til dýralækninga.
Af grein frú Sigríðar virðist mega
ráða að stjórn Dýraspítala Wat-
sons muni ekki vilja ganga að
þessu tilboði okkar. Og fyrra
tilboði héraðsdýralæknis virðist
hún hafa gleymt. Þrátt fyrir þetta
óskar nú stjórnin svara við nokkr-
um spurningum og á hvern hátt
við hefðum hugsað okkur rekstur-
inn. Því er til að svara, að við
höfðum hugsað okkur að tengja
rekstur spítalans því kerfi sem
þegar er fyrir hendi. Og leggja
samning þann sem áður er nefnd-
ur til grundvallar rekstri spítal-
ans.
1. Fyrstu spurningunni um opn-
unartímann hefur þegar verið
svarað hér að framan.
2. Hvort við ætlum að reka
spítalann sem aukastarf er auð-
svarað. Tveir okkar hafa dýra-
lækningar hér á höfuðborgar-
svæðinu sem aðalstarf og varia
breytist það í hjáverk þótt starf-
semin flytjist að spítalanum.
Þriðji aðilinn kemur síðar til
samstarfs að sínum vinnudegi
loknum.
3. Hvorf ætlunin sé að við
spítalann starfi sérmenntað
hjúkrunarfólk, er því til að svara,
að að sjálfsögðu krefst rekstur
dýraspítala sérþjálfaðs aðstoðar-
fólks.
4. Þá er spurt hve háa leigu við
höfum hugsað okkur að borga
fyrir spítalann. Frú Sigríður
ítrekar í lok greinarinnar að allt
frá 1977 hafi hús og tæki staðið
öllum dýralæknum til afnota og
segir svo vera enn. Það ætti því að
vera auðvelt að ná samkomulagi
um þetta atriði. Við ætlum okkur
ekki að reka dýraspítalann í fjár-
öflunarskyni og það mun varla
vera markmið Sjálfseignarfélags
Dýraspítala Watsons. Bætt þjón-
usta við dýrin hlýtur að vera
megin markmiðið með rekstri
spítalans.
5. Hvað varðar dýrageymslu á
spítalanum er augljóst, að dýra-
geymsla og sjúkrahús undir sama
þaki samrýmist ekki m.a. vegna
smithættu. Hins vegar er sjálfsagt
að starfrækja dýrageymslu í sér-
hönnuðu húsi á lóðinni, enda brýn
nauösyn á slíkri starfsemi.
Með þessu tilboði teljum við að
rekstur spítalans í samvinnu við
íslenska dýralækna hér á svæðinu
sé best tryggður. Jafnframt munu
óskir gefandans rætast, að rekstur
spítalans verði til þess að bæta
þjónustuna við dýrin enda hlýtur
það að vera megin markmiðið með
rekstri spítalans.
Með þökk fyrir birtinguna.
Brynjólfur Sandholt
Ilelgi Sigurðsson
Eggert Gunnarsson.
KENWOOD
heimilistæki
spara fé og fyrirhöfn