Morgunblaðið - 12.02.1980, Blaðsíða 44

PLAST
ÞAKRENNUR ^
Sterkar og endingargóðar
Hagstætt verð
cSb Nýborg?
Ármúla 23 — Sími 86755

Lækkar
hitakostnaðinn
ÞRIÐJUDAGUR 12. FEBRÚAR 1980
Suðurlandsvegur:
18 ára piltur
lézt í bílslysi
BANASLYS varð á Suðurlandsvegi í íyrrinótt. Nýleg Willy’s
Jeepstar-biíreið valt út af veginum í brekkunni við Lögberg og lézt
ökumaðurinn, 18 ára gamall piltur úr Reykjavík, samstundis að því er
talið er.
Það var ekki fyrr en klukkan
10.20 í gærmorgun að lögreglunni
barst tilkynning um að bifreið
lægi á hliðinni nokkuð frá vegin-
um, hálfgert í hvarfi við veginn.
Ákvörðun um
stöðvun loðnu-
veiða í dag?
STEINGRÍMUR Hermanns-
son, nýskipaður sjávarútvegs-
ráðherra, mun væntanlega í
dag taka ákvörðun um hversu
lengi enn verður leyft að
veiða loðnu i bræðslu. Sagði
ráðherrann í gær, að í dag
myndi hann eiga fund með
fiskifræðingum og má vænta
ákvörðunar að þeim fundi
loknum.
Loðnuaflinn á vertíðinni er
nú orðinn iiðlega 240 þúsund
lestir og rætt hefur verið um
að geyma 50—60 þúsund lestir
til hrognatöku og loðnufryst-
ingar í lok vertíðar. Ráðherr-
ann sagði að stöðva yrði veið-
arnar með tveggja sólarhringa
fyrirvara.
Mikil loðnuveiði var á
sunnudag og í gær var til-
kynnt um meiri afla til Loðnu-
nefndar en nokkru sinni áður
frá upphafi loðnuveiða hér við
land. Sjá bls. 2.
Var komið að piltinum látnum í
bifreiðinni. Eftirgrennslan leiddi í
ljós, að pilturinn var að koma frá
Þorlákshöfn, þar sem hann stund-
aði sjóróðra. Samkvæmt fram-
burði skipsfélaga piltsins lagði
hann af stað til Reykjavíkur um
eittleytið í fyrrinótt og er talið að
slysið hafi samkvæmt því orðið
nokkru fyrir klukkan tvö um
nóttina. Bifreiðin fór út af vinstra
megin og er mjög mikið skemmd
ef ekki ónýt.
Að ósk lögreglunnar verður
nafn piltsins ekki birt að svo
stöddu.
Frá flokksróðsfundi sjálfstæðismanna s.l. sunnudag. Geir Haligrímsson formaður Sjálfstæðisflokks-
ins, Olafur G. Einarsson formaður þingflokks sjálfstæðismanna, Friðjón Þórðarson dóms- og
kirkjumálaráðherra og Pálmi Jónsson landbúnaðarráðherra ræðast við. Sjá frétt um fundinn á bls. 3
og forystugrein blaðsins. Ljfam. mu. ól k. m.
Geir Hallgrímsson á Alþingi í gær:
Oskalfeti ríkisstjómar kostar 25 mill-
iarða í ár — 35 milljarða á næsta ári
- engar tillögur um tekjuöflun
Stjórnarsáttmálinn minnir
einna helzt á óska- og loforða-
lista en úttekt á þessum loforða-
lista sýnir, að hann mun kosta
allt að 25 milljarða á þessu ári
og 35 milljarða á næsta ári,
sagði Geir Hallgrimsson í um-
ræðum á Alþingi í gær um
málefnasamning rikisstjórnar
Gunnars Thoroddsens. Hins veg-
ar örlar hvergi á visbendingu
um tekjuöflun á móti þessum
útgjöldum, sagði formaður
Sjálfstæðisflokksins.
Geir Hallgrímsson benti á, að
lofað væri óbreyttum vöxtum
Sex islenzkir skiðamenn verða meðal keppenda á Vetrarólympiuleikunum, sem hefjast í Lake Placid í
Bandarikjunum á morgun, þeir eru Steinunn Sæmundsdóttir, Sigurður Jónsson, Björn Olgeirsson,
Haukur Sigurðsson, Ingólfur Jónsson og Þröstur Jóhannesson. íslenzki fáninn var dreginn að húni í
Ólympíuþorpinu í gær og s^jást þau fremst á þessari mynd feðginin Steinunn og Sæmundur óskarsson.
formaður Skiðasambands Islands.
(AP-simamynd)
fyrst í stað en jafnframt væri
talað um verðtryggingu spari-
fjár, sem þýðir, að útlán verða
einnig verðtryggð. Þetta þýðir að
vaxtakostnaður hlýtur að stór-
hækka.
í stjórnarsáttmálanum segir,
að verðhækkánir megi ekki vera
nema 8%, 7% og 5% næstu þrjá
ársfjórðunga eftir 1. maí. En
hvað gerist, ef kaupgjald hækkar
um 40% og annar tilkostnaður
samsvarandi en verðlagi verður
haldið innan við 25% ?
Geir Hallgrímsson benti á, að í
skattamálum væri ekki talað um
að fella niður skatta vinstri
stjórnar. Ekki væri minnst á
lækkun skatta á almennum
launatekjum, eins og nauðsyn-
legt væri að gera. í stjórnarsátt-
málanum væri rætt um að ljúka
breytingu á kjördæmaskipun og
kosningarétti fyrir lok kjör-
tímabilsins. Það er óhjákvæmi-
legt, sagði Geir Hallgrímsson að
fá fram nauðsynlega breytingu
til jöfnunar á kosningarétti ekki
síðar en á næsta vetri og tryggja,
að um þetta mál verði kosið í
næstu kosningum, sem búast má
við fyrr en kjörtímabilinu lýkur.
Sjá nánari frásögn á siðu 16.
Hægt landsig við Kröf lu
en margir jarðskjálftar
UM KLUKKAN 23 á sunnudagskvöld byrjaði mikil skjálftahrina á
Kröflusvæðinu og fylgdi henni kvikuhlaup í suðurátt og landsig. Það
var þó mjög hægt er síðast fréttist í gærkvöldi og miðað við
hallamælingar er það ekki mikið kvikumagn, sem hleypur suður á
bóginn miðað við fyrri umbrotahrinur.
Fyrstu upptök skjálftanna voru
við suðurbrún Kröfluöskjunnar,
en í gæhkvöldi voru upptök
jarðskjálftanna syðst í Hrossadal
í námunda við Bjarnarflag.
Stærstu skjálftarnir, sem mælzt
höfðu í gærkvöldi voru rúmlega 2
stig á Richter-kvarða, en fjöldi
þeirra hins vegar mikill. Fólk í
Reynihlíð vaknaði í fyrrinótt við
skjálftana og hvininn, sem þeim
fylgdi.
Landsigið var í gærkvöldi orðið
um 2 sm frá upphafi hrinunnar, en
það er mjög lítið miðað við það
sem gerzt hefur í mestu umbrota-
hrinunum á þessum slóðum. Þá
hefur landið sigið á annan metra á
2—3 sólarhringum. Landsig hefur
reyndar verið merkjanlegt frá
mánaðamótum, en mjög lítið.
Þremur jarðskjálftamælum var
bætt við á svæðinu gær og eru það
því sex mælar, sem nú nema
skjálftana. Tveir jarðfræðingar
eru í Reykjahlíð og stöðug vakt er
á skjálftavaktinni þar.
Almannavarnanefndin í Mý-
vatnssveit kom saman til fundar
síðdegis í gær og þar var vakt í
gærkvöldi.
gærkvöldi og í nótt og varðstða í
Námaskarði. í gær varð ekki vart
jarðrasks á yfirborði.
Féll milli
tveggja báta
og slasað-
ist mikið
ÞAÐ slys varð í Skipasmíða-
stöð Njarðvíkur um hálf tíu-
leytið s.l. laugardagskvöld að
21 árs gamall sjómaður féll
niður á milli tveggja báta, sem
voru í slippnum. Maðurinn
féll 614 metra niður á stein-
steypt plan og slasaðist mikið.
Er talið að hann hafi höfuð-
kúpubrotnað, handleggsbrotn-
að og ökklabrotnað auk þess
sem hann hlaut fleiri meiðsli.
Maðurinn var skipverji á
öðrum bátnum og þurfti hann
að komast um borð. Stigi var
ekki upp í bátinn en hins vegar
var stigi upp í bátinn við
hliðina. Fór hann upp í þann
bát og hugðist stökkva yfir í
sinn bát, en tveir metrar voru á
milli bátanna. Tókst svo illa að
maðurinn féll á milli bátanna.
Félagi hans var í bíl skammt
frá og kom hann boðum til
lögreglunnar í Keflavík.