Morgunblaðið - 26.02.1980, Blaðsíða 1

Morgunblaðið - 26.02.1980, Blaðsíða 1
48 SÍÐUR MEÐ 8 SÍÐNA ÍÞRÓTTAKÁLFI 47. tbl. 67. árg. ÞRIÐJUDAGUR 26. FEBRÚAR 1980 Prentsmiðja Morgunblaðsins. Stjórnin í Kabúl valdalaus: Rússar ráða öllum málum í Afganistan Kahul. Washinitton. Bonn. 25. fehrúar. AP. STJÓRNIN i Kabúl virðist nú vera algjörlega valdalaus eftir þau miklu I átok og verkföll sem vcrið hafa i landinu siðustu daga. Opinberir starfsmenn virtu að vettugi skipanir um að snúa til vinnu og var starfsemi opinberra stofnana þvi lömuo. Þá voru búðir lokaðar fimmta daginn i röð. Hodding Carter. talsmaður bandariska utanrikisráðuneytisins, sagði i dag, að opinberir starfsmenn i Kabúl hcfðu flestir snúið til vinnu sinnar, en verzlanir væru þó lokaðar. Stangast þær fullyrðinKar á við frásagnir vitna og erlendra fréttamanna i Kabúl. Carter sagði. að bardagar væru enn viða i borginni og að likur bentu til að enn fleiri hefðu fallið i bardögum siðustu daga en skýrt hefur verið frá. Heimildir hermdu, að yfir 300 óbreyttir borgarar hefðu fallið i bardögunum og að auki margir sovézkir og afganskir hermenn. Skýrðu fréttamenn svo frá, að kyrrt hcfði verið að mestu í borginni i dag, en öflugur vörður sovézkra og afganskra hermanna og vopnaðar deildar félaga í Khalqflokknum væru á hverju strái i borginni. Sovézkir hermenn á t-55 og t-66 skriðdrekum stæðu vörð á flugvellin- um í Kabúl, við helztu brýr yfir Kabúlána og við götur sem liggja að sovézka sendiráðinu og skrifstofum ráðuneyta og höfuðstöðvum Khalq- flokksins. Afganskir hermenn í bryn- vörðum vögnum gættu helztu vega- móta í borginni og margir brynvagn- ar ækju um götur og væri stórum vélbyssum miðað á gangandi vegfar- endur. Þá reistu vopnaðar sveitir félaga í Khalqflokknum vegatálma, leituðu vopna á heimilum fólks og tækju marga til fanga. Rússar stjórna öllu Áreiðanlegar heimildir hermdu, að yfirmaður sovézka hersins í Kabúl væri í raun og veru hæstráðandi í landinu, og að stjórn landsins, sem Sovétmenn styddu dyggilega, hefði í raun ekki hemil á herskáu deildinni í Khalqflokknum. Yfirmaður sovézka hersins fékk æðstu völd í sínar hendur þegar herlög voru sett í landinu á föstudag, en stjórn sovézka og afganska hersins var fyrir skömmu sett undir einn hatt vegna aukinna ofbeldisverka og vaxandi andstöðu við veru sovézka hersins í Afganistan. Hafa Sovétmenn þá stjórn allra mála í Afganistan á sinni hendi. Karmal fer huldu höfði Babrak Karmal forseti, sem komst til valda við byltingu Sovétmanna 27. desember síðastliðinn, hefur ekki sézt opinberlega í þrjár vikur. Óstað- Veik staða Kennedys Coneord, New Hampshire, 25. febrúar. AP. EDWARD M. Kennedy öld- ungadeildarmaður nýtur að- eins fylgis 30 af hundraði demókrata í New Hampshire miðað við 55 af hundraði, fylgis Carters**forseta, sam- kvæmt skoðanakönnun blaðs- ins Boston Globe, sem birt var idag. New Hampshire er sagt vera eitt helzta vígi Kennedys, og tapi hann fyrir Carter í for- kosningunum er allt eins búist við að hann dragi sig í hlé úr keppninni um útnefningu Demókrataflokksins við for- setakosningarnar í haust. Kennedy hefur viðurkennt op- inberlega að hann standi höll- um faeti í fylkinu. Sjá nánar frétt á bls. 12 og 46. festar fregnir herma að hann hafi leitað skjóls í sovézka sendiráðinu, en þess gætir öflugur hervörður. Stjórnvöld í Bonn lýstu yfir því, að ekkert væri hæft í fréttum um að Carter Bandaríkjaforseti hefði beðið Willy Brandt fyrrum kanslara um að hafa milligöngu í deilu vestrænna ríkja og kommúnistaríkja A-Evrópu vegna Afganistanmálsins. Flokkur Brandts tilkynnti hins vegar, að kanslarinn fyrrverandi væri reiðu- búinn að taka að sér milligöngu. Josip Vrhovec utanríkisráðherra Júgóslavíu sagði fréttamönnum í Nýju-Delhi í dag, aö fyrsta skrefið til lausnar deilunni um Afganistan væri að Sovétmenn hyrfu þaðan með heri sína. Hann sagði að indversk og júgóslavnesk stjórnvöld væru andvíg íhlutun erlendra ríkja í mál sjálf- stæðra ríkja, og að það væri skoðun þeirra að hlutlaus ríki væru fórnar- lömbin í baráttu stórveldanna. Afganskur diplómat skýrði frá því í dag, að varaforseti Afganistans, sem sagður var hafa dáið í sjúkra- húsi í Moskvu eftir skotbardaga í höll alþýðunnar í Kabúl 7. nóvember, væri í Moskvu þar sem hann væri óðum að jafna sig eftir meðferð við magasári. Diplómatinn sagði, að varaforsetinn, Sultan Ali Kisht- mand, hefði verið lagður inn á sjúkrahús í Moskvu 7. febrúar síðastliðinn, en sömu heimildir og skýrðu frá láti hans sögðu, að þann dag hefði Mahmud Baryalay, bróðir Karmals forseta, fallið í skotbardaga í aðsetri stjórnarinnar í Kabúl. Fallbyssuþyrla sovézka hersins á sveimi yfir Kabúl, höfuðborg Af- ganistans. Herlög voru sett i landinu á föstu- dag og hafa miklir bar- dagar geisað i borginni og viðar um helgina. Myndina tók frétta- maður japanska blaðs- ins Yomiuri Shimbun. Simamynd — AP. Verkfall bílstjóra Frá fréttaritara Morgunblaosins i ósló i gœr. VEGNA verkíalls bifreiðastjóra almenningsvagna i eigu einka- fyrirtækja urðu yfir 100.000 manns á Óslóarsvæðinu að koma sér með öðrum hætti til vinnu i gær. — Laure. B-29 sprengjuf lugvél til Kef lavíkur í dag? Limestone. Maine, 25. fehrúar. AP. SÍÐASTA B-29 sprengjuflugvél- in i eigu bandariska flughersins hefur kvatt Bandarikin fyrir fullt og allt og hélt áleiðis til London i dag með millilending- um á Grænlandi og íslandi. Gert hafði verið ráð íyrir, að vélinni yrði flogið i dag, mánudag, i einum áfanga frá Gander á B-29 sprengjuflugvél. Eina „eftirlifandi" vél þessarar tegundar er væntanleg til Keflavikurflugvallar i dag. Vélin er i eigu bandariska f lughersins, en hef ur verið lanuð til Bretlands, þar sem henni verður komið fyrir á safni. Nýfundnalandi til Keflavíkur- flugvallar, en vegna veðurs var aðeins flogið til Syðri-Straum- fjarðar. B-29 vélin er sömu gerðar og vélin sem varpað var úr kjarn- orkusprengjum á Nagasaki og Hiróshima í seinni heimsstyrj- öldinni. Þessi vél, sem nefnist „It's Hawg Wild," var ekki í notkun í seinni heimsstyrjöld- inni, en var hins vegar mikið notuð í Kóreustríðinu. Vélin er á leið á safn í London. Ferðin hefur sóst heldur seint til þessa vegna bilanna en lagt var upp frá Tucson í Arizona í byrjun janúar. Bylting í Surinam Paramaribo, Haag, 25. febrúar AP. BYLTING var gerð í Sur- inam i dag er undirfor- ingjar úr her landsins náðu á sitt vald höfuð- stoðvum lögreglu landsins og ýmsum öðrum opinber- um byggingum eftir átta klukkustunda bardaga, þar sem a.m.k. sex manns féllu. Látið var til skarar skríða um miðja nótt og voru þá höfuð- stöðvar lögreglunnar að hálfu eyðilagðar í sprengjuárás. Rofið var allt fjarskiptasamband við umheiminn, en í tilkynningu uppreisnarmanna, sem send var út á fjarrita, sagði að lýðræði yrði haft í heiðri í landinu og hagsmunir íbúa ávallt bornir fyrir brjósti í aðgerðum nýju valdhafanna. Ekki heyrðist frá Henck Arr- on forsætisráðherra né ráðherr- um hans og er ekki vitað hvar þeir voru niðurkomnir. Herinn hafði náð yfirhöndinni er á leið daginn og var allt með kyrrum kjörum í landinu. Lögreglan veitti uppreisnarmönnum nokkra mótspyrnu, en var yfir- buguð. Kunnugir sögðu að bylt- ingin ætti rætur að rekja til óánægju hersins með laun og aðbúnað hermanna. Óbreytt ástand Belgrad, 25. febrúar. AP. LÆKNAR Títós forseta skýrðu frá því, að líðan forsetans væri óbreytt og væri hann enn með lungnabólgu. Þá væru nýru forset- ans enn óstarfhæf og hann af þeim sökum hafður í sérstakri nýrnavél.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.