Morgunblaðið - 09.03.1980, Blaðsíða 20

20
MORGUNBLAÐIÐ, SUNNUDAGUR 9. MARZ 1980
Veiöiferð, kvikmynd þeirra
Andrésar Indriðasonar og Gísla
Gestssonar, var frumsýnd í Aust-
urbæjarbíói í gær. Hún er önnur
íslenzka kvikmyndin, sem er
frumsýnd á tiltölulega skömmum
tíma og er vottur um þá grósku,
sem einkennir kvikmyndagerö á
íslandi í dag. Veiðiferð er fyrsta
íslenzka kvikmyndin, sem er ein-
göngu hljóöunnin á íslandi svo að
hún markar þáttaskil í kvik-
myndasögu okkar að því leyti.
Veiöiferö er — eins og þær
íslenzkar kvikmyndir, sem hafa
verið unnar undanfarin misseri,
dæmi um þá dirfsku og þaö
áræði, sem einkennir íslenzka
kvikmyndageröarmenn. Þrátt
fyrir erfið skilyrði hafa kvikmynda-
geröarmenn gengiö á brattann og
vissulega gefa þær íslenzku
myndir sem hafa veriö unnar á
skömmum tíma fögur fyrirheit.
Loks virðist íslenzk kvikmynda-
gerð vera aö ná sér á strik.
„Mynd fyrir alla
fjölskylduna“
„Við fórum út í þessa kvik-
myndagerð af bíræfnislegri
bjartsýni. Og i sannleika sagt þá
held ég að ég leggi ekki slíkt á
mig aftur. Þennan mánuð sem við
dvöldum á Þingvöllum þá fórum
við á fætur klukkan sex á morgn-
ana og voru búin þetta klukkan
tvö til þrjú á nóttunni. Enda var
það svo, að þegar ég fór með
spólurnar út til Englands og
hafði skilað þeim af mér þá svaf
ég samfellt í rúman sólarhring,"
sagði Gísli Gestsson, annar fram-
leiðandi Veiðiferðar í samtali við
blaðamann Mbl.
En Gísli var ekki bara fram-
leiðandi, eins og honum segist
sjálfum frá: „Ég var allt í senn,
framleiðandi, kvikmyndatöku-
maður og kokkur. Yfirleitt er það
nú svo, að maðurinn á bak við
linsuna hefur 2 til 3 aðstoðar-
menn en því var ekki að dreifa.
Raunar held ég að við höfum sett
heimsmet þarna austur á Þing-
völlum og þá á ég við hve fáliðuð
við vorum. Þegar ég tala um, að
standa ekki í svona ævintýri
aftur þá á ég fyrst og fremst við
það hve fáliðuð við vorum. Ég
mundi ekki vilja fara út í slíkt
ævintýri með jafn fámennt lið og
við höfðum, þó auðvitað vonist ég
til að taka þátt í fleiri kvikmynd-
um.“
Var langur aðdragandi að
myndinni ykkar — hún hefur
ekki verð bara vegna barnaárs-
ins.
Spjallað við Gísla
Gestsson, en hann
er framleiðandi
Veiðiferðar ásamt
Andrési Indriða-
syni
„Jú, það má segja að langur
aðdragandi hafi verið að þessari
mynd. Við Andrés Indriðason
höfum verið að gerja þetta með
okkur síðastliðin tvö ár. Andrés
samdi síðan handritið og útslagið
gerði að við fengum 5 milljón
króna styrk úr kvikmyndasjóði.
Það hleypti í okkur kjarki og má
segja að hafi verið ákaflega
mikilsverður móralskur stuðn-
ingur. Myndin er því ekki bara af
því það var barnaár á síðastliðnu
ári. Hún er hugsuð sem fjöl-
skyldumynd og við höfðum reynt
að stilla miðaverði mjög í hóf.“
Hverngi gekk svo kvikmynda-
takan fyrir austan?
„Ja, það er saga frá því að
segja. Fyrstu sjö dagana ringdi
stanzlaust og brúnin á okkur var
orðin anzi þung og við sáum fyrir
okkur gjaldþrot. Þessa sjö fyrstu
daga var kostnaður 7 milljónir
svo að útlitið var ekki gott. En á
áttunda degi skein sólin og brún-
in lyftist á öllum. Sólin skein í
Þeir Andrés Indriðason
og Gísli Gestsson afhenda
Kristni G. Árnasyni í Aust-
urbæjarbíó spólurnar að
myndinni Veiðiferð.
heiði út allan júlímánuð og alltaf
batnaði veðrið og allt gekk eins
og Í Sögu.
Það hjálpaði mikið að við
höfðum æft allt mjög vel áður en
við komum austur, allir vissu
hvað þeir áttu að gera, allt
þrautskipulagt. Leikararnir voru
mjög hjálplegir, hvort heldur var
fyrir framan myndavélina eða við
að aðstoða að tjaldabaki. Allir
lögðu sitt lóð á vogarskálina".
Mikið fyrirtæki, ekki satt?
„Jú, gífurlet en segja má að
síðasta áratuginn hafi ég verið að
viða að mér tækjum. Ég hef
starfað við heimilda- og auglýs-
ingamyndir. Kostnaður við
myndina er 40 milljónir króna,
þetta er í raun áhætta upp á 40
milljónir og við þurfum 40 millj-
ónir króna til að ná kostnaði inn.
Nú þess má geta, að þetta er
fyrsta myndin sem er hljóðunnin
á Islandi. Hún var hljóðunnin í
vinnustofu Kot h.f. en það er
sameiginleg vinnustofa kvik-
myndagerðarmanna."
Og nú er stóra stundin runnin
upp.
„Já, stóra stundin er runnin
upp. Spólurnar eru komnar í
dósirnar og engur verður breytt
héðan í frá. Ég vona og held að
bjart sé framundan í íslenzkri
kvikmyndagerð og ef það kemur í
Ijós að fólk metur það sem við
erum að gera, þá veitir það manni
bjartsýni og kraft til að fást við
ný verkefni."
Segir Andrés
Indriðason
leikstjóri
„Kveikjan að því, að við ákváð-
um að ráðast í þetta verk er sú að
við fengum úthlutun úr kvik-
myndasjóði ríkisins fyrir réttu
ári,“ sagði Andrés Indriðason leik-
stjóri myndarinnar í samtali við
Mbl., en hann og Gísli Gestsson
eru framleiðendur myndarinnar.
„Ég hófst síðan handa við að
skrifa handritið í aprílmánuði sl.
og æfingar hófust í júní. Taka
myndarinnar fór síðan fram á
Þingvöllum í júlímánuði. Töku-
dagar voru alls 19 og við urðum að
hafa okkur alla við að nota
sólargeislana þegar þeir komu.
Alls eru það um 40,manns sem
koma fram í myndinni, en leikarar
í stórum hlutverkum eru sautján.
Þar að auki vorum við fjögur sem
unnum að gerð myndarinnar,
Gísli sá um kvikmyndatökuna, Jón
Kjartansson annaðist hljóðupp-
tökuna og Valgerður Ingimars-
dóttir var „skrifta".
Ég vil sérstaklega taka það
fram að allt samstarf gekk mjög
vel fyrir sig og sem dæmi um
velvilja leikaranna þá má geta
þess að þeir fá allir laun sín greidd
eftir á,“ sagði Andrés ennfremur.
Þá kom það fram hjá Andrési að
myndin yrði frumsýnd samtímis í
Austurbæjarbíói í Reykjavík og
Borgarbíói á Akureyri. Heildar-
kostnaður myndarinnar var um 40
milljónir króna og sagði Andrés
að um 40 þúsund áhorfendur
þyrfti ef fyrirtækið ætti að borga
sig fjárhagslega, en verði
aðgöngumiða verður stillt í hóf,
kosta þeir -1800 krónur. Myndin er
að sögn Andrésar fyrir fólk á
öllum aldri, reyndar megi segja að
hún sé mynd fyrir alla fjölskyld-
una.
Að síðustu kom það fram að í
bígerð væri að fara með myndina
víðar um land að lokinni sýningu í
Reykjavík og Akureyri þannig að
sem allra flestir landsmenn ættu
kost á að sjá hana.
í íslenzkri náttúru, —
þau Einar Einarsson og
Auður Elísabet Guðmunds-
dóttir í hlutverkum sinum.