Morgunblaðið - 18.05.1980, Page 23

MORGUNBLAÐIÐ, SUNNUDAGUR 18. MAÍ1980
71
fclk í
fréttum
Þcssi föngulegi hópur ungra stúlkna keppti um titilinn Ungfrú Útsýn, en lokakeppnin fór fram á
Hótel Sögu, Súlnasal. Stúlkurnar eru, fremri röð frá vinstri: Birgitta Baldursdóttir, Kristín
Ingvadóttir, Svava Þ. Johansen, Margrét Alice Birgisdóttir, sem varð hlutskörpust í keppninni, Linda
H. Haraldsdóttir og Hildur Hiimarsdóttir.
í aftari röð eru, talið frá vinstri: Ingibjörg Sandholt, Kristín Sandholt, Halldóra D. Kristjánsdóttir,
Unnur Pétursdóttir, Kristín Berg Pétursdóttir og Ástríður Ástráðsdóttir.
Spegill, spegill, herm þú mér
Tólf stúlkur kepptu til úr-
slita um titilinn Ungfrú Útsýn
MARGRÉT Alice Birgisdóttir
var nýlega kjörin Ungfrú Út-
sýn á Utsýnarkvöldi á Hótel
Sögu. Alls kepptu tólf stúlkur
til úrslita í keppninni að þessu
sinni, og fengu þær allar ferða-
vinning fyrir þátttökuna, auk
fleiri gjafa.
Útsýnarkvöld eru fyrir löngu
orðinn fastur liður í skemmtana-
lífi landsmanna, einkum á höf-
uðborgarsvæðinu, en einnig
víðar um land þar sem skemmt-
anirnar hafa verið haldnar. Þá
eru fegurðarsamkeppnirnar
einnig orðinn árviss atburður,
sem vekur mikla athygli hverju
sinni.
Óðal feðranna frum-
sýnd í næsta mánuði
VINNU við kvikmyndina Óðal
feðranna, sem gerð er af Hrafni
Gunnlaugssyni og fleirum, er
nú alveg að ljúka, og verður
myndin væntanlega frumsýnd í
lok júnimánaðar. Ekki er enn
alveg frágengið hvaða kvik-
myndahús verða fyrir valinu.
en rætt hefur verið um Háskóla-
bíó og Laugarásbió.
Með aðalhlutverkin í mynd-
inni fara þau Jakob Þór Einars-
son og Hólmfríður Þórhallsdótt-
ir, en alls koma þrjátíu og sjö
leikarar við sögu í myndinni.
Tónlist við myndina gerðu þeir
Gunnar Þórðarson og Magnús
Eiríksson.
Myndin er nú í lokavinnslu í
Svíþjóð, þar sem aðstandendur
hennar voru fyrir skömmu, með-
al annars við frágang á hljóði.
Öll hljóðsetning hefur að sögn
gengið mjög vel, og heyrst hefur
að þetta muni verða fyrsta
íslenska kvikmyndin með óað-
finnanlegu hljóði, en nokkuð
hefur þótt skorta þar á hingað
til.
Sem fyrr segir mun myndin
verða frumsýnd í lok næsta
mánaðar, en hún er af venjulegri
lengd, rétt tæpar 100 mínútur í
sýningu.
Þessi mynd var tekin í sumar, þegar unnið var að upptöku á
síðustu atriðunum á kvikmyndinni Oðal feðranna, en hún verður
frumsýnd í næsta mánuði. Á myndinni eru, Jóhann Sigurðsson
leikari, Hrafn Gunnlaugsson leikstjóri og Jón Þór Hannesson
hljóðupptökustjóri. Ljósm: Ragnhcidur Harvey.
Skólastjóri verður ritstjóri
Afráðið er að Kristinn G.
Jóhannsson skólastjóri í ólafs-
firði taki við ritstjórn blaðsins
íslendings á Akureyri nú í
sumarbyrjun. Ritnefnd nokk-
urra manna hefur séð um út-
gáfu fslendings að undanförnu
ásamt Gunnari Berg frétta-
stjóra, eða frá því að Gísli
Sigurgeirsson ritstjóri lét af
störfum við blaðið. Gísli starfar
nú sem blaðamaður við Vísi, en
hefur aðsetur á Akureyri.
Kristinn G. Jóhannsson er
kunnur um allt Norðurland, og
raunar víðar. Hann hefur getið
sér gott orð sem skólastjóri á
Kristinn G. Jóhannsson skóla-
stjóri.
Ólafsfirði, auk þess sem hann
hefur verið ein helsta driffjöður-
in í leiklistarstarfsemi kaup-
staðarins. Þá hefur Kristinn
látið til sín taka á fleiri sviðum
lista, er til dæmis rómaður
listmálari. Þá er hann einnig
kunnur fyrir skemmtilega út-
varpsþætti er hann annaðist
fyrir fáum árum.
Munu aðstandendur íslend-
ings hugsa gott til glóðarinnar,
að fá nú þennan hæfileikamann
til starfa, en jafnframt mun
hans verða saknað úti í Ólafs-
firði.
Ivan Rebroff, mikilúðlegur á að sjá, klæddur loðpelsi á sviði
Háskólabíós. Myndina tók Kristján Einarsson.
Rebroff og
íslenska
mjólkin
Drekkur venjulega tvo lítra mjólkur daglega,
en jók neysluna hér á landi upp í sex lítra!
Þýsk-rússneski stórsöngvar-
inn Ivan Rebroff er landsmönn-
um enn í fersku minni, eftir að
hann hélt tónleika við góðar
undirtektir víða um land. Hann
fór létt með að fylla Háskólabió,
og fólk beið í ofvæni eftir að sjá
hann og heyra í Sjallanum á
Akureyri. Þá kom hann til
Grímseyjar, söng þar og
skemmti sér með eyjarskeggj-
um. og svo mætti lengi telja.
Þá kom það þægilega við
þjóðarstolt landans, að hinn
heimsfrægi söngvari lét falleg
orð falla um íslenskt kvenfólk og
um hreina loftið hér, auk þess
sem hann rómaði kaffið og að
ekki sé minnst á hákarlinn og
brennivínið!
En það var fleira, sem hetju-
söngvarinn kunni að meta hér á
landi; nefnilega íslenska
mjólkin. Agnar Guðnason sagði
Morgunblaðinu eftirfarandi
sögu:
„Hinn mikli gleðimaður og
söngmaður, Ivan Rebroff, heldur
heilsu sinni og söngkröftum
þrátt fyrir mikið álag. Er hann
dvaldi hér á landi fyrir skömmu
fór hann meðal annars austur
fyrir Fjall.
Þar kom hann á heimili dýra-
læknisins í Laugarási, en hann
er kvæntur þýskri konu. Söngv-
aranum var boðið upp á kaffi, en
hann bað þá heldur um mjólk.
Sagði hann húsráðendum, að
hann drykki að jafnaði tvo lítra
mjólkur daglega. En síðan hann
hefði komið til íslands drykki
hann sex lítra á dag! Hér á landi
væri nefnilega að fá bestu mjólk
sem hann hefði bragðað!
— Það er því ef til vill athug-
andi fyrir fólk með takmarkað
raddsvið að drekka meiri mjólk,
og ná betri árangri,“ sagði Agn-
ar að lokum.