Morgunblaðið - 16.08.1980, Blaðsíða 27

MORGUNBLAÐIÐ, LAUGARDAGUR 16. ÁGÚST 1980
27
Hafliöi Helgason
- Minningarorð
Hafliði Helgason, frændi minn,
lézt á Borgarspítalanum hér í
Reykjavík hinn 8. júlí sl.
Hann fæddist á Siglufirði þann
31. ágúst árið 1907, fyrsta barna-
barn afa okkar og ömmu, Hafliða
Guðmundssonar og Sigríðar Páls-
dóttur.
Hann var einkabarn foreldra
sinna, Helga Hafliðasonar kaup-
manns og útgerðarmanns á Siglu-
firði og konu hans Sigríðar Jóns-
dóttur, ættaðri úr Fljótum í
Skagafirði. Helgi móðurbróðir
minn var mikill atorku- og dugn-
aðarmaður og komst því fljótt í
góð efni á þeirra tíma mæli-
kvarða. Sigríður var mikil fríð-
leikskona og orðlögð fyrir reisn
sína og myndarskap og var heimili
þeirra eitt hið glæsilegasta á
Siglufirði. Þegar ég man fyrst
eftir mér, var það mikil tilhlökkun
og viðburður að fara í heimsókn í
„Helgahús".
Hafliði ólst upp við ást og
umhyggju foreldra sinna. Ungur
fór hann að heiman í skóla, fyrst í
Gagnfræðaskóla Akureyrar, síðan
í Menntaskólann í Reykjavík, og
lauk þaðan stúdentsprófi vorið
1928.
Um það leyti urðu miklar breyt-
ingar á högum Hafliða. Foreidrar
hans höfðu slitið sambúð og eftir
það hélt hann heimili með móður
sinni og fór strax að vinna, svo
ekki varð úr frekara framhalds-
námi. Alltaf var mjög kært með
þeim feðgum unz Helgi andaðist
árið 1938.
Ég var stödd í Svíþjóð hjá
systur minni þegar Hafliði frændi
okkar lézt. Við systurnar fórum að
rifja upp minningar frá æsku
okkar á Siglufirði. Það voru mjög
náin tengsl og samgangur á milli
allra ættingjanna, því öll börn
Hafliða hreppstjóra voru búsett á
Siglufirði, nema fóstursystirin,
sem giftist til Noregs. Einkum er
okkur minnisstætt, að Hafliði
reyndist okkur eins og bezti bróð-
ir, er við misstum föður okkar
ungar að aldri.
Sumarið 1937 kom til Siglu-
fjarðar ung og falleg stúlka úr
Reykjavík, Jóna Sigurveig Einars-
dóttir. Eins og ungt fólk á þeim
árum, þurfti hún að leita sér
atvinnu, þar sem hana var helzt að
fá, og lá þá leið margra til
Siglufjarðar.
Móðir mín seldi fæði eftir að
hún varð ekkja og var því oft
margt ungt fólk saman komið í
gamla „Hafliðahúsinu". Þar bar
fundum þeirra Hafliða og Jónu
fyrst saman, þvi hann var dagleg-
ur gestur hjá okkur og hún
vinkona mín og kostgangari.
Hinn 28. apríl árið 1940 gengu
þau í hjónaband og lifðu í ástríkri
sambúð í rúm 40 ár. Á hinu fallega
heimili þeirra við Lindargötu á
Siglufirði var oft mjög gestkvæmt,
ekki sízt á sumrin þegar ættingjar
og vinir komu til Siglufjarðar og
það var tekið á móti öllum af
gestrisni og hlýju. Sigríður, móðir
Hafliða, bjó hjá þeim þar til hún
lézt árið 1960.
Hafliði og Jóna eignuðust fimm
syni, sem allir eru velgerðir og
velgefnir eins og foreldrar þeirra,
og barnabörnin eru orðin tíu.
Hafliði var mjög greindur mað-
ur og afar listhneigður. Hann var
vel drátthagur, hafði leiklistar-
hæfileika og lék oft með Leikfélagi
Siglufjarðar á yngri árum. En
fyrst og fremst átti tónlistin hug
hans og sjaldan held ég að hann
hafi notið sín betur en þegar hann
settist að píanóinu í góðra vina
hópi og lék allt, sem viðstaddir
óskuðu að heyra.
Starfsferil Hafliða rek ég ekki
hér, það hafa aðrir gert. Eftir að
hann lét af störfum sem útibús-
stjóri Útvegsbankans á Siglufirði
dvöldu þau hjónin oft hér fyrir
sunnan, enda fjórir synirnir, og
fjölskyldur þeirra, búsettir hér í
Reykjavík. Hafliði unni heimabæ
sínum Siglufirði og helgaði honum
alla starfskrafta sína.
Ég sendi Jónu, sonum hennar,
tengdadætrum og barnabörnum
samúðarkveðjur okkar systranna,
og óskum þeim alls góðs í framtíð-
inni.
Blessuð sé minning Hafliða
Helgasonar.
Þessi fáu kveðjuorð frá okkur
systrunum, vil ég enda með síð-
asta erindi úr kvæði, sem ort var
til ömmu okkar og ég fann í fórum
móður minnar eftir lát hennar:
„Vér frlum kuAí þÍM *>k börnin þín
(>K þokkum alla manndáö íyrr ok síAar
þin vorftur minnst á moöan roöull skín
á morKunprúðar SÍKÍufjarðarhlidar.*4
(G.G.)
Sveinbjörg Kjaran
Norrænn fundur heilbrigðis- og félagsmála-
ráðherra í Reykjavík 18.—19. ágúst 1980
ÞEIR róðherrar á Norðurlönd-
um, sem annast heilbrigðis-, fé-
lags- og almannatryggingamál.
hittast nú árlega í löndunum á
víxl. Árið 1979 var slíkur fundur
haldinn i Tampere í Finnlandi.
1 ár er fundurinn haldinn hér á
landi og verður á Hótel Loftleið-
um dagana 18. og 19. ágúst.
Til fundarins koma dönsku ráð-
herrarnir Ritt Bjerregaard, fé-
lagsmálaráðherra, og Henning
Rasmussen, innanríkisráðherra,
finnsku ráðherrarnir Sinikka
Luja-Penttilá, heilbrigðis- og fé-
lagsmálaráðherra, og Katri-Hel-
ena Eskelinen, aðstoðarráðherra,
norski félagsmálaráðherrann
NÁTTÚRUGRIPASAFN-
IÐ á Akureyri efndi til
náttúruskoðunarferðar
um Glerárgil fyrir
skömmu. Um 70 manns
tóku þátt í ferðinni og var
gengið frá Gleráreyrum
upp á móts við Glerárbæ-
inn. Mikinn blómagróður
er þar að íinna.
Næsta skoðunarferð
verður laugardaginn 16. ág-
úst, og er áætlað að safnast
Arne Nielsen og sænsku ráðherr-
arnir Karin Söder, félagsmálaráð-
herra, og Elisabeth Holm, aðstoð-
arráðherra.
Af íslands hálfu situr Svavar
Gestsson, heilbrigðis- og félags-
málaráðherra, fundinn.
Auk ráðherranna sitja fundinn
embættismenn hinna ýmsu ráðu-
neyta, sem hér eiga hlut að máli,
svo og aðilar frá skrifstofu nor-
rænu ráðherranefndarinnar í
Oslo, þ.á m. aðalritarinn Hans
Kiihne.
Alls verða 60—70 manns á
fundinum.
Aðalumræðuefni ráðherrafundar-
ins er „Heilsugæsla á Norðurlönd-
um“ (Primárvárden i Norden).
saman við miðbrúna í
Eyjafjarðarárhólmum kl. 2
e.h. Stutt gönguferð verður
farin um Hólmana en síðan
gengið í Vaðlaskógarreit-
inn. í bakaleiðinni verður
e.t.v. litið á rústir hins
forna þingstaðar við Eyr-
arland. Jurtalíf er mikið í
Hólmunum, fjörulíf nokk-
urt og steinar í sjávarklett-
um. Áætlaður ferðatími er
þrjár til fjórar klukku-
stundir.
Á fyrri fundum hefur það yfir-
leitt tíðkast að ráðherrarnir flyttu
sjálfir inngangserindi um um-
ræðuefnið. Á fundinum í Tampere
var ákveðið að breyta til og fá
embættismann til að innleiða um-
ræður og verður Páll Sigurðsson,
ráðuneytisstjóri, framsögumaður.
Sömu daga og fundurinn stend-
ur heldur félags- og umhverfis-
málanefnd Norðurlanda fund hér
á landi. — Ráðherrarnir og nefnd-
in halda sameiginlegan fund 19.
ágúst þar sem m.a. verður rætt
um nýjan norrænan samning um
almannatryggingar, tillögu um
sameiginlegan vinnumarkað fólks
á Norðurlöndum, sem vinnur í
heilbrigðisþjónustu og áætlun um
norræna samvinnu á sviði heil-
brigðis- og félagsmála.
I norrænu félags- og umhverf-
ismálanefndinni sitja alþingis-
mennirnir Matthías Á. Mathiesen
og Pétur Sigurðsson af íslands
hálfu.
Miðvikudaginn 20. ágúst fara
ráðherrarnir ásamt nefndinni og
samstarfsmönnum sínum til
Egilsstaða. Tilefni þeirrar ferðar
er að 1975 var fjárveiting veitt frá
Norðurlandaráði til að kosta
könnun heilbrigðisþjónustunnar
við heilsugæslustöðina á Egils-
stöðum. — Þessari könnun er
lokið og hefur skýrsla komið út
um hana.
Guðmundur Sigurðsson, hér-
aðslæknir á Egilsstöðum, sem
hafði umsjón með könnuninni
mun gera grein fyrir henni á
hádegisfundi á Hallormsstað og
síðan munu ferðalangarnir skoða
heilsugæslustöðina og sjúkrahúsið
á Egilsstöðum.
Fréttatilkynning frá heil-
brigðis- og tryggingamála-
ráðuneytinu.
Náttúrugrípasafnið
á Akureyri efnir
til skoðunarferðar
Fjögur harnanna sem efnl eiga í hókinni.
Börn — bók eftir
börn gefin út í til-
efni barnaársins
RIFRILDI
Fólkift rífst <>k skammar hvort annaó
af minnsta tilrfni.
Ilver sem þú ert eóa hvert sem þú íeró.
þá muntu veróa vitni aó þessu sjáifur.
I’aó Klymur i eyrunum dairinn út «K
daKÍnn inn.
I>ú munt eflaust taka þátt í þvi sjálfur.
Er þetta veruleiki eóa er mÍK aó dreyma.
0. éK vildi aó þetta væri draumur.
Kristin Henedjktsdóttir — 12 ára.
í)r bókinni BÖRN.
Barnaársnefnd efndi nýlega
til blaðamannafundar og kynnti
nýstárlega bók sem kemur í
bókaverzlanir næstu daga. Bók
þessi nefnist BÖRN og er gefin
út af Menntamálaráðuneytinu í
tilefni af alþjóðaári barnsins.
Hún er skrifuð og myndskreytt
af börnum á aldrinum 6 til 15
ára, nema formálinn sem er
saminn af fullorðnum manni.
Áttatíu og þrjú börn hafa lagt
efni til bókarinnar og kennir þar
margra grasa, — sögur, ritgerð-
ir, Ijóð og vangaveltur um tilver-
una, auk fjölbreyttrar mynd-
skreytingar. Bókin er 65 blaðsíð-
ur, litprentuð og er útgáfan hin
vandaðasta.
Efni í bókina var aflað með
ritgerðasamkeppni sem Fram-
kvæmdanefnd alþjóðaárs barns-
ins á íslandi efndi til og fengu
þau börn sem efni eiga í bókinni
bókarverðlaun auk þess sem þau
fá tvö eintök af henni ókeypis.
Hönnun bókarinnar annaðist
Þórir Sigurðsson, námsstjóri, en
auk hans völdu efni í bókina þau
Pétur Bjarnason, Sigríður
Thorlacius og Vilborg Dag-
bjartsdóttir. Litbrá h.f. annaðist
prentun en Skólavörubúðin sér
um sölu og dreifingu bókarinnar.
Mynd úr bókinni Börn.
V í kur f r éttir
Nýtt fréttablað Keflvíkinga og
Njarðvíkinga hefur göngu sina
FIMMTUDAGINN 14. ágúst síð-
astliðinn hóf nýtt fréttablað
göngu sína og hefur það hlotið
nafnið Víkurfréttir. Það er gefið
út í Keflavík og mun efni þess
fyrst og fremst til að byrja með
einskorðað við Keflavík og Njarð-
vík, en auk þess verður gert ráð
fyrir að sameiginleg hagsmuna-
mál Suðurnesja fái einnjg sitt
rými. Upplag blaðsins verður
2.000 eintök til að byrja með og
afgreiðsla þess verður að Ilring-
braut 96, Keflavík og mun Vasaút-
gáfan annast útgáfuna. Ritstjóri
er Sigurjón R. Vikarsson og
blaðamenn Steingrímur Lilliendal
og Elías Jóhannsson.
I leiðara blaðsins segir meðal
annars: „Tilgangur með útgáfu
þessa blaðs er ekki margbrotinn
heldur er þetta aðeins tilraun til að
gefa út frétta- og þjónustublað.
Það er von okkar að almenningur
taki þessari viðleitni okkar vel og
liggi ekki á liði sínu, heldur láti
óspart til sín heyra. Blaðið stendur
öllum þeim opið sem eitthvað
liggur á hjarta. Til að byrja með
mun blaðið koma út hálfsmánaðar-
lega, en þó er stefnt að útgáfu
vikublaðs, ef vel tekst til.
Þeir sem þekkja til sjá það strax,
að þetta blað er nokkuð tengt
Suðurnesjatíðindum og geta þess
vegna spurt hvers vegna var ekki
haldið áfram með útgáfu Suður-
nesjatíðinda. Svarið er einfalt, —
það þarf fleiri en tvo til þess að
halda úti slíkri útgáfu, og þess
vegna er þetta okkar viðleitni til að
halda úti óháðu blaði hér á svæð-
inu, þó minna sé í sniðum.“