Morgunblaðið - 24.12.1980, Side 9

MORGUNBLAÐIÐ, MIÐVIKUDAGUR 24. DESEMBER 1980
41
Sigurgeir Scheving hefur leikið
og leikstýrt jöfnum höndum hjá
Leikfélagi Vestmannaeyja.
heimilisins innréttaður sem leik-
hús og fundarsalur. 10 ár eru nú
liðin síðan Leikfélagið fékk þann-
ig fast þak yfir höfuðið og býr
það nú við mjög góðar aðstæður,
sal sem rúmar nærri 200 manns,
gott svið og sviðsútbúnað, bún-
ingsherbergi og geymslur.
„Á undanförnum árum hafa
jmsir nýliðar gengið til liðs við
Leikfélagið," sagði Auðberg Óli,
„á löngum ferli félagsins hefur
það átt mjög trausta fylgismenn,
leikara og áhorfendur, og marga
frábæra leikara.
Það sem er framundan hjá
okkur þegar Aumingja Hanna er
komin á skrið undir leikstjórn
Unnar Guðjóns, þá ráðgerum við
að hefja æfingar á barnaleikriti
og er byrjað að vinna að málinu.
Nokkur verk eru í sigti og er
aðeins eftir að taka lokaákvörð-
un, en við reiknum með að reyna
að frumsýna barnaleikritið 10.
febrúar nk. á 10 ára afmæli
aðstöðunnar í Félagsheimilinu.
Það má segja að um 60—70
manns séu virkir félagar í Leikfé-
laginu og þar af er nokkur hópur
unglinga og barna, en það er
mjög mikill áhugi hjá yngsta
fólkinu í leiklistarstarfinu á
sama tíma og það er alltaf erfitt
um þessar mundir að fá karl-
menn á aldrinum 35—50 ára til
þess að taka þátt í leiksýningum.
Annars má segja að hjá okkur
sé nokkur gróska, við reynum að
halda námskeið fyrir yngstu ald-
urshópana hjá okkur og undan-
farin ár hafa verið námskeið
fyrir eldri og yngri. Við höfum
skipt þessu í 12—14 ára, 14—16
ára og 16 ára og eldri. Þar hefur
verið kennd framsögn og annað í
leiktjáningu.
Við erum ánægð með þá að-
stöðu sem við höfum, hún er
einfaldlega frábær. Salurinn
rúmar 178 gesti og við höfum
fullkomna aðstöðu á við atvinnu-
Ieikhús. Draumurinn er auðvitað
að koma atvinnuleikhúsi á stofn,
en það er ekki fjárhagslega
mögulegt að sinni.
Áð jafnaði höfum við frumsýnt
þrjú leikrit á ári og þau hafa sótt
að meðaltali 700—800 gestir
hvert leikrit.
Það hefur verið mikil lyfti-
stöng að hafa þessa góðu aðstöðu,
það auðveldar allt, en samt hefur
skipt miklu máli að eiga baráttu-
jaxlana okkar tvo, Unni sem á 30
ára leiklistarafmæli nú og Sigur-
geir Scheving, sem hefur verið í
baráttunni í 32 ár. Hann leikur
nú í Hönnu, bjargaði málinu á
síðustu stundu. Menn slá til
þegar á reynir, þessir gömlu sem
aldrei ætla að gefast upp.“
- á.j.
Margt ungt fólk hefur lagt Leikfélaginu lið á undanförnum árum.
Ljósmyndir Mbl. Sigurgeir.
Sveinn Tómasson og Unnur Guðjóns i léttri iotu.
Edda Aðalsteins hefur leikið mörg hlutverk á liðnum árum.
Edda, Ásta, Marta, Unnur og Einar rakari á sviðinu um 1970.
Galvaskur hópur leikfélagsfólks.
Ragnar Júlíusson varaborgarfulltrúi:
Fáir munu vilja gang-
ast við króanum
RAGNAR JÚLÍUSSON varaborgarfulltrúi Sjálfstæðisflokksins sagði
á fundi borgarstjórnar sem haldinn var í fyrri viku að hagsýslustjóri
Reykjavikurborgar hefði upplýst sig um að formaður frséðsluráðs.
Kristján Benediktsson, hefði vitað um gerð skýrslu hagsýsluskrifstof-
unnar, varðandi nýtingu skólahúsnæðis í borginni.
Kristján Benediktsson sagði á
fyrri fundi borgarstjórnar, þar
sem þessi mál voru rædd, að
umrædd skýrsla hefði ekki verið
gerð af frumkvæði formanns
fræðsluráðs, né heldur með vitund
eða vilja hans.
Ragnar sagði að hvergi hefði
komið fram að Kristján væri
upphafsmaður þessa verks „og úr
þessu verður örugglega erfitt að
finna upphafsmanninn, því fáir
munu vilja gangast við faðerni
króans,“ sagði Ragnar.
Kristján Benediktsson ítrekaði
við þessar umræður að skýrslan
væri ekki gerð með vitund hans
eða vilja og kallaði það „þrá-
hyggju" hjá Ragnari Júlíussyni að
gefa það í skyn að hann hefði vitað
um þetta mál.
14. þing Landssambands
vörubifreiðastjóra:
59. gr. skattalaganna
gölluð í framkvæmd
14. þing Landssambands vöru-
bifreiðastjóra var haldið dagana 6.
og 7. desember sl. Formaður
sambandsins, Einar Ögmundsson
setti þingið með ávarpi og minnt-
ist m.a. tveggja látinna forystu-
manna, þeirra Ingimars Ólasonar,
ísafirði og Þorsteins Kristinsson-
ar Dalvík.
Forsetar þingsins voru kjörnir
Valgeir Guðjónsson, Sauðárkróki
og Guðmundur Kristmundsson,
Reykjavík. Ritarar: Þórarinn Þór-
arinsson N-Þing. og Jón Sigur-
grímsson, Árnessýslu.
Á þinginu var flutt skýrsla
sambandsstjórnar og lagðir fram
og samþykktir reikningar sam-
bandsins.
Meðal samþykkta þingsins voru
eftirtaldar:
„14. þing Landssambands vöru-
bifreiðastjóra haldið 6.-7. des.
1980, telur að 59. gr. skattalag-
anna sé það gölluð í framkvæmd
að ekki verði hjá því komist að
endurskoða þessa grein laganna,
þannig að einungis verði lagt á
rauntekjur manna.“
„14. þing landssambands vöru-
bifreiðastjóra felur stjórn sam-
bandsins að halda áfram því starfi
sem hafið er af fráfarandi stjórn
varðandi tryggingu ökumanns.
Þingið leggur á það áherslu að
stjórnvöld beiti sér nú þegar fyrir
lagabreytingu í þá átt að ökumað-
ur vörubifreiðar sé tryggður í
starfi hvort hann er við vinnu við
fermingu, affermingu eða akstur
bifreiðarinnar."
„14. þing Landssambands vöru-
bifreiðastjóra fagnar því átaki
sem núverandi ríkisstjórn hefur
boðað í vegaframkvæmdum. Það
er eindregin skoðun þingsins að
bætt vegakerfi sé undirstaða auk-
innar hagsældar á hinum mjög
mismunandi sviðum þjóðlífsins.
Bætt samgöngukerfi hlýtur að
verða að teljast nauðsynlegur ör-
yggisþáttur við þær náttúruað-
stæður sem þjóðin býr við og
jafnframt stuðla að auknum
menningarsamskiptum milli
landshluta."
„14. þing Landssamhands vöru-
bifreiðastjóra ítrekar samþykktir
fyrri þinga sambandsins um aukið
umferðaröryggi og auknar slysa-
varnir. Það er eindregin skoðun
þingsins að það starf sem Slysa-
varnafélag íslands og Umferðar-
ráð hafa innt af hendi og vinna að,
hafi skilað umtalsverðum árangri
til bættrar umferðarmenningar.
Landssamband vörubifreiðastjóra
heitir þessum aðilum fullum
stuðningi í þeirra mikilvæga
starfi."
Er kom að stjórnarkjöri lagði
kjörnefnd þingsins fram eftirfar-
andi tillögu, sem samþykkt var
samhljóða:
„Þar sem fyrir liggur að a.m.k. 4
af 7 núverandi stjórnarmönnum
Landssambands vörubifreiða-
stjóra gefa ekki kost á sér til
endurkjörs, og kjörnefnd hefur
ekki tekist á þeim tíma sem hún
hefur til umráða að gera tillögu
um nýja stjórn, leggur nefndin til
við þingið, að þessu þinghaldi
verði frestað um einhvern tíma,
t.d. 3 mánuði, enda noti kjörnefnd
þann tíma til undirbúnings stjórn-
arkjörs og trúnaðarmanna."
Jafnframt var þeirri ósk beint
til starfandi stjórnar að gegna
áfram störfum og féllst hún á það.
Ákveðið var að þingið skuli kallað
saman til framhaldsfundar eigi
síðar en í lok marsmánaðar 1981.
Gallerí Suðurgata 7
sýnir í Kaupmannahöf n
Aðstandendur Gallerí Suður-
götu 7 hafa opnað sýningu á
verkum sínum í Galleri 38. Kanal
2, Kaupmannahöfn.
Verkin á sýningunni eru unnin í
margskonar efni. Þar eru málverk,
teikningar, ljósmyndir, kvikmynd-
ir, litskyggnur, þrívíddarverk
unnin í náttúruleg efni. Þeir sem
eiga verk á sýningunni eru Bjarni
H. Þórarinsson, Friðrik Þór Frið-
riksson, Halldór Ásgeirsson, Jón
Karl Helgason, Margrét Jónsdótt-
ir og Steingrímur Eyfjörð Krist-
mundsson. Þess má geta að þetta
er þriðja sýning Suðurgötu 7
hópsins á árinu erlendis, áður var
sýnt í New York. (mars) og Hels-
inkí (maí).