Morgunblaðið - 23.01.1981, Page 19

MORGUNBLAÐIÐ, FÖSTUDAGUR 23. JANÚAR 1981
19
Kristinn Kjartansson yfirmatreiAslumaður við
eitt þorratrogra Naustsins. Myndir. Kmiiía.
Jóhann Bragason, matreiðslumaður, Herbert
Sigurjónsson matreiðslunemi og Kristinn Kjart-
ansson yfirmatreiðsiumaður i svokailaðri
„borrageymslu“ Naustsins. bar hefur maturinn
legið i súr siðan i október.
Þorratrog, dansleik-
ir og skemmtikraftar
VEITINGAHÚSIÐ Naustið
mun, eins og undanfarin 22 ár,
bjóða gestum sínum upp á
þorramat næsta mánuðinn,
borramánuðinn. Maturinn er
borinn fram á trogum og
samanstendur af sviðum,
smjöri, hákarii, blóðmör, rúg-
brauði, flatkökum, hangikjöti,
rófustöppu, sviðasultu, iunda-
böggum, bringukoilum, hrúts-
pungum, seishreifum og reykt-
um magaáli.
Að þessu sinni kostar þorra-
maturinn 135 kr. fyrir mann-
inn en hver skammtur er ótak-
markaður.
Matreiðslumenn Naustsins
hafa sjálfir útbúið allan matinn
undir stjórn Kristins Kjartans-
sonar, yfirmatreiðslumanns.
„Þorratrogið er útbúið á sama
hátt og áður nema hvað petta er
í fyrsta sinn sem við höfum
reyktan magaál á boðstólum,"
sagði Kristinn.
„Við hófum undirbúninginn í
Naustið heldur
upp á þorrann
í 23. sinn
október sl. Þá var maturinn
soðinn og snyrtur til eftir soðn-
ingu. Síðan var hann settur í
mjólkur- og ediksýru. Ýmislegt
fleira var líka gert við matinn
sem við gefum ekki upp. En
hann hefur allan timann verið
undir ströngu gæðaeftirliti og
reglulega hefur verið skipt um
sýru.“
25. ára yfir-
matreiðslumaður
Eins og kunnugt er tók Krist-
inn við starfi yfirmatreiðslu-
manns á Naustinu 1. október sl.
Hann er aðeins 25 ára að aldri og
lærði matreiðslu á Naustinu á
sínum tíma.
„Ég kann vel við mig í þessu
starfi," sagði Kristinn. „Það er
spennandi að fást við svo
ábyrgðarmikið hlutverk sem
starf yfirmatreiðslumanns á
Naustinu er.“
Kristinn sagði að þorrinn
legðist vel í hann og annað
starfsfólk á Naustinu.
Sama fólkið kemur hingað í
þorramat ár eftir ár, það vill
meira að segja gjarnan sitja
alltaf á sama staðnum. Við
höfum trú á því að hér verði
sama lífið og fjörið og hefur
verið á þorranum undanfarin
ár.“
Ýmislegt verður til skemmt-
unar fyrir gesti á Naustinu
næsta mánuðinn. Föstudaga og
laugardaga verður húsið opið til
kl. 1 eftir miðnætti og verða þá
dansleikir. Einnig er gert ráð
fyrir að ýmsir skemmtikraftar
komi þar fram og verður það
auglýst hverju sinni.
Umsjónarmenn í skól-
um ræddu orkusparnað
Orkusparnaður i skólum var
stór liður i fundi, sem fræðslu-
stjórn i Reykjavik efndi til með
húsumsjónarmönnum i skólum i
samrekstri rikisins og Reykja-
vikurborgar. Kom þar m.a. fram
að raforkukostnaður við skóla-
hús i eigu borgarsjóðs muni
nema 300 millj. króna á þessu ári
og hitunarkostnaður um 200
milljónir, og að ákafiega mikill
munur er á orkunotkun.
En einnig að átak til sparnaðar
hefur verið gert og dregið hefur
t.d. verulega úr vatnsnotkun til
hitunar skóla Reykjavíkurborgar
eftir 1974. Á árinu 1979 eru 14
skólar með minni orkunotkun til
hitunar en 1,8 tonn í kubiksmetra,
sem er talin eðlileg eyðsla sam-
kvæmt útreikningum. Fræðslu-
skrifstofan hefur um árabil tekið
saman skýrslu um notkunina í
einstökum skólum.
Fyrsta fundardaginn ræddi
Björn Friðfinnsson um orkusparn-
að í rekstri skólahúsnæðis. Taldi
hann að spara mætti verulega
rafmagn með því að takmarka
ljósmagn (forðast yfirlýsingu),
hanna rafkerfi þannig að stjórna
mætti ljósmagni miðað við notkun
t.d. á göngum og hafa ekki logandi
ljós í skólunum nema þar sem þess
væri þörf hverju sinni. Sama væri
um rafmagnsmótora og dælur, að
sjá til að þau væri ekki í gangi
allan sólarhringinn, þar sem þess
þyrfti ekki. Einnig hvað hann að
spara mætti verulega heitt vatn
með meiri og fullkomnari stýri-
búnaði. Guðmundur Halldórsson
verkfræðingur flutti erindi seinni
daginn um stjórnun loftræsti- og
hitakerfa, almennan rekstur og
viðhald. Eru upplýsingarnar hér í
upphafi úr erindi hans. Hann
benti einnig á að í hvert sinn sem
húsverðinum tekst að draga úr
orkunotkun til hitunar skólans um
4%, samsvarar það hitaþörf meðal
einbýlishúss. Veitti hann ýmis
hagnýt ráð. Sagði m.a. um innihit-
ann að almennt skyldi hann miða
við 20 stig á C, en hitastig á
göngum og geymslum mætti þó
vera minna, þó ekki fara undir 10
stig. Æskilegt væri að lækka
innihita að næturlagi og um helg-
ar og í skólaleyfum. í framhalds-
umræðu ræddu þátttakendur
ýmsa sparnaðarþætti í rafmagns-
og hitanotkun sem settir voru
fram í mörgum liðum.
Annað stórt mál á fundinum
var ræsting á skólahúsnæði og
innkaup í hreinlætisvörum og
flutti Helgi Þórðarson þar fram-
söguerindi. Sigfred Olafsson flutti
framsöguerindi úr hópi húsum-
sjónarmanna, ræddi vandamál,
sem upp kunna að koma hjá þeim.
Taldi m.a. að loftræsti- og hita-
kerfi í nýjum skólum valdi um-
sjónarmönnum oft erfiðleikum,
þar sem þau væru oft ekki fullfrá-
gengin og oft væri stýribúnaður
truflaður.
Þá flutti Örn Egilsson frá al-
mannavörnum erindi um al-
mannavarnarkerfið og hlutverk
skólanna.
Styrkir Vísindasjóðs
lausir til umsóknar
VÍSINDASJÓÐUR heíur nú
auglýst styrki ársins 1981
lausa til umsóknar og er
umsóknarírestur tii 1. mars
næstkomandi. Illutverk sjóðs-
ins er að efla íslenskar vis-
indarannsóknir og skiptist
hann í tvær deildir: Raunvís-
indadeiid og Hugvisinda-
deild.
Styrkveitingin er þríþætt. í
fyrsta lagi er úthlutað fé til
einstaklinga og vísindastofnana
vegna ákveðinna rannsóknarverk-
efna. I öðru lagi hafa kandídatar
verið styrktir til vísindalegs sér-
náms eða þjálfunar, en kandidat
verður að vinna að tilteknum
sérfræðilegum rannsóknum eða
afla sér vísindaþjálfunar tii þess
að koma til greina við styrkveit-
ingu. í þriðja lagi hefur styrk
verið úthlutað til rannsóknastofn-
ana til kaupa á tækjum, ritum eða
til greiðslu á öðrum kostnaði í
sambandi við starfsemi sem sjóð-
urinn styrkir.
Raunvísindadeild annast
styrkveitingar á sviði náttúruvís-
inda, þar með taldar: eðlisfræði-
og kjarnorkuvísindi, efnafræði,
stærðfræði, læknisfræði, líffræði.
lífeðlisfræði, jarðfræði, jarðeðlis-
fræði, dýrafræði, grasafræði, bú-
vísindi, fiskifræði, verkfræði og
tæknifræði.
Hugvísindadeild annast styrk-
veitingar á sviði sagnfræði, bók-
menntafræði, málvísinda, félags-
fræði, lögfræði, hagfræði, heim-
speki, guðfræði, sálfræði og upp-
eldisfræði.
Umsóknareyðublöð ásamt upp-
lýsingum fást m.a. í menntamála-
ráðuneytinu og hjá sendiráðum
Islands erlendis.
Formaður yfirstjórnar sjóðsins
er dr. Ólafur Björnsson, prófessor.
spörum
RAFORKU
Til þín
sem ert að
hugsa
Áður en þú ákveður
hvaða þak þú ætlar að
kaupa, skaltu hugsa
aöeins lengra fram í
tímann. Mörg þakefni hafa vissa veikleika og ókosti
sem fyrr eöa síðar mun skapa vandræöi og kosta
peninga.
Það er ekki alltaf best aö kaupa það ódýrasta, því þaö
getur orðið þaö dýrasta þegar frá líður. Ef þú kynnir þér
þakefnin nákvæmlega, kemstu aö raun um aö A/ÞAK, er
varanlegt og ódýrast þegar til lengdar lætur, og mun
leysa öll þakvandamál í eitt skipti fyrir öll.
FULLKOMIÐ KERFI ..TIL SÍÐASTA NAGLA
INNKAUP HE
ÆGISGÖTU 7 REYKIAVlK. SlMI 22000-PÓSTHÓLF 1012
TELEX 2025 SÖLUSTIÓRl: HEIMASlMI 71400.