Morgunblaðið - 21.02.1981, Qupperneq 27

MORGUNBLAÐIÐ, LAUGARDAGUR 21. FEBRÚAR 1981
27
Ingólfur A. Þorkelsson skólameistarí:
Kennslustjóri Háskól-
ans gerir bragarbót
Enginn marktækur munur á mennta-
skólunum samkvæmt leiðréttingu hans
Formáli
I öndverðum desembermánuði
sl. komu saman á fund skóla-
meistarar og rektorar framhalds-
skólanna. Kennslustjóri Háskóla
íslands kom og á þennan fund með
upplýsingar, könnun um árangur
stúdenta á fyrsta ári í Háskólan-
um, skólaárið 1979—1980. í máli
kennslustjóra voru ýmsir fyrir-
varar, og hann sló marga var-
nagla. Fundarmenn töldu að gera
þyrfti slíka athugun í allmörg ár
áður en marktæk niðurstaða feng-
ist.
A jólaföstu birti Morgunblaðið
þessar upplýsingar um árangur
stúdentanna án fyrirvara og skýr-
inga. Nú hefur kennslustjóri gert
bragarbót og leiðrétt fyrri út-
reikninga. Niðurstaðan birtist í
viðtali við hann í Morgunblaðinu
sl. sunnudag. Vegna þessa viðtals
og fyrri skrifa um málið bið ég
Morgunblaðið að birta eftirfar-
andi:
Athugasemdir
1. Varhugavert er að draga víð-
tækar ályktanir af einni slíkri
könnun, niðurstöðum eftir eitt
skólaár. Þetta var meginathuga-
semd mín í desember sl. er
blaðamaður Morgunblaðsins
ræddi við mig um þetta mál.
2. Meðal þeirra skóla, sem settir
eru hlið við hlið til samanburðar
eru Tækniskóli íslands og
Menntaskólinn við Hamrahlíð.
Um er að ræða 6 nemendur frá
Tækniskólanum og próf þeirra, 49
að tölu, eru látin hafa sama vægi
og 939 próf 166 nemenda frá
Menntaskólanum við Hamrahlíð. í
viðtali við Morgunblaðið lýsti
Bjarni Kristjánsson, rektor
Tækniskólans, því yfir, að þessi
könnun væri ekki marktæk hvað
Tækniskólann varðaði.
3. Fylgnireikningar fylgdu ekki
töflunni, þ.e. samanburður á stúd-
entsprófseinkunn umræddra nem-
Ingólfur A. Þorkelsson
enda og einkunn þeirra eftir
fyrsta árið í Háskólanum.
4. Meðaltöl einkunna í ýmsum
deildum Háskólans eru mjög mis-
jöfn. Þannig er meðaltalið í guð-
fræðideild 7,39 en 5,60 í verkfræði-
deild. Nú hefur kennslustjóri, sem
fyrr segir gert bragarbót og leið-
rétt þetta síðast talda og þá
breytist röð skólanna. Ég nefni
sem dæmi, að Menntaskólinn í
Kópavogi fer upp um þrjú sæti og
meðaleinkunn hans hækkar úr
5,86 í 6,23. Raunar var útkoma
skólans góð miðað við fyrri út-
reikninga, sé tekið mark á þeim,
væri grannt skoðað.
Enginn marktækur munur
Kennslustjóri segir, sem satt er,
að minni munur verði á meðal-
einkunn skólanna með þessu móti.
Og síðan segir hann orðrétt: „Það
er marktækur munur á skólunum,
ef munur á meðaleinkunn er meiri
en 0,5.“ Svo mörg voru þau orð.
Samkvæmt þessum nýja útreikn-
ingi kennslustjóra, leiðréttingu
hans, er enginn marktækur mun-
ur á menntaskólunum. Það sýnir
taflan, sem birtist með viðtalinu.
Þetta er kjarni málsins og því er
ekki unnt að draga menntaskólana
í dilka, sé tekið mark á könnun
kennslustjóra og leiðréttingu
hans.
Frumhlaup
Umræðurnar um þetta mál
leiða, að mínum dómi, fyrst og
fremst í ljós, hve varhugavert er
að hlaupa í blöð með „niðurstöður"
á fyrsta stigi rannsóknar og draga
ályktanir án allra fyrirvara af
ónógum forsendum. Kennslustjóri
Háskólans reynir stundum í fyrr-
nefndu viðtali að tala dálítið strítt
sbr. eftirfarandi: „Ég hefði hikl-
aust gefið fjölmiðlum þessar upp-
lýsingar með eðlilegum skýring-
um, hefði þess verið farið á leit við
mig.“ Það er allt annar handlegg-
ur að gefa upplýsingar með skýr-
ingum og fyrirvörum. Engin
greinargerð fylgdi margnefndum
upplýsingum, er Morgunblaðið
birti þær í ofanverðum desem-
bermánuði sl.
Hvað er góður skóli?
Ég tek undir þau orð rektora og
skólameistara, er þeir létu falla í
viðtali við Morgunblaðið um þetta
mál 23. des. sl., að reikningur af
þessu tæi geti verið mjög villandi
— að slíkar upplýsingar segi ekki
nema hluta sögunnar. Og síðast en
ekki síst vek ég athygli á þessum
orðum títtnefnds kennslustjóra:
„Auðvitað ber að álykta varlega af
upplýsingum sem þessum." í um-
ræðum um margnefnda könnun
hafa orð eins og „besta útkoma",
„góður skóli", borið á góma. Getur
slík könnun leitt ágæti skóla í
ljós? Hvað er góður skóli? Ætli
menn hafi svör á reiðum höndum
við því? Þarf ekki að svara þessari
spurningu áður en fleira er mælt
og lengra er haldið?
Úrskurður viðskiptaráðuneytisins:
Aðalfundi Fiskeld-
is hf. ekki frestað
Viðskiptaráðuneytið
hefur hafnað kröfu fjög-
urra hluthafa í Fiskeldi
hf. þess efnis, að aðalfundi
félagsins verði frestað.
Eins og komið hefur fram
í viðtali Mbl. við Jakob V.
Hafstein, einn fjórmenn-
inganna, var það einnig
krafa þeirra að ráðuneytið
fyrirskipaði stjórn félags-
ins að gefa út bráðabirgða-
skírteini, sem greiðslu-
kvittun fyrir innborguðu
fé og að ráðuneytið ógiidi
sölu hlutabréfa til nýrra
félaga.
Hér fer á eftir úrskurður
' viðskiptaráðuneytisins. Þess
skal getið að aðalfundur Fiskeld-
is verður haldinn á áður boðuð-
um tíma, þ.e. í dag, 21. febrúar,
og hefst klukkan 13.30 í Borgar-
túni 22.
Úrskurður ráðuneytisins er
svohljóðandi:
Úrskurður
Með bréfi dags. 7. þ.m. fór
Hörður Ólafsson, hrl., þess með-
al annars á leit fyrir hönd
fjögurra hluthafa í Fiskeldi hf., í
Reykjavík, þeirra Eyjólfs Frið-
geirssonar, fiskifræðings, Hverf-
isgötu 47, Ingimundar Konráðs-
sonar, frkvstj., Bakkagerði 16,
Jakobs V. Hafstein, frkvstj.,
Grenimel 1, og Péturs Rafnsson-
ar, frkvstj., Hagamel 17, Reykja-
vík, að viðskiptaráðherra úr-
skurðaði, sbr. 150 gr. nr. 32/1978
um hlutafélög, að stjórn Fiskeld-
is hf. væri skylt að viðlögðum
dagsektum eða vikusektum að
fresta aðalfundi, sem til hefur
verið boðað 21. febrúar nk., unz
úrslit hafa fengizt um önnur
kröfuatriði, sem nefnd eru í
bréfinu.
í 150 gr. laga nr. 32/1978 um
hlutafélög segir að vanræki
stjórnendur skyldur sínar skv.
lögunum, félagasamþykktum
eða ályktunum hluthafafundar
geti ráðherra boðið þeim, að
viðlagðri ákveðinni dagsekt eða
vikusekt, að inna skylduverk af
hendi. Kemur því ekki til greina
að beita ákvæðinu um kröfu
úrskurðarbeiðenda, sem lýtur að
frestun starfa innan félagsins.
Engin önnur ákvæði laganna
heimila ráðherra að bjóða fé-
lagsstjórn að fresta aðalfundi.
Því úrskurðast:
Krafa úrskurðarbeiðenda
verður ekki tekin til greina.
Frá blaðamannafundi forráðamanna Samvinnutrygginga i gær: Rafn
Guðmundsson, deildarstjóri í bifreiðadeild, Bruno Hjaltested, aðstoð-
arframkvæmdastjóri, Hallgrimur Sigurðsson. framkvæmdastjóri,
Héðinn Emilsson. deildarstjóri i brunadeild. og Benedikt Sigurðsson,
deildarstjóri i fjármáladeild.
Ljásm. Kristinn.
Samvinnutryggingar:
Kaskó-trygging bæt-
ir tjón af völdum
foks í óveðrinu
SAMVINNUTRYGGINGAR hafa nú ákveðið að breyta skilmálum
kaskó-tryggingar sinnar á þann veg að kaskó-trygging bæti tjón á bilum
sem verður vegna foks, og ætla forráðamenn fyrirtækisins að láta þá
breytingu ná til þess tjóns sem varð á bílum í fárviðrinu þann 16. og 17.
febrúar sl. Þetta kom m.a. fram á fundi sem ráðamenn í Samvinnutrygg-
ingum héldu 1 gær með blaðamönnum til að kynna fyrir mönnum rétt
þeirra til bóta vegna tjóns sem varð í óveðrinu.
Með tilkomu þeirrar breytingar
sem Samvinnutryggingar hafa nú
ákveðið að gera á þeim kafla
Kaskó-tryggingarskilmála, sem um
foktjón fjallar, segja forráðamenn
fyrirtækisins, að nú séu fáanlegar
fullnægjandi foktryggingar á allar
almennar eignir manna, þ.e. hús,
innbú, bíla o.fl. Þess vegna telja
Samvinnutryggingar ekki þörf á því
að lögum um Viðlagatryggingar
verði breytt, eins og talað hefur
verið um, þannig að Viðlagatrygg-
ingin nái til foktjóns, þar sem vel er
fyrir því séð með almennri vátrygg-
ingaþjónustu tryggingarfélaganna.
Hallgrímur Sigurðsson, fram-
kvæmdastjóri Samvinnutrygginga,
sagði forráðamenn fyrirtækisins al-
farið á móti því, að ríkið færi að
bæta tjón af völdum foks með
Viðlagatryggingu. Fólk gæti tryggt.
sig gegn tjóni af völdum foks hjá
hinum almennu tryggingarfélögum
og þyrfti ekki forsjá ríkisins í þeim
efnum. Aftur á móti væri ekki á
færi tryggingarfélaga að bæta tjón
af völdum náttúruhamfara: eld-
gosa, jarðskjálfta, snjóflóða, aur-
skriða og vatnsflóða, og það tjón
ætti Viðlagatrygging Islands að
bæta, að svo miklu leyti sem slíkt
væri mögulegt.
Forráðamenn Samvinnutrygg-
inga sögðu að það væri grundvallar-
atriði að frjáls samkeppni ríkti í
trygKÍngarmálum. Frjáls sam-
keppni og frelsi einstaklingsins
skapaði vátryggingarfélögunum
einmitt það aðhald sem þau þyrftu
til að geta veitt viðskiptavinum
sínum viðunandi þjónustu, en ríkis-
forsjáin og það sem henni fylgdi
svæfði fólk. I því sambandi nefndu
menn brunatrygginguna, en húseig-
endur eru skyldir að brunatryggja
eignir sínar hjá því tryggingarfé-
lagi sem sveitarfélag þeirra skiptir
við. Ráðamenn Samvinnutrygginga
sögðu að þetta hefði það í för með
sér að menn kynntu sér ekki
nægjanlega hvar brunatrygging-
unni sleppti; að nauðsynlegt væri
að húseigendatrygging og heimilis-
trygging fylgdi brunatryggingunni
svo menn gætu sofið rólegir.
Siglufjörður:
Stórfækkað kom-
um loðnuskipa
Siglufirði. 20. febrúar.
MJÖG hefur fækkað komum
loðnuskipa hingað miðað við
sama tima i fyrra og hefur það
haft mikil áhrif á atvinnulif i
bænum. í janúar 1980 komu 93
loðnuskip til Siglufjarðar og
lönduðu 32.878 tonnum og i
febrúar voru þau 39 með
12.272 tonn.
Samtals eru þetta 132 skip
með 45.049 lestir. í janúar í ár
hafa hins vegar aðeins komið 4
skip og var afli þeirra 1.404
tonn. í febrúar hefur enn ekkert
skip komið og er þetta því
stórfelld fækkun. Eru þetta
mjög sláandi tölur og hafa haft
geysileg áhrif á allt atvinnulíf
hér, m.a. verzlun og þjónustu.
m.j.
Verkalýðsfélagið Rangæingur:
Skorar á þingmenn að
forða ófremdarástandi í
atvinnumálum héraðsins
Á ALMENNUM félagsfundi i
Verkalýðsfélaginu Rangæingi.
sem haldinn var sunnudaginn 15.
febr. sl. voru gerðar eftirfarandi
samþykktir:
„Almennur félagsfundur í
Verkalýðsfélaginu Rangæingi
haldinn 15. febr. 1981 skorar á
þingmenn Suðurlandskjördæmis
að vekja með tiltækum ráðum
athygli á því óvissuástandi sem
ríkir í atvinnumálum Rangæinga
og leita allra leiða til þess að ekki
skapist ófremdarástand í atvinnu-
málum héraðsins þegar virkjunar-
framkvæmdum á hálendinu lýkur
næsta haust."
„Almennur félagsfundur í
V erkalýðsfélaginu Rangæingi
haldinn 15. febr. 1981 mótmælir
þeirri ákvörðun stjórnvalda að
skerða með bráðabirgðalögum vísi-
tölubætur á laun 1. mars nk.
Þá harmar fundurinn þá lítils-
virðingu sem ríkisstjórnin sýnir
samtökum launþega og gildandi
lögum með því að virða að vettugi
allt samráð um slíkar aðgerðir.