Morgunblaðið - 16.04.1981, Blaðsíða 13
MORGUNBLAÐIÐ, FIMMTUDAGUR 16. APRÍL 1981
61
Jóakim á útidyratröppum „spýtuhússinsu, sem kemur við sögu í
viðtalinu.
Til vinstri er Brekka, húsið sem Jóakim fæddist i en til hægri
Heimabær, sem föðurbræður hans byggðu.
Bakkavegur 4 og Bakkavegur 6 aftar á myndinni. í húsunum sem eru
svo til eins og byggð samtimis búa Jóakimar, Jóakim Pálsson á númer
4, en Jóakim Hjartarson á 6.
Pálsson, Halldór og Bjarni Ingi-
marssynir, allir skipstjórar í
Reykjavík hjálpuðu okkur við
stofnunina og eiga miklar þakkir
skilið. Þetta hefur gengið afburða-
vel hjá okkur alla tíð. Ég held að
það sé fáheyrt, að ekki hafi verið
skipt um eigendur í fyrirtæki sem
þessu í þetta langan tíma. Við
stofnuðum fyrst til útgerðar 1939
með 15 tonna báti sem smíðaður
var hjá Marselíusi á ísafirði.
Hann hét Páll Pálsson. 1949 feng-
um við bát frá Neskaupstað, hann
hét einnig Páll. Þá fengum við
annan bát 1956 aftur frá Marselí-
usi. Allir okkar bátar hafa borið
heitið Páll Pálsson nema einn,
sem við fengum frá Þýskalandi
1964. Þá var búið að taka af okkur
nafnið og það komið á bát frá
Sandgerði. Sá bátur hlaut þá
nafnið Guðrún Guðleifsdóttir, en
við fengum nafnið aftur á nýja
skuttogarann okkar, sem við feng-
um 1973. Páll Pálsson hefur reynst
okkur happanafn."
— Aldrei farið á hausinn, eins
og það er kallað?
„Nei, það höfum við aldrei
reynt. Rákum eitt ár með tapi,
sem ég man. Síldarárin fóru
reyndar illa með okkur. Við fórum
varhluta af síldinni hér fyrir
vestan og misstum margt gott fólk
í síld. Ég var sjálfur á Neskaup-
stað í þrjú sumur. Það voru góðir
dagar og þaðan á ég marga góða
vini.
Auðvitað verður að reka fyrir-
tæki með hagnaði, annars getur
engin endurnýjun farið fram. Ég
veit þó og viðurkenni, að það getur
gengið erfiðlega og hvernig á
annað að vera þegar hið opinbera
er með puttana ofan í öllu?
Skattheimtan nær engu tali leng-
ur.“
— Nú virðist sumum finnast
þAð lítið tiltökumál þó fyrirtæki
sem þetta fari á hausinn og það
jafnvel oftar en einu sinni. Hið
opinbera hleypur þá undir bagga
og menn segja að alltaf megi fá
nýtt skip og föruneyti?
„Það er háttur sumra að reka
fyrirtæki þannig. Mönnum á mín-
um aldri getur ekki liðið vel við
slíkar aðstæður. Það er kannske
breyttum tíðaranda að kenna að
slíkt þekkist — ég veit það ekki.
Okkar háttur er að reka fyrirtæk-
ið þannig, að allt geti gengið
snurðulítið fyrir sig. Viðgerðar-
menn á ísafirði gera við alla hlUti
sem hægt er að gera við jafnóðum.
Rekstur sem þessi þolir ekkert
stopp og skip sem eru eilíflega í
slipp standa ekki undir sjálfum
sér, hvað þá öðru.“
Á móti kvótakerfinu
— Telur þú að togaraeign okkar
íslendinga sé orðin of mikil?
„Það segir sína sögu um það, að
togararnir þurfa að vera á öðrum
veiðum hálft árið. Skrapdagarnir
verða alltaf fleiri og fleiri. Við
” Markvisst unnið að því að
drepa niður allt sjálfstæði
og einkaframtak”
Texti og myndir: Fríða Proppé
erum búnir að halda Páli úti á 45
skrapdögum frá áramótum, það er
mikið.“
— Þórshafnartogarinn?
„Er nú ekki búið að segja nóg
um hann. Ég tel að það sé alls ekki
verið að gera fólkinu þarna neinn
greiða með þessu. Þessi togari er
ekki það sem fólkið þarf. Mér
sýnist þetta snúast mest um
hagsmuni einhverra pólitíkusa."
— Fiskverndarstefnan?
„Ég er alls ekki mótfallinn
henni. Við fengum óvægna reynslu
af síldinni og mér finnst að við
verðum að ganga hægt um gleð-
innar dyr hvað stofnana varðar.
Við yrðum illa á vegi stödd ef
fiskurinn hyrfi. Ég tel að fisk-
verndarstefna hafi þegar sýnt að
hún á rétt á sér. Það er greinilegt
að fiskurinn sem við veiðum er
stærri nú en fyrir nokkrum árum.
— En ég er alfarið á móti
núverandi kvótakerfi. Menn eiga
að fá að veiða eftir "getu og
dugnaði þangað til heildarmagn-
inu er náð. Það er með þessu
markvisst unnið að því að drepa
niður þá duglegustu, allt sjálf-
stæði og einkaframtak."
— Hvað telur þú hafa verið
þína mestu gæfu í starfi?
„Það er allra gæfa að vinna —
að vakna til að vinna. Vinnan er
mín mesta og bezta gjöf, mitt lán.
Ég veit að fólki líður illa að standa
í vinnudeilum, það er andstætt
eðli þess að leggja niður vinnu, en
það hefur sýnt sig, að oft brýtur
nauðsyn lög.“
Fundasetur og
innantómt blaður
— Ertu félagsmálamaður Jóa-
kim?
„Nei, af og frá. Ég er enginn
félagsmálamaður. Ég rekst ekki í
félögum. Hef aldrei haft neina
hæfileika til þess.“
— Þú sast þó um árabil í
hreppsnefnd?
„Já, í átta ár og leiddist þar
mikið. Var búinn að fá meira en
nóg og sagði þá hingað og ekki
lengra. Mér dauðleiddist allar
þessar fundasetur og innantómt
blaður alla daga.“
— Margir eiga sér áhugamál
utan starfsins. Hvað með þig?
„Starfið hefur nú nægt mér. Þá
hef ég átt góða fjölskyldu. Mér
líður bezt með góðum vinum og
fólki og hef verið svo lánsamur að
eignast góða vini um ævina. Mér
er annt um mitt fólk og þá sem
starfað hafa með mér. Þú mátt
skrifa að ég sé fjölskyldumaður í
staðinn fyrir félagsmálamaður."
— Nú áttu þingmann fyrir
tengdason. Hefur hann ekkert
smitað þig af stjórnmála- og
félagsmálaáhuga.
„Hann Friðrik. Hann veit aldrei
neitt, þegar ég tala við hann.
Hann veit aldrei neitt fyrr en
hann kemur á fundi og þetta
máttu skrifa," og Jóakim hlær
dátt. „Er það ekki þannig í
pólitíkinni. Menn hafa jafnvel
SJÁ NÆSTU SÍÐU
m ZEROWATT
ÞVOTTAVÉLAR OG ÞURRKARAR
ítalskar úrvalsvélar, sem unniö hafa sérstóran
markaöshlut hér á landi sökum góörar endingar,
einstakra þvottaeiginleika og hagstæös verös.
Þvottavél LT-955
Tekur 5 kg. af þvotti.
Sparnaðarkerfi (3 kg.)
9 þvottakerfi.
4 skolkerfi.
1 þeytikerfi (500 sn.).
Hámarks orkuþörf 2300 w.
Hæð 85 cm.
Breidd 60 cm.
Dýpt 48,5 cm.
KAUPFÉLÖGIN UM LAND ALLT
Þurrkari ES-205
Tekur 5 kg. af þvotti.
10 mismunandi kerfi.
Belgur úr ryðfríu stáli.
Hámarks orkuþörf 2400 w.
Hæð 85 cm.
Breidd 60 cm.
Dýpt 52 cm.
Véladeild
Sambandsins
Ármúla 3 fíeykiavik Simi 38900