Morgunblaðið - 16.04.1981, Blaðsíða 25

MORGUNBLAÐIÐ, FIMMTUDAGUR 16. APRÍL 1981
73
óskalistanum. Það er líka til lítils
að eiga bifreið ef menn vita ekkert
hvert á að aka. Þá er gott að eiga
sumarhús, jafnvel þótt það sé
barasta hjólhýsi af ódýrustu teg-
und.
Og nú stendur túristaiðnaður-
inn í blóma. Þessir þrjú þúsund
sem búa á Fanö á veturna verða
tífalt fleiri á sumrin. En að
vetrarlagi er eyjan ósköp köld og
eyðileg, sést varla maður á götun-
um. Og þarna blæs vestanvindur-
inn hrottalega flesta daga vetr-
armánuðina. Furan og grenið bera
þess sárust merki. Trén eru sveigð
undan vindinum og mörg hver
nakin þeim megin sem snýr upp í
vindinn.
Og þarna eru endalausar breið-
ur af tómum kofunum, sem gera
sitt til að ljá umhverfinu kaldan
og hrollkenndan blæ. Eða þögul
hjólhýsin sem standa í hundruð-
um á þar til gerðum svæðum. Eins
og þyrnirós sem bíður eftir verm-
andi kossi vorprinsins.
A vesturströndinni bak við
melivaxna sandhólana, klitterne
eins og Danir kalla þessa sjávar-
kamba, trónir ennþá Hotel Kong-
en af Danmark í hvítum búningi.
Hotel Kongen af Danmark sýn-
ist ekki hafa glatað tign sinni,
þrátt fyrir að veldi þess sé ekki
eins stórt og forðum. Það er
glæsibragur yfir staðnum, en
samt einhver þyngsli, minnir mest
á einhverja sögu eftir Agötu
Christie. Þarna er hátt til lofts og
vítt til veggja. Að koma inn er eins
og að stíga inn í minnismerki um
glataða mektardaga.
Fortíðin blasir við gestum,
skráð með olíu á striga. Flenni-
þrýstnar konur að hoppa og hía á
ströndinni. Einbeittur golfari í
uppsveiflu. Krásum hlaðið borð,
málað af svo góðri lyst, að síldarn-
ar sprikla og gegnumtært ákavítið
titrar lokkandi í glerinu.
Hotel Kongen af Danmark hef-
ur oft skipt um eigendur um árin.
Hver af öðrum hafa nýir eigendur
tekið við rekstrinum, fullir fyrir-
heita og glansandi bjartsýni, en
hrökklast burtu, túskildingnum
fátækari og með bölsýni í farangr-
inum. Svo virðist sem tími og
tilgangur hótelsins hafi horfið
með gömlu nýlenduherrunum, en
svo skemmtilega vill til að Kongen
af Danmark er enn þann dag í
dag, tengdur sögu þýskrar fyrrv.
nýlendu. A vissan hátt má svo
segja.
Núverandi eigendur þessa
glæsibákns eru sjálfboðaliðasam-
tök um þróunarhjálp, UFF
(U-landshjælp fra Folk til Folk).
Samtök þessi sem standa fyrir
víðtækri aðstoð við frelsishreyf-
ingar, m.a. með fatasendingum
o.fl. eins og sjúkrahúsgögnum og
skólanauðsynjum, nota hótelið
sem sumarbúðir fyrir félagsmenn
sína. En félagsmenn eru nokkur
þúsund talsins í Danmörku, á
öllum aldri, úr öllum stéttum
þjóðfélagsins. Einnig er Hotel
Kongen af Danmark brúkað sem
fundarstaður fyrir landsþing sam-
takanna, sem haldin eru ársfjórð-
ungslega.
Um þessar mundir hafa sam-
tökin nýlokið við að senda
SWAPO hreyfingunni í Namibiu,
sem berst fyrir sjálfstæði lands
síns, mörg hundruð tonn af alls
lags nauðsynjum. Eru þær einkum
ætlaðar þeim fjölmörgu sem flúið
hafa ógnir stríðsins í Namibiu,
yfir landamærin til Angóla.
Má því staðhæfa að gamla Hotel
Kongen af Danmark sé enn nítíu
árum frá því að það var reist,
tengt gömlu kóloníunni í Suð-
vestur-Afríku sem svo var kölluð,
núverandi Namibíu. Og ef hótelið
hefur sál, sem það eflaust hefur
samkvæmt þeirri reykvísku reglu
að öll hús eldri en þrítug burðist
með eina, þá hlýtur hótelinu að
hlýna um hjartarætur. Því er ekki
skemmtilegra að hýsa fólk sem er
fúst til að hjálpa meðbræðrum
sínum, eins og UFF fólkið, heldur
en skjóta skjólhúsi yfir mergsjúg-
andi nýlendukúgara?
Jú, það getur ekki annað verið.
Hotel Kongen af Danmark hlýtur
að vera hamingjusamt hótel, loks-
ins.
Enda er ekki laust við að manni
finnist fordyri hótelsins brosa,
þegar gengið er burtu eftir að hafa
skoðað það. Brosir mót öskrandi
norðursjónum og tekur vestan-
storminn í fangið. Öldurnar ber-
ast upp sandinn, og hafa í fangi
sínu enn meiri sand, sem smám
saman mun hlaðast upp og verða
klit, og seinna fá föt úr melgresi.
En þennan sunnudag er ekkert
um að vera, himininn er grár og
illskulegur; þoku gærdagsins er,
létt. Krákurnar æmta og mávarn-
ir garga, skjóðurinn skrækir.
Annað líf er vart á eynni, engir
túristar á þessum árstíma.
En samt er ein minjagripabúð
opin. Þar fást dúkkur í þjóðbún-
ingi og líka póstkort. Eigandinn
sjálfur afgreiðir. Hann heitir
Henning Sörensen, maður nokkuð
við aldur, samt ern.
Við tölum íslensku saman.
Henning lærði hana hjá Sverri
Guðmundssyni núverandi oddvita
í Grenivík. Var hjá honum sem
vinnumaður fyrir meir en þrjátíu
árum.
Henning lifnar allur við þegar
hann fær tækifæri til að rifja upp
íslenskuna sína, sem er alveg
lýtalaus, þótt langt sé um liðið að
hann lærði hana.
Hann þarf mikils að spyrja, en
hugstæðastur er honum svarti
dauði, og hvort bílstjórarnir á
Akureyri selji ennþá sprútt.
Eftir huggulegar samræður
kveð ég þennan bjartsýna mann,
sem þolinmóður bíður sumars og
nýrrar túristavertíðar. Hann fær
mér póstkort sem ég skrifa á og
sendi heim. Póstkort frá Fanö.
Sæmundur Pálsson og Ásgerður Ásgeirsdóttir
Það er mér og. fjölskyldu minni sönn
ánægja að fó tækifæri til að mæla með
ferð til Costa Bianca Benidorm, sem er
á suðurströnd Spánar. Þar höfum við
dvaliö sex sinnum, ýmist á hótelum eða
í íbúð og hefur hver ferð verið annarri
ánægjulegri. Sérstaklega vil ég mæla
með Hótel Britanía, sem er á mörkum
gamla og nýja hluta Benidorm. Við hó-
telið er góð sundlaug. Herbergin eru
góð, með svölum sem visa út að
ströndinni, en þangað er aðeins 8 mín-
útna gangur.
Matur er mjög góður, þríréttað í mál
og desert á eftir. Þar er hljómsveit
þrisvar tll fjórum slnnum i viku og mikið
fjör. Stór setustofa með sjónvarpi er á
1. hæð og billjardborð og fleiri spil þar
fyrir framan fyrir gestina. Þarna höfum
við dvalið þrisvar, síðast '79. Vilji fólk
vera f ibúð þá mæli ég með Don Miguel,
sem er við enda La Vents strandarinn-
ar. Verslun er i næsta húsi. ibúðirnar
eru mjög skemmtilegar með stórum
svölum sem visa út að ströndinni.
Strandgatan er þétt skipuð skemmti-
stöðum, með alls konar skemmtlkröft-
um og hljómsveitum. öllum er heimilt
að koma, horfa á, dansa og skemmta
sér frá kl. 20 til miðnættis gegn þvf að
kaupa gos eða bjór á ca. 25 til 50 peseta
á mann. Mjög mikið er um diskótek
dansstaði, sem eru á næstu götu fyrir
ofan, sem opin eru lengur fram eftir
nóttu.
Ljómandi skemmtilegt tívolí er
þarna, minigolf, tennisvellir og því
margt sem hægt er að gera sér til
skemmtunar. Á ströndinní er mjög full-
komin sjóskíðabraut, fyrir unga, sem
aldna.
Ofan við Poniente ströndina, ergamli
bærinn, með öllum sínum sjarma og
ráðlegg ég hverjum og einum að skoða
hann. Það væri hægt að halda lengi
áfram og lýsa þessum Ijómandi
skemmtilega stað en sjón er sögu
ríkari, sjáið sjálf og sannfærist. Farið til
Benedorm i sumarfrí, góða skemmtun.
Beint f lug í sólina og sjóinn
Benidorm nýtur mikilla vinsælda hjá spánverjun-
um sjálfum, því er verðlag miðað við þeirra
greiðslugetu. Þess vegna er odyrara á Benidorm en
sambærilegum strandstöðum á Spáni. Þessari
staðreynd skaltu ekki gleyma ef þú ætlar til sólar-
landa í sumar. Beint flug til Benidorm: 23. maí
-9. júní- 30. júní—14. júlí-4. ágúst-25. ágúst.
g FERÐA AÐALSTRÆTI9
r=lil MIÐSTOÐIIM sími 2813311255