Morgunblaðið - 06.08.1981, Blaðsíða 13

MORGUNBLAÐIÐ, FIMMTUDAGUR 6. ÁGÚST 1981
13
skurð hans úr gildi. í sömu frétt
segir að í skeyti Tass-fréttastof-
unnar um viðbrögð Sovétmanna,
að ákvörðun Friðriks hafi á sér
pólitískt yfirbragð, en komi
skákkeppni ekkert við. Friðrik
Ólafsson segir að ráðgjafar- og
framkvæmdanefndin geti ekki
breytt ákvörðun sinni og um
viðbrögð Sovétmanna sagði
Friðrik:
„Úr því að ég er kominn út í þetta,
mun ég ekkert gefa eftir. Þetta
var engin augnabliksákvörðun
sem ég tók. Það var að vel
athuguðu máli og þess vegna
stend ég eða fell með þessari
ákvörðun. Ég hef alla tíð hagað
mínum málflutningi með þeim
hætti að taka þetta fyrst og
fremst sem hagsmunamál skák-
hreyfingarinnar í heild og aldrei
komið inn á neitt sem getur
talizt pólitískt að mínu mati, en
auðvitað eru alltaf hliðar á
öllum málum sem ýmsir geta
talið pólitískar ef þeim sýnist
svo.
Ásakanir standast ekki
Um ásakanirnar um að hafa
brotið lög og reglur FIDE sagði
hann: „Eg veit það mikið um
þetta, að ásakanir þeirra um að
ég fari ekki eftir reglum sem
gilda og eins lögum FIDE og
einnig að FIDE eigi ekki að
blanda sér i innanbúðarmál ein-
stakra skáksambanda, standast
ekki. Aðalþing FIDE hefur
æðsta vald í málefnum þess, en
þá má einnig benda á að forset-
inn fer með þetta vald milli
þinga í öllum meiri háttar mál-
um og eins er það í reglugerð-
inni, að forseti FIDE — persónu-
lega og opinberlega — ber fulla
ábyrgð á þessu einvígi. Þegar
þetta er virt er augljóst, að það
er forsetans að reyna að koma
því til leiðar að einvígið fari
fram með sem mestum glæsi-
brag og með sem skaplegustum
hætti.
Forystugrein Mbl. 24. júní nefnist
Friðrik og Kremlverjar. Þar
segir m.a.: „Deila Friðriks
Ólafssonar við Kremlverja sýnir
í hnotskurn frammi fyrir hverju
menn standa þegar þeir segja við
Sovétvaldið: hingað og ekki
lengra. Sovétmenn hafa skákað í
því skjóli í viðureign sinni við
Kortsnoj, að enginn dirfðist að
stugga við þeim, öflugustu skák-
þjóð veraldar. Auðvitað verði
forvígismenn í hinni alþjóðlegu
skákhreyfingu að sitja og standa
eins og henti ráðamönnum í
Moskvu. Friðrik Ólafsson beygði
sig hins vegar ekki í duftið og
þess vegna ætla Sovétmenn nú
að sýna honum í tvo heimana og
bola honum frá völdum í FIDE.“
Mannréttindi þverbrotin
Síðar í forystugreininni segir að
staðhæfing Sovétstjórnarinnar,
að meðferð hennar á fjölskyldu
Korchnois sé sovézkt innanrik-
ismál, sé alröng, þeir hafi undir-
gengizt alþjóðasamninga um
mannréttindi, sem þeir þver-
brjóti. „í tilefni af árás sovéska
skáksambandsins á Friðrik
Ólafsson á íslenska utanríkis-
ráðuneytið að kalla sovéska
sendiherrann í Reykjavík fyrir
og ítreka kröfuna um að kona og
sonur Kortsnojs verði látin laus.
Islenska ríkisstjórnin á einnig
að beita sér fyrir því, að í
vinveittum nágrannaríkjum
verði sovéskum sendiráöum gerð
ljós alvara þessa máls. Samhliða
þessu þurfa forvígismenn ís-
lenskra skákmanna að nota al-
þjóðleg sambönd sín til að
Bella Korchnoi
styrkja stöðu Friðriks Ólafsson-
ar innan FIDE í átökunum við
Kremlverja."
Ólafur Jóhannesson utanríkisráð-
herra segir í samtali við Mbl. 26.
júní, að ríkisstjórnin hafi gert
ráðstafanir varðandi málefni
fjölskyldu Korchnois gegnum
sovézka sendiráðið og kvaðst
hann ekki eiga von á að til
frekari aðgerða verði gripið.
Sagði hann að fjallað væri um
málið á vettvangi skákhreyf-
ingarinnar og því væri þess ekki
að vænta að íslenzk stjórnvöld
hefðu þar afskipti.
Frestað aí stjórn-
málaástæðum
Anatoly Karpov gagnrýndi Frið-
rik Ólafsson í viðtali við júgó-
slavnesku fréttastofuna. Er
greint frá því í Mbl. 30. júní og
segir hann m.a. að Friðrik hafi
brotið ríkjandi hefð, að heims-
meistari réði keppnisstað, og
valið þann stað er áskorandan-
um líkaði betur. „Síðan kom
þessi skyndilega ákvörðun for-
seta FIDE að fresta einvíginu
um mánuð í viðbót — af stjórn-
málaástæðum að þessu sinni —
ekki af neinum tæknilegum
ástæðum," sagði Karpov.
Hinn 17. júlí gengu þau boð út frá
sovézkum yfirvöldum að þau
myndu leyfa fjölskyldu Victor
Korchnois að fara úr landi verði
einvíginu flýtt á ný til 19.
september, sem var upphaflegi
dagurinn. Dagana á undan hafa
staðið yfir samningaviðræður
milli sovézkra stjórnvalda og
FIDE og féllst Friðrik á þessa
beiðni fyrir sitt leyti geti móts-
haldarar í Merano á Ítalíu fallizt
á það.
Ferðafrelsi í sjónmáli
Framkvæmdanefnd FIDE hittist
á fundi í Atlanta í Bandaríkjun-
um 21. júlí og voru næstu daga
stöðugir fundir og reynt að leysa
þessi mál með samningum.
Lokaspretturinn í þriggja sól-
arhringa samningalotu nefndar-
innar og Sovétmanna lauk á
fimmtudagskvöld 23. júlí. Þá var
unnið að því að fá tryggingu
fyrir ferðafrelsi fjölskyldu
Korchnois, og í Mbl. laugardag-
inn 25. júlí er haft eftir Friðrik
Ólafssyni að hann telji sig hafa
fulla tryggingu fyrir því að
sonur og kona Victor Korchnois
fái að fara frá Sovétríkjunum
áður en skáksnillingarnir hitt-
ast. Kvaðst Friðrik hafa fallizt á
að flýta einvíginu til 19. sept-
ember þótt það hæfist raunveru-
lega ekki fyrr en 1. október með
fyrstu skák þeirra.
ísamtali við Mbl. sunnudaginn 26.
júlí segir Friðrik Ólafsson m.a.:
„Ég held að allir sem hlut eiga
að máli hafi haft skilning á þvi
að afgreiðsla fjölskyldumálsins
og einvígisins um heimsmeist-
aratitilinn í skák þyrfti að ganga
skynsamlega fyrir sig svo menn
gætu horft björtum augum til
framtíðarinnar. Allir lögðust á
eitt við að koma þessu máli út úr
heiminum áður en upp úr syði og
allt spryngi og það er mitt mat,
að allir hafi teygt sig til sam-
komulags úr hvaða heimshorni
sem þeir komu og það er virð-
ingarvert og sýnir að hægt er að
brúa bil, sem maður telur ef til
vill óbrúanlegt. Ef framhaldið
gengur að óskum vona ég að við
getum fylgzt með friðsælu og
spennandi einvígi."
Sannfærður um
góða lausn
Friðrik sagði ótal þætti hafa
komið þarna inn í, m.a. að
Karpov hefði ekki þolað kuldann
á Italíu hefði einvíginu verið
frestað. Friðrik sagðist sann-
færður um góða lausn, enda þótt
ekki væri dagsett hvenær fjöl-
skylda Korchnois fengi farar-
leyfið. „Ég gerði mig ánægðan
með þær yfirlýsingar og upplýs-
ingar, sem ég fékk um þann þátt
málsins og kom því til móts við
óskir sovézka skáksambandsins
eins og unnt var með tilliti til
mótshaldaranna," sagði Friðrik
Ólafsson og með þeim orðum er
botninn sleginn í þessa upprifj-
un. j.t.
—^andstraeg
hljompío
jakkar
gallabuxur skyrtur
flannelsbuxur
háskólabolir
sumarbolir
hljomplötur
verð frá krJ59.-
<h

C/R
Hljómfleild
V
Laugavegi 37, Laugavegi 89

Laugavegi
Komiö og fáið mikið fyrir lítiö