Morgunblaðið - 22.08.1981, Blaðsíða 2
2
MORGUNBLAÐIÐ, LAUGARDAGUR 22. ÁGÚST 1981
Neskaupstaður:
Mokfiskirí
ínm a tirði
Trillurnar komnar á síld
Ncskaupstað. 21. áKÚst.
MIKIL fiskÍKenKd hefur verið
hér í Norðfirði að undanförnu ok
rótfiska trillurnar hæði á línu og
handfæri. auk þess sem þær hafa
fengið upp i 8 tunnur af síld i
netin. I>á hafa togararnir fiskað
mjöK vel frá áramótum ok koma
yfirleitt með fullfermi að eftir
nokkurra daga útivist.
Fyrir nokkrum dögum sáust
vaðandi síldartorfur um allan
fjörð og fengu menn síldina á
stöng við bryggjurnar, en nú hefur
verið slæmt veður og lítið sézt til
síldarinnar. Þó hafa trillurnar
verið að fá hana í net og komizt
mest í 8 tunna afla, en síldin er
enn of mögur til að saita hana og
því hefur hún verið fryst í beitu.
Vegna þessa bíða stærri bátarnir
enn átekta, en munu sennilega
byrja veiðarnar þegar síldin verð-
ur söltunarhæf. Annars virðist
enginn undirbúningur fyrir síldar-
söltun vera hafinn hér enn.
Þá hafa trillurnar rótfiskað hér
inni á firði og er það mikil
breyting frá síðustu árum. Bát-
arnir hafa verið að fá allt upp í
hálfa lest af ýsu á línuna og mun
slikt einsdæmi nú í langan tíma.
Togararnir hafa einnig aflað fá-
dæma vel það sem af er árinu og
hér er því landburður af flestum
tegundum fisks og unnið eins og
mannskapur og lög leyfa. _
Ásgeir
„Skýrslan". kvikmynd
um pólitík og þrýsti-
hópa gerð á næsta ári
JÓN Hermannsson hjá ísfilm
hefur i hyggju að framleiða
kvikmynd eftir handriti Kjart-
ans Ragnarssonar.
Að sögn Jóns er ekki enn búið
að gera fjárhagsáætlun fyrir
verkefnið og því ýmislegt enn i
lausu lofti varðandi það, en
myndin yrði væntanlega gerð á
næsta ári.
Kjartan Ragnarsson lagði frum-
ritið að handritinu, sem um ræðir,
inn hjá sjónvarpinu fyrir nokkr-
um árum, en engin ákvörðun var
þá tekin um kvikmyndun þess og
hefur Kjartan nú umskrifað hand-
ritið, en það fjallar um fiskvernd-
unarmál í víðu samhengi og ber
vinnuheitið „Skýrslan". Leikstjóri
verður Lárus Ýmir Óskarsson, en
framleiðandinn Jón Hermanns-
son, eins og áður sagði.
„Þetta verður leikin mynd í
fullri lengd um þrýstihópa og
pólitík," sagði Jón í samtali við
Mbl.
Kekkonen ræðir við forseta íslands, Vigdísi Finnbogadóttur, og Dr. Kristján Eldjárn.
Kekkonen
f ór í gær
— Fékk f jóra laxa
Kekkonen og ólafur Jóhannes-
son, utanrikisráðherra, ræðast
við á flugvellinum.
LjÓHm. Mbl.: Guöjón.
URHO KEKKONEN Finnlands-
forseti hélt frá Islandi áleiðis til
Finnlands í gær, en hann hafði
þá skömmu áður komið frá
Blönduósi, en hann hefur að
undanförnu verið að veiðum í
Víðidalsá.
Samkvæmt upplýsingum sem
Morgunblaðið hefur aflað sér,
fékk Kekkonen fjóra laxa í ánni,
en hann var þar við veiðar í fjóra
daga. Kekkonen var hér í einka-
heimsókn, en hann hefur komið
til íslands mörg undanfarin ár
til að veiða lax. Skömmu áður en
Kekkonen hélt af landi brott
hitti hann að máli forseta Is-
lands, Vigdísi Finnbogadóttur,
Dr. Kristján Eldjárn fyrrver-
andi forseta og ólaf Jóhannes-
son utanríkisráðherra.
Veiðar EBE-skipa við Jan Mayen:
Færeyingar beðnir um að
taka ekki við loðnunni
Danir telja sig hafa heimild frá EBE til að veiða 80 þúsund tonn
íslandsmótið:
IBV vann
KA 1:0
ÍBV sigraði KA 1:0 i 1. deild
íslandsmótsins i knattspyrnu i
gærkvöldi. Leikið var i Vest-
mannaeyjum.
ÍBV var sterkari aðilinn, eink-
um í f.h. Leikurinn var fjörugur og
bauð upp á mörg marktækifæri,
4:2 hefði gefið réttari mynd af
gangi leiksins. Sigurmark ÍBV
skoraði Ómar Jóhannsson á 19.
mínútu með fallegu skoti eftir
góðan undirbúning Sigurláss Þor-
leifssonar.
ÍBV hefur 17 stig eftir 15 leiki
en KA 16 stig eftir 16 leiki.
Víkingur er efstur með 21 stig.
LANDSSAMBAND íslenskra út-
vegsmanna hefur óskað eftir þvi við
sjávarútvegsráðuneytið. að það fari
þess á leit við Færeyinga, að þeir
veiti ekki þeirri loðnu viðtöku. sem
skip. sem verið hafa að ólöglegum
veiðum við Jan Mayen. leggja þar
upp. Skip þessi, sem eru frá Dan-
mörku. Færeyjum og trlandi. telja
sig hins vcgar vera í fullum rétti.
því Danir hafa ekki viðurkennt
miðlínu við Jan Mayen og er deila
þeirra við Norðmenn um það
óútkljáð mál.
„Með því að Færeyingar kaupa
loðnu af þessum skipum, þá gera
þeir þeim þetta mögulegt, því það er
varla hægt að gera þetta arðbært
með því að sigla með þessa loðnu til
Danmerkur. Það tæki þá a.m.k.
helmingi lengri tíma en að sigla með
loðnuna til Færeyja og þar með yrði
úthaldið helmingi styttra," sagði
Kristján Ragnarsson, framkvæmda-
stjóri LÍÚ, í samtali við Morgun-
blaðið í gær. „Þetta er mjög þýð-
ingarmikið og við teljum að við
eigum nokkuð inni hjá Færeyingum,
vegna þess að þeir fá það mikil
veiðiréttindi hjá okkur. Þeir megi
þannig ekki stuðla að því að eyði-
leggja fyrir okkur loðnustofninn. Ef
skipin komast upp með að veiða
loðnuna, þá er það mjög ískyggilegt
og rýrir aflamöguleika okkar, vegna
þess að við ætlum að vernda þennan
stofn, við ætlum ekki að ofveiða
hann. Það kemur til með að þýða
það, að allt sem þessir aðilar veiða,
verðum við að draga frá því sem við
fiskum," sagði Kristján Ragnarsson.
„Ég hef talað við Landsstjórnina í
Þórshöfn og spurt um hvort þeir ætli
að taka við þessari loðnu, en þeir
kváðust ekki búast við því, vegna
þess að hærra loðnuverð væri í
Hirsthals og myndu því skipin varla
vilja landa í Færeyjum, nema í
undantekningartilvikum,“ sagði Jón
B. Jónasson, skrifstofustjóri í sjáv-
arútvegsráðuneytinu, í gær. Jón
sagði að enn hefðu ekki fengist svör
frá Norðmönnum, um hvað þeir
ætluðu að gera vegna veiða danskra,
færeyskra og írskra skipa við Jan
Mayen, en sem kunnugt væri viður-
kenndu Danir ekki miðlínu á milli
Jan Mayen og Grænlands, en þeir
telja sig hafa heimild frá Efnahags-
bandalagi Evrópu til að veiða 80
þúsund lestir á svæðinu.
í samtali við Morgunblaðið sagði
Sigurður Kristjónsson, skipstjóri á
Skarðsvík, að skipin sem telja sig
vera að veiðum í landhelgi Græn-
lands, hefðu verið langt fyrir innan
miðlínu milli Jan Mayen og Græn-
lands.
„Enda segja skipstjórarnir á
þessum skipum að þeir vilji enga
miðlínu þarna, þeir segja það í
talstöðina," sagði Sigurður. Hann
sagði að þær fréttir hefðu borist frá
skipunum að þau hefðu fiskað vel.
I>oðnuna á svæðinu sagði Sigurður
vera misjafna, loðnan sem veiddist
vestan við Jan Mayen væri mjög góð,
stór og falleg, fiskurinn norðaustan
við eyjuna hefði hinsvegar verið
frekar smár, en loðnan væri ekki
mjög feit, um 14%.
Kjartan Ólafsson, ritstjóri Þjóðviljans:
2% svigrúm í kjarasam ningum
vegna hækkunar hjóðartekna
í FORYSTUGREIN Þjóðviljans í gær, sem skrifuð er af Kjartani
Ólaíssyni ritstjóra og varaformanni Alþýðubandalagsins. er
fjallað um kröfugerð í næstu kjarasamningum. Þar segir svo meðal
annars: „Og nú er landið farið að rísa ú ný. Viðskiptakjörin hafa
þokast lítið eitt til réttrar áttar og framleiðslan i landinu i
hámarki. Með þetta í huga má ætla, að í ár vaxi þjóðartekjur á
mann um a.m.k. 2%.“
Forystugrein Þjóðviljans
verður ekki skilin á annan veg en
þann, að höfundur hennar telji
launþega eiga að njóta góðs af
þeirri hækkun þjóðartekna á
mann, sem hann tíundar. Miðað
við aukningu þjóðartekna yrði
þá grunnkaupshækkun á þessu
ári um 2%, en eins og kunnugt er
renna almennir kjarasamningar
út 1. nóvember næstkomandi.
Morgunblaðið leitaði upplýs-
inga hjá Þjóðhagsstofnun í gær
og spurðist fyrir um það, hvort
hún hefði sent frá sér útreikn-
inga, sem sýndu að þjóðartekjur
á mann myndu hækka um 2% á
þessu ári. Var af stofnuninni
vísað til þess, að af hennar hálfu
hefði verið á það bent, að líklega
myndi þjóðarframleiðsla standa
í stað á árinu. Hins vegar mætti
búast við 1% hækkun þjóðar-
tekna í heild, sem þýddi, að
þjóðartekjur á mann versnuðu
ekki, heldur stæðu í stað. Þetta
álit hefði stofnunin gefið út fyrr
á árinu og það hefði ekki breyst.