Morgunblaðið - 22.08.1981, Blaðsíða 39
MORGUNBLAÐIÐ, LAUGARDAGUR 22. ÁGÚST 1981
39
„Ætlum að reyna að fá
Norðurlandamotið í golfi“
- spjallað við Frímann Gunnlaugsson formann GA
„Golfið er nú einu sinni þannig íþrótt að þeir sem vilja
geta iðkað það fram á grafarbakkann. En þá á ég við aö
þaö þarf enginn að hætta í golfinu aldursins vegna, en
það þurfa hinsvegar iðkendur í mörgum íþróttum að
gera jafnvel þó þeir séu á besta aldri frá sjónarhóli
golfmanna. Máli mínu til stuðnings vil ég nefna að hjá
okkur í GA eru 15—20 manns yfir sextugt sem stunda
golfið af miklum eldmóöi og ekki minni áhuga en þeir
sem yngri eru.“ Þannig fórust Frímanni Gunnlaugssyni,
formanni Golfklúbbs Akureyrar, orð í upphafi spjalls
sem undirritaður blm. átti nú nýverið við hann, en gefum
nú Frímanni orðið á ný.
„Allt í toppstandi
á 50 ára afmælinu“
„Golfklúbbur Akureyrar var
stofnaður árið 1935 og var fyrsti
völlur klúbbsins þar sem Slipp-
stöðin stendur nú. Árið 1946 var
svo flutt um set og var þá farið á
völlinn sem stóð við Þórunnar-
stræti. Á 7. áratugnum voru svo
höfð makaskipti við Akureyrarbæ
á þeim velli og jörðinni Jaðri. Við
makaskiptin var gerður samning-
ur milli GA og bæjarins á þá leið
að bærinn skyldi sjá um að
fjármagna uppbyggingu á 18 holu
golfvelli að Jaðri. Bærinn hefur
staðið við alla gerða samninga og
hafa samskiptin við þá verið í alla
staðj. mjög góð. Framkvæmdir
hófust svo þar árið 1966 og var svo
9 holu völlur opnaður þar árið
1970. Um leið og þessi 9 holu
völlur var opnaður var ekki sagt
„punktur og basta" eins og oft vill
verða þegar einhverjum áfanga er
náð, heldur hefur verið haldið
áfram af miklum krafti við upp-
byggingu vallarins. Á þessum
tíma hefur orðið geysileg fjölgun í
klúbbnum hjá okkur og er nú 9
holu völlur hvergi nærri nógu stór
fyrir meðlimi klúbbsins sem eru
nú nálægt 300 talsins. Fyrir þrem
árum var svo hafist handa við 9
holur til viðbótar og er ætlunin að
þær verði teknar í notkun helgina
22.-23. ágúst á minningarmóti
um Ingimund Árnason. Þessar 9
holur sem bætast nú við eru ekki
mjög langar en það er mannamál
að þær séu þeim mun erfiðari.
Síðastliðinn vetur hófust svo
franfkvæmdir við nýbyggingu sem
er áföst við golfskálann. Þessum
byggingarframkvæmdum miðaði
fremur hægt framan af sumri
vegna illrar veðráttu en við vonum
að þessi viðbygging verði orðin
fokheld nú í september. Árið 1985
verður klúbburinn 50 ára og er
stefnt markvisst að því að þá verði
völlurinn og allt sem honum
viðkemur komið í toppstand.
„Nýbreytni í
félagsgjöldum“
Á sumrin höfum við hér í vinnu
nokkra menn til að annast völlinn
og þá vil ég einnig geta þess að
allur sá tækjabúnaður sem við
höfum yfir að ráða í sambandi við
völlinn er í okkar eigu, og er hann
margra tuga þúsunda virði, og það
hlýtur hver og einn að sjá að það
er erfitt að halda klúbbnum og
vellinum gar.gandi nema því að-
eins að leggja há félagsgjöld á
meðlimi. Félagatalan hefur varið
ört vaxandi undanfarandi ár og
hafa ■* félagarnir verið mjög já-
kvæðir með að greiða þessi gjöld
og held ég að það sé einkum vegna
þess að þeir sjá að unnið er mikið
við völlinn. Við höfum tekið upp
nýbreytni í sambandi við félags-
gjöldin og hefur hún mælst mjög
vel fyrir. Þessi nýbreytni er í því
fólgin að fyrsta árið í GA borga
meðlimir 'A af fullu gjaldi, annað
árið % og svo fullt gjald eftir það.
Þetta gerum við vegna þess að
þegar einstaklingur er að byrja að
æfa golf þarf hann að kaupa sér
áhöld sem eru dýr og það getur
einnig farið svo að honum líki
enganveginn í golfinu og hætti
fljótlega. Á þennan hátt höldum
við að við gerum öllum jafnt undir
höfði hvort sem þeir eru að byrja
eða hafa verið í golfi til fjölda ára.
Svo ég víki aðeins að þeim sem
byrja að iðka golf, þá hvetjum við
þá alltaf til að fara á námskeið því
það tr mjög erfitt að lagfæra
vitleysur sem maður hefur vanið
sig á í fyrstu. í þessu sambandi
höfum við fengið Þorvald Ás-
geirsson golfkennara hingað á
hverju sumri í 2—3 vikur til að
halda námskeið. Aðsóknin að
þessum námskeiðum hefur verið
góð og fólk hefur verið mjög
ánægt með þau.
„Vissar siðareglur
gilda í golfinu“
Það má eiginlega segja að í
golfinu gæti vissrar sérstöðu mið-
að við aðrar íþróttir og á ég þá við
að það byggist á mikið meiri
vináttu en margar aðrar íþróttir.
Þú ferð með félögum þínum í golf
og ert þá með þeim í tvo til fjóra
tíma í senn eða þar um bil og því
kynnist þú þeim mjög vel. En
þegaf þú leikur golf verðurðu að
kunna vissar siðareglur mjög vel
og gjöra svo vel að fara eftir þeim
í einu og öllu. En ef það gengur
ekki þá er þér refsað. Þetta tel ég
vera mikið uppeldisatriði fyrir
alla og þá einkum og sér í lagi
fyrir ungt fólk.
Það hefur oft verið sagt að það
sé aðeins á færi efnaðs fólks að
iðka golf. En þetta held ég og
reyndar veit að er einber misskiln-
ingur eftir að hafa farið í gegnum
spjaldskrá félagsins. Það ber mik-
ið á því að innivinnandi fólk sé í
golfinu og er þar mikið um
verslunar- og skrifstofufólk að
ræða en einnig er mikið af iðnað-
arfólki svo og fólki úr öllum
stéttum og á öllum aldri.
„Æfum inni
yfir veturinn“
Við norðanmenn erum yfirleitt
mun verr settir en þeir á Suður-
landinu á vorin og á ég þá við
ástand valla en við erum yfirleitt
2—3 vikum á eftir með að fá upp
leikhæfa velli. Þetta veldur því þó
ekki að við sitjum aðgerðarlausir
á meðan þeir fyrir sunnan spila af
krafti því við höfum haft aðstöðu
til inniæfinga í golfskálanum og
hafa menn, en einkum þó þeir
yngri, verið duglegir að færa sér
hana í nyt, en margir iðka einnig
aðrar íþróttir yfir veturinn til að
halda sér við líkamlega.
En snúum okkur nú örlítið að
því sem flestir stefna að, en það er
keppni. Það er talsvert mikið um
mót á vegum GA enda mikill
fjöldi iðkenda sem hlýtur að leiða
til þess að meiri þörf er fyrir mót.
Það er nú einu sinni þannig að
þegar út í keppni er komið er
hugarfar þeirra sem leika allt
annað en þegar þeir eru að æfa
sig. Þeir reyna þá auðvitað að
leika eins vel og þeim er unnt því
úrslitin eru fest upp á vegg fyrir
augum allra.
En í sambandi við mót hérna
fyrir norðan þá eru þau mjög
mörg og held ég að það séu mót
um hverja helgi allan seinni hluta
sumarsins. Svo eru að sjálfsögðu
mót út um landið sem kylfingar
verða að sækja, en það eru mót
sem gefa stig til landsliðs og eru
þessi mót alls tíu talsins, og fer
eitt þeirra fram hjá okkur. Mér
telst svo til að það sé keppni 34
daga (af 135 dögum) frá maí fram
í september hjá okkur. í GA gildir
sú regla fyrir keppendur þegar
þeir fara á mót sem gefa stig til
landsliðs að þeir sem verða í 1.—5.
sæti fá ferðakostnað sinn grei-
ddan að fullu en þeir sem hafna í
5.—10. sæti fá helming greiddan.
Þetta finnst okkur mjög sann-
gjarnt því talsvert er um að menn
sæki þessi mót og noti þá ferðina
einnig sem „skemmtiferð", en þeir
lenda þá yfirleitt ekki í einhverju
af sætum og verða því að gjöra svo
vel að borga brúsann sjálfir. Þetta
hefur mælst mjög vel fyrir og hafa
aðrir golfklúbbar fetað í fótspor
okkar í þessum efnum.
„Miðnætursólarmót“
Að lokum langar mig að nefna
*að völlurinn okkar er annar völl-
urinn á landinu sem er 18 holur og
gefur það óneitanlega möguleika á
að halda hér „stórmót". Við höfum
reyndar hugsað okkur að reyna að
fá Norðurlandamótið næsta
sumar til okkar en það er óvíst
vegna þess að þær 9 holur sem
verða teknar í notkun í ár verða
líklega ekki undir það búnar að
taka við slíku móti. Það hefur
komið til tals að halda hér alþjóð-
legt mót sem einkum yrði fyrir i
fólk sem ferðast mikið um og
„safnar golfvöllum" þ.e. safnar
kortum af þeim völlum sem það
hefur leikið á. Það mætti hugsa
sér að slíkt mót yrði jafnvel nefnt
„miðnætursólarmót", sagði Frí-
mann að lokum.
- jor.
• Frímann Gunlaugsson formaður Golfklúbbs Akur-
eyrar.
„Höfum spilað á öllum
þrem völlum félagsins44
- sögöu þeir Jón Sólnes og Jón Guðmundsson
Á FERÐ sinni um golfvöllinn
rakst undirritaður á vel þekkta
Akureyringa um árabil en það
voru þeir nafnarnir Jón Sólnes
og Guðmundsson. Það var ekki
beint hægt að sjá að þeir félag-
arnir hefðu lagt að baki bestu
æviárin því þeir voru eldhressir
og leyndi áhuginn sér ekki. Blm.
vatt sér að þeim þegar þeir voru
að leggja af stað og átti við þá
stutt spjall.
Þeir sögðust hafa leikið golf frá
1938 og hefðu þeir því leikið á
öllum þremur völlum golfklúbbs-
ins frá upphafi, og Jón Sólnes
bætti við að þeim hefði farið aftur
á öllum völlunum. Nú í dag leikum
við alltaf saman og reynum við að
fara á hverjum degi ef við mögu-
lega getum og leikum þá yfirleitt 9
holur í senn og svo tökum við
einnig þátt í mótum. Við höfum
farið saman á golfvöllinn í u.þ.b.
20 ár „og er alltaf spilað uppá
blákalda peninga og ef ég hefði
ekki farið út í að spila úppá
peninga við nafna þá væri ég
vafalaust efnamaður," sagði Jón
Sólnes, hló við og dró upp bók þar
sem hann sýndi undirrituðum
bókhald yfir þessi veðmál allt
aftur til ársins 1967. Þeir sögðu að
það væri alltaf reiknuð út staðan
eftir hvern hring og væri það mjög
illa séð af ekki væri borgað strax.
Okkur finnst alltaf jafngaman í
golfinu og ætlum að halda því
áfram svo lengi sem við getum
staðið á fótunum, sögðu þeir um
leið og þeir lögðu af stað.
- jor
Jón Sólnes og Jón Guðmundsson. Þeir hafa leikið uppá peninga allt frá árinu 1967.