Morgunblaðið - 22.08.1981, Blaðsíða 36
36
MORGUNBLAÐIÐ, LAUGARDAGUR 22. ÁGÚST 1981
„íg veit ab þú yíL-t ekki gQnqa um meé
e'mhwern helling a-P Smcí-töLum."
Ást er...
hvenær hann hring-
ir.
TM ÍWS U.S. P»t. 0«f.—All rightt raMrwd
Brinum augunum aö bjartari
hliðinni og maöur hcfur þaö á
tilfinninKunni að það sé hærra
til lofts!
Með
morgunkaffinu
HÖGNI 11REKKVÍSI
£/? 40 /(0/44 Avro ri/A/A/c/A/4.
Um Shakespeare-þýðingar og Völuspá:
„Þar með eru ráðin örlög
ýmissa dularfullra verau
Hér birtist fyrri hluti bréfs
sem Þórunn Guðmundsdóttir
sendi Valvakanda. Síðari hlutinn
verður birtur á sunnudag en
hann fjallar um annað og óskylt
efni.
Góði Velvakandi!
Þegar ég heyrði að Helgi
Hálfdanarson væri orðinn sjö-
tugur, var ég einmitt nýbúin að
lesa enn einu sinni bók hans:
„Maddömuna með kýrhausinn".
Löngum hefur verið borið mikið
og verðugt lof á Shakespeare-
þýðingar Helga. Ætla ég ekki að
fjölyrða hér um það stórvirki.
En mig langar til að láta í ljós
þakkir fyrir og aðdáun á bók
hans um Völuspá.
Mikla þekkingu á báðum tung-
um, þrotlausa vinnu og natni,
mikla hagkvæmni og skáldlega
innsýn þarf til þess að leysa af
hendi slíkt verk sem Shake-
speare-þýðingarnar eru. Ég álít
að ennþá meiri hagkvæmni og
skáldlega nærfærni þurfi til að
gera Völuspá þau skil sem Helgi
hefur gert. Með því að breyta
fáeinum stafkrókum, tilfærslu á
nokkrum erindum og brottfell-
ingu annarra, sem mörg höfðu
þegar af fræðimönnum verið
gerð útlæg úr kvæðinu, hefur
Helgi gert þessu dýrlega kvæði
þau skil að það birtist sem
fuglinn Fönix í nýjum glæsileik.
Fræðimenn hafa öldum saman
glímt við Gullveigu, þursameyj-
ar og vassaher og horft agndofa
á þann dularfulla Hveralund.
Um þessar og fleiri annarlegar
verur hafa verið ritaðar bækur
af fræðimönnum og lítt skýrð
tilurð þeirra að heldur. Með
miklu hugviti og litlum breyt-
ingum, gefur Helgi orðum þess-
um og heitum nýja merkingu,
svo þau falla að efninu, hvert á
sínum stað, svo það verður ljóst
og auðskilið.
Þar með eru ráðin örlög ým-
issa dularfullra vera. En eins og
höfundur segir í niðurlagi, mun
ýmsum þykja að hyski þessu of
mikill missir, til að þýðast þau
örlög sem hann býr þeim í bók
sinni.
Ég hef aldrei séð neinn dóm
um bók þessa, hvorki góðan né
illan.
Ég skrifa þetta ekki af fræði-
mennsku, en bið þó engan afsök-
unar á þessum ummælum mín-
um.
Þórunn Guðmundsdóttir.
Seinagangur á gangstéttalagningu við Yztasel:
„Verkinu átti að
vera lokið í fyrra“
íbúar hér í Yztaseli eru orðnir
langþreyttir á því hversu dregist
hefur hjá borginni að ganga frá
gangstéttum hér við götuna. Ekki
fæ ég betur séð en framkvæmdir
allar hjá borginni einkennist af
einkennilegum seinagangi og
skipulagsleysi síðan vinstri meiri-
hlutinn tók við. Sl. þriðjudag
birtist t.d. mynd í Morgunblaðinu
af væntanlegu íbúðahverfi í Selja-
hverfi og var þar engin malbikuð
gata, eins og reglugerð hefur gert
ráð fyrir síðastliðin 15 ár. Víða um
borgina sér maður þess merki að
um afturför sé að ræða og efast ég
ekki um að ástæðan er óstjórn
þessa svokallaða vinstrimeiri-
hluta, sem ekki kemur sér saman
um neitt annað en að láta málefni
borgarinnar reka á reiðanum.
En svo ég víki aftur að aðalefni
bréfsins. Við íbúar við Yztasel
höfum nú ritað borgarráði og
borgarstjóra bréf þar sem við
förum framá að gangstéttin verði
lögð hið fyrsta. Þá höfum við
einnig sent gatnamálastjóra bréf
um sama efnið. Ekki bólar þó á
framkvæmdum. Verkinu átti að
vera lokið í fyrra, en þá gerðist
ekki neitt og er áreiðanlegt að
ekkert verður gert í sumar heldur
nema við íbúarnir við götuna
stöndum saman í málinu.
Okkur húseigendum þykir það
hastarlegt að þurfa að samþykkja
víxla hjá borginni sem tryggingu
fyrir því að við göngum frá lóðum
okkar á tilsettum tíma og höfum
snyrtilegt í kringum hús okkar —
á sama tíma og borgaryfirvöld
standa ekki við orð sín gagnvart
okkur, varðandi frágang á gang-
stígum og opnum svæðum. Þá
hafa húseigendur þegar greitt
fyrir þessa vinnu — með greiðslu
gatnagerðargjalda og annara
opinberra gjalda. Hvað verður af
þessum peningum?
Það er áreiðanlegt að húsbyggj-
endur verða ekki búnir að gleyma
þessum seinagangi og skipulags-
leysi þegar gengið verður að kjör-
borði í borgarstjórnarkosningum í
vor.
íbúi við Yztasel
Vill Matthías Vestfirðinga-
þingmaður segja álit sitt?
Fullyrða má að umsögn fyrrum
sjávarútvegsráðherra, Matthíasar
Bjarnasonar alþm., í blaði þínu,
Velvakandi, hér á dögunum, um
nauðsyn þess að fullur jöfnuður
skuli ríkja milli ríkisrekinna
fyrirtækja og hinna sem eru í eigu
hlutafélaga (síldarbræðslurnar)
hafi vakið verðskuldaða athygli..
Það er ekki oft núorðið sem sú
rödd heyrist úr hinu 60 manna
þingliði, sem telur að á þessu sviði
ríki ójöfnuður, sem leiðrétta beri.
En því minnist ég á þetta, að
nefna má önnur dæmi um slíka
mismunun, þar sem réttsýnir
stjórnmálamenn geta haft úrslita-
áhrif. Oskandi væri að hinn skel-
eggi þingmaður þeirra Vestfirð-
inga fylgdi sjónarmiðum sínum
eftir á starfsvettvangi sínum»— í
þingsölum Alþingis.
Hin dæmin sem ég vil benda á
eru fyrirtækið sem skotið var
undir Inga R. Helgason gullkistu-
vörð, Brunabótafélag íslands.
Þetta tryggingarfélag greiðir ekki
neinn tekjuskatt eins og önnur
tryggingarfélög í landinu. — Og
sama máli gegnir um Samábyrgð
íslands á fiskiskipum, sem ekki
heldur greiðir neinn tekjuskatt og
er auk þess leyft að hagræða
aðstöðugjaldi sínu á hagstæðari
hátt, en samkeppnisaðilar þess
verða að sætta sig við. Og loks eru
svo stimpilgjöld ekki tekin af
tryggingum, sem það hefur, en þau
geta orðið verulegur útgjaldapóst-
ur, jafnvel allt að 8 prósent af
iðgjaldi.
Spurningin er svo hvort Matthí-
as þingmaður myndi vilja segja
álit sitt í Mbl. á þessum viðskipta-
háttum eða öllu heldur foréttind-
um hinna ríkisreknu fyrirtækja:
Brunabótar og Samábyrgðarinnar.
— Já, Guð láti það vita á gott, að
Matthías Bjarnason alþm. virðist
jafnvel fyrstur núverandi þing-
mannanna 60, sem hefur komið
auga á eitt af því sem rennir
stoðum undir lýðræðið í landinu er
að atvinnufyrirtækjunum sé ekki
mismunað og þeim tryggð sam-
bærileg rekstrarskilyrði, þar á
meðal skattalega, án tillits til
rekstrarforms.
Friðþjófur Þórðarson