Morgunblaðið - 17.10.1981, Blaðsíða 13

MORGUNBLAÐIÐ, LAUGARDAGUR 17. OKTÓBER 1981
13
LÆKNINGAMIÐILLINN EINAR Á EINARSSTÖÐUM
Á annað þúsund sjúklingar
vilja komast að í hvert sinn
Einar á EinarsstöÁum, lækninga-
miðill, hcfur nú annast lækningastörf
með sínum sérstæða hætti um 25 ára
skeið og hafa tugþúsundir manna
leitað sér lækninga til hans á þessum
tíma. Ekki hafa allir fengið bót, en
stór hluti telur sig verða varan við
verulegan bata og svo eru hrein
lækningaundur sögð hafa gerst í ná-
vist Einars.
Fyrir þremur árum kom út bók
um líf Einars og starf, „Miðils-
hendur Einars á Einarsstöðum", og
var hún skráð af Erlingi Davíðs-
syni. Vitna þar um 30 manns er
leitað hafa til Einars um stór-
merkar lækningar er þeir hlutu, og
hljóta þessir vitnisburðir að vekja
alla til umhugsunar hvort þarna
hljóti ekki eitthvað að búa að baki,
annað en hjátrú eins og stundum er
haldið fram.
Sjálfur fullyrðir Einar að í gegn-
um hann starfi framliðnir menn —
flest læknar er áður hafi stundað
læknisstörf hér á jörðu, eins og við
verðum víst að orða það. Þannig
heldur Einar því fram að lækn-
ingar er verða í návist hans séu að
engu leyti honum að þakka, heldur
sé hann einungis milliliður fyrir
lífsorku eða lækningamátt sem
streymi að handan. Einar hefur því
aldrei tekið þóknun í nokkurri
mynd fyrir lækningastörf sín, þó
hann hafi af þeim ærna fyrirhöfn
og mikill átroðningur sé allan árs-
ins hring af þessum sökum á heim-
ili hans á Einarsstöðum í Reykja-
sveit. Einar gegnir fullu starfi sem
bóndi. Það hefur að jafnaði verið
hljótt um störf hans — og þannig
vill hann einmitt hafa það. En þeg-
ar bókin „Miðilshendur" kom út og
seldist upp nær samstundis varð
breyting á.
„Þessi bók og sú athygli sem hún
vakti á Einari varð síður en svo
heppileg fyrir starf hans. Aðsókn
sjúklinga til Einars hefur lengst af
verið mikil en eftir að bókin kom út
var hann hreinlega kaffærður,"
sagði sr. Sigurður Haukur Guð-
jónsson, sóknarprestur í Lang-
holtsprestakalli, í samtali við
Morgunblaðið. Sr. Sigurður Hauk-
ur hefur lengi verið Einari til full-
tingis þannig að hann hefur tekið
við lækningabeiðnum til Einars
hér í Reykjavík og skipulagt lækn-
ingafundi hans hér. Til borgarinn-
ar kemur Einar tvisvar á ári,
venjulega í nóvember og marz.
Rætt við sr.
Sigurð Hauk
Guðjónsson
um lækninga-
störf Einars
Einar á Einarsstöðum.
Sr. Sigurður Haukur Guðjónsson
„Aðsóknin að honum hérna í
Reykjavík er geysileg, vægast sagt
hryllingur," sagði sr. Sigurður
Haukur. „Það fer langt á annað
þúsund sem vill komast til hans í
hvert sinn. Hann hefur auðvitað
enga möguleika til að sinna öllu
þessu fólki og alltaf verður að vísa
einhverjum frá. Hann dvelur að-
eins 10 daga í senn en á stóru lækn-
ingafundunum sem við höldum í
Safnaðarheimili Langholtskirkju,
komast mest að 120—130 manns í
einu. Einkafundi hefur hann líka
með nokkrum sjúklingum í hvert
sinn en þeír hafa verið haldnir þar
sem hentast þótti hverju sinni.
Eftir að bókin kom út safnaðist
geysilegur fjöldi að Einari eins og
ég sagði og vægast sagt er fólk
ákaflega kröfuhart við hann. Við
megum ekki gleyma að hann vinn-
ur fullt starf sem bóndi og að
sjálfsögðu þarf hann að hvílast
eins og aðrir.
Dregur það ekki úr lækningamætt-
inum þegar svona stór hópur fólks
leitar til lækningamiðils í einu?
„Við höfum ekki orðið varir við
það. Svo virðist sem lækningamátt-
urinn komi ekki frá Einari sjálfum
— ef svo væri er hætt við að hann
entist ekki á þessum stóru lækn-
ingafundum sem oft eru haldnir
fleiri en einn á dag. Þessi kraftur
virðist eiga sér rætur annars stað-
ar — á öðru tilverustigi eins og
Einar telur sjálfur, með öðrum orð-
um frá lífsins lind.
Hafa gerst merkar lækningar fyrir
tilstilli Einars síðan bókin kom út?
„Já, þær koma fyrir öðru hvoru.
Hann heldur alveg sínu striki og
það er alls ekki að sjá að honum
fari aftur þó svona mikið mæði á
honum. Oft gerast í kringum hann
afar merkilegir hlutir — það bók-
færum við og geymum. Satt að
segja hefur það merkilegasta sem
gerst hefur í kringum Einar aldrei
verið gert lýðum ljóst — en seinna
verður kannski hægt að vinna úr
þessu. Því miður er mönnum eins
og Einari gert erfitt fyrir með
fleiri en einum hætti og eru hleypi-
dómarnir e.t.v. hvimleiðastir. Sum-
ir hafa jafnvel líkt starfi hans við
kukl — en enginn sem þekkir Einar
eða er viðstaddur lækningar hans
held ég að láti sér slíkt til hugar
koma,“ sagði sr. Sigurður Haukur.
Opið bréf til ríkisvaldsins
Eins og mörgum er kunnugt erum við búin að stofna félag og setja upp
skrifstofu, kaupa ritvél, útbúa bréfsefni með haus, prenta kynningar
bækling í lit á íslensku, búa til barmmerki og gera ýmislegt til að koma
okkur og okkar athöfnum á framfæri.
Þrátt fyrir alla athafnaþrá okkar hefur hið opinbera ekki s éð
ástæðu til að styrkja okkur fjárhagslega, eða á nokkurn annan hátt.
Þvert á móti hefur lagafrumskógur ríkisvaldsins heft okkur á allan
hátt og svigrúm til sjálfstæðra aðgerða verið mjög takmarkað.
Þessu viljum við að sjálfsögðu ekki una og förum fram á ríkis-
styrk.
Andstöðuhópur gegn ríkisvaldi.
Nokkrir málsvarar „Andstöðuhóps gegn rfkisvaldinu *. F.v. Katla Rós,
Gunnar Vilhelmsson, Halldór Carlsson og Sigríður Vala. Ljósm. Emiifa.
Stefán frá Möðrudal
TJÖRNIN
Stefán taldi
947 endur
Stefán frá Möðrudal kom að
máli við Hlaðvarpann sl.
þriðjudag og kvaðst hafa talið
fuglana á tjörninni. Sagðist
hann hafa beitt fyrir sig þeirri
aðferð að telja jafnan fimm í
einu og leggja jafnóðum saman
— en þessi talningaraðferð
mun ekki vera öllum lagin.
Niðurstöður Stefáns voru sem
hér segir: endur 947 og álftir
35.
Upphlaupið í Toll-
vörugeymslunni
Eftir Björn Her-
mannsson tollstjóra
Fyrir nokkrum dögum glumdi í
eyrum útvarpshlustenda auglýs-
ing til innflytjenda á þá leið, að
ekki yrði fyrst um sinn tekið á
móti vörum til innlagnar í Toll-
vörugeymsluna hf., vegna skyndi-
legs brotthvarfs tollvarða af
staðnum. Sem að líkum lætur á
mál þetta sinn aðdraganda.
Það var á árinu 1960 að Alþingi
samþykkti lög um tollvörugeymsl-
ur. Lögin voru talin marka all-
verulegt framfaraspor í þróun
innflutningsverzlunar. Þau báru
að sjálfsögðu keim af þeim tíðar-
anda sem þá ríkti í þessum efnum,
þ.e. af boðum og bönnum um að
þetta mætti ekki né hitt. Það var
og er enn í lögunum ákvæði um að
vörugeymslur allar skuli að jafn-
aði vera bæði undir lás geymslu-
hafa og lás og innsigli tollgæsl-
arar ungu stofnunar. En svo kom
á árinu 1975 að forsvarsmenn
Tollvörugeymslunnar hf., óskuðu
eftir að breyting yrði á starfshátt-
um í þá átt, að þeir fengju sjálfir
aukin afskipti og ábyrgð á af-
greiðslu inn og út úr geymslunni.
Að vel athuguðu máli og að höfðu
samráði við fjármálaráðuneytið
var fallist á þessa málaleitan
Tollvörugeymslunnar hf. og báðir
tollverðirnir, sem þar höfðu starf-
að frá upphafi teknir úr störfum
þar. Jafnframt var bréflega brýnt
yfir Tollvörugeymslunni hf. hvaða
afleiðingar þessar breytingar
hefðu í för með sér, þ.e. einkum að
því er tæki til á hvaða tímamörk-
um yrði að vera búið að koma á
framfæri kvörtunum um skemmd-
ir eða vantanir á vörunum, þ.e. áð-
ur en varan væri tekin úr vörslu
farmflytjanda. Ennfremur varð
nokkru seinna sú breyting að
þarna var settur til starfa einn
tollvörður sem eingöngu átti að
sjá um og annast vörutalningar,
sem reglum samkvæmt á að gera
a.m.k. einu sinni á ári hjá hverjum
vörueiganda í geymslunni. Við
þetta sat í tiltölulega góðu jafn-
vægi þar til á árinu 1980 að bera
fór á óánægju yfir því að ekki
skyldu teknar til greina, til lækk-
unar á tollgjöldum, vantanir og
skemmdir sem fyrst verður vart
við komu varanna í Tollvöru-
geymsluna hf.
Voru þessi ágreiningsefni m.a.
kærð af Tollvörugeymslunni tii
fjármálaráðuneytisins, sem hafn-
aði kærumálinu. Var svo að sjá
sem Tollvörugeymslumenn hefðu
sætt sig við þessi málalok.
En svo gerist það, og sýnist
þessum ágreiningsefnum óvið-
komandi, að fjármálaráðuneytið
ákveður að færa tollvörðinn, sem
starfaði í Tollvörugeymslunni af
starfsvæði tollstjóraembættisins í
Reykjavík til tollgæslustarfa við
embætti bæjarfógetans í Hafnar-
firði. Þessi ákvörðun ráðuneytis-
ins tekur gildi 1. október sl. og
með mjög litlum fyrirvara. Til
stóð að sjálfsögðu að útvega ann-
an tollvörð til vörutalningarstarfa
í geymslunni, en til þess hafði ekki
unnist tími þegar stjórn Tollvöru-
geymslunnar tekur þessa ákvörð-
un að loka fyrir innlagnir vara í
„Mér þótti því að
stríðshanskanum hefði
verið kastað að tiiefnis-
lausu og óforvarandi. Gat
það verið vilji Tollvöru-
geymslunnar f.h. innflytj-
enda að kalla yfir þessa
atvinnugrein hin fyrri og
ströng ríkisafskipti á
sama tíma og öll þróun
gengur í gagnstæði átt?“
geymsluna. Var borið við brott;
hvarfi tollvarðarins úr starfi. I
hraðskeyti sem mér barst föstu-
daginn 9. þ.m. frá stjórn Tollvöru-
geymslunnar hf. segir að ekki
verði opnað að nýju fyrr en toll-
vörður komi til starfa á ný.
Til skýringar verð ég að segja,
að burtséð frá þessum ágreiningi
um túlkun reglna um skemmdir og
vantanir á vörum, hafði samstarf-
ið við forsvarsmenn Tollvöru-
geymslunnar hf. verið mjög gott
og naumast borið þar skugga á.
Mér þótti því að stríðshanskanum
hefði verið kastað að tilefnislausu
og óforvarandi. Gat það verið vilji
Tollvörugeymslunnar f.h. innflytj-
enda að kalla yfir þessa atvinnu-
grein hin fyrri og ströngu ríkis-
afskipti á sama tíma og öll þróun
gengur í gagnstæða átt? Ég átti
bágt með að átta mig á samheng-
inu í þessari afstöðu Tollvöru-
geymslumanna.
A síðustu misserum hafa hug-
myndir verið að þróast um fram-
kvæmd lánafyrirkomulags á að-
flutningsgjöldum (tollkrít). Hefur
<jjl umræða og þróun gengið í þá
átt að gefa atvinnuinnflytjendum
greiðari aðgang að innfluttum
vörum, jafnvel þegar við skipshlið.
Skýtur því nokkuð skökku við ef
það er nú raunverulegur vilji inn-
flytjenda að viðhalda og jafnvel
auka ríkisafskipti af innflutn-
ingsversluninni. Verða þessi mál
öll væntanlega til umfjöllunar nú
alveg á næstunni.
En þessu upphlaupi út af toll-
vörugeymslunni er nú væntanlega
lokið þegar þetta birtist. Og því
lauk eins og til var stofnað með
því að fjármálaráðuneytið breytti
að nokkru áðurgildandi reglum.
Og ríkisafskiptin koma á ný.
14. október 1981.
Bjöm Hermannsson
Iðnnemar þinga um helgina
39. þing Idnnemasambands Is-
lands hófst í gær og lýkur á morgun
18. okt. nk. að Hótel Esju í Reykja-
vík.
Á þinginu verða ræddir hinir
hefðbundnu málaflokkar iðn-
nemasambandsþinga, kjaramál,
iðnfræðsla, félagsmál.
Þingið sækja um 100 fulltrúar
iðnnemafélaga víðsvegar að af
landinu með um 3:000 félaga.
Þingið hófst í gær með setningu
formanns sambandsins, Guð-
mundar Árna Sigurðssonar, og
ávörpum gesta. Síðan voru ræddar
skýrslur fyrir liðið starfsár og
ályktunardrög lögð fram.
Á laugardeginum verða mála-
flokkar þingsins ræddir í um-
ræðuhópum og verða síðan af-
greiðslur á þeim á sunnudeginum.
Þinginu lýkur á sunnudag með
kjöri í trúnaðarstöður fyrir næsta
starfsár.
Þingið er opið öllum iðnnemum
er með því vilja fylgjast og meðan
húsrúm leyfir.