Morgunblaðið - 13.02.1982, Page 3

MORGUNBLAÐIÐ, FÖSTUDAGUR 12. FEBRÚAR 1982
3
Símabilun í Sundahöfn orsakaði útkall slökkviliðsins
Allt slökkvilið Reykjavíkur á vakt um miðjan dag í gær var kallað inn í Sundahöfn, en þegar þangað kom
reyndist engin hætta á ferðum. Símamenn unnu að breytingum á símakerfi á svæðinu og varð samsláttur sem
gerði það að verkum að sjálfvirkt boðunarkerfi kallaði á slökkviliðið, en sérstök lína á svæðinu er tengd
slökkvistöðinni. ijósm. ól.K.M.
Saudárkrókur:
Kaupfélagið yfirtek-
ur plastverksmiðju
KAUPFÉLAG Skagfirðinga yfirtók
nýverið plastverksmiðju á Sauðár
króki. Keypti kaupfélagið bæði hús-
næði, vélar og tæki af Braga Þ. Sig-
urðssyni á Sauðárkróki og hóf rekst-
ur verksmiðjunnar um síðustu ára-
mót.
Plastverksmiðjan hefur starfað
lengi og framleitt allar gerðir af
einangrunarplasti. Hún er eina
verksmiðjan sinnar tegundar á
Norðurlandi vestra og hefur selt
framleiðsluvöru sína að stærstum
hluta á svæðinu frá Siglufirði og
vestur í Hrútafjörð.
Listahátíð:
Nýtt leikrit eftir Kjartan
Ragnarsson frumsýnt
KJARTAN Ragnarsson, leikritahöf-
undur, er um þessar mundir að
ganga frá handriti að nýju leikverki
sem verður sýnt hjá Leikfélagi
Reykjavíkur á Listahátíð í sumar.
Verkið, scm nefnsit „Skilnaður" er
nútímaverk með sex pcrsónum og er
það skrifað fyrir hringleiksvið. V’erð-
ur þá leiksviðið í miðjum sal í Iðnó,
en áhorfendabekkir í kring, svo
framarlega sem unnt reynist að
lcysa ýmis tæknileg vandamál í því
sambandi.
„Ég setti þetta verk saman á
þennan hátt, vegna þess að
þrengslin á sviðinu í Iðnó voru
farin að ofbjóða mér, en vissulega
er erfitt að breyta svoha löguðu á
venjulegum sýningum m.a. vegna
fastagesta. Þess vegna þótti mér
að á Listahátíð gæfist gott tæki-
færi til að reyna þetta hring-
leiksvið," sagði Kjartan í samtali
við blm. Mbl. í gær.
Haukur Benediktsson, framkvæmdastjóri Borgarspítalans:
73 milljóna kr. halli á rekstri sjúkra-
húsa annarra en ríkisspítalanna
Gæti numið allt að 200 milljónum á árinu fáist ekki 12,5% hækkun
daggjalda og útvegun fjármagns til greiðslu skulda
„NÚ ER að meðaltali um 12,5% og samsvarar það nú um 73
halli á rekstri sjúkrahúsa á land-
inu annarra en ríkisspítalanna
Sumarbústaðir BSRB:
Lægsta tilboð
á 8,2 millj.
- hæsta á 15,7
- Húsasmiðjan með
lægsta tilboðið
í GÆR voru opnuð tilboð í 30
sumarbústaði, sem Bandalag starfs-
manna rfkis og bæja hyggst láta
reista að Stóru Skógum og Eiðum.
Alls bárust 26 tilboð í verkið. Húsa-
smiðjan hf. á lægsta tilboðið í verkið
og hljóðar það upp á 8,2 milljónir
króna. Hæsta tilboð hljóðar upp á
15,7 milljónir króna.
Kostnaðaráætlun hljóðar upp á
9,5 milljónir króna og lét BSRB
gera teikningar að sumarbústöð-
um. Alls verða 15 sumarbústaðir
reistir að Stóru Skógum og 15 að
Eiðum.
milljónum króna. Þessi halla-
rekstur stafar fyrst og fremst af
vanmati stjórnvalda á dýrtíðinni
en ekki auknum rekstri sjúkra-
húsanna. Daggjaldanefnd gerði
það að tillögu sinni um áramótin
að daggjöld hækkuðu um 12,5%,
en því hafnaði ríkisstjórnin og
veitti 1,1% hækkun.
Auk þessa lækkaði aukadag-
gjald, sem notað er til viðhalds og
tækjakaupa, um 35% frá og með
áramótum. Því er svo komið að
óviðunandi ástand ríkir í þessum
málum og fáist ekki hækkun á ár-
inu má reikna með að heildarhall-
inn á árinu verði nálægt 200 millj-
ónum,“ sagði Haukur Benedikts-
son, framkvæmdastjóri Borgar-
spítalans, í samtali við Morgun-
blaðið.
Að sögn Hauks var stjórnvöld-
um gerð grein fyrir ástandinu á
fundi Landsambands sjúkrahúsa,
sem haldinn var síðastliðinn
fimmtudag og skýringa óskað á
synjun á síðustu hækkunarum-
sókn. Var því lofað þar að stjórn-
völd myndu fjalla um málið fljót-
lega. Haukur sagði ennfremur, að
aðeins væri um tvennt að velja
hvað varðaði lausn vandans, ann-
ars vegar þyrfti að koma til hækk-
un daggjalda um 12,5% og útveg-
un fjármagns til greiðslu rekstr-
arhallans og hins vegar að rekstur
sjúkrahúsanna yrði dreginn sam-
an um 10%. Það þýddi lokun
sjúkrarúma og uppsagnir hundr-
uða starfsfólks og væri það vissu-
lega mjög slæmur kostur. Það
væri mjög brýnt að lausn fengist
sem fyrst því mikið af skuldum
sjúkrahúsanna væri á hæztu vöxt-
um hjá viðskiptabönkunum og
hækkaði því upphæðin dag frá
degi.
Akraborg
siglir á ný
LOKIÐ er viðgerð á Akranesferj-
unni og átti skipið að hefja ferðir
aftur nú í morgun samkvæmt
sinni vetraráætlun.
Vegna viðgerðar á bíla-
brúnni hér í Reykjavík, sem
ekki mun verða lokið fyrr en á
mánudag eða þriðjudagskvöld
getur skipið ekki tekið nema 10
bíla í ferð meðan á þessari við-
gerð stendur.
Deila hjúkrunarfræðinga og Reykjavíkurborgar:
Sáttatillaga lögð
fram á sunnudag
SATTANEFND leggur á sunnudag
fram sáttatillögu í kjaradeilu Keykja-
víkurborgar og hjúkrunarfræðinga á
Borgarspítalanum.
Á sameiginlegum fundi sátta-
nefndar með deiluaðilum á sunnu-
dag verður einnig tilkynnt frestun á
verkfalli, en sáttasemjari hefur lög-
um samkvæmt heimild til að fresta
boðuðu verkfalli um allt að fimmtán
daga. Noti hann allan frestinn kem-
ur verkfall til framkvæmda 7. marz
verði sáttatillagan ekki samþykkt
eða samningar gerðir áður. Þá verð-
ur á sunnudag tilkynnt hvaða daga
atkvæði verða greidd um sáttatillög-
una og hvenær atkvæði verða greidd.
Staða hagsýslustjóra:
Magnús Péturs-
son eini um-
sækjandinn
EIN UMSÓKN barst um stöðu hag-
sýslustjóra, en umsóknarfrestur rann
út 10. febrúar sl. Umsóknin er frá
Magnúsi Péturssyni, sem nú er settur
hagsýslustjóri.
Fjármálaráðherra veitir stöðu
hagsýslustjóra og í viðtali við hann í
gær, sagðist hann væntanlega
ganga frá stöðuveitingunni fljótlega
í næstu viku. Hann sagði einnig, að
sér væri ekki kunnugt um fleiri um-
sóknir en þessa einu, og því væru
yfirgnæfandi líkur á að Magnús
fengi stöðuna.
Páskaferð
til Mexicó
Brottför 3. apríl — 17. dagar.
Örugg sólskinsparadís, fagurt landslag og framandi þjóðlíf.
Aörir brottfarardagar meö islenskum fararstjóra: 20. marz, 1.
maí og 15. maí.
Athugið — hagstæð greiöslukjör.
MALLORKA:
Glaesileg gistiaðstaða í ibúöum og smáhýsum (bungalows). Viku-
legar brottfarir.
KORSÍKA:
Undurfögur sumarleyfisparadís. Góö gisting í smáhýsum alveg viö
strönd. Vikulegar brottfarir.
RHODOS:
Þessi gríska ævintýraeyja er rómuð fyrir náttúrufegurö. Góö gisting
í íbúðum og hótelum.
PARÍS:
Vikulegar Brottfarir frá 12. júní.
AMSTERDAM:
Vikurlegar brottfarir frá 28.maí. Miklir ferðamöguleikar.
ALMENN FERÐAÞJÓNUSTA:
Við veitum alla almenna þjónustu við ferðamenn — útgáfa
flugfarseðla um allan heim — útvegum gistingu og aðra þjón-
ustu, sem óskað er eftir.
VERÐLISTAR FYRIRLIGGJANDI.
Feröaskrifstofan Laugavegi
,,
101 Reykjavík, Simi: 28633