Morgunblaðið - 13.02.1982, Qupperneq 47

MORGUNBLAÐIÐ, LAUGARDAGUR 13. FEBRÚAR 1982
47
r
• Páli Ólafssyni hefur tekist að koma skoti í gegn um hina hávöxnu rússnesku varnarmenn.
-jósm. Krislján K
Átta marka tap gegn rosa-
sterku sovésku landsliði
ÞAÐ ER ekki fjarri lagi að tala um
sovéska birni þegar átt er við hand-
knattleikslandslið þeirrar þjóðar,
slíkir risar eru þar í hverri stöðu,
nánast hver einasti leikmaður yfir
190 sentimetrar. íslenska liðið á allt
annarri hæð þó allir væru af vilja
gerðir að standa í tröllunum. Það
var aldrei glæta hjá íslenska liðinu,
Kússarnir sigruðu örugglega 25—17,
eftir að staðan í hálfleik hafði verið
11—8.
Fyrri hálfleikurinn var hreint
ekki svo afleitur hjá íslenska lið-
inu, Ólafur Jónsson skoraði mjög
glæsilegt mark úr vinstra horninu
strax á fyrstu mínútunni, Sovét-
menn jöfnuðu, en Island náði aft-
ur forystunni er Steindór Gunn-
arsson skoraði úr hraðaupphlaupi.
Tvö næstu mörk áttu Sovétmenn,
hinn risavaxni Gagin hreinlega
uppi í rjáfri, er hann hleypti af
síðara markinu. Guðmundur skor-
aði þriðja mark íslands úr ger-
samlega ómögulegu færi úr blá-
horninu og jafnaði er tíu mínútur
voru búnar. Eftir það leiddu Rúss-
ar alltaf, munurinn bara mismik-
ill, tölur eins og 6—3, 9—5 og
10—16 sáust Rússum í hag, en er
staðan var 11—7 fyrir Rússa og
fáeinar sekúndur til loka fyrri
hálfleiks skoraði Óttar Mathiesen
heppnismark mikið eftir þó að-
dáunarvert harðfylgi, 11—8 í hálf-
leik. Þess má geta, að þegar Þor-
bergur Aðalsteinsson skoraði
sjötta mark íslands er 3 mínútur
og 14 sekúndur voru til leikhlés,
var það fyrsta langskot íslendinga
sem rataði í netið.
í síðari hálfleik hallaði undan
fæti hjá íslenska liðinu, Sovét-
mennirnir höfðu mikla yfirburði
og náðu stórri forystu. Mátti sjá
tölur á borð við 17—10, 19—12 og
mestur varð munurinn átta mörk
undir lokin. Islendingum tókst að
laga stöðuna undir lokin með því
að skora þrjú mörk í röð en staðan
var 22—14 fyrir Rússa, en gestirn-
ir áttu lokaorðin, lokatölur 25—17.
íslenska liðið er erfitt að dæma,
því mótherjinn var slíkur jaxl að
möguleikar voru fáir að sýna
eitthvað að gagni. Markverðirnir
sluppu bærilega frá sínu, Kristján
varði fjögur skot í fyrri hálfleik,
Einar 5 í síðari hálfleik. En vörn
íslenska liðsins var oft veik fyrir
og flest mörk Rússa komu úr gal-
opnum færum. Hlutskipti íslensku
skyttanna var ekki öfundsverð.
Var hálf neyðarlegt að sjá þessa
stóru menn í íslenskum hand-
knattleik, Kristján Arason, Sigurð
Sveinsson og Þorberg Aðalsteins-
son vera að lyfta sér upp og hoppa
bókstaflega með hvirfilinn upp í
hökurnar á rússnesku tröllunum.
Vörnin sovéska tók svo mörg lang-
skot að með ólíkindum var. Þá var
markvarsla sovéska liðsins afar
góð, einkum í fyrri hálfleik. Það
var helst Alfreð Gíslason sem
spjaraði sig gegn ógnarmúrnum
sovéska, en betra hefði þó verið ef
allir íslensku leikmennirnir hefðu
haft vængi. Óttar Mathiesen gerði
ísland:Rússland
17:25
HandknaltlelKur
___________ J
einnig laglega hluti og slapp vel
frá sínu.
Mörk íslands: Alfreð Gíslason 3,
Ólafur Jónsson, Steindór Gunn-
arsson, Kristján Arason, Þorberg-
ur Aðalsteinsson, Óttar Mathiesen
og Páll Ólafsson 2 hver, Sigurður
Sveinsson og Guðmundur Guð-
mundsson eitt mark hvor.
Mörk Rússa: Gagin 8 (5 víti),
Karaschakevic 4, Schetzov 3,
Vassiljev, Belov, Anpilogov og
Kidjaev tvö hver, Novitski og Juk
eitt hvor.
Þorbjörn Jensson var rekinn af
leikvelli í fjórar mínútur, Páll
Ólafsson í tvær mínútur. Sovét-
menn hvíldu í samtals átta mínút-
ur.
Eitt víti fór forgörðum, Belov
skaut í þverslá á fyrstu mínútu
leiksins.
Dómararnir voru þýskir. Mjög
góðir.
— gg
Njarðvík sigraði með
einu stigi eftir
framlengdan leik
GÍFURLEGUM baráttuleik UMFN
og Fram í úrvalsdeildinni í körfu-
knattleik lauk með naumum sigri
UMFN 76—75 eftir framlengdan
leik í gærkvöldi. Var það mál manna
að annar eins leikur í körfuknattleik
hefði ekki sést í íþróttahúsinu í
Njarðvík. Leikmenn Fram gerðu sér
vel grein fyrir því að þeir urðu að
vinna leikinn til þess að eiga mögu-
leika á íslandsmeistaratitli í ár. All-
an leikinn sýndu þeir mikla baráttu
og ákveðni en það dugði ekki til
gegn góðu liði UMFN. í hálfleik
hafði UMFN forystu í leiknum,
37—32. Þegar leiknum lauk var
staðan jöfn, 70—70 og því þurfi
framlengingu. í henni reyndist lið
UMFN sterkara og sigraði þótt að-
eins eitt stig skildi liðin að í lok
leiksins. Gífurleg stemmning var í
íþróttahúsinu í Njarðvík í gærkvöldi
og fögnuðu áhorfendur mjög í leiks-
lok er sigur heimaliðsins var í höfn.
Enda bendir allt til þess að UMFN
verji íslandsmeistaratitil sinn í ár.
Jafn fyrri hálfleikur
Fyrri hálfleikur var mjög jafn.
Fram náði fljótt undirtökunum í
leiknum og komst í 27—16. En
Njarðvíkingar voru ekki á þeim
buxunum að gefa eftir og sigu á
aftur og náðu forystunni áður en
hálfleiknum lauk. Valur Ingi-
mundarson átti mjög góðan leik í
fyrri hálfleik svo og Danny Shouse
þegar hann loksins fann sig. En
UMFN - Fram
76-75
framan af leiknum var hann tek-
inn mjög óvægilega og stíft. Gíf-
urlegur hraði var í leiknum og
mikil spenna.
Njarðvík jafnaði
Það sama var uppi á teningnum
í síðari hálfleiknum, hraði, spenna
og mikil barátta. Fram náði aftur
forystu og lék liðið mjög vel. Sér í
lagi í varnarleiknum. En með góð-
um leik tókst UMFN að ná að
jafna metin, 55—55. Eftir það var
jafnræði með liðunum. Fram
leiddi þó stigaskorunina. UMFN
tókst þó að jafna metin rétt fyrir
leikslok, 70—70. Það þurfti þvj
framlengingu til að fá úrslit. í
henni reyndist lið UMFN vera
sterkara og sigraði með einu stigi.
Stigahæstu leikmenn UMFN
voru þeir Danny Shouse með 28
stig, Valur Ingimundarson með 18,
Jónas Jóhannesson með 16 stig.
Hjá Fram skoraði Viðar Þor-
kelsson 22 stig, Símon Ólafsson 18
og Val Brazy 19.
Nánar verður sagt frá leiknum í
íþróttablaði Morgunblaðsins á
þriðjudag.
ÞR/emm.
• Þrátl fyrir að snillingurinn I)anny Shouse væri tekinn óvægilega og stíft í
leiknum skoraði hann 28 stig og sýndi góðan leik. Hér má sjá hvar Þorvaldur
Geirsson reynir að ná frá honum boltanum.
7*1 nrrtimTiTrtSíN