Morgunblaðið - 23.02.1982, Side 41

Jttoraimlilnbií)
Boris tekur við
liði Haukanna
SOVESKI handknattleiksþjálfarinn
Boris Akbashow, sem Valsmenn
viku frá störfum hjá meistaraflokki
sínum í handknattleik á dögunum,
hefur nú tekið að sér þjálfun Hauka
í Hafnarfirði, en þeir leika sem
kunnugt er í 2. deild.
Til stóð að Haukar fengju sov-
éskan þjálfara í haust og voru
ráðstafanir gerðar mjög tíman-
lega, enda mikill hugur í Haukum
að vinna aftur sæti sitt í 1. deild.
Svo hófst biðin og aldrei sýndi
Rússinn sig. Síðast er Haukar
fregnuðu, átti kappinn að koma
samferða sovéska landsliðinu er
það var hér á ferð. En allt kom
fyrir ekki. I millitíðinni hefur
Hilmar Björnsson, landsliðsþjálf-
ari, þjálfað Hauka en liðið er nú
um miðja 2. deild. Ekki líklegt til
að vinna sæti í 1. deild, a.m.k. ekki
eins og staðan er í dag.
re/ÞR
MORGtJNBLAÐIÐ, ÞRIÐJUDAGUR 23. PEBRÚAR 1982
„ÞAÐ BENDIK allt til þess að ég
taki að mér þjálfun KR-liðsins (
handknattleik og leiki líka með lið-
inu á næsta keppnistímabili. Ég fer
heim með góðan samning og mun
taka mér viku til 10 daga umhugsun-
arfrest. Síðan mun ég gefa hand-
knattleiksdeildinni endanlegt svar.
En eins og málin standa núna eru
meiri líkur á því að ég komi til KR,“
sagði danski hanknattleiksþjálfar
inn og leikmaðurinn Anders Dahl í
viðtali við Mbl. í gærdag.
Anders Dahl kom hingað til
lands á laugardag og ræddi málin
við forráðamenn handknattleiks-
deildar KR. Jafnframt æfði hann
með KR-liðinu á sunnudag. And-
ers Dahl er íslenskum handknatt-
leiksunnendum að góðu kunnur
enda einn besti handknattleiks-
maður Dana fyrr og síðar. Hann
hefur leikið yfir 177 landsleiki og
skorað í þeim vel yfir 600 mörk
sem er met í Danmörku. Hann var
lykilmaðurinn í hinu sterka lands-
liði Dana er náði fjórða sæti í
heimsmeistarakeppninni í Dan-
mörku árið 1978.
Anders Dahl sagði að hér á
landi væri mjög góður efniviður í
handknattleiksmenn. Og reyndar
sætti það furðu hversu margir
góðir handknattleiksmenn hefðu
komið frá ekki fjölmennari þjóð
en Islandi. Það væri ein ástæðan
fyrir því að hann hefði mikinn
áhuga á að koma til Isiands og
starfa hjá KR. — Það var upphaf-
lega Jóhann Ingi Gunnarsson sem
hafði samband við mig. Það verð-
ur gott fyrir mig að taka við
KR-liðinu af honum. Við þekkjum
vel til vinnubragða hvors annars,
vorum meðal annars saman á
danska handboltaskólanum í
fyrrasumar. 1. deildarkeppnin hér
er mjög erfið, hér verða leikmenn
að vera í mjög góðri líkamlegri
æfingu. Ég er alls ekki að koma til
íslands til þess að leika mér og
leggja síðan skóna á hilluna. Síður
en svo. Ég veit að ég verð að vera í
góðri æfingu til þess að leika hér á
landi. Núna leik ég í 2. deild í
Danmörku með Ribe og er tekinn
úr umferð í svo til hverjum leik.
Það er óskemmtilegt. En komi ég
hingað mun ég leggja mig fram
um að ná góðum árangri sem leik-
maður og þjálfari.
Anders Dahl hætti að leika með
danska landsliðinu í B-keppninni í
Frakklandi á síðasta ári. En þá
hafði hann verið í liðinu í átta ár.
Hann sagði að danska landsliðið
núna væri ungt og óreynt en í því
væri góður efniviður.
Gunnar Hjaltalín, formaður
handknattleiksdeildar KR, sagðist
vera mjög bjartsýnn á að samn-
ingar tækjust og Anders yrði
þjálfari KR-inga næsta timabil.
Jafnframt yrði það liðinu mikill
styrkur að fá jafn góðan leikmann
sem drifi spilið áfram. Gunnar
sagði að nú væri verið að kanna
undirtektir hjá stuðningsmönnum
KR-inga hvort þeir vildu ekki
leggja eitthvað af mörkum svo að
deildin gæti tryggt sér þennan
góða starfskraft.
— ÞR
• Anders Dahl Nielsen, hinn kunni danski handknattleiksmaður (t.h.) rœðir hér við
vin sinn Bent Nygaard, sem er þjálfari ÍR, en mun sennilega sjá um þjálfun Fram
næsta keppnistímabil. Þá má geta þess, að KA hefur ráöið danska markvöröinn Jan
Larsen til sín sem þjálfara og leikmann fyrir næsta keppnistímabil. Dönsku þjálfararn-
ir verða því þrír talsins næsta vetur. líówi. rax
Anders Dahl Nielsen:
„Reikna fastlega með
að þjálfa og leika með
KR næsta keppnistímabil"
Teitur meö
tvö mörk
í sigri Lens
TEITUR I>órðarson skoraði tvö
glæsileg mörk, er Lens vann lang-
þráðan sigur í frönsku deildarkeppn-
inni í knattspyrnu um helgina. Það
var lið Sochaux sem varð fyrir barð-
inu á Teiti. Lens sigraði 3—2 og
skoraði Teitur tvö fyrstu mörkin í
leiknum. Verr gekk hins vegar hjá
Karli Þórðar og félögum hjá Laval,
liðið sótti Nantes heim og tapaði
0—I. Úrslit leikj urðu annars sem
hér segir:
Nice — Monaco 0—2
Montpellier — Lille 2—1
Auxerre — Tours 1—2
Bordeaux — Bastia 4—0
Brest — Paris St.G. 0—3
Lens — Sochaux 3—2
Lyon — St. Etienne 0—1
Nancy — Metz 2—2
Nantes — Laval 1—0
Valenciennes — Strassbourg 0—0
Þrátt fyrir sigurinn er Lens enn
í fallsæti, nánar tiltekið í næst-
neðsta sætinu með 17 stig. Neðst
er Nice með 15 stig, en næst fyrir
ofan Lens er Montpellier með 20
stig, en leik meira. St. Etienne er
enn efst með 38 stig, sama stiga-
fjölda og Bordeaux, en betri
markatölu. Monaco hefur 37 stig.
Laval er eftir tapið í 6. sætinu með
32 stig. Kannski ekki mikil von um
meistaratign hjá Karli og félög-
um, en möguleikarnir á UEFA-
sæti hins vegar fyrir hendi.
Spánverjarnir
ítreka áhuga sinn
á Kristjáni
„ÞJÁLFARI spænska liðsins hringdi
í mig um helgina og lagði mikla
áhcrslu á að fá Kristján út eins fljótt
og kostur er,“ sagði Jóhann Ingi
Gunnarsson, þjálfari KR, í samtali
Valur mætir
KR-ingum
12. UMFERÐ íslandsmótsins í
handknattleik hefst í kvöld með við-
ureign KR og Vals í 1. deild. Leikur
inn fer fram í Höllinni og hefst
klukkan 20.00. Leikurinn hefur
geysilega þýðingu fyrir bæði lið.
Valsmenn eru að hala sig frá botnin-
um, en KR-ingar bcrjast á toppi
deildarinnar. Eftir leikinn eigast við
kvennalið sömu liða.
við Morgunblaðið, en eins og Mbl.
greindi frá fyrir skömmu, fékk
Kristján Sigmundsson, landsliðs-
markvörður í handknattleik, óform-
legt tilboð um að gerast atvinnumað-
ur í spænska handknattleiknum.
„Þetta lið er frá Madrid og er í
fjórða sæti spænsku deildarinn-
ar,“ bætti Jóhann Ingi við og sagði
svo að lokum: „Það er eins og
Spánverjarnir geri sér ekki al-
mennilega grein fyrir því að fé-
lagaskipti af þessu tagi taka sinn
tíma, menn þurfa að gera upp við
sig hvað þeir vilja og flana ekki að
neinu. Ég hef áður rekið mig á að
Spánverjar haga sér svona, vilja
fá menn út í hvelli." Mbl. tókst
ekki að ná tali af Kristjáni og inna
hann eftir skoðun sinni.
l>R/gg
Ragnar og Lárus með
í fyrsta skiptið
- íslendingar í fimm liðum 1. deildarinnar
ÍSLENDINGARNIR í belgísku
knattspyrnunni voru meira og minna
í cldlínunni um helgina og mjög vel
gekk hjá þeim Sævari Jónssyni og
Arnóri Guðjohnsen, en lið þeirra,
(Jercle Brugge og Lokeren, unnu
leiki sína. Kagnar Margeirsson og
Lárus Guðmundsson voru báðir með
liðum sínum Ghent og Waterschei,
en enginn þessara kappa komst á
blað að þessu sinni. (Jrslit leikja
urðu sem hér segir:
Tongeren — Kortryjk 1—0
Anderlecht — Lierse 2—0
Cercle Brugge — FC Liege 3—0
Antwerp — Molenbeek 1—0
FC Mechlen — Ghent 1—0
Standard — Beringen 3—1
Waterschei — FC Brugge 2—2
Waregem — Beveren 1—0
Lokeren — Winterslag 1—0
Standard og Apderlecht eru nú
efst og jöfn með 32 stig hvort fé-
lag, Ghent er í þriðja sætinu með
31 stig. Antwerp er í 4. sæti með
29 stig og Lokeren er nú komið í
fimmta sætið, einnig með 29 stig,
en ívið lakari markatölu en Ant-
werp.