Morgunblaðið - 14.05.1982, Blaðsíða 10
10
MORGUNBLAÐIÐ, FÖSTUDAGUR 14. MAÍ1982
í Hafnarfirði búa nú um 12.400 manns, en byggð þar hefur farið ört vaxandi síöustu árin. Af mörgu er að taka
i upptalningu á framkvæmdum bæjarfélags af þessari stærð, en nefna má að nýverið var samþykkt nýtt
heildarskipulag Hafnarfjarðarbæjar, en hið gamla var frá árinu 1933. Þá er unnið að byggingu kirkju í Víðistaða-
sókn, sett hefur verið upp ný álma við Elli- og hjúkrunarheimili DAS, íþróttaaðstaða í bænum stórbætt.
Uppbygging félagslegrar þjónustu er stöðugt á dagskrá og fleira mætti nefna. Hafnarfjörður er orðinn „mótað“
bæiarfélag og stjórnun þess í föstum skorðum.
I bæjarstjórn mynda sjálfstæðismenn ásamt óháðum borgurum meirihluta bæjarstjórnar. í bæjarstjórninni
sitja 4 fulltrúar Sjálfstæðisflokksins, 2 af lista óháðra borgara, 2 alþýðuflokksmenn, 2 alþýðubandalagsmenn og 1
framsóknarmaður. f síðustu kosningum misstu sjálfstæðismenn með litlum atkvæðamun fimmta bæjarfulltrúann
sem þeir áður áttu til Alþýðubandalagsins. 2. maður Alþýðubandalagsins hafði 442 atkvæði á bak við sig, en
fimmti maður Sjálfstæðisflokksins 430 og 3/s úr atkvæði.
Ekki var að heyra á bæjarbúum sem Mbl. ræddi við, að nein „kosningabomba“ væri á ferðinni, þ.e. ekkert eitt
bæjarmálefni væri notað í kosningabaráttunni fremur en annað. „Menn kjósa þá sem þeir treysta til að stjórna
þessu áfram á almennilegan hátt,“ sagði einn viðmælandi blaðsins.
En Hafnfirðingar kjósa um fleira en menn, þvi einnig verður könnuð afstaöa Hafnfirðinga til hunda og
hundahalds. Kjósendur verða spurðir hver afstaða þeirra sé og eiga þeir að krossa við annað af tvennu: „A móti
hundahaldi“ eða „Með hundahaidi“.
BÆJAR- OG
SVEITARSTJÓRNARKOSNINGAR:
Hafiiarfiörður
Fyrsta og stærsta verkefnið^er
að takast á við vandamál BÚH
Þad verður ekki gert með því að segja
fólki ekki satt um afkomu fyrirtækisins
segir Árni Grétar Finnsson
l»aó var auðheyrt ad mikill hugur er í frambjóðendum
SjáJfstæðisflokksins í Hafnarfirði, er við Mbl.-menn fylgdum
þeim eftir á yfirlitsferð um bæinn nú í vikunni og bjartsýni
var ríkjandi um kosningaúrslit, en sjálfstæðismenn hafa ver-
ið ráðandi afl í Hafnarfirði sl. 20 ár.
Við tókum oddvita þeirra, Árna
Grétar Finnsson, tali í lok ferðar
og forvitnuðumst fyrst um fram-
kvæmdir á kjörtímabilinu. Árni
sagði að miklar framkvæmdir
hefðu verið í gangi og því erfitt að
gefa tæmandi upptalningu. „Svo
eitthvað sé nefnt þá er nú komið
að lokum verkáætlunar sem gerð
var fyrir nokkrum árum um lagn-
ingu siitlags á svo tii allar götur
bæjarins. Teknar hafa verið í
notkun 23 nýjar skólastofur og fer
nú allt skyldunám fram í barna-
skóium. Nýr skóli hefur verið tek-
inn í notkun. Á þessu ári verður
lokið byggingu nýs íþróttahúss við
Víðistaðaskóla. Þá er nýtt íbúð-
arhverfi í Hvömmum svo til að
verða tilbúið. Fyrir tveimur árum
var hafin bygging nýs iðnaðar- og
viðskiptahverfis i Kaplakrika
norðan Reykjanesbrautar. Reikn-
að var með í upphafi, miðað við
framkvæmdahraða á undanförn-
um árum, að uppbygging hverfis-
ins tæki 17 ár. Eftirsóknin eftir
lóðum þarna hefur verið slík að
þær eru nú nánast á þrotum. Það
sýnir kannski þann vöxt sem er í
bænum á þessu sviði.
Þá var haldið áfram fram-
kvæmdum við höfnina og sett upp
80 metra stáiþil á Suðurhöfninni,
en Hafnarfjarðarhöfn er nú önnur
stærsta höfn landsins á eftir
Reykjavíkurhöfnunum. Þá hefur á
kjörtímabilinu verið tekið í notk-
un eitt skóladagheimili, Kattholt.
Einnig nýr Ieikskóli, Arnarberg,
og verið er að Ijúka smíði nýs
leikskóla í Norðurbænum.
Síðast en ekki síst vil ég nefna
að unnið hefur verið gífurlegt átak
í skipulagsmálum og nú nýverið
var samþykkt nýtt aðalskipulag.
Það eldra.var frá 1933. Einnig hef-
ur verið samþykkt nýtt miðbæjar-
skipulag og deiliskipulag fyrir um
það bil 300 nýjar íbúðir í Setbergs-
hverfi, en það land fengum við í
makaskiptum við Garðabæ á kjör-
tímabilinu."
Um stöðu mála í dag sagði Árni
Grétar m.a.: „Hafnarfjarðarbær
stendur fjárhagslega mjög traust-
um fótum og sama er að segja um
öll fyrirtæki hans að Bæjarút-
gerðinni undanskiiinni en hún á
við gífurlega fjárhagserfiðleika að
etja — er komin í algjört greiðslu-
þrot. Andstæðingar okkar sjálf-
stæðismanna hafa — jafn furðu-
legt og það verður að teljast —
allir lagst á eitt um að fela þá
miklu fjárhagserfiðleika Bæjarút-
gerðarinnar og sameinast í bæjar-
stjórn í að reyna að koma í veg
fyrir að bæjarfulltrúar fengju
upplýsingar um fjármál fyrirtæk-
isins. Við sjálfstæðismenn leggj-
um áherslu á, að úttekt fari fram
á öllum rekstri BUH með það fyrir
augum að reynt verði að finna
lausn á hinum gífurlegu rekstrar-
erfiðleikum fyrirtækisins, þannig
að þaö geti staðið á eigin fótum.
Skuldir fyrirtækisins hafa hækk-
að um 200% á síðustu árum og
undir þeirri byrði rís reksturinn
ekki.
Það verður fyrsta og stærsta
verkefni næstu bæjarstjórnar að
takast á við vandamál Bæjarút-
gerðarinnar. I ár er áformað að
bæjarsjóður ieggi útgerðinni til
sjö milljónir króna til styrktar og
mjög líklega dugar það ekki til. Að
sjálfsögðu koma fjárhagserfiðleik-
ar fyrirtækisins niður á öllum
framkvæmdum bæjarfélagsins,
þar sem fé til hennar er tekið
beint af framkvæmdafé bæjarfé-
lagsins. Hjá BÚH starfa á þriðja
hundrað manns. Markmiðið með
rekstri hennar er fyrst og fremst
að skapa atvinnuöryggi. Því veltur
á miklu að hægt verði að leysa
málefni hennar. Það verður ekki
gert með því að segja fólki ekki
satt um afkomu hennar.
Þá er vert að geta stærsta at-
vinnufyrirtækisins í Hafnarfirði,
ISAL, en Hafnarfjörður er talinn
annar stærsti iðnaðarbær lands-
ins á eftir Reykjavík. Það setti
óhug að mönnum að heyra þær
yfirlýsingar sem fram komu hjá
ráðherra Alþýðubandalagsins að
hagkvæmasta lausn virkjunar-
mála landsins væri að loka ál-
verksmiðjunni og að starfsmenn
hennar sneru sér að þjóðhollari
störfum. Þessi og aðrar slikar yf-
iríýsingar benda eindregið til þess
að ráðherra Alþýðubandalagsins
sé andvígur starfsemi álverk-
smiðjunnar enda voru kommún-
istar á móti byggingu hennar.
Lokun álversins myndi verða
stórkostlegt áfall fyrir Hafnar-
fjörð og hafnfirskt atvinnulíf og
er vonandi að valdatími þeirra
afla í ríkisstjórninni sem að því
vinna sé senn á enda. Þá hefur
Hafnarfjarðarbær staðið í deilum
við fjármálaráðherra Alþýðu-
bandalagsins út af endurskoðun á
framleiðslugjaldi sem bærinn fær
af starfsemi ISAL. Þá samninga
átti að endurskoða á tveggja ára
fresti og leiðrétta með hliðsjón af
hækkun fasteignagjalda. Þar hef-
ur allt verið á sömu bókina lært
hjá þeim Alþýðubandalagsráð-
herrunum. Hafnarfjarðarbær hef-
ur orðið fyrir verulegum tekju-
missi þessa vegna.“
Hvað varðar verkefnin á næsta
kjörtímabili gildir það sama og
um hið liðna. Alltof margar línur
þyrfti hér til að telja það allt upp,
en við báðum Árna að stikla á
stóru. Hann sagði m.a.: „Hafin
verður bygging nýs íbúðahverfis í
Setbergslandi og lokið byggingu
og frágangi Hvammanna. Ný
sundlaug verður byggð og leikskóli
reistur í Suðurbænum. Þá verður
byggt við Öldutúnsskóla og Tón-
listarskólinn fær nýtt húsnæði.
Starfsemi hans hefur mjög eflst á
síðustu árum. Þá verður byggt við
Sólvang og læknaþjónusta hafin í
nýju húsi við spítalann. Þá verður
haldið áfram uppbyggingu
íþróttamannvirkja í samvinnu við
íþróttafélög bæjarins, svo eitthvað
sé nefnt. Haldið verður áfram
hafnarframkvæmdum með það
fyrir augum að koma upp betri að-
stöðu fyrir skipaviðgerðir og vöru-
flutninga.
Árni Grétar er bjartsýnn á úr-
slit kosninganna. Hann sagðist
treysta því að fólk mæti það sem
vel hefði verið gert og stjórnun
undanfarinna ára. „Við viljum
halda þeirri þróun áfram," sagði
hann og förum því til kosninga
undir kjörorðinu „Gerum góðan
bæ betri“.
Árni GréUr Finnsaon.
LjÓNm. Mbl. Kmilía Bjarr Bjiwaadóttir.
Árni Grétar sagði að lokum:
„Tveir af bæjarfulltrúum okkar
hverfa nú úr bæjarstjórn, en skipa
heiðurssæti á lista flokksins, Það
eru þeir Stefán Jónsson, sem setið
hefur í bæjarstjórn frá 1938, leng-
ur en nokkur annar bæjarfulltrúi
á landinu, og þar af verið forseti
bæjarstjórnar í 14 ár. Guðmundur
Guðmundsson hefur verið bæjar-
fulltrúi frá 1970. Þeir hafa báðir
unnið mikil og góð störf bæði fyrir
Hafnarfjörð og Sjálfstæðisflokk-
inn og verið forystumenn í þeirri
miklu uppbyggingu sem hér hefur
átt sér stað.
F.P.
Að sögn Árna Grétars hefur stórátak verið gert í malbikun og frágangi gatna
og gangstíga á kjörtimabilinu. Unnið var af fullum krafti við þær fram-
kvæmdir er Mbl.-menn heimsóttu Hafnarfjörð í vikunni.
I.jósm. Mbl. Kmilía lljt»ri» Kjórnsdóllir.
Fimm af sex efstu frambjóðendunum i flotbryggjunni í smábátahöfninni.
Talið frá vinstri: Ellert Borgar Þorvaldsson, fræðslustjóri, Árni Grétar
Finnsson, hæstaréttarlögmaður, Einar Þ. Mathiesen, framkvæmdastjóri, Ása
María Valdimarsdóttir, kennari, og Sólveig Ágústsdóttir, húsmóðir. Haraldur
Sigurðsson, verkfræðingur, sem skipar 5. sæti listans var staddur erlendis
þegar myndin var tekin. I.jósm. Mhi. Kmiiia Ujor)> lijiirnsdóttir.