Morgunblaðið - 14.05.1982, Blaðsíða 18
18
MORGUNBLAÐIÐ, FÖSTUDAGUR 14. MAÍ1982
Samband byggingar-
manna hefur ekki
boðað verkfall
— heldur einstök félög innan sambandsins
í rréttatilkynninf'u, sem Mbl. barst í
|>ær segir, að Samband bygginf>armanna
hafi ekki boðað verkfall 18. maí nk. eins
og fram hafí komið í fréttum heldur
einstök félög innan sambandsins.
í fréttatilkynningunni segir:
Með samstarfsyfirlýsingu dags. 7.
þ.m. gerðu eftirtalin félög byggingar-
iðnaðarmanna með sér samkomulag
um skipun sameiginlegrar nefndar til
að ræða við vinnuveitendur um eftir-
talin atriði:
a) Leiðréttingu á skerðingu reikni-
talna ákvæðisvinnu.
b) Leiðréttingu á kaupmætti tíma-
kaups. Stefnt skal að því, að kaup-
máttur tímakaups verði ekki lak-
ari en hann var með meðaltali á
árinu 1974.
c) Aukningu orlofsréttar. Stefnt skal
að því að laugardagar falli út sem
orlofsdagar og orlofsfé hækki sem
því nemur.
d) Endurskoðun núgildandi launa-
flokkakerfis. Meginmarkmið I því
sambandi verði aukið tillit til
verkmenntunar iðnaðarmanna og
reynslu þannig að aldursþrepum
verði fjölgað.
e) Öryggismál á vinnustöðum. í því
efni skal stefnt að bættum aðbún-
aði og aukinni fræðslu og tryggt
verði að vinnuveitendur leggi sitt
af mörkum I því efni en standi
ekki gegn slíkri starfsemi.
I því skyni að knýja á um leiðrétt-
ingu varðandi þessi atriði og gerð
nýrra kjarasamninga án frekari tafar
hafa félögin komið sér saman um
samræmdar verkfallsaðgerðir og er
upphaf þeirra vinnustöðvun sú sem
boðuð hefur verið þann 18. maí og
þegar hefur verið skýrt frá í fjölmiðl-
um.
Félögin eru þessi: Trésmiðafélag
Reykjavíkur, Múrarafélag Reykjavík-
ur, Veggfóðrarafélag Reykjavíkur,
Málarafélag Reykjavíkur, Sveinafé-
lag pípulagningarmanna, Trésmiða-
félag Akureyrar, Trésmiðafélag
Akraness, Félag byggingariðnaðar-
manna í Hafnarfirði, Félag bygg-
ingariðnaðarmanna í Árnessýslu,
Iðnsveinafélag Suðurnesja, Iðn-
sveinafélag Fljótsdalshéraðs,
Iðnaðarmannafélag Rangæinga,
Byggingarmannafélagið Árvakur,
Sveinafélag húsgagnasmiða, Sveina-
félag bólstrara.
Kim Larsen (fyrir miðju) ásamt hljómsveit sinni Jungle Dreams.
Danski rokkarinn Kim
Larsen væntanlegur
DANSKA rokkstjarnan Kim Larsen er væntanleg hingað til lands á
næstu dögum. Mun Larsen halda tvenna tónleika í Broadway dagana
21. og 22. þessa mánaöar, ásamt hljómsveit sinni, Jungle Dreams.
Larsen þessi var um langt ára- ur vakið athygli vestanhafs und-
bil höfuðpaur vinsælustu
popphljómsveitar Dana, Gasol-
in. Gaf hljómsveitin út 11
breiðskífur á meðan Larsen var í
henni og seldust þær allar mjög
vel. Hljómsveitin hætti síðan
störfum fyrir réttum þremur ár-
um.
Larsen hóf þá sólóferil og til
þessa hefur gæfan brosað við
honum. Á Norðurlöndum hafa
plötur hans selst í meira en 3
milljónum eintaka og hann hef-
anfarið. Hann flutti til New
York fyrir um ári síðan og hefur
gefið út eina plötu á merki Epic,
þekkts útgáfufyrirtækis. Með
Larsen í Jungle Dreams eru fjór-
ir velþekktir popparar.
Kunnastur þeirra er vafalítið
Joe Delia, sem unnið hefur mikið
með fólki á borð við Janis Ian,
Stevie Wonder, Pat Benatar og
fleirum, Abe Speller, Richie
Blackmore (ekki þó sá hinn eini
sanni) og Dennis Espantman.
Frá fundi KRFÍ meö kvenframbjóðendum fyrir Alþingiskosningarnar 1979.
Fundurinn var fjölsóttur.
framboðsfund á morgun
Stjörnubío sýn-
ir „Sá næsti“
tfTJÖRNUBÍÓ byrjar í dag sýningar á
bandarískri kvikmynd, „Sá næsti“,
meö Sean Uonnery og Corneliu
Sharpe í aðalhlutverkum en leikstjóri
er Richard Sarafian. Samkvæmt
kynningu bíósins er hér um að ræða
stórmynd um ástir, spillingu og
hryðjuverk.
I efnisyfirliti segir svo m.a.:
„Leyniþjónustumenn austurs og
vesturs eru áhyggjufullir. Grípa
verður til örþrifaráða. Þrír leiðtog-
ar arabaþjóða hafa gerst sekir um
samsæri gegn OPEC, samtökum
olíuframleiðenda í austri. Þeir hafa
komið á fót 40 olíuhreinsunarstöðv-
um- og hafa í hyggju að selja hrá-
efnið hverjum þeim er þess þarfn-
ast, utan allra samtaka og án leyfis
annarra landa.
Þessir þrír menn verða að hverfa,
.öðrum til varnaðar."
Vorkappreiðar
Fáks á morgun
Yorkappreiðar Fáks verða haldnar
laugardaginn 15. maí að Yíðivöllum
og hefjast þær kl. 14.30. Þetta verða
fyrstu kappreiðar ársins og er fjöldi
keppnishesta nokkuð á annað
hundrað.
Eins og kunnugt er verður
landsmót hestamanna í sumar.
Eins og ævinlega þegar stór mót
eru framundan, þá er mikil eftir-
vænting meðal hestamanna að
fylgjast með einstökum keppnis-
greinum. Reynt er að geta sér til
hverjir séu líklegastir til að
blanda sér í baráttuna um toppinn
á landsmóti. Af skráningum er
ljóst að óvenju mikið er af nýjum
hestum í flestum keppnisgreinum.
I hverri grein má þó þekkja nöfn
margra þeirra sem helzt komu við
sögu sl. sumar. Hvorki Skjóni né
Fannar munu þó mæta til leiks í
skeiðinu og er efalaust að úrslita
þar verður beðið með mestri
spennu.
Til að auka á spennuna verður
veðbanki Fáks starfræktur að
venju. Þá verður forvitnilegt að
sjá hvernig nýjum knöpum reiðir
af, því með samþykkt síðasta árs-
þings LH hækkuðu aldursmörk
þeirra í 16 ár og eru þar með flest-
ir helztu knapar kappreiðahrossa
frá síðasta ári úr leik.
(Krétlatilkynning)
Haukur Dór á
Kjarvalsstöðum
Laugardaginn 8. maí opnaði
Haukur Dór sýningu á teikningum
og keramik á Kjarvalsstöðum.
Haukur Dór hefur dvalið í Banda-
ríkjunum sl. ár við nám og starf
og er þessi sýning árangur þeirrar
dvalar. Sýningu Hauks lýkur að
kvöldi 23. maí.
KRFÍ heldur
Kvenréttindafélag íslands gengst
fyrir framboðsfundi að Hótel Borg
laugardaginn 15. maí nk. kl. 14.30
vegna borgarstjórnarkosninganna í
Reykjavík 22. mai 1982.
Tilgangur fundarins er að
kynna þær konur sem í framboði
eru og kynnast stefnumálum
þeirra.
Frummælendur eru: frá Al-
þýðuflokki: Sjöfn Sigurbjörnsdótt-
ir og Guðríður Þorsteinsdóttir, frá
Alþýðubandalagi: Guðrún Ág-
ústsdóttir og Álfheiður Ingadóttir,
frá Framsóknarflokki: Gerður
Steinþórsdóttir og Sigrún Magn-
úsdóttir, frá Kvennaframboði í
Rvík: Sigríður Dúna Krist-
mundsdóttir og María Jóhanna
Lárusdóttir, frá Sjálfstæðisflokki:
Ingibjörg Rafnar og Katrín
Fjeldsted.
Að loknum framsöguræðum
verða leyfðar fyrirspurnir og um-
ræður, en í lok fundarins fær hver
flokkur 3—5 mínútur til ráðstöf-
unar í ræðustóli.
Áætlað er að fundinum ljúki kl.
18.00.
Öllum er heimill aðgangur með-
an húsrúm leyfir.
Fundurmeð
frambjóðendum:
Kirkjan í
borginni
Laugardaginn 15. maí gengst
Keykjavíkurprófastsdæmi fyrir fundi
með fulltrúum frambjóðenda við
borgarstjórnarkosningarnar i vor.
Munu oddvitar listanna flytja ávörp
og síðan sitja fyrir svörum.
Fundurinn er opinn öllum þeim,
sem hafa áhuga á stöðu kirkjunnar
í borginni og vilja fræðast um af-
stöðu frambjóðendanna til hins
kirkjulega starfs og þeirra menn-
ingar- og líknarmála, sem kirkjan
telur miklu skipta.
Fundurinn hefst kl. 10 árdegis og
verður í safnaðarheimili Bústaða-
kirkju við Tunguveg og eru allir vel-
komnir meðan húsrúm leyfir.
Kjarvalstaðir:
Yfírlitssýning á verkum Kurt Zier
MYNDLISTA- og handíðaskóli íslands efnir nú til yfirlitssýningar í
vestursal Kjarvalsstaða á verkum fyrrverandi skólastjóra síns, Kurt Zier,
en hann vann að uppbyggingu Myndlista- og handíðaskólans frá stríðs-
byrjun 1939 og fram til 1949 með Lúðvigi Guömundssyni stofnanda og
fyrsta skólastjóra Handíðaskólans, eins og skólinn hét í þá daga.
Það var Lúðvig, sem fékk Kurt
Zier, þá landflótta undan ógnum
nasismans til að taka að sér
kennslu við skólann, en Zier hafði
verið aðalkennari við Ecole Inter-
nationale í Genf í myndlist og
handíðum áður en hann kom
hingað til lands. Eftir stríðið eða
1949 hvarf Zier aftur til Þýska-
lands og gerðist þar skólastjóri
Odenwald-skólans. Árið 1961 þegar
Lúðvig Guðmundsson lét af störf-
um sökum heilsubrests kom Kurt
Zier aftur til landsins og tók við
stjórn Myndlista- og handíðaskól-
ans fyrir eindregin tilmæli Lúð-
vigs.
I ávarpsorðum sínum í sýn-
ingarskrá segir Einar Hákonarson
skólastjóri Myndlista- og handíða-
skólans m.a.: „Kurt Zier var úrvals
skólamaður og stjórnaði skóla sín-
um af festu og ákveðni. Ég var
einn af þeim lánsömu að vera und-
ir handleiðslu hans fyrstu ár mín í
listnámi. Ég minnist þess nú, að
þeir grunnþættir, sem hann hélt að
okkur þá, hafa orðið gott vega-
nesti, enda hafa þeir lifað af allan
tímann síðan, og eru enn grunn-
þættir í kennslu skólans."
Kurt Zier hélt aldrei sýningu á
Islandi meðan hann var hér, þó
hann hafi unnið ötullega að mynd-
list samhliða skólastjórn og
kennslu. Þær myndir, sem til sýnis
eru á Kjarvalsstöðum eru valdar
úr miklum fjölda verka er hann lét
eftir sig en hann lést 1969.
Vorið 1981 er ekkja Kúrt Zier,
frú Lotta Zier, var hér í heimsókn
fæddist hugmyndin að sýningunni.
Lotta Zier verður við opnun sýn-
ingarinnar á laugardaginn 15. maí
kl. 16.00 að Kjarvalsstöðum, í vest-
ursal, en menntamálaráðherra
Ingvar Gíslason opnar sýninguna.
Morgunblaðið náði tali af frú Lottu
Zier á Kjarvalsstöðum í gær, en
hún er líffræðingur að mennt og
spurði hana fyrst hvernig henni
hafi þótt að koma til íslands á
þessum árum.
„Ég var stórhrifin af að fara til
íslands," sagði Lotta. „Ég kom hér
mánuði á eftir Kurt, því ég ætlaði
að læra í Englandi, en þá kom
stríðið og ég fór beint til íslands.
Kurt var geysilega fjölbreyttur
listamaður. Hann var góður á
mörgum sviðum listarinnar, og það
háði honum held ég að hann gat
ekki fest sig við neitt ákveðið.
Hann vildi vera kennari, málari,
leikari og tónlistarmaður og margt
fleira. Þegar hann kom síðast til
Þýskalands 1969 hafði hann ákveð-
ið að vera bara málari og hann
innréttaði vinnustofu, en dó svo
skömmu seinna.
En Kurt var mikill kennari. Og
hann var stórhrifinn af íslandi.
Alltaf þegar hann var í Þýskalandi
sagði hann að sig langaði til ís-
lands og þegar hann var á íslandi
sagði hann að sig langaði til
Þýskalands."
— Hver er tilurð þessarar sýn-
ingar?
„Ég kom hingað til íslands í
fyrra og hitti þá marga gamla
nemendur Kurts og kennara við
skólann og við töluðum um hitt og
þetta og ég sagði þeim frá því að ég
ætti mikið til af myndum eftir
Kurt á heimili mínu í Þýskalandi
og þeir báðu mig um að mega setja
upp sýningu á verkum hans hér.
Það var auðsótt mál.
Kurt hafði ekki gaman af að
halda sýningar á verkum sínum,
því hann vildi alltaf gera betur og
fullkomna þau. Það er líka af þeim
sökum sem hann merkir svo fáar
myndir sínar. Hann vildi alltaf
gera betur,“ sagði Lotta Zier í lok-
in.
Á sýningunni eru 115 verk, mest
blýantsteikningar og svartkrítar-
teikningar, en einnig olíumálverk
og vatnslitamyndir. Allar mynd-
irnar eru í eigu Lottu Zier.