Morgunblaðið - 21.08.1982, Qupperneq 2

2
MORGUNBLAÐIÐ, LAUGARDAGUR 21. ÁGÚST 1982
Risti frásögn af
atburðum með hníf
á byssuskeftið
(ilKÉTAK Sigurður Árna.son, sem nú
situr í gæsluvarðhaldi og játað hefur
art hafa orrtirt frönsku stúlkunni aíi
bana, skar út á skefti byssu sem
hann var með, frásögn sína af at-
burðum þeim sem leiddu til dauöa
stúlkunnar. I»etta kom í Ijós þegar
Grétar Sigurður fannst í Hafrafelli,
en þá var hann vopnaður riffli og
haglabyssu. Samkvæmt heimildum
Morgunblaðsins er frásögnin á
hyssuskeftinu, sem skorin er út með
hníf, að mestu samhljóða framburði
hans við yfirheyrslur og kemur m.a.
fram að hann telji sig hafa fundið
hasslykt við sæluhúsið á Skeiðarár-
sandi og því ráðist þar til inngöngu.
I»á eru einnig á skeflið ristar skýr-
ingar hans á þessum verknaði. Áður
hefur komið fram að ekkert bendir
til þess að þessi framburöur Grétars
Sigurðar eigi við rök að styðjast, en
farangur stúlknanna hefur verið
rannsakaður.
Þá hefur það komið fram að
Grétar Sigurður hefur orðið upp-
JNNLENT
vís að því að hafa undanfarið
reynt að taka lögin í sínar hendur
og hafði hann stöðvað menn fyrir
of hraðan akstur og ennfremur
hafði hann kært fólk fyrir hass-
neyslu í sæluhúsinu á Skeiðarár-
sandi um verslunarmannahelgina.
Rannsóknarlögreglan hefur nú
lokið að sinni vettvangsrannsókn í
Skaftafelli vegna rannsóknar
morðmálsins þar og komu rann-
sóknarlögreglumenn til Reykja-
víkur í fyrrakvöld. Menn frá rann-
sóknarlögreglu ríkisins yfirheyrðu
í gær stúlkuna sem nú liggur á
Borgarspítalanum, en foreldrar
hennar og bróðir komu til lands-
ins í fyrrakvöld en óvíst er hvenær
Krakkarnir halda utan. Sam-
kvæmt krufningsskýrslu lést
franska stúlkan af skotsárum
þeim sem Grétar Sigurður veitti
henni.
Grétar Sigurður hafði ekki
byssuleyfi útgefið af lögregluyf-
irvöldum í A-Skaftafellssýslu, en
hugsanlegt er talið að hann hafi
ekki endurnýjað leyfi sitt þegar öll
byssuleyfi voru innkölluð fyrir
nokkrum árum, þegar lögum um
þau efni var breytt. Því hafi leyfi
hans runnið út. Samkvæmt upp-
lýsingum sem Morgunblaðið hefur
aflað sér var riffillinn, sem Grétar
Sigurður var með, í hans eigu, en
óvíst hvort haglabyssan sé hans
eign.
Frú Elín Kjart
ansson látin
LÁTIN er í Burlington í Vermont-
fylki í Bandaríkjunum Klín Kjart-
ansson, fyrrverandi sendiherrafrú.
Ilún var gift llannesi Kjartanssyni,
sem lengi var sendiherra hjá Sam-
einuóu þjóðunum, en hann er látinn
fyrir nokkrum árum.
Klín fæddist 15. ágúst 1914 og
var því 68 ára að aldri er hún lést.
J51ín var Vestur-íslendingur og
voru foreldrar hennar Jónas Ari
Sigurðsson og Stefanía Guð-
mundsson, en Jónas var lengi for-
seti þjóðræknisfélagsins vestra.
Elín bjó síðustu árin hjá Mar-
gréti dóttur sinni og manni henn-
ar. Elín verður jarðsett í New
York í dag, laugardag.
Klín Kjartansson
Húnaþing:
Heykögglar
ur þurru heyi
NÝLKGA var stofnað í llúnavatns-
sýslum báðum félag, sem heitir
Heimafóður hf. Tilgangur þess og
markmið er að nýta innlent fóður
meira til landbúnaðarframleiðslu en
verið hefur. Beitti félagið sér fyrir
því, að keypt væri vél til að fram-
leiða heyköggla. Kru þeir unnir úr
þurru heyi, öfugt við þær gras-
kögglaverksmiðjur, sem fyrir eru.
Þær framleiða grasköggla úr grasi
eins og það kemur nýslegið.
Að sögn Páls Þórðarsonar í
Sauðanesi, eins stjórnarmanna
Heimafóðurs hf. yrði vélasam-
stæðan notuð aðallega við að
vinna úr fyrningum til að rýma
hlöður á vorin og eins til þess að
köggla það hey, sem kemst ekki í
hlöður á haustin. Það muni miklu,
hvað rúmmálið minnki, þar sem
kögglarnir taki aðeins um Vr af
rúmmáli heysins.
Páll sagði, að ávinningurinn
væri mikill að þessu, þar sem
meltanleiki ykist og skepnur nýta
betur heyið, þar sem það er malað
niður, og jafnframt eykst átmagn
líka. Kögglavélin sjálf er um 9
tonn og þarf vörubíl til að flytja
hana á milli bæja, en malarinn er
um 2—3 tonn. Byrjað verður að
köggla hey í Miðfirði með vélinni.
ALBERT Guömundsson forseti borgarstjórnar ræsti keppendur í Ljómaralli ’82 snemma í gærmorgun við
Loftleiðahótelið. Keppnin var jöfn og tvísýn í gær milli Isiendinganna en ítölsku keppendunum gekk verr og
hafa þeir dregizt aftur úr. Þegar 16 sérleiðum var lokið í gær höfðu Eggert og Guðmundur 22 mínútur og 47
sekúndur í refsitíma og stóðu bezt. Hafsteinn og Birgir höfðu 24,38, Óskar og Arni 27,40, Ómar og Jón 28,26 og
Jóhann og Jóhann 32,15. Aðrir komu nokkuð langt á eftir og ítalirnir voru með 200—215 mínútur í refsitíma.
Jöfn og tvísýn keppni 1 Ljómaralli:
Kjölur reyndist mörg-
um þungur 1 skauti
ÞAI) var mikil barátta um efstu
sætin i Ljómarallinu í gær. Birgir
Bragason náði forystu í byrjun en
R.S Skoda hans og Magnúsar Arn-
arssonar bilaði síðan á Kili. Kftir
það skiptust Hafsteinn llauksson
og Birgir V. Halldórsson á Kseort
RS 2000 og Eggert Sveinbjörnsson
og Guðmundur Guðjónsson á Ksc-
ort 1600 á að halda forystu. Náði
llafsteinn betri tíma á seinnihluta
Kjalar um miðjan daginn. Bragi
Guómundsson á Lancer 1600
missti af lestinni þegar vélin í bíl
hans gafst upp á Kili, en þá var
hann í þriðja sæti.
Ómar og Jón Ragnarssynir
láta sannarlega ekki að sér hæða
og eiga fulla möguleika á verð-
launasæti þó svo að bíll þeirra sé
helmingi kraftminni en aðrir
bílar á toppnum. Reyndar virk-
aði vél bíls Hafsteins Hauksson-
ar fyrri hluta keppninnar ekki
sem skyldi. Jóhann Hlöðversson
á Escort 2000 hefur ekið þokka-
lega og stendur vel að vígi. Þeir
félagar Óskar Ólafsson og Árni
Friðriksson stefna greinilega á
að halda forystu í Islandsmeist-
arakeppninni, en þeir héldu sig
stuttu á eftir fyrstu bílum. Hafði
það verið fyrirfram ákveðið af
þeim.
Eins og fram hefur komið
reyndist Kjölur mörgum erfiður,
en í viðbót við áðurtalda öku-
menn er úr keppni féllu á Kili
eru ítalirnir Mario og Sandro
Cavalleri á Opel, og síðan Ævar
Hjartarson og Bergsveinn
Ólafsson á Lada. Drifið fór hjá
þeim síðarnefndu í upphafi leið-
arinnar. Það, sem valdið hefur
vonbrigðum, er slök frammi-
staða ítölsku keppendanna, en
þeir eru mjög aftarlega í þessari
keppni. Hafa þeir fengið óþarfa
refsitíma á ferjuleiðum, þar sem
venjan er að keppendur fái eng-
an mínus. Kvað meira að segja
svo rammt að þessu að fyrir Kjöl
þurfti að reka þá Cesare Giraudo
og Edue Magnano inn á leiðina
löngu á eftir öðrum keppendum.
Höfðu þeir verið hinir rólegustu
við kaffidrykkju og eitthvað
mistekist í útreikningum á tíma-
korti eins og öðrum ítölskum
keppendum. En að öðru leyti má
búast við jafnri og tvísýnni
keppni milli íslendinganna í dag.
Ragnar Arnalds fjármálaráðherra um yfirlýsingu Steingríms:
Við höfum staðið við
allt sem við höfum sagt
„ÞAD KR alveg Ijóst að við höfum
staðið við allt sem við höfum sagt og
ef einhverjir samstarfsmenn okkar
hafa skilið það á annan veg, þá hefur
það einfaldlega verið misskilningur.
Við höfum verið að ræða þennan mis-
skilning sem Steingrimur talar um
undanfarna sólarhringa og ég held að
hann sé nú fullkomlega leiðréttur og
uppgerður,” sagði Kagnar Arnalds, er
Mbl. spuröi hann álits á forsíðufrétt
Tímans í gær þar sem haft er eftir
Steingrími Hermannssyni að ástæðan
fyrir seinagangi við ákvörðun efna-
hagsaðgerða sé að ráðherrar Alþýðu-
bandalagsins hafi ekki staðiö við það
sem talið var frágengið.
Kagnar sagði einnig: „Mál þetta
snýst um það hvort við höfum verið
búnir að samþykkja það að nýr vísi-
tölugrundvöllur með öllum þeim
breytingum, sem ræddar hafa verið
í viðræðunefnd um vísitölumál, yrði
samþykktur óbreyttur nú þegar. Á
þetta höfum við aldrei fallist. Við
höfum talið að Ijúka yrði þeim við-
ræðum sem verið hafa í gangi við
verkalýðshreyfinguna og að það
bæri að stefna að því að taka upp
nýjan vísitölugrundvöll og það með
hliðsjón af þessum nefndarstörfum.
En við höfum ekki viljað ganga frá
því í einstökum atriðum þar sem
áðurnefndum viðræðum er alls ekki
lokið. Þarna eru mörg atriði sem
eru álitamál, til dæmis er spurning
um eitthvað sem kallað er félags-
málavísitala. Það á að fara að
reikna fjárlögin, einhvern meiri
hluta fjárlaganna, inn í vísitöluna.
Það hefur verið í þessum tillögum
nefndarinnar að taka eigi tillit ekki
aðeins til skatta, bæði beinna og
óbeinna, heldur einnig til útgjalda á
fjárlögum. Þetta er auðvitað
feiknalega flókið mál og engin leið
að taka endanlega afstöðu til þess-
ara hluta á nokkrum dögum, án
þeirra viðræðna við verkalýðs-
hreyfinguna sem eru óhjákvæmi-
legar. Þetta virðast þeir hins vegar
eitthvað hafa misskilið, vinir okkar
í Framsóknarflokknum, og haldið
að við værum búnir að ganga frá
þessu máli, en svo er ekki.“
Þá sagði Ragnar að einnig hefði
verið uppi sá misskilingur að al-
þýðubandalagsmenn hefðu verið
búnir að samþykkja fækkun á út-
reikningstímabilum vísitölunnar.
„Það var aldrei talað um annað en
að við vildum að þetta tæki gildi á
komandi vetri, en hitt var ekki búið
að ákveða hvenær það yrði,“ sagði
hann.
Ragnar sagði í lok viðtalsins að
nú væri verið að ræða allt mögu-
legt- Hann sagðist ekki reikna með
ríkisstjórnarfundi fyrr en í fyrsta
lagi í dag og sagði að vonandi ætti
eftir að ganga saman á næstu sól-
arhringum.