Morgunblaðið - 21.12.1982, Blaðsíða 4

Morgunblaðið - 21.12.1982, Blaðsíða 4
 52 MORGUNBLAÐID, ÞRIDJUDAGUR 21. DESEMBER 1982 Fara nú senn að verða tíundaðir allir dagar? Bokmenntír Jóhanna Kristjónsdóttir Einar Kri.sijans.son frá Hermundarfelli: Dagar mínir og annarra, riLsafn 4. bindi. Útg. Skjaldborg, 1982. Boðað er í formála þessa fjórða bindis ritsafns Einars Kristjáns- sonar, að eitt bindi að minnsta kosti muni koma til viðbótar, verða þar smásögur sem eru upp- seldar. í þessari bók eru einkum útvarpserindi, sem höfundur hef- ur flutt við ýmis tækifæri og þá eru þar nokkrar frásagnir af för höfundar til útlanda o.fl. Flestir þessir kaflar eru þægilegir af- Einar Kristjánsson lestrar, en stundum ætlar höfund- ur þó að vera óþarflega hógvær og gefur í skyn meira lítillæti en hann býr sva sem yfir ef marka má ýmsa aðra kafla. Auðvitað má alltaf deila um, hversu merkileg útvarpserindi og tækifærisræður eru, skyldi sýknt og heilagt vera ástæða til að láta þau í bók? Sér- staklega þegar mörg þessara er- inda eru tímabundin og fjalla um atburði stunda sem eru löngu liðn- ar og málin sem reifuð eru, horfin úr minni flestra nema kannski höfundarins sjálfs. Mér fannst einna mestur akkur í að lesa um Rússlandsför Einars Kristjánssonar ásamt þeim Sveini Einarssyni og Oddi Bjömssyni. Þar voru ágætar lýsingar og læsi- legar, en þarna skaut stöku sinn- um upp kollinum þessi ósannfær- andi hógværð sem ég minntist á og er ekki höfundi til neinnar verulegrar upphefðar, af því að hún er ekki frá hjartanu komin. Einar Kristjánsson er rithæfur með ágætum og ritglaður með af- brigðum. Hann hefur oft og einatt gott til mála að leggja í þáttum sínum og margir þeirra eru læsi- legir. En að gefa út ritsafn í mörg- um bindum, sem m.a. hefur inni að halda suma harla þynnkulega þætti finnst mér nú einum of mik- ið af því góða. kon%kíktu á kjötio okkar Við sérhæfum okkur í kjötvörum Lambakjöt Nautakjöt Kr. Kr. 1/1 skrokkur 65.10 Nautalundir 277.00 1/2 skrokkur 66.20 Nautafille 277.00 Lambahryggur 72.90 Nauta T-bone steik 204.00 Lambalæri 72.90 Nautakótilettur 138.60 Úrbeinaö lambslæri 105.00 Nautabógsteik 97.00 Úrbeinuö fyllt lambslæri 110.00 Nauta-Osso buco-steil< 83.50 Úrbeinuð rauðvínsmarineruö Nauta-ofnsteik 82.00 Lambslæri 110.00 Roastbeef 257.00 Marineraöar lamba- Nauta-paprikusteik 280.50 Kótilettur 89.00 Nautabuff aö Marineraöar lamba- dönskum hætti 260.00 Lærisneiöar 89,00 Nautabuff 257.00 Lambakótelettur 84.95 Nautahakk 134.00 Grill-kótelettur 84.95 Nauta-gúllas 196.10 Lærisneiöar 84.95 Buff Stroganoff 198.10 Framhryggur 84.95 Nauta Bacon-steik 185.00 Súpukjöt 60.25 Beinlausir fuglar 195.00 Lambascnitsel 150.00 Kryddaðir ham- Lambageiri 125.00 borgarar 13.00 stk. Kindahakk 79.00 Kinda-scnitsel 145.00 Folaldakjöt Lambasaltkjöt Kr. Folaldabuff 148.00 Folaldagúllas 138.00 Folaldakótilettur 148.00 Folaldaschnitsel 148.00 Folaldahakk 55.00 Svínakjöt Kr. 1/1 ný svínalæri 115.00 Úrbeinuö ný svinalæri 194.00 1/1 reykt svínalæri 148.80 Úrbeinað reykt svinalæri 217.00 Hamborgarahryggur 260.00 Nýr svínahryggur 240.00 Skinkusteik 121.90 Víkingasteik 135.00 Nýr svinahnakki 172.50 Svínalundir 288.00 Svinakótilettur 244.30 Hangikjöt að norðan og úr Þykkvabænum Kr. 1/1 læri 99.55 1/1 úrb. læri 175.00 Frampartur 60.00 Úrb. frampartur 125.00 Svið 35.75 London lamb 145.00 Laufabrauð að norðan Aligæsir kr. 208 kg. Holda kjúklingur kr. 123.00 Grill kjúklingur 125.70 Rjúpur 85 kr. stk. Kredikortaþjónusta Opiö í hádeginu alla daga. Opiö til kl. 22 laugardag. Tökum niður pantanir. Sendum heim. B0RGARKJ0R Grensásvegi 26 sími 38980 — 36320 Ein af myndskreytingum Alfreðs Flóka í Hrollvekjum. Munaðarfullur hryllingur Bókmenntir Jóhann Hjálmarsson HROLLVEKJUR. Átta sögur. Alfred Flóki myndskreytti. IAunn 1982. Hrollvekjur eru með skemmti- legri bókum sem komið hafa út á árinu. Nú ætti kannski að setja skemmtilegur innan gæsalappa vegna þess að það er óhugnaður í þessum átta sögum, þær vekja hroll eins og heiti bókarinnar vitnar um. En það er fyrst og fremst bók- menntalegur ávinningur að fá þessar sögur þýddar á íslensku. Flestir höfundanna eru nær óþekktir hér heima þótt orðstír þeirra sé mikill meðal annarra þjóða. Vitanlega þekkja allir Edgar Allan Poe, en sögur hans Hjartslátturinn og Svarti köttur- inn eru meðal sagnanna í Hroll- vekjum, þýðandi þeirra er Þór- bergur Þórðarson. Tvær sögur úr spænskumælandi heimi eru í Hrollvekjum, báðar þýddar af Guðbergi Bergssyni. Höggna hænan er eftir Horacio Quiroga frá Uruguay, Beatrís eftir Spánverjann Ramón Maria del Valle-Inclán. Höggna hænan er sterk saga, ógnvekjandi lýsing á fjórum fábjánum og systur þeirra. Beatris er hlaðin kynferðislegri dul úr umhverfi trúar og særinga. Kóngulóin eftir Þjóðverjann Hanns Heinz Ewers sem Árni Björnsson þýðir er mögnuð saga um kynleg sjálfsmorð í París. Stysta sagan er Mitre Square eftir Danann Ulf Gudmundsen og þýdd af Ingibjörgu M. Alfreðs- dóttur. Gudmundsen er kunnastur fyrir ljóð sín og ferðasögur, en í Mitre Square leiðir han lesandann til fundar við kvennamorðingjann Jack the Ripper í London. Þetta er hnitmiðuð og sannfærandi saga. Tónlist Erichs Zann eftir H.P. Lovecraft, Bandaríkjamann af breskum ættum, þýdd af Úlfi Hjörvar er dæmigerð draugasaga, illir andar leika lausum hala í sög- unni. Charlotte Perkins Gilman var bandarísk og starfaði í kvenna- hreyfingu þar í landi. Gula vegg- fóðrið eftir hana sem Úlfur Hjörv- ar þýðir er eiginlega saga um hjónaband, eiginmaður kúgar konu sína. En það er furðublær á allri sögunni, einkennileg stemmning. Ekki þarf að fara mörgum orð- um um fyrrnefndar sögur Poes. Þær eru keimlíkar, válegar í brjál- æðislegu hugarflugi sínu. Það er sagt að til þess að semja góða hrollvekju þurfi menn að vera myrkfælnir. Eflaust hafa margir þessara höfunda verið það. Val þessara sagna hefur tekist vel og allir hafa þýðendurnir unn- ið sitt verk vel. Sumir þeirra höfunda sem eru kynntir í Hrollvekjum hafa lengi verið meðal uppáhaldshöfunda Al- freðs Flóka. Það var því tilvalið að fá hann til að myndskreyta Hrollvekjur. Hann hefur líka gert það af sannri innlifun. Andrúms- loft þessara gömlu sagna á einkar vel við hann og Gudmundsen kann hann að túlka öllum betur. Von- andi eru myndskreytingar Flóka í Hrollvekjum upphaf þess að hann myndskreyti fleiri bækur. Flóki er meðal snjöllustu myndlistar- manna, á sinn eigin stíl sem nýtur sín sérstaklega við túlkun á mun- aðarfullum hryllingi. Nokkrar sagnanna í Hrollvekjum eru ein- mitt slíkar sögur. 'esió reglulega af öllum fjöldanum!

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.