Morgunblaðið - 07.01.1983, Blaðsíða 5

MORGUNBLAÐIÐ, FÖSTUDAGUR 7. JANÚAR 1983
5
Akstur strætisvagna um Hjallasel:
Stjórn SVR mælir ekki
með breytingu á leiðakerfi
STJÓRN Strætisvagna Reykjavíkur
mælir ekki með því aö akstursleið
strætisvagna númer 11 og 14 verði
breytt, þar sem slík breyting myndi
valda verulegum óþægindum fyrir
marga íbúa í Seljahverfi i Breiðholti,
sem vagnana nota, samkvæmt upp-
lýsingum sem Mbl. fékk hjá Eiríki
Ásgeirssyni, forstjóra SVR.
Sagði hann að umsögn stjórnar
SVR hefði verði send Borgar-
skipulagi til frekari meðferðar, en
nú er unnið að endurskoðun leiða-
kerfis strætisvagnanna. íbúar við
Hjallasel höfðu mótmælt akst-
ursleið strætisvagna númer 11 og
14 og stöðvað umferð strætis-
vagna tvo sunnudaga. Fari svo að
skipulagsyfirvöld í Reykjavíkur-
borg ákveði að breyta akstursleið
vagnanna, leggur stjórn SVR það
til að akstursleiðir vagnanna verði
um Skógarsel, Flúðasel og Jaðar-
sel.
Guðmundur Hallvarösson:
Fiskverð taki regluleg-
um vísitöluhækkunum
„VIÐ ERUM komnir sem næst því
að hafa fengið sömu hækkanir á
fiskverði eins og almenn laun hafa
hækkað i landinu frá því sólstöðu-
samningarnir voru gerðir 1977, þó
við teljum aö það vanti 3% á, vegna
almennu launahækkananna 1. janú-
ar. Ef hægt er að binda þetta fisk-
verð eins og það er og jafnframt að
ganga frá því að það taki reglulega
almennum vísitöluhækkunum þá
þurfura við ekki að koma nálægt
fiskverðsbreytingum og þyrftum
ekki að standa i kjarasamningum
WNKRSTOIK-------
ársfjórðungslega, auk aðalkjara-
samninga á eins og tveggja ára
fresti“, sagði Guðmundur Hall-
varðsson formaður Sjómannafélags
Reykjavíkur, en sjómenn hafa rætt
sín á milli að breytinga á fyrirkomu-
lagi fiskverðsákvörðunar sé þörf.
Guðmundur sagði að þetta væri
sú leið sem sjómenn ræddu nú sin
á milli, en einnig væru aðrar leiðir
til athugunar. Hann sagði að
hugmynd sín væri að hlutaskipti,
hlutakjör og annað yrði óbreytt,
breytingin yrði einvörðungu hvað
varðar það að fiskverðið sjálft
yrði hækkað samkæmt vísitölu.
Hann sagði síðan: „Ef það síðan
gerist að markaðurinn erlendis
tekur við sér þannig að það fáist
verulega hærra verð fyrir unnin
afla á erlendum markaði, þá yrði
það til hagsbóta fyrir útgerðina og
fiskvinnsluna, þeir myndu skipta
kökunni sin á milli. A sama hátt
tækjust þessir aðilar á við
vandann ef þróunin verður á hinn
veginn. Okkar hugmynd er fyrst
og fremst sú að losna við að
standa í kjarasamningum árs-
fjórðungslega."
'O'
INNLENT
MorgunbUAió/ KEE.
Hélt upp á 100 ára afmælið sitt i gær
í GÆR varð frú Jensína Guömundsdóttir 100 ára gömul. Jensina býr i
Þjónustuibúðum aldraðra á Dalbraut 27 í Reykjavík. íbúarnir á Dal-
brautinni gerðu sér dagamun í gær í tilefni þessara merku tímamóta í
lífi Jensínu með rjómatertum og kaffi og var þessi mynd tekin af henni
við það tækifæri. Jensína er vel ern, hefur fótavist næstum alla daga og
er hrókur alls fagnaðar á heimilinu.
Margeir 1
4. sæti
MARGEIR Pétursson er í fjórða sæti á
alþjóðlegu skákmóti í Hamar í Noregi
að loknum sjö umferðum. Hann hefur
hlotið 5 vinninga, en efstur er Bass,
alþjóðlegur meistari frá Bandaríkjun-
um, með 5’ 2. í 2.—3. sæti eru DeFirmi-
an og Kudrin frá Bandaríkjunum með
5 vinninga og innbyrðis biðskák. Virð-
ist sem baráttan um sigur í mótinu
standi milli þessara fjögurra skák-
manna.
Margeir vann DeFirmian á mið-
vikudag en varð að lúta í lægra haldi
fyrir Kudrin sama dag. I gær tefldi
hann við Bass og gerðu þeir jafntefli.
í 4. umferð vann Margeir Levitt.
Sævar Bjarnason og Karl Þor-
steins eru með 3 vinninga, en Karl á
biðskák við Peter Wells frá Englandi
en stendur höllum fæti. Sævar tap-
aði slysalega fyrir DeFirmian í 4.
umferð og á miðvikudag tapaði hann
fyrir Kudrin og Bass, en hann byrj-
aði mótið ágætiega. Karl tapaði fyrir
Kudrin í 4. umferð og á miðvikudag
tapaði hann fyrir Bass, lék af sér í
jafnteflislegu endatafli.
Utanbæjarprestar predika
1 Reykjavíkurprófastsdæmi
Keflavík:
Kynningarfundur
AA og Al-Anon
Á SÍÐASTLIÐNU ári voru 10 ár
síðan 1. AA-Deildin var stofnuð á
Suðurnesjum.
í dag eru starfandi 8 AA-
deildir að Klapparstíg 7 Kefla-
vík, en þar er sameiginlegur
fundarstaður deildanna utan
Grindavíkur, en þar eru einnig
starfandi AA-Deildir.
Einnig er starfandi Al-Anon
deild á Suðurnesjum, sem held-
ur fundi á mánudögum að
Klapparstíg 7.
Að þessu tilefni gangast AA
og Al-Anon samtökin á Suður-
nesjum fyrir sameiginlegum
kynningarfundi í Félabsbíó í
Keflavík, laugardaginn 8. janú-
ar kl. 14.00.
(Úr fréttatilkynningu
frá samstarfsnefndinni.)
í NOKKUR undanfarin ár hafa
prestar í Prestafélagi Suðurlands
sótt hvorn annan heim og annast
messugjörð hjá hver öðrum. Tilgang-
ur þessara heimsókna er tvíþættur,
annars vegar til þess að þeir geti
sjálfir sótt sér heim fróðleik, kynnst
hefðum og starfsháttum starfs-
bræðra sinna og svo hins vegar til
þess aö auka og lífga upp á safnað-
arstarfið, gera það fjölbreytilegra á
þann veg að gefa fólki kost á að
hlýða á kennimenn, sem þeir ella
ættu erfitt með að komast til að
hlusta á sökum fjarlægðar þeirra frá
heimabyggð.
Að þessu sinni munu utanbæj-
arprestar annast guðsþjónustur í
Reykjavík og Kópavogi. í ár hefur
næstkomandi sunnudagur 8. janú-
ar orðið fyrir valinu og eftirfar-
andi heimsóknir eru ákveðnar:
Árbæjarprestakall: Sr. Gylfi Jóns-
son rektor í Skálholti. Áspresta-
kall: Sr. Bragi Friðriksson próf-
astur í Kjalarnesprófastsdæmi.
Breiðholtsprestakall: Sr. Ólafur
Oddur Jónsson í Keflavík. Bú-
Kviknaði í
tannlæknastól
ELDUR kom upp í tannlæknastól
á tannlæknastofu i Miðstræti 12,
laust fyrir klukkan átta í gær-
morgun. Mikill reykur var á hæð-
inni þegar slökkviliðið í Reykjavík
kom á vettvang. Eldurinn var
slökktur á skammri stundu, en
tannlæknastóllinn var gjörónýtur.
Að öðru leyti urðu ekki miklar
skemmdir, nema af sóti og reyk.
staðakirkja: Sr. Gísli Jónsson í
Vík í Mýrdal. Digranesprestakall:
Sr. Auður Eir Vilhjálmsdóttir í
Þykkvabæ. Dómkirkjan: Dr.
Sveinbjörn Sveinbjörnsson próf-
astur í Árnesprófastsdæmi og sr.
Sváfnir Sveinbjarnarson prófast-
ur í Rangárvallaprófastsdæmi.
Fella- og Hólaprestakall: Sr. Úlfar
Guðmundsson á Eyrarbakka.
Grensáskirkja: Sr. Heimir
Steinsson á Þingvöllum. Hall-
grímskirkja: Sr. Halldór Gunn-
arsson í Holti og sr. Eiríkur J. Ei-
ríksson fyrrv. prófastur. Háteigs-
kirkja: Sr. Gunnþór Ingason í
Hafnarfirði. Kársnesprestakall:
Sr. Bragi Skúlason fríkirkjuprest-
ur í Hafnarfirði. Laugarneskirkja:
Sr. Sigfinnur Þorleifsson á Stóra-
Núpi. Neskirkja: Sr. Hanna María
Pétursdóttir í Ásum. Seljapresta
kall: Sr. Guðmundur Óli Ólafsson í
Skálholti. Fríkirkjan í Reykjavík:
Sr. Hannes Guðmundsson í
Fellsmúla.
Heimsóknum prestanna lýkur
með samverustund í safnaðar-
heimili Bústaðakirkju, sem hefst
klukkan 18.30 með sameiginlegu
borðhaldi.
(FrétUtilkynning.)
Sigrún Hjálmtýsdóttir og Anna Guðný Guðmundsdóttir.
Tónleikar í Hlégarði
Bara venjulegar ýkjur
— segir Ragnar Arnalds fjármálaráðherra í tilefni af opnu bréfi
Sófusar Alexanderssonar bátsmanns á v/s Óðni
„ÞETTA eru bara venjulegar ýkjur
manna sem finnst að ákveðnar rík-
isstofnanir fái ekki nægjanlegt fé.
Það eru auðvitað mýmargar kvart-
anir af þessu tagi, en við höfum
gert ráð fyrir því að sUrfsemi
Landhelgisgæzlunnar á árinu 1983
verði með svipuöu sniði og var á
árinu 1982, jafnvel ívið meiri“,
sagði Ragnar Arnalds fjármála-
ráðherra í tilefni af opnu bréfi Sóf-
usar Alexanderssonar bátsmanns
á v/s Óðni, í Mbl. milli jóla og
nýárs, en Sófus spyr fjárveitinga-
valdið m. a., hvort stefnt sé að því
að leggja Landhelgisgæzluna niður
og hvort það teljist forsvaranlegt
að láta tvö varðskip liggja bundin
við bryggju á mesta hættu- og
slysatíma íslenzkra sjómanna.
Fjármálaráðherra sagði einn-
ig: „Það er eins og hver önnur
fjarstæða að verið sé að leggja
starfsemina í rúst. Fjárlaga-
frumvarpið gerir ráð fyrir því að
það verði jafnvel aðeins meiri
útgerð varðskipa en var á árinu
1982. Þarfirnar eru vafalaust
miklar, það er rétt, en í fjárlög-
unum er miðað við 34 rekstrar-
mánuði árið 1983 í staðinn fyrir
32 á þessu ári.“
Á MORGUN laugardag kl. 15 verða
haldnir tónleikar i Hlégarði í Mos-
fellssveit á vegum Tónlistarfélags
Mosfellssveitar. Sigrún Hjálmtýs-
dóttir sópran syngur við undirleik
Önnu Guðnýjar Guðmundsdóttur pí-
anóleikara.
Á efnisskránni eru m.a. lög eft-
ir: Hándel, Schumann, Brahms,
Schubert, Donnizetti, Rossini o.fl.
Þetta verður í fyrsta sinn, sem
Sigrún Hjálmtýsdóttir flytur
klassíska tónleika opinberlega.
Hún stundar nú framhaldsnám í
London við Guildhall School of
Music and Drama og mun væntan-
lega ljúka þaðan burtfararprófi í
júlí 1984. Aðalsöngkennari hennar
er Laura Sarti. Áður en Sigrún
hélt utan til náms, var hún tvo
vetur við Tónlistarskólann í
Reykjavík.
Söngkennari hennar þar var
Rut L. Magnússon. Þá verða einn-
ig fluttir kaflar úr forleik eftir
Hándel fyrir tvö klarinett og horn.
Flytjendur eru: Kjartan Óskars-
son, Knútur Birgissonklarínettu-
leikarar og Þorkell Jóelsson horn-
leikari.
Festist í lykkju
og fótbrotnaði
26 ÁRA gamall maður fótbrotnaði
þegar hann festist í lykkju, sem
myndaðist á tógi, þegar verið var að
draga bifreið úr snjóskafli á Bæjar-
hálsi um klukkan eitt í fyrrinótt.
Hann kastaðist í loft upp og fót-
brotnaði — missti ekki fótinn eins
og fram hefur komið í fréttum.
Maðurinn var farþegi í Cortinu,
sem festist í snjóskafli á Bæjar-
hálsi, skammt frá stórhýsi Osta-
og smjörsölunnar. Eigandi jeppa
sem kom aðvífandi hugðist kippa í
Cortinuna og var maðurinn ásamt
þremur öðrum að festa tógið og
ýta á Cortinuna þegar slysið varð.