Morgunblaðið - 07.01.1983, Blaðsíða 12
MORGUNBLAÐIÐ, FÖSTUDAGUR 7. JANÚAR 1983
12
Haukur ísfeld mokar frá bifreió sinni ásamt sonunum tveimur.
Morgunblaðið/KÖE.
Hundruð bifreiða skild-
ar eftir á götum Reykja-
víkur í ófærðinni
Helgi Jóhannsson í bifreið sinni og kemst hvergi.
Morgunblaðið/Kristján Einarsson.
Hreggviður Þorsteinsson og Margrét Siggeirsdóttir ásamt sonunum Siggeiri
og Olafi.
MORGUNBLAÐSMENN fóru á stórri jeppabifreið um kaffileytið í fyrradag til að fylgjast með umferðinni á
höfuðborgarsvæðinu, en þá var ógreiðfært um flestar götur borgarinnar, einkum þó í Breiðholtshverfum og í
Árbæ. Út um alla borg voru yfirgefnar bifreiðir svo hundruðum skipti. Höfðu þær verið skildar eftir ýmist á
miðjum götum eða í vegarköntum, og höfðu félagar í björgunarsveitum ærinn starfa við að moka frá þeim og
fjarlægja svo snjóruðningstæki kæmust leiðar sinnar. Einnig aöstoðuðu þeir bifreiðarstjóra sem festu sig hér
og þar og spóluðu án afláts í örvæntingu sinni, og víða mátti sjá björgunarmennina flytja fólk á brott úr
bifreiðum og kom því heilu á húfi til sinna heima.
Á fimmta tímanum síðdegis
komum við að strætisvagni, leið
11, þar sem hann sat fastur í
Skógarseli, en þar festist vagninn
upp úr hádegi og komst hvergi. í
sama mund og blaðamenn bar að
kom snjóbíll frá Landsvirkjun, 20
manna farartæki, og flutti farþeg-
ana á brott, en þeir höfðu þá dúsað
í vagninum og húsi skammt þar
frá sem vagninn festist í einar
fimm stundir.
„Það festist einn sem var rétt á
undan mér, og því skóf að vagnin-
um meðan hann var að losa sig.
Annars hefði ég aldrei fest mig
hér,“ sagði Ríkharð Kristjánsson
strætisvagnastjóri í samtali við
Mbl.
„Þetta hefur verið hálfgert stór-
svig á milli bíla, sem setið hafa
fastir frá því í gærkvöldi, hér í
götunni og annars staðar," sagði
Ríkharð og benti ergilega á bif-
reiðir framan og aftan við vagninn
sem voru óðum að hverfa í fönn-
ina. Hann var gramur öku-
mönnum sem skilið höfðu bifreiðir
sínar eftir á götunum í stað þess
að reyna að koma þeim út fyrir
strætisvagnaleiðirnar.
Farþegarnir í vagninum báru
sig vel er þeir stigu um borð í
snjóbílinn, sögðust hafa verið í
góðu yfirlæti hjá hjónunum í
Skagaseli 6, en þangað var farþeg-
unum boðið eftir að hafa dúsað í
vagninum í þrjár stundir.
„Það bar sig vel fólkið, og beið í
rólegheitum eftir að verða sótt,
hringdi til sinna heima, drakk
kaffi og spjallaði saman. Þetta var
ósköp ánægjuleg stund,“ sagði
Margrét Sigurgeirsdóttir hús-
freyja í Skagaseli 6, er farþegarnir
úr leið 11 voru nýfarnir frá þeim
hjónum, Margréti og Hreggviði
Þorsteinssyni, og sonum þeirra
tveimur, Sigurgeiri og Ólafi.
Skammt þar frá sem strætis-
vagninn sat kyrfilega fastur, var
jeppabifreið hálfgrafin í fönnina.
Bílstjórinn, Haukur Isfeld, var að
moka frá bifreið sinni ásamt son-
um sínum tveimur og var óhress í
bragði, en hann festi sig um eitt-
leytið. „Ég komst í samband við
skurðgröfueiganda, eftir að dúsa
þarna í tvær stundir, en hann var
ófús til að hjálpa mér þótt ég væri
með konuna og börn í bílnum."
Haukur kvaðst síðar hafa komið
konu sinni heim og ungum syni er
stundarhlé varð á veðrabylnum.
Víðast hvar í Breiðholti mátti
sjá yfirgefnar bifreiðir, sem orðið
höfðu að gefast upp í baráttunni
við skafrenning og ofankomu.
Fólk var víða á gangi, þar sem það
þurfti að ganga síðasta spölinn til
sins heima. Stundum var skaf-
renningurinn slíkur að vart sá út
úr augunum.
Neðarlega í brekkunni milli
Höfðabakkabrúar og Hólahverfis
sátu nokkrir bílar fastir og voru
hálffenntir í kaf. Þeir höfðu verið
yfirgefnir flestir, en björgunar-
menn að aðstoða aðra. í einni bif-
reiðinni sat ungur maður, Helgi
Þessi sendiferðablll klossfestist er bann var að aka út á Breiðholtsbraut úr
Kópavogi og þurftn björgunanaenn bæði að ýta og moka áður en bíllinn
losnaði úr prísundinni. Morgunbi»óió/KÖE.
Fannborgir á „hálendinu“ í Breiðholti, Árbæ og Selási:
Fremst er íbúi í Árbæjarhverfi að hreinsa snjó úr vélarhúsi bifreiðar sinnar, í fjarska er veghefill að ryðja snjó og
lengst til vinstri er langferðabíll að koma í bæinn frá Selfossi.
Otrúlega vel
gekk að ryðj'a
götur í borginni
STÓRVIRK tæki á vegum Gatnamáladcildar Reykjavíkurborgar
hafa rutt götur borgarinnar með undraverðum hraða þegar gefið
hefur og í gær vakti það sérstaklega athygli hve vinnuvélarnar
komust yfir mikið uppi á „hálendinu" í Breiðholti og Sclási, þar sem
snjóruðningar voru allt að 5—6 metra háir.
Þegar blaðamenn Morgunblaðsins fóru um borgina í gær var
umferð með rólegra móti, enda stór hluti af bílakosti borgarbúa
tepptur á bílastæðum, bæði heima og heiman. Hvarvetna voru
menn að losa um bíla og krakkarnir létu ekki sinn hlut eftir
liggja varðandi snjóinn og víða var verið að grafa snjóhús í
stóru skaflana.
Feiknamikill snjór var í Breiðholtsbrekkunni hjá Birgisbraut,
en stórvirk vélskófla spændi snjóinn upp þar og síðdegis í gær
var byrjað að moka hliðargötur á „hálendinu".