Morgunblaðið - 19.01.1983, Page 3

MORGUNBLAÐIÐ, MIÐVIKUDAGUR 19. JANÚAR 1983
3
Jónas H. Haralz, bankastjóri Landsbanka Islands, um starfsemi bankanna:
Grundvöllurinn hefur látið
undan vegna vaxtastefnunnar
„MEGINVANDAMAL innlánsstofn
ana er sú staðreynd, að innlánin hafa
brugðist vegna vaxtastefnunnar á
undanfornum árum. Grundvöllurinn
að starfsemi bankanna hefur því látið
undan og þeir hafa því ekki verið i
stakk búnir að fullnægja þörfum
viðskiptamanna sinna,“ sagði Jónas
II. Haralz, bankastjóri Landsbanka
íslands, á ráðstefnu Verzlunarráðs ís-
lands um lánamarkaðinn og þjónustu
lánastofnana við atvinnulífið.
„Það er því óraunhæft að hugsa
sér einhverja marktæka breytingu
á þjónustu bankanna við viðskipta-
menn sína, nema veruleg breyting
verði þarna á,“ sagði Jónas H. Har-
alz ennfremur.

Fyrr má rota en dauðrota
— segir Óskar Vigfússon um hugmyndir stjórnvalda um
að 4% verði tekin af óskiptum afla við sölu erlendis
U
„EF ÞETTA er rétt, þá er þaö í anda
annars, sem gert er nú og ég er anzi
hræddur um þaö, að sjómenn vcrði
ekki alltof hamingjusamir, því nái
þetta fram að ganga þýðir það ein-
faldlega, að það er tekið framhjá
skiptum allt að 39% af afla sjómanna
við sölur erlendis. Fyrr má rota en
dauðrota," sagði Óskar Vigfússon,
formaður Sjómannasambands ís-
lands, meðal annars er Morgunblaðið
innti hann álits á þeirri hugmynd
stjórnvalda, að tekin verði 4% af
óskiptum afla erlendis til fjármögn-
unar olíusjóðs fiskiskipa.
„Ég á ekki von á öðru en að sjó-
menn muni svara þessu með þeim
hætti að gefa það upp á bátinn að
ráða sig í siglingar eða veiðar fyrir
erlendan markað. Þetta er í fyrsta
skipti, sem upp á svona löguðu hef-
ur verið tekið og var nú nóg fyrir.
Gjöld, sem tekin eru af óskiptum
afla erlendis, eru nú 13% til 18%
vegna tolla, útflutningsgjalda,
löndunarkostnaðar og fleira, 16% í
stofnfjársjóð fiskiskipa. Bætist svo
þessi 4% við, eru þetta 39% hjá
stóru togurunum og 34% hjá minni
skipunum.
Ég skil ekki hvað liggur til
grundvallar því, að skip, sem sigla á
erlendan markað, þurfi að greiða í
þessa hít, olíusjóð fiskiskipa, með
tilliti til þess, að þau fá oliuna allt
að 40% ódýrari erlendis en hér
heima. Verði af þessum hugmynd-
um er mælirinn fullur að mínu
rnati," sagði Óskar.
Jónas H. Haralz sagði einnig að
hugsa yrði um þýðingu þess, að
bankarnir hefðu nægilega mikið
eigið fé, en um það hefði staðið
mikil togstreita á undanförnum ár-
um. „Það hefur verið unnið gegn
því af opinberri hálfu m.a. með því
að reyna að skerða vaxtamismun.
Því til viðbótar var svo lagður sér-
stakur skattur á bankana á síðasta
ári. I raun er ég ekki að kvarta yfir
því, að bankarnir þurfi að borga
skatta, en með lögunum frá í fyrra
er verið að leggja mun þyngri og
óréttlátari byrðar á bankana en
nokkurn annan skattgreiðanda.
Það sést bezt á því, að bankarnir
þurfa að greiða um 50 milljónir
króna í svokallaðan veltuskatt,
þrátt fyrir þá staðreynd, að flestir
þeirra eru reknir með tapi,“ sagði
Jónas H. Haralz, bankastjóri
Landsbanka íslands.
7. tónleikar Sinfóníunnar:
Beethoven, Hindemidt,
Schubert og Wagner
SJÖUNDD áskriftartónleikar Sinfóníuhljómsveitar íslands verða í Háskólabíói
nk. fimmtudag kl. 20.30. Efnisskrá er eftirfarandi: Beethoven: Egmont forleikur,
Hindemidt: Fiðlukonsert, Schubert: Sinfónía nr. 8 og Wagner: meistarasöngvar-
arnir, forleikur.
oft komið fram á tónleikum, bæði
hér og erlendis, hélt tónleika hjá
Tónlistarfélaginu 1970 og 1974 og lék
einleik með Sinfóníuhljómsveitinni á
tónleikum úti á landi og í upptökum
fyrir útvarp, var fastráðin í hljóm-
sveitinni 1969 —’75, en síðan 1975
hefur hún kennt við Tónlistarskól-
ann í Reykjavík. Rut var einn af
stofnendum Kammersveitar Reykja-
víkur 1974 og hefur verið formaður
sveitarinnar frá stofnun hennar. Þá
hefur Rut verið konsertmeistari í
kammersveitum á tónleikum
Pólýfónkórsins."
Sjálfstæðisflokkurinn:
Prófkjör ákveðið í
Austurlandskjördæmi
I fréttatilkynningu frá Sinfóníu-
hljómsveitinni segir m.a.:
„Stjórnandi á þessum tónleikum
er Klauspeter Seibel frá Þýskalandi.
Hann fæddist í Offenbach am Main
1936, en ólst upp og hóf tónlistarnám
í Núrnberg. Aðalnámsgreinar hans
voru píanóleikur, tónsmíðar og
hljómsveitarstjórn, en síðan 1947
hefur hljómsveitarstjórn verið hans
aðalstarf. Auk óteljandi hljómleika,
bæði austanhafs og vestan, hefur
Seibel stjórnað við óperuhúsin í
Berlín, Vínarborg, Múnchen,
Frankfurt, Hamborg Zúrich og
Moskvu. Hann starfar nú sem aðal-
stjórnandi sinfóníuhljómsveitarinn-
ar í Núrnberg og er jafnframt fyrsti
stjórnandi óperunnar í Hamborg og
prófessor við Tónlistarháskólann
þar.
Einleikarinn, Rut Ingólfsdóttir
hóf fiðlunám fimm ára gömul hjá
Ruth Hermanns og síðan voru Einar
Sveinbjörnsson og Björn Ólafsson
kennarar hennar í Tónlistarskólan-
um í Reykjavík. Stúdent frá Mennta-
skólanum í Reykjavík vorið 1965. Ár-
ið 1965 —’66 stundaði hún nám hjá
Einari Sveinbjörnssyni við Musik-
konservatoriet í Malmö. Haustið
1966 hóf Rut nám við Conservatoire
Royal de Musique í Brússel og var
André Gertler kennari hennar í
fiðluleik þar. Sumarið 1969 lauk hún
prófi þaðan og hlaut Premier Prix
avec grande distinction. Rut hefur
Kgilsstóðum 18. janúar.
STJÓRN kjördæmisráðs Sjálfstæðis-
flokksins t Austurlandskjördæmi
ákvað á fundi sínum 10. þessa mánað-
ar að viðhafa prófkjör til að velja
frambjóðendur til væntanlegra
alþingiskosninga, en vísaði frekari
ákvörðun um framkvæmd prófkjörs-
ins til sérstakrar undirbúningsnefnd-
ar.
Undirbúningsnefnd prófkjörs
kom saman til fundar hér á Egils-
stöðum í gær og ákvað að höfðu
samráði við stjórn kjördæmisráðs,
að frestur til að tilkynna þátttöku í
prófkjörinu skyldi vera til 4. febrú-
ar næstkomandi, að sögn formanns
nefndarinnar Rúnars Pálssonar.
Rúnar sagði ennfremur, að nefndin
hefði ráðið Magnús Þórðarson,
Egilsstöðum, sem framkvæmda-
stjóra prófkjörs og bæri að skila
þátttökutilkynningum til hans eða
formanns kjördæmisráðs. Að sögn
Rúnars verður prófkjörið opið öll-
um stuðningsmönnum Sjálfstæðis-
flokksins í kjördæminu, sem kosn-
ingarrétt hafa og ennfremur
flokksbundnu fólki frá 16 ára aldri.
Ekki kvað Rúnar prófkjörsdag end-
anlega ákveðinn, sú ákvörðun biði
síns tíma, en þó taldi hann líklegt
að prófkjör færi fram í lok eða síð-
ari hluta febrúarmánaðar.
Formaður stjórnar kjördæmis-
ráðs Sjálfstæðisflokksins í Austur-
landskjördæmi er Albert Kemp,
Fáskrúðsfirði. __ Ólafur
Hvalveiði-
banninu enn
ekki mótmælt
KÍKISSTJÓRNTN hefur enn ekki tek-
ið um það ákvörðun hvort hvalveiði-
banni alþjóða hvalveiðiráðsins verði
mótmælt. Frestur til að mótmæla
banninu rennur út 2. febrúar og að
sögn Jóns L. Arnalds, ráðuneytisstjóra
í sjávarútvegsráðuneytinu, er búizt við
því að ákvörðun verði tekin í lok þessa
mánaðar.
Eins og kunnugt mun af fréttum
var það samþykkt á fundi alþjóða
hvalveiðiráðsins á síðasta ári, að al-
gjört bann skyldi verða á hvalveið-
um frá og með árinu 1986. Þeim
þjóðum, sem ekki sættu sig við
bannið, var síðan heimilt að mót-
mæla því innan þriggja mánaða frá
því að það var samþykkt. Að
minnsta kosti Japan og Noregur
mótmæltu því fyrir 2. nóvember,
sem var fyrsti frestur. Við mótmæli
þeirra þjóða framlengdist frestur
annarra þjóða um þrjá mánuði, en
sá frestur rennur eins og áður sagði
út 2. febrúar næstkomandi. Mót-
mæli einhver þjóð banninu er hún
ekki skyld til að hlíta því, en sé því
ekki mótmælt verður að fara eftir
því.
Óveðrið kostaði Flugleið-
ir um 2,76 milljónir kr.
FLUGLEIÐIR hafa orðið fyrir veru-
lcgum kostnaðarauka vegna tafa á
millilandaflugi félagsins, sem urðu
vegna óveðurs og ófærðar að undan-
fornu, en samkvæmt upplýsingum
Mbl. nemur kostnaður félagsins um
150.000 dollurum, sem eru um 2,76
milljónir króna, á tímabilinu 26. des-
ember til 10. janúar sl.
Kostnaðurinn er meðal annars
fólginn í því, að koma farþegum
yfir á annað flug, hótelkostnaði,
sem reyndar er stærsti þátturinn,
upp á liðlega 64 þúsund dollara,
eða tæplega 1,2 milljónir króna,
bílum, mat og fleiru.
TVeir nýir
sýndir um næstu helgi
■ f
BILABORG HF
Smiðshöföa 23 sími 812 99
Rut Ingólfsdóttir