Morgunblaðið - 25.02.1983, Blaðsíða 11
MORGUNBLAÐIÐ, FÖSTUDAGUR 25. FEBRÚAR 1983
Fyrirspurn til Almenna bókafélagsins
— eftir Þórarinn
Eldjárn
í byrjun desember sl. barst mér
í hendur með sænsku tímariti
áskriftartilboð að væntanlegri
Sænsk-íslenskri orðabók. Tilboðið
var skrifað bæði á sænsku og ís-
lensku, þannig að greinilega var
það ætlað kaupendum i löndunum
báðum. Útgefandi bókarinnar var
sagður Walter Ekstrands Bokför-
lag í Lundi. Sagt var að forlagið
hefði áætlað hámarksverð bókar-
innar 300 kr. sænskar og væri þar
innifalinn söluskattur þarlendur,
17,7%. Bleðill fylgdi tilboðinu og
var skv. honum hægt að panta sér
bókina beint frá forlaginu fyrir
þetta verð.
Námskeið fyr-
ir norðlenzka
sveitarstjórn-
armenn 1.—3.
marz næstk.
á Blönduósi
Sírtan kosningar til sveitarstjórna
fóru fram á síðasta ári hefur venju
fremur verið gert nokkurt átak í
fræðslustarfsemi fyrir fólk í sveitar-
stjórnarstörfum. Norðlendingar riðu á
vaðið en síðan hafa Sunnlendingar
fylgt á eftir og eflaust eru fleiri sem til
hreyfings hugsa á þessu sviði.
Fjórðungssamband Norðlendinga
í samvinnu við Samband ísl. sveit-
arfélaga hefur haft frumkvæði að
þessari fræðslustarfsemi. Á vegum
fjórðungssambandsins var haldið
námskeið fyrir nýja sveitarstjórn-
armenn á Húsavík í byrjun nóv-
embermánaðar á siðasta ári. Að-
sókn að þessu námskeiði var tvöfalt
meiri en unnt var að sinna og þvi
hefur orðið að ráði að endurtaka
námskeiðið á Blönduósi dagana
1.—3. mars n.k.
Námskeiðið á Blönduósi verður
með miög líku sniði og fyrra nám-
skeið. Ahersla er lögð á fræðslu um
sveitarstjórnarlög og reglugerðir og
um fjármál sveitarfélaga. Enn-
fremur verða ftarlegar umræður
um dagleg störf sveitarstjórna.
Formaður fjórðungssambandsins,
Þórður Skúlason sveitarstjóri á
Hvammstanga, setur námskeiðið en
' að því loknu gefur Áskell Einarsson
yfirlit um sögu sveitarstjórna á ls-
landi og sögu Fjórðungssambands
Norðlendinga. Magnús E. Guð-
jónsson, framkvæmdastjóri Sam-
bands ísl. sveitarfélaga, og Valgarð-
ur Baldvinsson, bæjarritari á Akur-
eyri, fræða um lög og reglugerðir
varðandi sveitarstjórnarkerfið,
tekjustofna sveitarfélaga og sam-
skipti ríkis og sveitarfélaga.
Birgir Blöndal, aðalbókari Sam-
bands ísl. sveitarfélaga, Snorri
Björn Sigurðsson, bæjarritari á
Sauðárktóki, og Garðar Sigur-
geirsson, hagfræðingur Sambands
ísl. sveitarfélaga, flytja erindi um
fjármálastefnu, bókhald, ársreikn-
inga, fjárhagsáætlanir og tölvu-
væðingu sveitarfélaga. Ennfremur
mun Magnús E. Guðjónsson fjalla
um kosningar til sveitarstjórna og
um fundarsköp o.þ.h. 1 sveitar-
stjórnum. Loks munu þrir reyndir
sveitarstjórnarmenn af Norður-
landi leiða umræður um dagleg
störf í sveitarstjórnum, en það eru
Bjarni Aðalgeirsson, bæjarstjóri á
Húsavík, Lárus Æ. Guðmundsson,
sveitarstjóri á Skagaströnd, og
Ingimar Brynjólfsson, oddviti Arn-
arneshrepps. Jafnframt er gert ráð
fyrir að fundur f sveitarstjórn sé
settur á svið þannig að æfing fáist i
nauðsynlegum undirbúningi og af-
greiðslu mála.
Þátttakendafjöldi á námskeiðið
er takmarkaður við 30 manns að
hámarki. Af þessum sökum er mjög
áríðandi að þeir sem hafa hugsað
sér að taka þátt í námskeiðinu til-
kynni það sem allra fyrst.
(FrétUtilkynning)
Undirritaður er einn af mörgum
sem lengi hafa haft mikla þörf
fyrir slíka bók. Ég sendi því bleðil-
inn umsvifalaust til forlagsins.
Um jólaleytið barst mér svo
bréf frá Walter Ekstrands Bok-
förlag þar sem sagt var að Al-
menna bókafélagið hefði tekið að
sér að dreifa bókinni hériendis og
væri mér því vísað þangað. Jafn-
framt var ég fullvissaður um að
þessi aðferð yrði mér ekki til
óhagræðis. Bréf þetta var dagsett
22/12 1982 og sagt að sending færi
af stað til AB daginn eftir. Ekki
var það á neinn hátt útskýrt hvers
vegna verið var að senda manni
þetta tilboð svo skömmu áður,
fyrst þannig skyldi svo að málum
staðið.
Leið nú og beið og aldrei sást
nein orðabók hjá AB, þó hún væri
til sölu i sænskum bókabúðum
fyrir ca. 270 sænskar krónur.
En síðan gerist það allt í einu í
dag, 23. febrúar 1983, að frétt birt-
ist í Morgunblaðinu (á bls. 13) um
útkomu nýrrar sænsk-íslenskrar
orðabókar. Og viti menn, þar er
AB allt í einu orðið útgefandi bók-
arinnar, ásamt Walter Ekstrand,
og sagt að bókin komi samtímis út
í báðum löndum.
Nú er bókin því loks fáanleg hjá
Bókaverslun Sigfúsar Eymunds-
sonar á 988 kr. (926 kr. hjá Bóks-
ölu stúdenta). Hvað sem gengism-
un og verðbólgu líður sjá allir að
þessi upphæð er allmiklu hærri en
sænska verðið. Það er þvi ljóst að
Þórarinn Eldjárn
AB fær allnokkuð fyrir snúð sinn
af hverri seldri bók hér á landi. En
11
spurningin er bara: hver er þessi
snúður?
Því spyr ég forvígismenn AB: I
hverju felst útgáfuaðild Almenna
bókafélagsins að þessari bók?
Gerðist nokkuð annað en það að
AB fékk að setjast upp í vagninn á
lokavinnslustigi erlendrar bókar
til að geta virst útgefandi að henni
sem innlendri bók sem er svo verð-
lögð samkvæmt því?
Er „útgáfustarfsemi" af þessu
tagi nokkuð annað en óþarfur, ein-
okandi og verðhækkandi millilið-
ur?
Þórarinn Eldjárn
PS: Til að öllu réttlæti sé full-
nægt: Ég sé að frá AB kemur bók-
in í íslenskar verslanir innpökkuð í
plast, skv. íslenskri venju, til að
neytandinn viti síður hvað hann er
að kaupa. En nægir það handarvik
til að geta talist fullgildur útgef-
andi?
HJA OKKUR NA GÆÐIN IGEGN
Við hjá Ramma h.f. í Njarðvík notum eingöngu úrvals við frá Norður-Kirjalalandi
(Karelia) í Finnlandi. Á svo norðlægum slóðum vaxa trén hægt. Árhringir trjánna liggja því
þétt — viðurinn verður betri en annars hefði orðið raunin. I sögunarmillu Nurmeksen Saha
er viðurinn flokkaður eftir gæðum og útliti. Við kaupum af þeim eingöngu I. flokk.
Og við notum ekkert annað timbur. Kröfur okkar eru því mun meiri en þær sem gerðar
eru samkvæmt íslenskum staðli IST 41. Þar ná ákvæðin aðeins til þeirra flata sem eru
sýnilegir. Hjá okkur ná gæðin í gegn.
*NURMES*
I. FLOKKUR
NUR*MES
2. FLOKKUR
NURMES
3. FLOKKUR
hf slr
og nurðaverksmiðja
NJARÐVÍK Sími 92-1601 Pósthólf 14 Söluumboð í Reykjavík: IÐNVERK H.F. Nóatúni 17, sími 25930 og 25945