Morgunblaðið - 01.03.1983, Blaðsíða 18

18
MORGUNBLAÐIÐ, ÞRIÐJUDAGUR 1. MARS 1983
Tveir flokksformenn í
Portúgal ná ekki kjöri
Lissabon, 28. Tebrúar. AP.
FORMANNASKIPTI urdu í tveim-
ur af þremur stjórnarflokkum Port-
úgals um helgina, aöeins mánuði
eftir að formaður þriðja stjórnar-
Dokksins vék úr embætti.
Þeir sem nú létu af embætti,
féllu í flokkskosningum, en það
voru forsætisráðherrann Franc-
isco Pinto Balsemao hjá flokki
Tékkóslóvakía:
Sósíaldemókrata og Goncalo Rib-
eiro Telles hjá flokki Konungs-
sinna. Fyrir mánuði lét hins veg-
ar Diogo Freitas Do Amaral
varnarmálaráðherra af embætti
sínu sem formaður Kristilega
Demókrataflokksins.
Sósíalistaflokkurinn, sem er í
stjórnarandstöðu, sýndi sig einn-
ig eiga í innbyrðis erjum, en hann
klofnaði um helgina er raða átti
fulltrúum í sæti fyrir komandi
kosningar.
Mesta athygli vekur þó að Bals-
emao skuli vera settur af. Það
þýðir, að stofnandi flokksins
stendur uppi embættislaus í eigin
flokki, en þrír hinna íhaldssam-
ari forystumanna flokksins hafa
þar nú töglin og hagldirnar, Carl-
os Mota Pinto, fyrrum forsætis-
ráðherra, Eurico De Melo, fyrrum
innanríkisráðherra og Nascim-
ento Rodrigues fyrrum atvinnu-
málaráðherra. Þeir hafa lengi
reynt að koma Balsemao frá völd-
um, hafa talið hann of hófsaman.
Og er hann hafði verið settur af,
settu þeir all marga róttæka
menn í lykilembætti innan
flokksins.
Andófsmaður
látinn laus
\ ín, 28. febrúar. AP.
YFIRVÖLD í Tékkóslóvakíu hafa látið lausan ungverskan andófsmann, sem
sakaður hafði verið um undirróðursstarfsemi. Hins vegar hefur annar and-
ófsmaður horfið af sjónarsviöinu eftir að hafa verið færður til yfirheyrslu í
Rúmeníu.
Dr. Mikos Duray, sem var hand-
tekinn í nóvember sl. og ákærður
fyrir að „grafa undan lögum lýð-
veldisins", var látinn laus í Brat-
islava 25. febrúar, segir í fregnum
mannréttindahóps. Hins vegar er
ekki talið víst að lausn hans hafi í
för með sér, að kærur á hendur
honum verði látnar niður falla.
Attila Ara-Kovacs, heimspek-
ingur, sem hefur verið í tengslum
við tímarit neðanjarðarhreyf-
ingarinnar rúmönsku, hefur hins
vegar ekki sést síðan 10. febrúar
þegar hann var færður til yfir-
heyrslu á skrifstofu saksóknara í
Oradea í norðvesturhluta Rúm-
eníu.

\T/
ERLENT
Öryggis-
í miklu úrvali
og hlffðarbúnaður
Gætið heilsu
yðar og
öryggi.
Notið öryggis-
og hlífðarbúnað
Oryggisskór
léttir og
sterkir.
Margar
gerðir
Dynjandi sf.
Ratsuðu-
skermar
i
Óndunar- og
andlitshlífar.
Rykgleraugu
Sketfunni 3. Sími 82670.
Sprengja sprakk
Öflug sprengja sprakk í Armagh á Norður-írlandi í gærkvöldi með þeim
afleiðingum að einn lögreglumaður lét lífið og tjón á eignum varð mikið
eins og sjá má. Lögreglumaðurinn hafði brugðið sér út í bitasölu að
sækja snarl handa sér og félögum sínum sem biðu svangir á lögreglu-
stöðinni.
Norðurlandaráðsþingið:
Borðaði „smyglaða"
lifrarkæfu í mat-
sal þinghússins
Síðar kom í ljós að lifrarkæfan var norsk
Osló 25. febrúar. Krá Sigtryggi Sigtrvgnssyni frélta-stjóra Mbl.
DANSKIR þingmenn hafa lag á því að vekja athygli á einstökum málum á
þingum Norðurlandaráðs.
I fyrra var það þingmaðurinn Ole Henriksen, sem upplýsti á þinginu í
Helsinki að hann hefði smyglað hassi inn í landið. Vildi hann með þessu
vekja athygli á því hve auðvelt menn ættu með að kaupa og smygla hassi
á Norðurlöndum. Þetta uppátæki fékk misjafnar undirtektir og lögreglan
tók Henriksen í yfirheyrslu.
Á þinginu hér í Osló var danski
þingmaðurinn Jörgen Kruse
Rasmussen í sviðsljósinu. Hann
smyglaði lifrarkæfu frá Dan-
mörku og þorðaði í matsal þing-
hússins í viðurvist blaðamanna
og ljósmyndara. Á þennan hátt
vildi hann vekja athygli á og mót-
mæla að Norðmenn og Danir
hafa ekki afnumið innflutnings-
bann á dönskum landbúnaðarvör-
um vegna gin- og klaufaveikinn-
ar, sem upp kom á Fjóni.
Rasmussen segir að aðrar þjóð-
ir hafi afnumið bannið fyrir
löngu, enda öll hætta liðin hjá.
Fyrst 250 milljónir Evrópumanna
eigi þess kost að borða danska
lifrarkæfu í morgunmat hljóta 16
milljónir Norðmanna og Svía að
mega það, sagði Rasmussen.
Fram hefur komið í fjölmiðl-
um, að með því að fella ekki niður
innflutningsbann á dönskum
landbúnaðarvörum séu yfirvöld í
Noregi og Svíþjóð að halda
verndarhendi yfir eigin landbún-
aði, sem ekki fái samkeppni frá
Dönum á meðan.
Þá má geta þess, að komið hef-
ur í ljós að umrædd lifrarkæfa
var norsk og hafði þingmaðurinn
keypt hana í Osló. Hefur mikið
veður verið gert út af þessu í
blöðum í Noregi og Danmörku,
eftir að þingmaðurinn var uppvís
af þessum svikum og eru margir
reiðir út í þingmanninn, ekki sízt
í Danmörku.
Fréttir í stuttu máli:
Hvalur
réðst á bát
(■uerrero Negro, Mexíkó, 28. febrúar. Al*.
HVALUR vatt sér að litlum ferða-
mannabáti í Scammonlóni út af
ströndum Mcxíkó, sló sporðinum
utan i hann með þeim afleiðingum
að einn lét lífið og þrír aðrir slösuð-
ust.
Hundruðir hvala koma árlega í
lónið og þéna mexíkanskir aðilar
þá talsvert á ferðamönnum sem
gjarnan vilja skoða hvalina í ná-
lægð. Sá sem lést, var sextugur
Bandaríkjamaður, og var bana-
meinið hjartaslag í kjölfarið á
losti. Einn hinna slösuðu var þó
með alvarlega höfuðáverka eftir
hvalssporðinn.
Tólf dóu
eftir
jarðskjálfta
Belgraó, Júgóslavíu, 28. febrúar. AP.
TÓLF manns létu lífið úr hjartabil-
un í kjölfarið á sterkum jarðskjálfta
sem skók júgóslavnesku borgina
Scoplje í gær. Borgin nær gereyði-
lagðist í jarðskjálfta fyrir 20 árum og
kippir eru þar tíðir.
Sjúkrahúsyfirvöld í borginni
sögðu að fjöldi fólks hafi leitað
lækninga er kippurinn var geng-
inn yfir, einkum hafi það verið
hjartaveikir og astmasjúklingar.
1.000 manns létu lífið 1963, en þá
hrundi borgin líka til grunna.
Þrír tróð-
ust undir
Puebla, Mexíkó, 28. febrúar. Al’.
ÞRÍK létu lífið og 80 slösuðust
meira cða minna á hljómleikum
rokkhljómsveitarinnar Menudo frá
Puerto Rico í gær.
Hljómleikarnir fóru fram á
hornaboltavelli í Puebla og mættu
20.000 manns. Mikil rígning var
meðan rokkararnir léku af fingr-
um fram, en á ógæfuhliðina seig
er öllu var lokið. Þá var troðning-
urinn svo mikill að 200 manna
lögreglulið missti öll tök á málun-
um og harmleiknum varð ekki af-
stýrt.