Morgunblaðið - 04.03.1983, Blaðsíða 5
MORGUNBLAÐIÐ, FÖSTUDAGUR 4. MARZ 1983
5
Ragnar Kjartansson sýnir gestum aðstöðuna í Stúdíó Glit, en á stallinum er
fyrsta höggmyndin sem hann hefur gert, Leirkerasmiðurinn, sem er gerð fyrir
Iðnaðarbanka íslands. Ljósmynd Mbl. EBB.
Glit 25 ára:
Opna stúdíó
fyrir listamenn
Fjölmargar nýjungar á döfinni hjá Glit
Á ÞESSU ári eru liðin 25 ár frá því Glit hf. hóf starfsemi sína í gamla bænum í
Reykjavík. Á þessum 25 árum hefur fyrirtækið komið víða við og framleitt
listmuni og nvtjahluti fyrir innlendan markað og til útflutnings.
Listiðnaður dafnar gjarnan vel á íslandi en almenningur fjárfestir yfirleitt
mikið í list- og listiðnaði. Glit hefur notið góðs af þessari undirstöðu.
Glit mun minnast 25 ára afmælisins með margvíslegum hætti. Nýlega var
forralega opnuð sérstök listamannavinnustofa þar sem listamenn geta fengið
aðstöðu að vinna meiri háttar listaverk í steinleir eða keramik. Fyrstur lista-
manna til að nota þessa aðstöðu er Ragnar Kjartansson myndhöggvari, en
Ragnar var einmitt einn af stofnendum Glits og brautryðjandi í þessari listgrein
á Islandi. t>á mun fyrirtækið setja á markað nokkrar nýjungar í framleiðslu og
fleira verður gert sem verður tilkynnt síðar á árinu.
Fyrsta verkefni Glits í tilefni af 25
ára afmælinu er að opna umrætt
listamannastúdíó. Þar eiga lista-
menn að geta fengið aðstöðu til að
gera verk í steinleir og keramik. Hér
er fyrst og fremst um að ræða verk
eins og skúlptúr og veggskreytingar.
Einnig koma til greina önnur verk,
listaverk eða nytjamunir. Hugmynd-
in er að listamaðurinn hafi aðgang
að hinum stóru brennsluofnum
Glits, glerungabanka, mótagerð og
tækniráðgjöf varðandi leirtegundir
og margt fleira.
f stjórn Glits nú eru Gunnar J.
Friðriksson, formaður, Snorri Pét-
ursson, framkv.stjóri, Bjarni Jó-
hannesson, verslunarstjóri, frú Guð-
rún Sæmundsen og Davíð Sch. Thor-
steinsson, framkv.stj.
Framleiðslustjóri Glits er Páll Þ.
Pálson og framkvæmdastjóri er Orri
Vigfússon.
Með inngöngu fslands í EFTA og
samningum við Efnahagsbandalagið
kom tækifæri til að flytja fram-
leiðslu Glits á erlendan makað. Á
sama tíma fengu svo, auðvitað,
hundrað þúsund evrópskir framleið-
endur tollfrjálsan aðgang að hinum
íslenska markaði. Að þessum að-
stæðum hefur Glit reynt að laga sig
eftir beztu getu. 20—40% framleiðsl-
unnar er nú flutt á erlendan markað
og mikið fjör er í vöruþróun fyrir-
tækisins. En til að standast sam-
keppnina þarf fyrirtækið sífellt að
koma með nýjar og nýjar hugmyndir
á markaðinn. Helztu útflutningslönd
eru nú Svíþjóð, Noregur, Tékkó-
slóvakía og Þýzkaland.
Þeir sem starfa nú að hönnunar-
og vöruþróunarmálum fyrirtækisins
eru Þór Sveinsson, leirkerasmiður,
Eydís Lúðvíksdóttir, myndlistar-
áðgjafi, Hulda Marísdóttir, leirkera-
smiður, Magnea Hallmundsdóttir,
myndhöggvari og Baldur Ásgeirsson
mótasérfræðingur.
Meðal ýmissa nýjunga frá Glit á
undanförnum árum má nefna Stein-
blómin á vösum, skálum, blómapott-
um, lömpum og olíuljósum og ýmsa
nytjamuni, krúsir og skálar, og með-
al nýjunga hjá fyrirtækinu er að
taka afsteypur af verkum eftir
þekkta íslenzka listamenn.
Ragnar við lágmynd sem hann hefur gert ásamt aðstoðarmönnum sfnum á
höggmyndaverkstæði Glits þar sem íslenzkum listamönnum er boðið upp á
góða aðstöðu. Lágmyndin heitir Lífshlaupið.
geysivinsælu fermingarföt
komin aftur
Mjög hagkvæm lausn
á fatnaöi fermingarstúlkna- og drengja