Morgunblaðið - 06.04.1983, Blaðsíða 2

2
MORGUNBLAÐIÐ, MIÐVIKUDAGUR 6. APRÍL 1983
8—9 bátar hirtir
í „þjófstarti“
Einum vfsað í land vegna vftaverðs
kæruleysis varðandi öryggisbúnað
LANDHELGISGÆZLAN stóð 8—9
báta aö „þjófstarti" í gærmorgun út
af Keykjanesi áður en þorskveiði-
banni lauk á hádegi í gær. I>á var
einum báti, Sæljóma, sem gerður er
út frá Grindavík, vísað í land undir
eftirliti gæzlunnar vegna sama brots
og einnig vegna vítaverðs kæruleysis
varðandi öryggisbúnað. Brot af þessu
tagi, þ.e. að hefja veiðar áður en
banntíma lýkur, jafngilda landhelg-
isbrotum og vcrða bátseigendur kærð-
ir.
Landhelgisgæzluskip og Rán,
þyrla Landhelgisgæzlunnar, komu
á vettvang vegna kvartana skips-
hafna sem komu á vettvang á til-
skildum tíma. Að sögn varðskips-
manna var aðkoman um borð í Sæ-
ljóma ömurleg. Björgunarbátur
hafði ekki verið skoðaður síðan árið
1981. Talstöð var biluð, engin neyð-
arstöð um borð, einvörðungu ör-
bylgjustöð var nothæf. Þá voru eng-
in slökkvitæki finnanleg og ekkert
haffærisskírteini af framangreind-
um ástæðum. Sæljómi var eingöngu
kominn með bauju í sjó en hinir
bátarnir með net.
Að sögn varðskipsmanna hafa
fleiri bátar, en þessir sem staðnir
voru að verki, mjög líklega þjóf-
startað, en Landhelgisgæzlunni er
ekki unnt að komast yfir stærra
svæði á svo skömmum tíma.
Stefán Pétursson útgerðar-
maður frá Húsavík látinn
STEFÁN Pétursson, útgerðarmaður
og skipstjóri frá Húsavík, lézt í
Borgarspítalanum í gær, 76 ára að
aldri.
Stefán fæddist á Húsavík 23.
júní 1906 og var sonur hjónanna
Péturs Jónssonar frá Rauf á
Tjörnesi og Hólmfríðar Eiríks-
dóttur af Djúpadalsætt í Skaga-
firði. Stefán ólst upp hjá foreldr-
um sínum á Húsavík og hóf
snemma sjósókn með föður sínum
og bróður og þá á þilfarsbátum og
opnum bátum annarra fyrst í stað.
1931 keyptu þeir bræður Stefán
og Þór lítinn bát, Skallagrím, og
samhliða útgerð hans hófu þeir
fiskverkun í landi. Þann bát
misstu þeir 1939 og létu þá smíða
fyrir sig 21 lestar bát í Siglufirði
og hlaut hann nafnið Barðinn og
var útgerðin nefnd eftir honum.
Umsvif þeirra bræðra jukust síð-
an ört, bátunum fjölgaði og þeir
reistu fiskverkunarhús í Sand-
gerði og á Húsavík, keyptu hrað-
frystihús í Kópavogi og fiski-
mjölsverksmiðju í Sandgerði. Þá
gerði fyrirtæki þeirra bræðra út
bátana Náttfara, Dagfara og
Ljósfara, svo eitthvað sé nefnt.
AIls var Stefán um 45 ár á sjó og
þar af um 24 vetrarvertíðir frá
Sandgerði. 1976 var fyrirtækinu
skipt upp og 1979 fluttist Stefán
alfarinn frá Húsavík til Reykja-
víkur.
Stefán vann alla tíð mikið að
félagsmálum útvegsmanna og átti
um tíma sæti í stjórn LÍÚ. Þá var
hann einn af stofnendum Komm-
únistaflokks íslands.
Banaslys í Hrunamannahreppi
TVÍTTIGUR maður, Hjalti Ingvars-
son, Reykjahlíð, Skeiðum, lézt er
bifreið valt ofan í skurð við þjóðveg-
inn austan undir Miðfelli í Hruna-
mannahreppi árdegis á skírdag.
Auk Hjalta voru tveir farþegar í
bifreiðinni, en þeir sluppu ómeidd-
ir og komust til bæja í nágrenni
slysstaðarins. Talið er að Hjalti
hafi látizt samstundis. Hjalti
fæddist 23. júní 1962 og var því
tvítugur að aldri. Hann bjó í for-
eldrahúsum.
Sigurður Pálsson, aðstoðarleikstjóri, Krístín Jóhannesdóttir og Þóra Friðriksdóttir, leikkona.
Á hjara veraldar frumsýnd sl. laugardag
ÍSLENSKA kvikmyndin Á hjara
veraldar, var frumsýnd í Austur-
bæjarbíói á laugardag fyrir páska.
Meðal frumsýningargesta var for-
seti íslands, Vigdís Finnbogadótt-
ir. Fyrir sýningu hélt handritshöf-
undur og leikstjóri myndarinnar,
Kristín Jóhannesdóttir, stutta tölu
en eftir sýninguna var henni og
leikurum og öðrum aðstandendum
myndarinnar fagnað ákaflega með
langvinnu lófataki.
Aðalleikarar í Á hjara verald-
ar eru þau Þóra Friðriksdóttir,
Arnar Jónsson og Helga Jóns-
dóttir, en auk þeirra kemur fram
fjöldi aukaleikara. Kvikmynda-
tökumaður var Karl Óskarsson,
Sigurður Snæberg sá um hljóð
og klippingu, Sigurjón Jóhanns-
son sá um leikmynd en aðstoðar-
maður leikstjóra var Sigurður
Pálsson. Þetta fólk og margt
annað sem vann við gerð mynd-
arinnar var klappað upp á svið
Austurbæjarbíós að frumsýn-
ingu lokinni.
Á hjara veraldar kostaði tæp-
ar fjórar milljónir í framleiðslu
og er nú sýnd á almennum sýn-
ingum í Austurbæjarbíói.
Rafmagnsveitur ríkisins:
38 línumönnum
sagt upp störfum
RAFMAGNSVEITUR ríkisins hafa sagt upp störfum þrjátíu og átta
línumönnum, sem undanfarið hafa unnið við Suðurlínu. Margir starfs-
mannanna eru gamlir starfsmenn Rafmagnsveitnanna og áttu þeir rétt á
þriggja mánaða uppsagnarfresti, en ákveðið hefur verið að eitt gangi yfir
þá alla og hætti þeir störfum 30. júní næstkomandi, að því er Kristján
Jónsson rafmagnsveitustjóri sagði í samtali við blaðamann Morgun-
ný þegar þar að kæmi, vegna þess
að starfsmenn dreifðust og ólík-
legt væri að þeir yrðu allir til taks
með litlum fyrirvara þegar vinna
hæfist á ný.
blaðsins í gær.
Kristián sagði ástæðu uppsagn-
anna vera þá, að Landsvirkjun er
væri frafhkvæmdaaðili að Suður-
línu, hefði ákveðið að stöðva fram-
kvæmdir við línuna, þar sem ekki
hefði tekist að afla fjár til að ljúka
verkinu á þessu ári. Upphaflega
hafði verið ráðgert að Ijúka við
línuna hinn 1. desember næstkom-
andi. Ekki hefði því verið um ann-
að að ræða fyrir RARIK en að
segja þeim starfsmönnum upp
störfum, sem að línunni vinna.
Kristján Jónsson sagði þetta
tvímælalaust óheppilega ráðstöf-
un á þessum tíma. Verkið væri í
fullum gangi og búið að kaupa til
landsins allt efni í línuna. Auk
þess yrði þetta til þess að ekki yrði
unnt að Ijúka hringtengingu
byggðalínanna á þessu ári eins og
stefnt hefði verið að, og raforku-
kaupendur á Vestur-, Norður- og
Austurlandi yrðu því enn um sinn
að búa við fyrra óöryggi, er ekki
hyrfi fyrr en hringtengingu yrði
komið á.
Kristján kvaðst að lokum vilja
ítreka, að hann teldi óheppilegt að
stöðva framkvæmdirnar nú. 1
raun væri ekki verið að spara neitt
annað en innlent vinnuafl þar sem
efni hefði þegar verið keypt. Þá
yrði fresturinn til að mannvirkið
yrði óarðbært í þann tíma er liði
uns því lyki, en með tilheyrandi
vaxtakostnaði. Enn yrði dýrt og
tafsamt að koma verkinu af stað á
Steingrímur um að ríkisstjórnin sitji að loknuni kosningum:
„Hryllir við tilhugsuninni“
Mun leggja til við forsetann ad fremur veröi mynduð embættismannastjórn
„MIG HRYLLIR við tilhugsun-
inni. Ég mun leggja til við forseta
íslands, að þá verði frekar mynduð
embættismannastjórn," svaraði
Steingrímur Hermannsson for-
maður Framsóknarflokksins á
blaðamannafundi í gær spurning-
unni um, hvort til þess gæti komið,
þrátt fyrir fyrri yfirlýsingar hans,
að framsóknarmenn sætu áfram í
núverandi ríkisstjórn eftir kosn-
ingar og þar til ný ríkisstjórn hefði
verið mynduð. Tómas Árnason
kvaddi sér þá hljóðs og lýsti sig
algjörlega andvígan embætt-
ismannastjórnum, sagðist vilja
þinglegar ríkisstjórnir. Sneri
flokksformaðurinn sér þá að hon-
um og spurði: „Þú ætlar þó ekki að
sitja í ríkisstjórninni fram á
haust?"
Spurningin var fram borin
vegna yfirlýsinga Tómasar
Árnasonar á fundinum um að
hann reiknaði með að stjórn-
armyndun gæti dregist í nokk-
urn tíma, jafnvel í mánuði.
Steingrímur svaraði því til að
hann teldi eðlilegan hlut að
Gunnar Thoroddsen leitaði að
loknum kosningunum 23. apríl
lausnar fyrir sig og ráðuneyti
sitt, sérstaklega þar sem hann
hefði ákveðið að vera ekki í
framboði. Hann vai; þá spurður,
hvort framsóknarmenn myndu
sitja áfram í ríkisstjórn, ef for-
seti íslands færi þess á leit að
hún sæti áfram sem starfsstjórn
á meðan stjórnarmyndunar-
viðræður færu fram, og jafnvel
fram yfir aðrar kosningar, sem
til umræðu hefur verið að komið
geti til á árinu. Hann svaraði að
venjan væri víst sú, að ríkis-
stjórnir sætu þá áfram, en að
hann hugsaði til þess með hryll-
ingi að sitja kannski fram á
haust við slíkar aðstæður. Hann
kvað sína persónulegu skoðun að
þá bæri fremur að skipa emb-
ættismannastjórn og lýsti því
yfir að hann myndi a.m.k. leggja
það til við forseta íslands.
Tómas Árnason tók þá til
máls og sagði í tilefni af yfirlýs-
ingum Steingríms, að hann væri
persónulega algjörlega andvígur
embættismannastjórnum. Hann
vildi fremur þinglegar ríkis-
stjórnir. Steingrímur sneri sér
þá að honum og spurði hvort
hann ætlaði sér þá að sitja í rík-
isstjórninni fram á haust. Tóm-
as kvað það ekki vilja sinn, en á
móti embættismannastjórnum
væri hann.
Skákþing íslands:
Sigurinn
blasir við
Svíanum
ALLAR líkur benda til þess að Sví-
inn Dan Hansson beri sigur úr být-
um á Skákþingi íslands, sem lýkur
í kvöld. I gærkvöldi vann Dan
Hansson Ágúst S. Karlsson í bið-
skák.
Staðan fyrir 11. og síðustu um-
ferð er sú, að Dan Hansson hefur
8 vinninga og nægir jafntefli í
kvöld tii sigurs í mótinu. Hann
getur þó ekki orðið íslandsmeist-
ari, þar eð hann er sænskur
ríkisborgari, en giftist tslenzkri
stúlku nú um páskana. Næstu
menn berjast um titilinn
„Skákmeistari íslands", en þeir
eru Ágúst S. Karlsson, Hilmar
Karlsson og Sævar Bjarnason
með 7 vinninga og Elvar Guð-
mundsson með 614 vinning.
Sjá ennfremur skákþætti á
bls. 29 og 37.
Landssöfnun
Sjálfstæðis-
flokksins
Sjálfstæðisflokkurinn efnir ti
landssöfnunar vegna komandi al
þingiskosninga. Er leitað til vel
unnara Sjálfstæðisflokksins urr
300 kr. framlag til þess að „styrkjé
Sjálfstæðisflokkinn fjárhagslega
þeim mikilvægu þjóðfélagsátök-
um, sem framundan eru“. Nánai
verður sagt frá landssöfnur
Sjálfstæðisflokksins síðar.