Morgunblaðið - 07.04.1983, Blaðsíða 13

-------------------------------Affir.--
MORGUNBLAÐIÐ, FIMMTUDAGUR 7. MAftí 1983
13
Islenska óperan:
Bessi í Míkadó
„ÞETTA er ekta mjúsíkal á vestræna vísu þótt hann sé
færður í japanskan búning. í rauninni er textahöfundur-
inn, skáldið William S. GiTbert, að deila á breskt þjóðfé-
lag, sérstaklega pólitíkusana. En hann færir ádeiluna í
þennan japanska ramma til að vera ekki hankaður,“ sagði
Bessi Bjarnason, um söngleikinn Míkadó eftir þá Gilbert
og Sullivan sem íslenska óperan sýnir um þessar mundir.
Bessi hefur nóg að gera þessa dagana, hann leikur Kó-Kó
háyfirböðul í Míkadó, auk þess að leika í Oresteiu og Línu
langsokk hjá Þjóðleikhúsinu.
„Ég er virkilega ánægður að
hafa fengið að vera með í óper-
ettunni. Þjóðleikhússtjóri var
svo elskulegur að veita mér leyfi
til þess og þetta gengur upp með
því að færa sýningartíma á
Míkadó aftur til níu á kvöldin.
Ég er búinn í Oresteiu um hálf-
níu og þýt þá upp í Gamla bíó og
skipti um galla. Og Lína lang-
sokkur er sýnd að deginum til
svo þetta blessast."
— Hvers konar náungi er
Kó-Kó háyfirböðull?
„Hann er lélegur böðull, að
minnsta kosti. Allt of mikið
gæðablóð til að geta drepið
nokkurn mann. Énda segist
hann aldrei hafa tekið að sér
embættið ef hann hefði búist við
því að þurfa að taka einhvern af
lífi. Hann talar reyndar um að
hann þurfi að fara í einkatíma,
byrja á hænu og færa sig upp
eftir skalanum."
— Það eru mörg skrýtin nöfn
í sögupersónunum, Kó-Kó, Pú-
Kó, Nam-Nam og Iss-Piss, svo
dæmi séu tekin.
„Já, þýðandinn hefur fært
þetta skemmtilega í stilinn.
Annars eru nöfnin á enskunni í
svipuðum dúr. Þetta er gert til
að undirstrika grínið."
— Er Míkadó þá eins konar
revía?
„Gamla óperetta. Það er mikið
af fyndnum frösum og áhorfend-
ur veltast oft um af hlátri."
— Hvað getuðu sagt okkur
um söguþráðinn?
„Hann er talsvert flókinn.
Sagan á að gerast í japönskum
bæ, Tipipú. Yfir Japan ríkir ein-
valdurinn Míkadó (Kristinn
Hallsson), dyggðum prýddur
stjórnvitringur á yfirborðinu, en
heimskur og haldinn kvalalosta
þegar grannt er skoðað. Það
verður hans fyrsta embættisverk
að leggja dauðarefsingu við
daðri. Forljót kona við hirð hans
ásakar son Míkadó fyrir daður
og sonurinn á um það tvennt að
velja að flýja hirðina eða ganga
að eiga grýluna. Hann flýr og
kemur til Tipipú dulbúinn sem
sekkjapípublásari. Þar hittir
hann Nam-Nam og verður yfir
sig ástfanginn. Nam-Nam er
hins vegar heitbundin mér, Kó-
Kó skraddara, svo Nanki-Pú, en
svo heitir keisarasonurinn, held-
ur á brott fullur örvæntingar.
Bessi Bjarnason í hlutverki Kó-Kó háyfírböðuls í Míkadó.
Bjartar vonir vakna þó hjá
honum þegar hann fréttir að
Kó-Kó hefur verið dæmdur til
dauða fyrir daður, og hann
skundar aftur til Tipipú. En þá
hefur Mikadó náðarsamlegast
náðað mig og gert mig að háyfir-
böðli í millitíðinni og brúðkaup
okkar Nam-nam stendur fyrir
dyrum. Þetta fær svo á Nanki-
Pú að hann ákveður að farga sér.
En gæfan er mér ekki alltof
hliðholl. Míkadó hefur frétt að
aftökur hafi aflagst í Tipipú og
vill að ráðin sé bót á því hið
snarasta. Og þar sem ég get ekki
hugsað mér að beita öxinni dett-
ur mér það snjallræði í hug að
bjóða Nanki-Pú að vera kvæntur
Nan-Nam í einn mánuð ef hann
leyfi að þeim tíma liðnum að
hann sé hálshöggvin með við-
höfn. Þetta virðist þjóðráð úr því
Nanki-Pú ætlar hvort sem er að
stytta sér aldur.
Nú, það fer ekki allt eins og til
stóð, ýmsar flækjur eiga eftir að
gerast ennþá sem óþarfi er að
flíka við væntanlega óperettu-
gesti."
Vestmannaeyjan
Mikil vinna í fisk-
vinnslustöðvum
Vestmannaeyjum, 5. apríl. f
NETABÁTARNIR lögðu net sín í dag eftir vikulangt neta-
veiðibann stjórnvalda. Trollbátar hafa aðallega veitt ýsu und-
anfarnar vikur svo þroskveiðibannið kom ekki svo mjög við
þá að þessu sinni. Togarinn Vestmannaey landaði 150 tonn-
um á laugardag. Það var því mikil vinna í fiskvinnslustöðvun-
um og unnið alla daga nema föstudaginn langa og páskadag.
Þá daga voru allir bátar í landi.
Afli lagður á land í marzmánuði
nam alls 12.045 tonnum. Meðalafli
í löndun hjá netabátum var 13
tonn, en 10,4 tonn hjá trollbátum.
26 smærri bátar og trillur voru á
handfæraveiðum og hjá þeim var
meðalafli 0,6 tonn í löndun. Ver-
tíðaraflinn frá áramótum er þá
kominn í 18.270 tonn, 2.600 tonn-
um minni en á sama tíma í fyrra.
Aflahæstur netabáta er Suður-
ey með 683 tonn, Heimaey er með
681 tonn og Sighvatur Bjarnason
er 649 tonn. Aflakóngurinn marg-
ar undanfarnar vertíðir Sigurjón
Óskarsson á Þórunni Sveinsdóttur
hefur þotið upp aflaskýrslurnar
síðustu vikurnar, en hann byrjaði
róðra síðar en flestir. Þórunn
Sveinsdóttir var aflahæst í marz
og er nú í fjórða sæti með 549
tonn. Huginn er enn aflahæstur
trollbáta með 547 tonn, en Frár er
með 410 tonn. Breki er aflahæstur
togaranna með 1.092 tonn.
hkj.
Ólafsvík:
Fimm snjóskriður
féllu um páskana
5 SNJÓSKRIÐUR féllu nálægt
Olafsvík sl. laugardagskvöld með
þeim afleiðingum að umferð lokaðist
fram á annan f páskum. Að sögn
Hjörlcifs Sigurðssonar hjá Vega-
gerðinni á Olafsvík tókst raönnum
ekki að ryðja veginn fyrr en um kl.
16 á annan í páskum, en þó var ekki
unnið á páskadag.
„Tvær af þessum skriðum voru
óvenjulega stórar og telja margir
að þetta sé það mesta, sem þar
hefur komið niður, því að skrið-
urnar náðu alveg fram í sjó,“ sagði
Hjörleifur. Hann sagði ennfremur
að ekkert tjón hefði orðið og
mætti ætla að einhver óskiljanleg-
ur verndarvættur hefði afstýrt
því. Aðspurður kvað Hjörleifur
skriðuföll mjög algeng hjá ólafs-
vík að vetrarlagi og hefðu t.a.m. 80
skriður fallið þar frá því 15. des-
ember sl.
Eldri borgarar
Ferðakynning
Ferðaskrifstofan Útsýn heldur ferðakynningu fyrir eldri
borgara í veitingahúsinu Glæsibæ, Álfheimum 74,
í dag fimmtudaginn 7. apríl kl. 4—6.
:
y l_;
41'
Dagskrá:
1. Erindi. Þórir S. Guöbergsson,
félagsráösgafi.
2. Ferðakynning.
3. Bingó —
Glæsilegir feröavinn-ingar
til sólarlanda. 3 umferöir.
Þorgeir Ástvaldsson kynnir
og kemur meö harmonik-
una sína og tekur lagið meö
gestum.
Ókeypis aðgangur.
Kaffi og meðlæti
selt á staðnum.

Feröaskrifstofan
UTSÝN