Morgunblaðið - 13.04.1983, Qupperneq 9

MORGUNBLAÐIÐ, MIÐVIKUDAGUR 13. APRÍL 1983
57
Uppdráttur, er sýnir fólkvanginn í Bláfjöllum og nágrenni. Skýringar eru í
meginmáli neðar á síðunni. Greinarhöfundur áætlar, að fólkvangurinn sé
70-80 km2.
Þótt oft hafi verið vel að verki
staðið og framkvæmdir allmiklar í
Bláfjöllum, eru þar enn mörg mik-
ilvæg verkefni, sem bíða úrlausn-
ar. — Ákveðið hefur verið, að á
þessu ári verði bætt við nýrri
stólalyftu. Fyrir hendi eru nú 7
meiriháttar lyftur, 3, sem sveit-
arfélögin eiga og 4 hjá íþróttafél-
ögunum, fyrir utan nokkrar minni
lyftur. — Hinni nýju stólalyftu,
sem er af Doppelmayr-gerð, verð-
ur komið fyrir í Suðurgili, á ein-
hverjum hinum fegursta og sólrík-
asta stað í Bláfjöllum með brekk-
ur við allra hæfi. — Mun þessi
nýja lyfta geta flutt 1.200 manns á
klukkustund. Með tilkomu þessar-
ar lyftu er allt svæðið frá Eldborg
og upp í Suðurgil samtengt með
skíðalyftum og auðvelt af þessum
sökum að færa sig til um allt
svæðið og skipta um skíðabrekkur
að vild.
Þá er ætlunin að áfram verði
unnið í nýja veginum, sem þegar
er byrjað að leggja frá Krísuvík-
urvegi, þar sem Obrynnishólar eru
og áfram um Undirhlíðar, rétt
sunnan Gvendarselshæðar við
Leirdalshöfða og Lönguhlfð um
Dauðadali og Kristjánsdalahorn.
Þegar þessi vegur kemst f sam-
band við Bláfjöll léttir mjög á
austurleið frá Sandskeiði og
langtum styttra verður fyrir Suð-
urnesjamenn að komast upp í
Bláfjöll en áður og Hafnfirðinga
og Garðbæinga. Mjög fer það í
vöxt að Suðurnesjafólk fari í
Bláfjöll á skíði, enda fólkflesti
staðurinn þar, Keflavík, aðili að
Bláfjallafólkvangi. Þegar þessi
nýja leið, sem bæði er tilbreyt-
ingarík og fögur, verður opnuð, er
kominn Bláfjallahringvegur.
Verður sá vegur sennilega jafn-
vinsæll og fjölfarinn að sumri sem
vetri vegna hins stórbrotna og til-
komumikla landslags á þessum
slóðum. Áhugi og samstaða þing-
manna Reykjaneskjördæmis og
Vegagerðar ríkisins við að hrinda
þessari vegagerð í framkvæmd er
þakkarverð og til fyrirmyndar,
enda ekki vanþörf á að fá þennan
væntanlega Bláfjallahringveg í
gagnið sem fyrst, því að oft gerist
það um helgar, þegar kemur fram
á útmánuðina, að í Bláfjöllum eru
staddir frá 6 og upp í 8 og jafnvel
10 þúsund manns í einu á skíðum.
Hér hafa aðeins verið nefnd tvö
meiriháttar verkefni, sem fram-
undan eru: stólalyftan væntanlega
í Suðurgili og nýi vegurinn frá
Óbrynnishólum en þar fyrir utan
eru verkefni ótæmandi á Blá-
fjallasvæðinu, svo sem að lagfæra
og stækka bílastæði, laga brekkur,
merkja gönguleiðir o.fl. o.fl.
5.
Samvinna sveitarfélaga og
annarra opinberra aöila um
uppbyggingu Bláfjallafólk-
vangs
Að flestra dómi hefur samvinna
sveitarfélaganna og forráða-
manna þeirra um rekstur Blá-
fjallasvæðisins og framkvæmdirn-
ar þar verið með ágætum.
Sameiginlega stofnuðu sveitarfé-
lögin nefnd um Bláfjallafólkvang-
inn, Bláfjallanefnd, sem annast öll
málefni hans, rekstur og fram-
kvæmdir þar og leggur fyrir sveit-
arfélögin framkvæmda- og fjár-
hagsáætlun þar að lútandi og þar
sem nefndin er aðeins ráðgefandi,
er áætiun þessi háð samþykki
sveitarstjórnanna hverju sinni.
Fulltrúar Bláfjallanefndar eru 7
talsins, jafnmargir og sveitarfé-
lögin eru, sem að fólkvanginum
standa. Atkvæði fulltrúanna vega
jafnt á fundum nefndarinnar þótt
mikill munur sé á fjárframlögum
sveitarfélaganna til þess að
standa undir rekstri Bláfjalla-
svæðisins og framkvæmdum þar.
Fjárframlögin miðast við íbúatölu
hvers sveitarfélags. Af því leiðir,
að fjárframlag Reykjavíkurborgar
til fólkvangsins er langsamlega
stærst. Er hér sýnt á eftir hvernig
kostnaðurinn af rekstri og fram-
kvæmdum Bláfjallafólkvangs
skiptist á milli viðkomandi sveit-
arfélaga á síðasta ári, árið 1982:
Skipting kostnadar vegna reksturs
Bláfjallafólkvangs árið 1982.
Kostnaður umfram tekjur var
kr. 602.203,- og skiptist þannig
milli sveitarfélaga:
% kr.
Reykjavík 67,10 404.078,-
Kópavogur 11,10 66.845,-
Hafnarfjörður 9,77 58.835,-
Keflavík 5,29 31.857,-
Garðabær 4,08 24.570,-
Seltjarnarnes 2,65 15.958,-
Selvogur 0,01 60,-
100,00% kr. 602.203,-
Skipting kostnaðar vegna
framkvæmda í Bláfjöllum árið 1982.
Kostnaður umfram framlag
íþróttasjóðs var kr. 4.052.235,- og
skiptist þannig milli sveitarfélaga:
% kr.
Reykjavík 67,10 2.719.050,-
Kópavogur 11,10 449.798,-
Hafnarfjörður 9,77 395.904,-
Keflavík 5,29 214.363,-
Garðabær 4,08 165.331,-
Seltjarnarnes 2,65 107.384,-
Selvogur 0,01 405,-
100,00% kr. 4.052.235,-
Fyrsti formaður Bláfjallanefnd-
ar var Þórður Þorbjarnarson. Við
formennsku af honum tók fljót-
lega Elín Pálmadóttir. Á seinasta
kjörtímabili var Gestur Jónsson
formaður og á því sem nýlega er
hafið, hefur Elín Pálmadótir aftur
verið kjörinn formaður nefndar-
innar. 011 þessi þrjú hafa reynst
dugandi formenn.
fþróttafulltrúi Reykjavíkur-
borgar, Stefán Kristjánsson, hefur
verið ráðunautur og fram-
kvæmdastjóri nefndarinnar. Hef-
ur hann setið alla fundi frá upp-
hafi og á hann ekki svo lítinn þátt
í því, að Bláfjallafólkvangur er
það sem hann er í dag, eitt vinsæl-
asta og fjölsóttasta skíða- og
útivistarsvæði landsins. Fólk-
vangsstjóri í Bláfjöllum er nú
Þorsteinn Hjaltason. Hefur hann
gegnt starfinu um nokkurra ára
skeið. Tók hann við af Ásgeiri
Eyjólfssyni. Báðir hafa þessir
menn reynst starfi sínu prýðilega
vaxnir. Er það happ fyrir fólk-
vanginn að hafa haft þar við
stjórnvölinn jafngóða menn og þá
Ásgeir og Þorstein á meðan reglur
voru að mótast þar og aðalupp-
byggingin átti sér stað.
6.
Bláfjallafólkvangurinn, lega
hans, stærö og mörk
Þess verður vart, þegar menn
ræða sín á milli um fólkvang
þennan, að þeir gera sér ekki fylli-
lega grein fyrir því svæði sem
hann nær yfir. Um þetta efni er
stuðst við fyrrnefnda grein Krist-
jáns Benediktssonar í Sveitar-
stjórnamálum, 1. hefti 1980, en
þar segir hann orðrétt þetta:
„Meðfylgjandi uppdráttur sýnir
vel legu Bláfjallafólkvangs og veg-
inn á skíðasvæðinu, sem tengist
Austurveginum við Sandskeið.
Austurhornið er Vífilsfell. Þaðan
liggur línan eftir háhrygg fjall-
garðsins í Kerlingarhnúk á Heið-
inni háu. Hæsti punkturinn á
fjallshryggnum er Hákollur, 702
metrar, og er hann beint upp af
Kóngsgili. Frá Kerlingarhnúk
liggja mörkin um Litla-Kóngsfell,
Stóra-Bolla og í Heiðmerkurgirð-
inguna við Kolhól. Síðan eru
mörkin um Heiðmerkurgirðingu
að punkti, sem skerst af línu, sem
dregin er milli Stríps og Stóra-
Kóngsfells. Síðan liggja mörkin
um Sandfell, norðvestur af
Rjúpnadölum, í koll Vífilsfells.
Innan Bláfjallafólkvangs er mikið
um hraun og eldstöðvar margar.
Víða í hraununum eru op og hellar
og vissara að fara með gát um þau
svæði og fylgja merktum göngu-
leiðum. Eldborg er friðlýst nátt-
úruvætti rétt við veginn. Hún er
falleg eldstöð, sem mikið hraun
hefur komið frá. Vegur frá
brekkubrúninni norðan Rauðu-
hnúka og upp á skíðaslóðirnar
liggur mestan part á Eldborgar-
hrauni.
Skammt frá Eldborginni eru tvö
fell, Stóra-Kóngsfell (596 m) þar
sem fjallkóngar skipta leitum, og
Drottningarfell, sem bæði er
lægra og minna um sig. Hvergi
hefi ég séð nákvæma stærðarmæl-
ingu af Bláfjallafólkvangi. Ekki
mun fjarri lagi að áætla, að hann
sé 70-80 km*.“
7.
Lokaorð
Opnun Bláfjallasvæðisins 1972
til skíðaiðkana, olli meiri og betri
umskiptum í lífi fólks á höfuð-
borgarsvæðinu en menn gera sér
almennt grein fyrir 1 dag. Á
skammri stundu varð svæðið mjög
vinsælt og sókn þangað um helgar
geysimikil, ekki einasta af æsku-
fólki heldur og einnig af fólki á
öllum aldri. — Allar brekkur og
gil, svo sem Eldborgargil, Drottn-
ingagil og Kóngsgil urðu þá
krökkar af iðandi lífi og hinar
mörgu og fjölbreytilegu göngu-
leiðir í hinu tilkomumikla og vetr-
arprúða landslagi lögðu skíða-
öngumenn undir sig fljótlega. —
fyrsta skipti um aldir var nú
kyrrð þessa snæfríða Bláfjalla-
geims rofin að vetrarlagi.
Saga fólkvangs á Bláfjallasvæð-
inu er ekki löng, en er samt orðin
hin merkasta á ekki lengri tíma að
liðinn er frá því að svæði þetta var
opnað almenningi til útivistar að
vetrarlagi. — Ekki er ætlunin að
rekja þessa sögu hér, en fremur
minna á þá staðreynd að þann
röska áratug, sem hin tilkomu-
miklu og fjölbreyttu skíðalönd
Bláfjalla hafa verið öllum almenn-
ingi opin og greið, hafa þau veitt
tugþúsundum manna á öllum aldri
mikinn unað og vellíðan bæði and-
lega og líkamlega.
lleimildir.
1. Bláfjallafólkvangur, skídaland byggðanna við
sunnanverðan Faxaflóa, e. Kristján Bene-
diktsson, borgarfulltrúa í Sveitarstjórna-
málum, 1. hefti 1980.
2. Fundargerðir Bláfjallanefndar, og önnur gögn
Þorgeir Ibsen
Dr. Gunnar Thoroddsen
HVAÐ ER FRAMUNDAN?
Félag sjálfstæöismanna í Hóla- og Fellahverfi heldur fund meö
dr. Gunnari Thoroddsen forsætisráöherra aö Seljabraut 54
(húsi Kjöts og fisks) fimmtudaginn 14. apríl. Fundurinn hefst kl.
20.30.
Allt sjálfstæðisfólk velkomiö.
Stjórnin.
Fundarstjóri veröur
Sigfús J. Johnsen.