Morgunblaðið - 13.04.1983, Side 5
MORGUNBLAÐIÐ, MIÐVIKUDAGUR 13. APRÍL 1983
^ n • ^ raeð árellisskuld
Gott er að ganga a fjorum xtsr-8*
Bókmenntir
Jóhann Hjálmarsson
ANDVARI 1982
Hundraðasta og sjöunda ár.
Stofnaður 1874.
Tímarit Bókaútgáfu Menningarsjóðs
og Þjóðvinafélagsins.
Ritstjóri: Finnbogi Guðmundsson.
Andvari hefur á sér svip hins
liðna nú eins og oft áður. Gunnar
Árnason ritar ævisögu Ásmundar
Guðmundssonar biskups; Tönnes
Kleberg segir frá Codex Argent-
eus; Jón Hnefill Aðalsteinsson á
greinina Þjóðfræði og þakkar-
skuld; Finnbogi Guðmundsson
birtir samantekt úr ljóðum og
bréfum Stephans G. Stephansson-
ar; Bergsteinn Jónsson fjallar um
Ekkjuna í Hokinsdal og 13 hundr-
uð í jörðinni Arnardal; Loftur
Guttormsson skrifar um það sem
ábyrgir menn kölluðu „satans
verk“, þ.e.a.s. frönsku byltinguna í
Evrópu 1789—1794; Gísli Brynj-
ólfsson rifjar upp Afaminningu og
Holger Kjær víkur að Heima-
fræðslu og heimilisguðrækni.
Ritstjóri Andvara hefur aftur á
móti snúið á þá sem gagnrýna
Andvara fyrir að vera allur í for-
tíðinni. Birt eru þrjú glæný ljóð
eftir eitt af okkar helstu samtíma-
skáldum: Þorstein frá Hamri. Ljóð
Þorsteins nefnast Tilbrigði við
Ásmund Atlason, Skriðu-Fúsi og
Skáld. Skriðu-Fúsi er meinleg
ádeila, en um yrkisefnið má lesa í
Gráskinnu: „Hann var óreiðumað-
ur hinn mesti og illa þokkaður.
Var hann dæmdur til þess fyrir
afbrot nokkurt að skríða ávallt á
fjórum fótum, að minnsta kosti í
annarra manna viðurvist... Einu
sinni var hann á ferð yfir Kerl-
ingarskarð vestra um vetur.
Skellti þá á hann byl á fjallinu, og
varð hann úti þar á skarðinu."
Gefum skáldinu orðið:
Þorsteinn frá Hamri
Ég sem aldrei
uppréttur mátti gánga,
aðeins brölta á fjórum _
og sleikja ruður,
í farartækinu
fvrnist glæpur minn stórum.
Eg flyt af Kerlíngarskarði
í borgarhallir.
Mér fer að skiljast,
hve gott er að gánga á fjórum.
Það gera nú allir.
Öll eru þessi ljóð háttbundin.
Skáld minnir á ljóðin í Spjótalög á
spegil, að minnsta kosti upphafs-
línurnar tvær: „Þú stiklar með
varúð yfir ísabrot hugans / og
ótryggar vakir, nístur til hjartar-
ótar.“ En hinn persónulegi sárs-
auki er ekki einráður í þessu ljóði
heldur skiptir það máli að
„skyggna eitthvað af aldarsvipn-
um“.
Greinarnar í Andvara eru yfir-
leitt þægilegur lestur þótt sumar
séu þurrlegar. Það er m.a. ljóst að
bilið milli Andvara og Skírnis er
að minnka. Tveir Andvarahöfunda
eiga líka greinar í nýlegum Skírni.
Norræna húsið:
Kvikmynda-
sýning í dag
Miðvikudaginn 13. apríl kl. 20.30
verður sýnd kvikmyndin Vem ál-
skar Yngve Frej?, sem er gerð eft-
ir skáldsögu Stig Claessons. Meðal
leikenda er Allan Edwall, en hann
er m.a. þekktur hér á landi fyrir
leik sinn í myndinni um Emil í
Kattholti, en þar leikur hann föð-
ur Emils.
Kvikmyndin Vem álskar Yngve
Frej? er minnisvarði um sænska
smábóndann. í henni mætast and-
stæður nýja og gamla tímans. Á
nærfærinn og skilningsríkan hátt
er fjallað um félagsleg og persónu-
leg vandamál svo sem ellina og
strjálbýlið.
Myndin er í litum og sýningar-
tími er 104 mín. Leikstjóri er Lars
Lennart Forsberg.
Áðgangur er ókeypis.
Mazda
929HT
LIMITED '83
Sá glæsilegasti á götunni í dag!
Innifalinn búnaður:
Álfelgur - Rafknúnar rúður - Rafknúnar hurðarlæsingar - Hraðastillir (cruise control) -
Viðvörunartalva - Veltistýri - Útispeglar beggja vegna - Snúningshraðamælir - Quarts-
klukka - Þvottur á aðalljós - Sjálfvirk opnun/lokun á aðalljósum - Mælaborð með snerti-
rofum - Stokkur milli framsæta með geymsluhólfi - Opnun á bensínloki og farangurs-
geymslu innan frá - Halogen aðalljós - Litað gler í rúðum - Innfelld rúllubelti á fram- og
aftursætum - Diskahemlar á öllum hjólum - Hitablástur aftur í og fjölmargt fleira.
Nú er tækifærið til að eignast þennan glæsivagn á ótrúlega lágu verði: KR: 287.000
gengisskr. 7.4.’83
Aðeins fáir bílar til ráðstöfunar. Bankaborgið sem fyrst til að tryggja tollgengi aprílmánaðar.
BÍLABORG HF
Smiðshöfða 23 sími 812 99