Morgunblaðið - 22.05.1983, Blaðsíða 22

22
MORGUNBLAÐIÐ, SUNNUDAGUR 22. MAÍ 1983
Fegurðardrottning íslands 1983 krýnd. Guðrún Möller, titilhafi sfðasta árs, setur kórónuna á höfuð Unnar Steinsson. Tvær fegurðardrottningar saman. Guðrún Möller og Unnur Steinsson.
Ljósm. Mbl./ Emilía og FriÖþjófur H.
Unnur Steinsson krýnd Fegurðar-
drottning íslands með viðhöfn
Kristín Ingvadóttir, sem varð í 2.
sæti í keppninni um titilinn Fegurð-
ardrottning íslands, svarar spurn-
ingum dómnefndar sposk á svip.
— innilega
fagnað af
troðfullu
húsi
áhorfenda í
Broadway á
föstudags-
kvöld
GESTIR í veitingahiísinu Broadway ætluðu bókstaflega
að rifna af fognuði og fagnaðarlátum linnti seint er
Unnur Steinsson var kjörin Fegurðardrottning íslands
1983 á föstudagskvöld. Umvafin Ijósadýrð og blómahafi
tók hún við titlinum úr hendi Guðrúnar Möller, sem
hlaut nafnbótina f fyrra og IJellu Dolan, ungfrú Stóra-
Bretland 1982.
Loftið í salnum var rafmagnað undir lokin, þar sem
troðfullt hús áhorfenda beið úrslitanna í ofvæni. Það
var rétt eins og höggvið væri á einhvern ósýnilegan
hnút þegar nafn Unnar var tilkynnt. Slík voru fagn-
aðarlætin.
Hápunktur
Krýning hennar var hápunkturinn á glæsilegri
kvöldskemmtun, þar sem ótal margir þættir spiluðu
saman og lögðu hver sitt af mörkum til að gera kvöld-
ið jafn vel heppnað og raun bar vitni. Góður matur,
örugg stjórn, áhugaverð sýningaratriði, markviss og
skipulögð uppbygging spennu, mikil stemmning á
meðal gesta og umfram allt glæsileg ytri umgjörð,
allt hafði sitt að segja.
„Það, sem hér er að gerast, er það mesta og besta,
sem gert hefur verið í sögu Fegurðarsamkeppni ís-
lands. Ég vildi bara óska, að svona mikið hefði verið
gert fyrir mig fyrir fjórtán árum. Maðurinn að baki
þessu öllu saman er Baldvin Jónsson." Þannig fórust
Henný Hermannsdóttur, fyrrum fegurðardrottningu
orð, og þau segja kannski meira en margt annað um
krýningarkvöldið.
Verölaun á verðlaun ofan
En það voru fleiri en Unnur Steinsson, sem voru í
sviðsljósinu í Broadway á föstudag, þótt óneitanlega
stæli hún senunni sem sigurvegari keppninnar. Næst
henni í röðinni um titilinn Fegurðardrottning íslands
1983 varð Kristín Ingvadóttir. Steinunn Bergmann
hlaut þriðja sætið, Katrín Hall það fjórða og Anna
María Pétursdóttir hafnaði í fimmta sæti.
Verðalaunaafhendingar og krýningar eru þó ekki
þar með upptaldar. Áður höfðu Ljósmyndafyrirsæta
ársins, Vinsælasta stúlkan, sem þátttakendurnir í úr-
slitakeppninni völdu úr eigin hópi og Fegurðardrottn-
ing Reykjavíkur verið útnefndar.
Hulda Lárusdóttir hlaut hinn eftirsótta titil Vin-
sælasta stúlkan og Katrín Hall var kjörin Ljós-
myndafyrirsæta ársins. Steinunn Bergmann hlaut svo
titilinn Fegurðardrottning Reykjavíkur 1983.
Steinunn í strætó
Sjálfur borgarstjórinn Davíð Oddsson, var á meðal
gesta og lét sig ekki muna um að skreppa upp á sviðið
til að óska Steinunni til hamingju. Lýsti hann því yfir
við það tækifæri í gamansömum tón, að hann gæti vel
hugsað sér að nota hana sem strætisvagnabílstjóra.
Með hana við stýrið væri a.m.k. tryggt að karlmenn-
irnir kvörtuðu ekki yfir fargjaldinu, hversu svo sem
hann hækkaði það.
Þótt eðlilega hlytu ekki allar stúlkurnar útnefningu
til verðlauna höfðu þær annað og meira en reynsluna
eina með sér heim í pokahorninu. Allar hlutu þær
kampavín, snyrtivörur og blóm í gjafir.
Heitbundin Bailey
í lok borðhaldsins var gestum veitt af gríðarstórri
tertu, sem var eftirmynd af Fegurðardrottningu ís-
lands 1982, Guðrúnu Möller. Með aðstoð Dellu Dolan
sneiddi Guðrún tertuna niður á diska gestanna. Áður
hafði hvor um sig haldið stutta tölu.
Við það tækifæri var þess getið, að Della Dolan
væri heitbundin Gary Bailey, markverði Manchester
United. Hún hefur því áreiðanlega setið límd við skjá-
inn hér heima í gær og horft á viðureign mannsefnis-
ins og félaga hans gegn Brighton í beinni útsendingu
frá úrslitaleik ensku bikarkeppninnar á Wembley-
leikvanginum.
„Ég held að þetta hafi heppnast vel í kvöld. Næsta
ár munum við gera enn betur og 1985 margfalt betur.
Árið 1986 og 1987 höldum við svo sjálf alþjóðlega
fegurðarsamkeppni á Islandi," sagði Baldvin Jónsson
við dynjandi undirtektir gesta.
— SSv.