Morgunblaðið - 20.10.1983, Blaðsíða 5

MORGUNBLAÐIÐ, MIÐVIKUDAGUR 20. OKTÓBER 1983
5
Brúduleikhús í Iðnó
LEIKBRÚÐULAND frumsýndi “Tröllaleik“ í Iðnó sl, sunnudag.
„Tröllaleikir" eru 4 einþáttungar: Ástarsaga úr fjöllunum, Búkolla,
Eggið og Draumlyndi risinn. Þeir verða sýndir í Iðnó á sunnudög-
um og er miðasala á sama stað, en verð miða er í hóf stillt.
Kosningar á VMSÍ-þingi draga dilk á eftir sér:
„Ég sætti mig
ekki við þetta“
— segir Bjarnfríður Leósdóttir, sem
vill að lögfræðingur ASÍ kanni hvort
kosningin hafi verið lögmæt
BJARNFRÍÐUR Leósdóttir, varaformaður kvennadeildar Verkalýðsféiags
Akraness, hefur óskað eftir því við miðstjórn Alþýðusambands fslands, að
lögfrsðingi sambandsins verði falið að kanna hvort kosning til sambands-
stjórnar Verkamannasambands íslands hefði verið lögmæt.
„Ég vil ekki sætta mig við að
kosningin, eins og hún var fram-
kvæmd, verði tekin góð og gild án
þess að málið verði kannað
nákvæmlega," sagði Bjarnfríður í
samtali við blm. Morgunblaðsins í
gær. Eins og fram kom í Mbl. á
þriðjudag voru atkvæði í sam-
bandsstjórnarkjöri VMSf í Vest-
mannaeyjum um síðustu helgi
tvítalin, því eftir fyrri talningu
komu f ljós 22 atkvæði, sem
gleymst höfðu í kassa. Eftir seinni
talninguna varð ljóst, að Bjarn-
fríður hafði fallið út úr sambands-
stjórninni.
Björn Þórhallsson, varaforseti
ASI, sagði í samtali við blm.
Morgunblaðsins í gærkvöldi, að
tilmælin frá Bjarnfríði hefðu
komið í gegnum síma. Þau hefðu
ekki verið rædd sérstaklega enda
þyrfti miðstjórn ASÍ að fá óskina
bréflega. „Hún biður um að lög-
fræðingur ASÍ kanni málið og það
verður vitanlega gert, þegar form-
leg ósk þar um berst," sagði Björn
Þórhallsson.
Engar athugasemdir við fram-
kvæmd talningarinnar til sam-
bandsstjórnar VMSÍ komu fram á
þinginu í Vestmannaeyjum um
helgina. Þingfulltrúar, sem blm.
Morgunblaðsins ræddi við í Eyj-
um, töldu ekki ástæðu til þess
þrátt fyrir „augljósan klaufaskap í
framkvæmdinni", eins og það var
orðað.
Mishermt var í Mbl. á þriðju-
dag, að Bjarnfríður Leósdóttir
hafi ekki náð kosningu sem full-
trúi Verkalýðsfélags Akraness á
Verkamannasambandsþingið, hið
rétta er að um hana var aldrei
kosið, að sögn Bjarnfríðar í gær.
Mazda í fyrsta sæti
með samtals 487 bfla
— Mest seldi einstaki bfllinn er Daihatsu Charade
ALLS VORU 4.595 bílar tollafgrejddir fyrstu níu mánuði ársins, en til samanburð-
ar voru tollafgreiddir samtals 9.361 biíl á sama tímabili í fyrra. Samdrátturinn
milli ára er því 51%. Mazda er eftir sem áður í 1. sæti, en fyrstu níu mánuði ársins
voru tollafgreiddir 487 bflar af þeirri gerð, sem jafngildir um 10,6% markaðshlut-
deild.
I 2. sæti kemur Mitsubishi, en alls
voru tollafgreiddir 412 slíkir bílar,
sem jafngildir um 8,97% markaðs-
hlutdeild. í 3. sæti kemur síðan Toy-
ota með alls 363 bíla á umræddu
tímabili, sem jafngildir um 7,88%
markaðshlutdeild.
1 4. sæti kemur Daihatsu með alls
353 bíla, sem jafngildir um 7,68%
markaðshlutdeild. Þá kemur Niss-
an-Datsun í 5. sæti með 346 bila, sem
jafngildir um 7,53% markaðshlut-
deild. Af þessari upptalningu er
ljóst, að japanskir bílar eru í fimm
efstu sætunum, en slíkt hefur ekki
gerzt áður.
í 6. sæti koma Lada-bílar, en alls
var tollafgreiddur 341 bíll af þeirri
tegund, sem jafngildir um 7,42%
markaðshlutdeild. I 7. sæti er Volvo
með alls 292 bíla á umræddu tíma-
bili, sem jafngildir um 6,35% mark-
aðshlutdeild.
í 8. sæti kemur Suzuki með 153
bíla, sem jafngildir um 3,33% mark-
aðshlutdeild. I 9. sæti kemur síðan
Honda með 146 bíla, sem jafngildir
um 3,18% markaðshlutdeild. Loks
kemur Skoda í 10. sæti með alls 123
bíla, sem jafngildir um 2,68%. Af
framansögðu er því ljóst, að jap-
anskir bílar eru í sjö af tíu efstu
sætunum.
Loks má geta þess, að mest toll-
afgreiddi einstaki bíllinn er Dai-
hatsu Charade, en alls voru tollaf-
greiddir 207 slíkir fyrstu níu mánuði
ársins.
Brtlaæðið
Bæjarins besta
skemmtun í
114 Al
way
föstudags- og taugardagskvöld
TOPP SÖNGVARAR FRÁ ÞESSU TÍMABILI
VERÐA AÐ SJÁLFSÖGÐU í TOPPFORMI
OG FLYTJA VINSÆLUSTU LÖGIN
FRÁ ÞESSU TÍMABILI — ÞEIR ERU:

Jónas R
Magnus og Jóhann
Þunður
Sigurðard.
Björgvm
Halldórss.
Topphljómsveit Gunnars Þóröarson-
ar heldur uppi stanslausu Bítlafjöri til
kl. 3.
Flutt veröa lög úr söngleiknum Háriö
— Go go-stúlkur sýna.
Hátíöin hefst meö borðhaldi kl. 19.00
stundvíslega.
Þeir fjölmörgu sem hafa
þurft frá að hverfa sl.
helgar geta nú tryggt sér
miða strax í dag.
Boröapantanir í síma 77500 frá kl. 9—5.
Kynnir kvöldsins er hinn bráðhressi
Páll Þorsteinsson.
MATSEÐILL KVÖLDSINS
Rauðvínssoðinn léttreyktur lamba-
hamborgarhryggur „a la Bussola" framreiddur
með gljáðum ananas, blómkáli, blönduðu
grænmeti, ofnbökuðum tómat, steinseljukart-
öflum, hrásalati og rjómasveppasósu.
Appelsínurjómarönd meö ristuðum kókos og
karamellusósu.
Ungir og gamlir Bítlaunnendur
látið ykkur ekki vanta á þessa
stórkostlegu skemmtun í