Morgunblaðið - 11.11.1983, Blaðsíða 2

2
MORGUNBLAÐIÐ, FÖSTUDAGUR 11. NÓVEMBER 1983
-ÁÉaia,.
«. . .j.ViI
Fjögur brunaútköll í gær
Morgunblaðið/Ól.K.M.
SLÖKKVILIÐIÐ í Reykjavík var kallað fjórum sinnum út í gær, en í öllum tilvikum reyndist eldur lítill og
skemmdir einnig, sem betur fer. Slökkviliðið var kallað í Daníelsslipp, þar sem eldur var laus í bát, en var slökktur
á skömmum tíma.
Þá kviknaði í bíl í Breiðholti og var talsverður eldur í vélarhúsinu þegar slökkviliðið kom á vettvang. Greiðlega
gekk að slökkva eldinn. Loks má nefna tvö útköll vegna þvottavélabruna. Á Reynimel kviknaði í þvottavél og í
Vorsabæ lagði brunalykt um alla íbúð eftir að kviknaði í reim. Skemmdir urðu litlar á húsnæði.
Launamisrétti í þjóðfélaginu:
Hjón í fiskvinnslu
hafa 21.922 krón-
ur í laun á mánuði
Hjón við nám í HÍ hafa 25.994 krónur
HJÓN eða sambýlisfólk, sem bæði vinna í fiskvinnslu á
lægsta kaupskala, hafa 21.922 krónur í laun á mánuði, en
hjón eða sambýlisfólk við nám í Háskóla íslands geta haft
25.994 krónur í námslán á mánuði, að því er Árni Johnsen
alþingismaður sagði í ræðu á Alþingi í gær. Árni sagði að hér
munaði rösklega 4 þúsund krónum á mánuði, og væri þetta
táknrænt fyrir það hvernig búið væri að sjávarútvegi og þeim
sem að honum ynnu hér á landi.
Árni sagði að verkafólk á
lægsta þrepi í fiskvinnslu hefði
nú aðeins 10.961 krónu í laun á
mánuði, en meðalframfærslu-
eyrir til námsmanna við Há-
skólann væri 13.681 króna.
Til enn frekari samanburðar
sagðist Árni geta upplýst, að
Landsfundur Alþýðubandalagsins um aðra helgi:
Stefiiir í allsherjaruppgjör
strax í varaformannskjöri
kauptrygging hjá sjómönnum
næmi aðeins 15.876 krónum á
mánuði, og væri þar þó um að
ræða menn sem þyrftu að vinna
langan vinnudag við erfiðar að-
stæður fjarri heimilum sínum.
„Það þarf að marka skýra
stefnu í málum sjávarútvegsins
hér á landi í stað þess að láta
reka á reiðanum," sagði Árni
Johnsen, „og eitt af því sem
taka þarf til endurskoðunar eru
laun Verkafólks í fiskvinnslu.
Það er hrópandi óréttlæti að
það fólk skuli hafa lægri tekjur
sér til framfærslu en náms-
menn.“
Viðræður
TAUGATITRINGUR innan Alþýðubandalagsins vex dag hvern sem líður fram að
landsfundi, sem haldinn verður um aðra helgi hér í Reykjavík. Aðalkeppikeflið
er varaformannsembættið, sem er æðst embætta þeirra sem lýst hafa verið laus
til keppni um. En togstreita hinna ýmsu arma sem berjast nú harðri baráttu um
að eignast varaformanninn á sér dýpri rætur, því fundurinn og kosningar á
honum stefna í allsherjar uppgjör langvarandi deilna hinna stríðandi fylkinga.
Deilur innan þingflokksins eru enn magnaðar og ber þar hæst á yfirborðinu
keppni í milli þingmannanna að komast á ráðstefnur og þing erlendis á kostnað
ríkissjóðs.
Konur vilja teljast sérhópur innan
Alþýðubandalagsins og hafa þær
með tilvísun til þeirrar „sérstöðu"
séð til þess að hópur kvenna verður
stór á landsfundinum. Alþýðubanda-
lagskonur hafa einnig fundað stíft í
trausti þess að koma sér saman um
varaformannsframbjóðanda. Gerður
Óskarsdóttir skólastjóri á Neskaup-
stað er talin sigurstrangleg, þar sem
hún er af landsbyggðinni. Vandinn
með framboð Gerðar er sá, sam-
kvæmt heimildum Mbl., að hún hef-
ur lítinn áhuga á valdapotinu. Þá er
Guðrún Hallgrímsdóttir nefnd, en
persónulegan áhuga virðist þar einn-
ig skorta. Næst á lista kvennanna er
nafn Vilborgar Harðardóttur, en þar
næst Álfheiðar Ingadóttur.
Af landsbyggðarfulltrúum eru
nöfn Steingríms J. Sigfússonar og
Hjörleifs Guttormssonar nefnd,
Steingríms þó oftar. Viðmælendur
Mbl. úr Alþýðubandalaginu sögðu í
gær, að Hjörleifur gæti ekki hugsað
sér að tapa, hann biði því átekta og
kæmi fram á sjónarsviðið, ef hann
sæi landsbyggðárframbjóðanda sig-
urinn vísan.
Raufarhöfn:
Fyrstu loðn-
unni landað
EYRSTU loðnunni á nýhafinni vertíð
var í gær landaó á Raufarhöfn. Þá
komu Hrafn GK meó 550 lestir og
Súlan EA með 580 lestir þangaó af
mióunum út af Langanesi. Fleiri skip
höfóu fengió slatta í fyrrinótt en
héldu sig á miðunum í nótt í von um
meiri afla.
Á miðunum 50 mílur út af Langa-
nesi voru í gær 10 til 15 skip, en alls
eru um 20 skip haldin til veiða.
Loðnan er aðeins veiðanleg á nótt-
unni vegna þess hve djúpt hún
stendur meðan bjart er. Súlan og
Hrafn fengu afla sinn aðfaranótt
miðvikudagsins og aðfaranótt
fimmtudagsins, en þá fengu einnig
fleiri skip lítilsháttar afla.
Þá er sá hópurinn ótalinn, sem allt
stefnir í að sé að hverfa í Alþýðu-
bandalaginu, en það er verkalýðs-
armurinn. Grétar Þorsteinsson
formaður Trésmiðafélags Reykja-
víkur hefur þar komið til tals, að
eindreginni ósk Ásmundar Stefáns-
sonar, en Mbl. er kunnugt um að
harðar deilur eru innan verkalýðs-
armsins um hvern bjóða eigi fram.
Gætir einnig mikils vonleysis um
árangur í þeim orðaskiptum, hver
svo sem valinn yrði til þess að halda
við nafni flokksins sem verkalýðs-
flokks.
„Ráðherraklúbburinn" svonefndi,
þ.e. þingmennirnir þrír úr síðustu
ríkisstjórn, virðast samkvæmt heim-
ildum Mbl. stefna að framboði
Steingríms/Hjörleifs, en ef sýnt
þyki að það nái ekki fram að ganga,
geti þeir sætt sig við Gerði Óskars-
dóttur.
Þingflokkurinn deilir enn. í kjöl-
far deilna Guðmundar J. og Ragnars
um setu á þingi Sameinuðu þjóð-
anna, varð Guðrún Helgadóttir sig-
urvegari í deilu við Hjörleif Gutt-
ormsson um skiptingu seturéttar á
þingum Norðurlandaráðs, en Hjör-
leifur krafðist helmingaskipta á
utanferðum. Guðrún heldur aðal-
fulltrúanafnbótinni, án skilyrða,
Hjörleifur er varamaður. Þá er
einna einkennilegust deilan um
þingmannasendinefnd Evrópuráðs-
ins, því þar situr fyrrverandi þing-
maður, ólafur Ragnar Grímsson,
enn sem aðalfulltrúi um ótiltekinn
tíma að sögn skrifstofustjóra Al-
þingis. Skrifstofustjóri sagði þetta
mál þingflokksins, en á sama tíma er
beðið nýrrar skipunar í sæti fyrrver-
andi þingmanns Framsóknarflokks,
Guðmundar G. Þórarinssonar. Garð-
ar Sigurðsson þingmaður og vara-
maður Ólafs Ragnars Grímssonar
fyrrverandi þingmanns í þing-
mannasendinefnd þessari er lítt
hrifinn af þessari ráðstöfun flokks-
forustunnar. í tilefni þess að nafn
Ólafs Ragnars er nefnt voru viðmæl-
endur Mbl. úr hópi alþýðubanda-
lagsmanna nokkuð samdóma um það
í gær, að ólafur Ragnar muni vart
treystast til að sækja í varafor-
mannsembættið eftir það sem á und-
an er gengið innan flokksins undan-
farið.
ASI og VSI
að hefjast?
EKKI hafði verið tekin formleg
ákvörðun um upphaf samningavið-
ræðna milli Alþýðusambands ís-
lands og Vinnuveitendasambands
Islands, er Morgunblaðið ræddi við
forystumenn samtakanna í gær, en
búast má við að formlegar viðræður
hefjist fljótlega — eftir að ljóst er
að samkomulag er innan ríkis-
stjórnarinnar um breytingar á
ákvæðum bráðabirgðalaganna að
því er varðar samningsrétt.
I samtölum Morgunblaðsins við
forystumenn ASl og VSl kom fram
ánægja þeirra með þessa tillögu
ríkisstjórnarinnar.
Vélin reis nánast upp á endann
og ég horfði upp í „Gullna hliðið“
Flaug á háspennulínu í nauðlendingu í Borgarfirði:
— segir Hjörleifur Jóhanneson, flugmaður vélarinnar
„ÉG FÓK í loftið frá Húsafelli um
klukkan 15 og ætlaði í bæinn. Þegar
ég hafði klifrað í um 600 feta hæð,
missti mótorinn snúning, — missti
afl. Þá setti ég blöndungshitarann á,
en hann virkaði ekki,“ sagði Hjör-
leifur Jóhannesson flugmaður í
spjalli við Morgunblaðið, en hann
varð fyrir þeirri óskemmtilegu lífs-
reynslu að þurfa að nauðlenda flug-
vél sinni á þjóðvegi í Borgarfirði sl.
þriðjudag.
„Þegar blöndungshitarinn virk-
aði ekki, var það næst að leita að
bletti til að lenda á og varð þjóð-
vegurinn við Hellubæ fyrir valinu.
Setti ég þá niður vængbörðin til
þess að minnka hraða flugvélar-
innar og auka fallið niður. Nú, ég
undirbjó lendinguna og allt virtist
vera í lagi, en þegar ég var kominn
töluvert lágt, eiginlega alveg niður
undir veginn, sá ég tvær stelpur á
gangi á þjóðveginum. Þær stóðu á
veginum eins og grýlukerti og
gláptu, en ég var um það bil að
lenda á veginum. Það kom í ljós
síðar að þetta voru bróðurdætur
mínar, 7 og 9 ára gamlar, sem
þarna voru,“ sagði Hjörleifur.
„Þegar ég tók eftir stelpunum
skammt framan við vélina, gef ég
henni fullt afl og hún hökti við,
rétt drullaðist yfir ofrishraða og
skreið yfir stelpurnar í nægilegri
hæð. Ætlaði ég þá að gera aðra
tilraun til að lenda vélinni á vegin-
um, en sveif þá fram af brekku-
brún, en fyrir neðan brekkuna er
háspennulína. Línan var í svif-
stefnunni hjá mér og vissi ég ekki
af línunni fyrr en ég lenti á henni.
Þegar vélin flaug á línuna, reis hún
nánast upp á endann og ég horfði
beint upp í „Gullna hliðið". Ég veit
ekki hvernig ég fór að því að ná
vaidi á vélinni aftur, en hún sveif
áfram og ég náði að loka fyrir
bensín og rafmagn áður en ég lenti
á veginum. Vélin rann talsvert eft-
Hjörleifur Jóhannesson
ir veginum, en hann var einn
svellbunki," sagði Hjörleifur.
Við nauðlendinguna brotnuðu
tveir rafmagnsstaurar, eins og
fram kom í frétt í Mbl. sl. miðviku-
dag. Hjörleifur' var spurður um
þetta atriði.
„Það bjargaði mér að raf-
magnsvírinn dróst út úr tengi við
staurinn, en stóð ekki fastur.
Staurarnir hafa sennilega brotnað
þegar línan skaust til baka, því
þeir lágu í öfugri stefnu við feril
flugvélarinnar. Ég var ótrúlega
heppinn og það var lán að raf-
magnsvírinn skyldi ekki stoppa
vélina, því þá hefði farið illa,“
sagði Hjörleifur Jóhannesson.
Flugvélin er af gerðinni Cessna
150, er tveggja sæta og eins hreyf-
ils. Hana eiga sex aðilar. Að sögn
Hjörleifs er ókunnugt um orsakir
þess að hreyfillinn missti afl, en
hugsanlegt er talið að vatn hafi
verið í bensíni.
Hjörleifur vildi koma á fram-
færi þakklæti til allra þeirra sem
aðstoðuðu hann vegna þessa
óhapps og þeirra sem skutu
skjólshúsi yfir flugvélina á Húsa-
felli.