Morgunblaðið - 11.11.1983, Blaðsíða 5
MORGUNBLAÐIÐ, FÖSTUDAGUR 11. NÓVEMBER 1983
5
Penthouse-fegurðarsamkeppnin að hefjast:
„Verður mikið ævintýri
að taka þátt í þessu“
— segir Margrét Örlygsdóttir sem fer fyrir íslands hönd
Margrét Örlygsdóttir, 18 ira stúlka fri Njarðvík, verður fulltrúi tslands í
alþjóðlegri keppni Penthouse um „stúlku irsins“. Ljtemjndir Mbl. kee.
MARGRÉT Örlygsdóttir, 18 ára
gömul stúlka úr Njarðvíkum, fór til
Bandaríkjanna í gær til að taka þátt f
alþjóðlegri keppni tímaritsins Pent-
house um stúlku ársins, en tímaritið
Samúel stóð fyrir vali fulltrúa héðan.
Keppnin heitir á ensku “One
million dollar International pet of
the year“, en eins og nafnið gefur
til kynna fær sigurvegarinn eina
milljón dollara í verðlaun. Þær
sem næstar koma í stigatölu fá
einnig vegleg verðlaun og allar fá
stúlkurnar gjafir frá ýmsum fyrir-
tækjum, að verðmæti 30.000 ís-
lenskra króna. Keppnin, sem nú er
haldin í fyrsta skipti, fer fram eins
og venjuleg fegurðarsamkeppni.
Verður hún haidin í Atlantic City
og úrslit kynnt í tveggja tíma
beinni sjónvarpsútsendingu sem að
sögn Samúels er áætlað að um 500
milljónir manna í Bandaríkjunum
og víðar muni fylgjast með.
Blm. Morgunblaðsins hitti
Margréti að máli áður en hún lagði
af stað og spurði hana fyrst hvern-
ig það hefði borið til að hún gerðist
þátttakandi í þessari keppni.
Margrét: Það var bent á mig
þegar Samúel auglýsti eftir þátt-
takendum í júní og var ég beðin að
koma í viðtal. Síðan var ákveðið að
ég yrði fulltrúi íslands í þessari
keppni og .. þ a ð leggst vel í mig.
Ég held að það verði mikið ævin-
týri og hlakka til að fá að kynnast
Bandaríkjunum. Þátttakendur
verða frá 30 löndum og margt
spennandi á dagskrá okkar. Til
dæmis verðum við í kvöld í veislu
hjá borgarstjóra New York, en við
stoppum þar í þrjá daga áður en
við förum til Atlantic City. Einnig
munum við hitta heimsþekkta
skemmtikrafta sem koma fram í
keppninni, svo aðalspenningurinn
er að fá að taka þátt í þessu.
Þú hefur þá ekki áhuga á að
vinna keppnina?
Margrét (brosandi):Tæplega
vinn ég nú keppnina... en hvort ég
hefði áhuga á því veit ég ekki að
svo stöddu. Sigurvegarinn skuld-
bindur sig til að vera fyrirsæta hjá
Penthouse en hefur rétt til að af-
þakka verðlaunin og titilinn ef
hann hefur ekki áhuga. Þetta er
djarft blað og ef ég ynni held ég að
ég myndi hiklaust taka mannorðið
framyfir verðlaunin sem í boði eru.
Annað mál er það að ég hef áhuga
á að verða ljósmyndafyrirsæta og
það er aldrei að vita nema þessi
keppni opni möguleika á því sviði.
En að hverju stefnirðu helst í
framtíðinni?
Margrét: Ég stunda nám í Fjöl-
brautaskóia Suðurnesja á tungu-
málasviði og ætla að taka stúd-
entspróf þaðan. Svo hef ég ætlaði
að verða flugfreyja síðan ég var sjö
ára gömul og ætla að reyna að
standa við það. En annars stefni ég
fyrst og fremst að heilbrigði og
hamingju, nú svo er aldrei að vita
nema húsmóðurstarfið komi ein-
hverntíma til greina.
Keppnin fer sem fyrr segir fram
eins og venjuleg fegurðarsam-
keppni. Stúlkurnar munu koma
fram á síðum kjól og í sundbol, en
í stað þjóðbúnings fá þær að koma
fram í búningi að eigin vali. Fyrir
Margréti hefur verið sérhannaður
búningur úr ull og gæru og í kynn-
ingu á búningnum mun hún verða
kölluð „Viking Girl“. Dómnefnd
mun síðan skera úr og gefa stig
fyrir fimm atriði: Hvernig stúlk-
urnar koma fram á kvöldkjólum,
sundbolum, persónuleika þeirra,
hugmyndaflug og frumleika og síð-
ast en ekki síst hvernig þær mynd-
ast. Úrslit keppninnar um „Stúlku
ársins" verða svo kynnt 24. nóv-
ember.
Reykjaborgin RE:
Svipt leyfi
til dragnóta-
veiða á
Faxaflóa
Reykjaborgin RE 25 hefur nú
verið svipt leyfi til dragnótarveiða
á Faxaflóa til vertíðarloka, 15.
þessa mánaðar. Leyfíssviptingin
stafar af broti skipstjórans a
reglugerð varöandi tilhögun veið-
anna. Var þetta í annað skipti,
sem viðkomandi skipstjóri gerðist
brotlegur við reglugerðina.
Skipverjar voru staðnir að því
að reyna að hylja þorsk í afla sín-
um, en óheimilt er að þorskur eða
annar bolfiskur sé meira en 15%
aflans, en veiðileyfin gefin út til
kolaveiða. í sumar voru tveir bát-
ar staðnir að sama broti og var
Reykjaborgin annar þeirra. Voru
bátarnir þá sviptir leyfi tíma-
bundið.
Um síðustu mánaðamót voru
komnar á land 1.311 lestir af kola
og var það svipað magn og barst á
land á allri vertíðinni í fyrra, en
nú stunda 7 bátar veiðarnar í stað
6 í fyrra. Kolinn er unninn á fjór-
um stöðum og hefur að mestu ver-
ið landað í Keflavík, 492 lestum, í
Reyjavík hefur verið landað 418
lestum, 252 á Akranesi og 150 í
Njarðvík.
Harriet
Allee látin í
Washington
HARRIET Allee, fyrrverandi
formaður íslendingafélags-
ins í Washington DC., lést á
heimili sínu í Washington
síðastliðinn mánudag, 65 ára
að aldri.
Hún starfaði að kynningu á ís-
landi um áratuga skeið ásamt
manni sínum. Hún átti fjölda
vina hér á landi og kom oft
hingað til lands. Harriet var gift
prófessor John G. Allee, sem
meðal annars starfaði sem Full-
bright prófessor í ensku við Há-
skóla íslands. Hann kenndi
lengi íslenzku við George Wash-
ington-háskólann í Washington.
Hjónin eignuðust tvo syni.
Minningarathöfn um Harriet
Allee fer fram í Washington 3.
desember næstkomandi.
Sparisjóður
Mýrasýslu 70 ára:
Kaffiveit-
ingar í dag
SPARISJÓÐUR Mýrasýslu er 70 ára
um þessar mundir. í dag, föstudag,
heldur sparisjóðurinn upp á þessi
tímamót með því aö bjóða viðskipta-
vinum sínum og velunnurum kaffí-
veitingar í afgreiöslusal sjóðsins.
Jafnframt gefst fólki kostur á
að skoða húsakynni hans að Borg-
arbraut 14 í Borgarnesi.
Nánar verður sagt frá spari-
sjóðnum síðar hér í Mbl. í tilefni
afmælisins.
Þú svalar lestrarþtirf dagsins
ásíöum Moggans! y
Jólavörurnar
koma daglega
til jóla.
BATAMERKI
NÓVEMBER
w
Augljós bati
er allra
hvati“
Fjölmörg módel, ýmsar efnisgerðir.
Verð frá 1.690.-
Munið!
Samningarnir eru í gildi
hjá okkur.
Kaupir þú fyrir kr. 6.000 eða meira getur þú samið með
afborgunum eða fengið 10% staðgreiðsluafslátt.
llSi KARNABÆR
Al ICTI IDCTD/CTI OO I AII^AUCAI fifi r?l /CMDirn aí...
AUSTURSTRÆTI 22, LAUQAVEGI 66, GLÆSIBÆR. SÍMI FRÁ SKIPTIBOROI 45800