Morgunblaðið - 17.11.1983, Page 23

MORGUNBLAÐIÐ, FIMMTUDAGUR 17. NÓVEMBER 1983
23
Merkur fornleifafundur f Dóminikanska lýðveldinu:
Fundu mannabein og húsa-
rústir frá tímum Kólumbusar
Isabella del Castillo, Dóminkanska lýdveldinu, 16. nóvember. AP.
FORNLEIFAFRÆÐINGAR, sem unnið hafa við uppgröft á
stað, þar sem talið er að Kólumbus hafí fyrst komið að landi í
nýja heiminum, hafa skýrt frá því að þeir hafí fundið bein
fyrstu nýlendubúanna í fornum grafreit. Jafnframt segjast
þeir hafa fundið rústir steinhúsa, þar sem m.a. er talið að
Kólumbus hafí sjálfur búið.
Grafreiturinn, þar sem einnig
hafa fundist bein indíána, fannst
í september í litlu þorpi, Isabella
del Castillo, á eynni Hispaniola.
Hún er ein eyjanna sem tilheyra
Dóminikanska lýðveldinu. Það
var hins vegar ekki fyrr en ný-
verið að mannabeinin komu í
ljós við uppgröftinn.
Hafa líkamsleifar 60—80
manna fundist á ferkílómetra
stóru svæði. Flestir eru taldir
hafa verið Spánverjar og mótast
sú afstaða af þeirri stellingu,
sem beinin fundust í; greipar
spenntar og höfuð vísar í vestur.
Þetta mun jafnframt fyrsti
grafreitur kristinna manna í
Ameríku.
Kólumbus stofnaði nýlendu á
eynni Hispaniola í annarri ferð
sinni árið 1493. Að sögn forn-
leifafræðinganna, sem að upp-
greftrinum vinna, virðast fyrstu
nýlendubúarnir hafa lifað fá-
breyttu lífi og lítil breyting hef-
ur orðið þar á allt fram á vora
daga. Á eynni búa nú um 300
manns og stunda aðallega fisk-
veiðar. Ekkert rafmagn er t.d. að
hafa á eynni og ýmislegt annað,
sem þykir sjálfsagður hlutur í
nútímaþjóðfélagi, er þar með
öllu óþekkt.
Kristófer Kólumbus
Staðurinn, þar sem unnið er
að uppgreftrinum, er eyri á milli
tveggja áa. Segjast fornleifa-
fræðingarnir m.a. hafa fundið
rústir fimm steinhúsa, sem talin
eru vera þau fyrstu sem Spán-
verjar byggðu í Ameríku. Eitt
húsanna er talið hafa verið bú-
staður Kólumbusar sjálfs. Kól-
umbus hélt til á eynni í um eitt
ár, en sneri síðan heim á ný og
lagði upp í þriðju könnunarferð
sína. Þá er talið að rústir eins
hússins kunni eitt sinn að hafa
verið kirkja. Birgðageymsla
virðist hafa verið í einu húsanna
og eitt þeirra hefur líkast til ver-
ið notað sem vígi.
Stjórnmálamenn komu af og
til á þennan stað í tilefni Kól-
umbusardagsins, en rústirnar
voru endanlega jafnaðar við
jörðu árið 1950 að skipun ein-
ræðisherrans Rafel Trujillo. Vit-
að hefur verið um húsarústirnar
um langa hríð, en þær ekki verið
taldar gegna neinu sögulegu
mikilvægi. Við uppgröft forn-
leifafræðinganna þriggja hefur
annað komið í ljós.
Vaxandi andstaða almennings í Póllandi gegn fyrirhuguðum verðhækkunum:
Ólgan prófsteinn á styrk
nýju verkalýðsfélaganna
Varsjá, 16. nóvember. AP.
FYRIRHUGAÐAR verðhækkanir
stjórnvalda í Póllandi á matvæl-
um í byrjun komandi árs eru
Samstöðu kærkomið tækifæri til
að sýna styrk sinn og jafnframt
prófsteinn á styrk hinna nýju
verkalýðsfélaga stjórnvalda. Til
þessa hefur alþýðan virst skeyt-
ingarlaus í garð þeirra.
Stjórnvöld tilkynntu fyrir
skemmstu, að verð á ýmsum nauð-
synjavörum myndi hækka um allt
að 20 af hundraði, en í síðustu
viku var látið að því liggja að
hækkanirnar yrðu á bilinu
10—15%. Stjórnvöld segjast ekki
taka endanlega ákvörðun fyrr en
að loknum viðræðum við alþýð-
una, en til þessa hafa engar slíkar
Lech Walesa með merki Samstöðu að baki sér.
viðræður farið fram.
Andstaða og reiði almennings
við þessar fyrirhuguðu hækkanir
fer stigvaxandi og sú staðreynd,
að verðbólga er um 30 af hundraði
verkar eins og bensín á logandi
eld. í ofanálag tóku yfirvöld upp
smjörskömmtun fyrr í þessum
mánuði og orðrómur er um að
sápa og önnur þvottaefni verði
skömmtuð innan skamms.
Samstaða hefur komist yfir ein-
tak af tilkynningu stjórnvalda um
verðhækkanirnar og hvetur nú
stuðningsmenn sína til þess að
efna til mótmælaaðgerða um land
allt, líkt og þær, sem leiddu til
stofnunar samtakanna 1980.
í tveggja síðna plaggi, sem vest-
rænir fréttamenn fengu frá Sam-
stöðu í dag, er skýrt frá áætlun
um fyrirhugaðar aðgerðir. Eru
þær með nokkuð öðru sniði en
venja hefur verið til. Er ætlunin
að virkja óánægju almennings
beinlínis til framdráttar Sam-
stöðu í verksmiðjum landsins.
„Taki hin nýju verkalýðsfélög
stjórnvalda ekki einhverja afstöðu
til verðhækkananna, og það ein-
dregna afstöðu gegn þeim, geta
þau bókað að hinir tiltölulega fáu
stuðningsmenn þeirra munu fljótt
týna tölunni," sagði pólskur blaða-
maður á fyrsta þingi starfsmanna
í léttiðnaði í Lodz í októberlok.
Veður
víða um heim
Akureyri
Amsterdam
Aþena
Bankok
Barcelona
Beirút
BrUsael
Buenos Aires
Chicago
Dublin
Feneyjar
Frankfurt
Gonf
Helsinki
Hong Kong
Jerúsalem
Jóhannesarborg
Kaupmannahöfn
Kairo
Las Palmas
Lissabon
London
Las Palmas
Los Angeles
Madrid
Malaga
Mallorca
Mexíkóborg
Miami
Montreal
Moskva
New York
Nýja Deli
Osló
París
Peking
Reykjavík
Rio de Janeiro
Róm
Stokkhótmur
Sydney
Tókýó
Vancouver
Vínarborg
5 lóttskýjaö
7 skýjað
18 skýjaó
32 skýjaó
16 skýjaó
22 skýjaó
5 heiðskírt
9 rigning
22 skýjaó
7 skýjaó
8 skýjaó
vantar
+1 skýjaó
4 skýjaó
1 snjókoma
25 heiðskírt
17 heióskírt
23 heiðsklrt
8 skýjaó
27 skýjað
21 skýjaó
16 rigning
9 heióskírt
21 skýjaó
25 skýjaó
13 rigning
18 skýjaó
20 skýjað
20 skýjaó
27 skýjaó
vantar
+1 skýjaó
10 rigning
27 heiðskirt
6 skýjaó
5 skýjaó
3 heióskírt
13 rigning
6 skýjað
35 rigning
vantar
3 skýjaó
25 heióskírt
17 heiðskírt
vantar
+2 skýjaó
Vinstriöfgamenn
að baki morðinu
Aþenu, 16. nóvember AP.
VINSTRISINNUÐ hryðjuverkasam-
tök í Grikklandi kváðust í gær bera
ábyrgð á dauða bandaríska ofurst-
ans, sem myrtur var fyrir nokkrum
dögum ásamt grískum bílstjóra sín-
um.
Ókunnur maður hringdi í gær á
ritstjórnarskrifstofur Aþenu-
blaðsins Eleftherotypia og sagði,
að samtökin „17. nóvember" hefðu
staðið fyrir morðunum. Sagði
maðurinn, að síðar myndu sam-
tökin senda frá sér yfirlýsingu þar
sem þau skýrðu nánar ástæðurnar
fyrir morðunum. Samtök með
sama nafni lýstu sig ábyrg fyrir
morði bandarísks leyniþjónustu-
manns árið 1975,
George Tsantes, 53 ára gamall
ofursti og ráðgjafi í bandaríska
sendiráðinu í Aþenu, var myrtur
þegar tveir menn á véihjóli skutu
á bíl hans. Bílstjórinn, sem var
grískur, féll einnig. Mennirnir
komust síðan undan.
„17. nóvember" dregur nafn sitt
af þeim degi þegar gríska her-
stjórnin bældi niður á sínum tíma
mótmæli grískra stúdenta.
Góð
merki
gott
verð
Það hafa margir gert góð kaup nú þegar á splunku-
nýjum vörum í Markaðshúsinu, Sigtúni. Með þess-
ari auglýsingu erum við að minna á okkur og þær
geysigóðu vörur sem á boðstólum eru:
Karnabær, Belgjageröin (vinnuföt), Sportval (sportfatnaður),
Bikarinn (sportfatnaður), Henson (íþróttafatnaður), Utilíf (sport-
fatnaður), Æsa (skartgripir), Assa (tízkuföt, barnaföt), S.K.
(sængurfatnaður), Libra (fatnaður), Gallerí Lækjartorg (hljóm-
plötur), Raftak (rafmagnsvörur), Lagerinn (fatn. á alla fjölskyld-
una), Tindastóll (S.H.-gluggatjaldaefni), G.M.-prjónagarn,
Prjónastofan Katla (ísl. prjónapeysur), K. Helgason (sælgæti),
M. Bergmann (sængurfatnaður).
Þegar þú ert búin(n) að verzla, sestu niður í ró og næði á
kaffiteríunni.
Opið mánud.—fimmtud. kl. 12—16, föstud. 12—19, laugard. kl. 12—6.
MARKAÐSHÚSIÐ, SIGTÚNI 3, 2. HÆÐ