Morgunblaðið - 02.12.1983, Blaðsíða 19
MORGUNBLAÐIÐ, FÖSTUDAGUR 2. DESEMBER 1983 19
Linton Kwesi Johnson (lengst t.v. í fremri röð) ásamt Dennis Bovell og hljómsveit hans. Ljósm. Hafiífti Viiheimsson
Linton Kwesi leikur með sveit
Dennis Bovell í Sigtúni í kvöld
REGGAE-stjarnan Linton Kwesi
Johnson heldur ásamt hljómsveit
Dennis Bowells tónleika í veitinga-
húsinu Sigtúni kl. 22 í kvöld, föstu-
dag.
Linton Kwesi Johnson er lík-
ast til virtasti reggae-hljómlist-
armaður heimsins um þessar
mundir. Hann fæddist á Jamaica
árið 1952, en fluttist ungur til
Englands, þar sem hann hefur
dvalið síðan og beitt sér mjög
fyrir auknum réttindum hör-
undslitaðra í Bretlandi.
Þótt Linton Kwesi Johnson sé
virt tónskáld er hann ekki síður
kunnur fyrir kveðskap sinn. Hef-
ur hann sent frá sér þrjár Ijóða-
bækur auk þriggja hljómplatna.
Komur reggae-hljómsveita til
landsins hafa ekki verið tíðar.
Sveit Dennis Bowells með Linton
Kwesi Johnson í fylkingarbrjósti
er önnur í röðinni á eftir
Babatunde Tony Ellis, sem kom
hingað til lands fyrir rúmu ári.
Aðventuhátíð á Siglufirði
SiglufirAi, 1. dcsembcr.
117. uppboð Klausturhóla:
Fjöldi gamalla
og fágætra bóka
UNDANFARIN ár hefur verið
haldin aðventuhátíð í
Siglufjarðarkirkju á aðventunni.
Siglfirðingar hafa kunnað vel að
meta framlag allra þeirra sem að
hátíðinni hafa staðið, en þar hafa
margir listamenn og leikmenn
lagt hönd á plóginn. Margir hafa
haft orð á því, að jólin væru nær
en áður, eftir að hafa tekið þátt og
notið þess sem flutt er á þessari
árlegu kirkjuhátíð. í þetta sinn
má helst nefna eftirfarandi dag-
skráratriði: kirkjukór og barnakór
Grunnskóla Siglufjarðar flytja
jóla- og þjóðlög. Stjórnendur: Rób-
ert Cummins og Elías Þorvalds-
son. Samleikur á fiðlu og flautu,
einleikur á píanó og básúnu,
kvartett fyrir flautu. Helgileikur-
inn Lútersrósin verður fluttur af
nemendum úr Grunnskóla Siglu-
fjarðar. Ræðu kvöldsins flytur
Bjarki Arnarson, en dagskrár-
atriðum lýkur með hugleiðing-
arorðum sóknarpresins sr. Vigfús-
ar Þórs Árnasonar. Það er von
þeirra sem að hátíðinni standa, að
sem flestir megi njóta og finna að
helg jól eru enn á nýjan leik í ná-
lægð. Hátíðin verður í Siglufjarð-
arkirkju sunnudaginn 4. desember
og hefst klukkan 20.30. — mj.
KLAUSTIJRHÓLAR, listmunaupp-
boð Guðmundar Axelssonar, efna til
117. uppboðs fyrirtækisins laugar-
daginn 3. desember kl. 14.00 í upp-
boðssalnum að Skólavörðustíg 6B,
Breiðfirðingabúðinni gömlu.
Að þessu sinni verða seldar
bækur og rit af ýmsu tagi, gamalt
og nýlegt, fágætt og sérstætt
margt. í uppboðsskrá, sem blaðinu
hefur borizt er bókunum skipt eft-
ir efnum: Ýmis rit, trúmálarit,
ferða- og landfræðibækur, ævi-
minningar, ljóð, blöð og tímarit,
vísnaskýringar, fornritaútgáfur,
leikrit, æviskrár, þjóðsögur og
sagnaþættir, ættfræði, saga lands
og lýðs.
Það er sérstætt við þetta upp-
boð, að þar verða seld ýmis rit frá
eldri tíma um allskyns hagnýta
sýslu, mörg þessara rita eru nú
æði sjaldfengin orðin. Má þar t.d.
nefna: Stutta matreiðslubók fyrir
sveitaheimili eftir Þóru Grönfeldt,
Lítið smíðakver frá Akureyri 1868,
Kennslubók í skák eftir Pétur
Zóph., Tækifærisrétti og Græn-
metisrétti eftir Helgu Sigurðar-
dóttur o.m.fl.
Af öðrum sérstæðum ritum,
sem sjaldan koma fram má t.d.
nefna Gerska ævintýrið eftir
Halldór Laxness, frumútg., en
önnur útg. þessa verks kom nú
fyrir nokkrum dögum, Safn
Fræðafélagsins 1.—12. bindi, Æfi-
sögu Jóns Indíafara, eldri útgáf-
una 1908, fyrstu bók Benedikts
Gröndals Sveinbjarnarsonar,
Kvæði og nokkrar greinar, Kbh.
1853, tímaritið Líf og list
1950—1954, Ákæruna, blað ungra
íslenzkra þjóðernisjafnaðarmanna
1933—1934, íslenzk sagnablöð,
undanfara Skírnis, tímarits
Bókmenntafélagsins 1.—10. deild,
Strandamenn, ættarskrá Stranda-
manna, Ættir Skagfirðinga, hinar
eldri eftir Pétur Zophóníasson,
Árbækur Espólíns 1.—12. deild og
margt fleira merkra og fáséðra
bóka og rita.
Bækurnar verða sýndar að
Skólavörðustíg 6B í dag, föstudag,
á verzlunartíma kl. 13—18, en
uppboðið hefst á laugardag kl.
14.00.
Boð í tilefni
afmælis
Broadway
VEITINGAHÚSIÐ Broadway er
tveggja ára í dag, föstudag, og
veröur vinum og velunnurum
boöið í afmælisveizlu í kvöld í
tilefni dagsins, eins og segir í
frétt frá Broadway.
Dagskráin hefst klukkan 20
með lúðrablæstri og flugelda-
sýningu. Gestum verður boðið
upp á jólaglögg milli klukkan
20 og 22. Tízkusýning verður,
Björgvin Halldórsson söngvari
rifjar upp vinsælustu lögin á
Broadway sl. tvö ár, Graham
Smith, Laddi og Jóhann Helga-
son koma fram, og loks leikur
hljómsveit Gunnars Þórðar-
sonar fyrir dansi til klukkan 3
eftir miðnætti.
Síríus
Kbnsum
suðusúldadaði
Gamla góða Síríus Konsum
súkkulaðið er í senn úrvals
suðusúkkulaði og gott til átu. Það
er framleitt úr bestu hráefnum, er
sérlega nærandi og drjúgt til suðu
og í bakstur, enda jafnvinsælt í
nestispökkum ferðamanna og
spariuppskriftum húsmæðra.
Síríus Konsum er vinsælast hjá
þeim sem velja bara það besta.