Morgunblaðið - 10.01.1984, Síða 18

18
MORGUNBLAÐIÐ, ÞRIÐJUDAGUR 10. JANÚAR 1984
Kosið í Danmörku í dag
Poul Schliiter, forsætisráðherra Dana á blaðamannafundi:
„Afturförinni snúið
upp í endurreisn“
Kaupmannahörn, 9. janúar. Frá fréttaritara Mor^unhlaösins, Sveini SigurdHHyni
POUL Schliiter forsæti.srádherra átti í morgun fund með blaða-
mönnum í danska þinginu í Kristjánsborg og voru þar saman komn-
ir nokkrir tugir erlendra fréttamanna víðs vegar að úr heiminum.
Var það megininntakið í máli hans, að á ferli sínum hefði stjórnin
snúið þróuninni við í dönskum efnahagsmálum og að ekki yrði
hvikað frá aðalatriðunum í fjárlagafrumvarpinu. Eins og kunnugt er,
var efnt til kosninganna vegna þess að ekki náðist samkomulag um
það á þingi.
„Á þeim 16 mánuðum, sem
stjórnin hefur starfað, var efna-
hagslegri afturför breytt í efna-
hagslega endurreisn. Atvinnuleysi
hefur ekki aukizt frá því í apríl á
síðasta ári, útflutningur hefur
aukizt, vextir lækkað og nú ríkir
almenn bjartsýni í landinu,“ sagði
Poul Schlúter. Hann benti á ýmis
önnur atriði máli sínu til stuðn-
ings, eins og minni halla á ríkis-
búskapnum en gert hafði verið ráð
fyrir, og ekki hvað sízt á nýjar
skýrslur frá OECD, en þar kemur
fram, að hagvöxtur í Danmörku
hefur aukizt meira en víðast ann-
ars staðar og áframhaldandi hag-
vexti er spáð. Schlúter lagði mikla
áherzlu á, að góður árangur
stjórnarinnar yæri ekki sízt að
þakka samstöðunni innan hennar,
sem væri meiri en verið hefði þeg-
ar jafnaðarmenn voru einir í
stjórn. Hann sagði það ekki koma
til mála af hálfu núverandi stjórn-
arflokka að hverfa frá megin-
stefnu fjárlagafrumvarpsins, enda
væri það forsenda fyrir skynsam-
legri stjórn. Hann kvaðst líka
vona, að borgaraflokkarnir fengju
styrk til þess að stjórna áfram og
þá myndi verða bjart framundan í
Danmörku. Ef vinstri flokkarnir
tækju við, færi allt í gamla farið.
Schlúter var spurður um at-
vinnuleysið og þær fullyrðingar
stjórnarandstöðunnar, að það
væri allt stjórninni að kenna.
Minnti hann þá á, að vaxandi at-
vinnuleysi hefði verið allan síð-
asta stjórnartíma jafnaðarmanna.
Það hefði stafað af heimskrepp-
unni og rangri stjórnarstefnu, en
nú væri það hætt að aukast og
myndi fara minnkandi. Það væri
alrangt, að stjórn borgaraflokk-
anna vildi danska velferðarsamfé-
lagið feigt, þvert á móti væri hún
að koma því til bjargar. Sannleik-
urinn væri sá, að 95% af þeim
niðurskurði, sem stjórnin hefði
orðið að grípa til, hefði verið í síð-
asta fjárlagafrumvarpi jafnað-
armanna.
Erlendir fréttamenn, sem
komnir eru til Danmerkur til að
fylgjast með kosningunum, eru nú
fleiri en oft áður, og segir það sína
sögu um þann áhuga, sem er á
dönsku kosningunum erlendis.
Leiðtogar dönsku stjórnarflokkanna við upphaf sjónvarpsumræðnanna á
sunnudagskvöld. Þeir eru talið frá vinstri: Poul Schliiter, forsætisráð-
herra og leiðtogi íhaldsflokksins. Til hægri við hann á myndinni situr
Henning ('hristophersen, fjármálaráðherra og leiðtogi Venstre. Vinstra
megin á myndinni stendur Erhardt Jacobsen, leiðtogi miðdemókrata og
til hægri á myndinni stendur Christian Christensen, umhverfismálaráð-
herra úr Kristilega þjóðarflokknum.
í STUTTU MÁLI
Ihalds-
flokkurinn
tapar fylgi
SAMKVÆMT skoðanakönnun sem
nýlega var birt í breska vikublaðinu
The Sunday Times hefur íhalds-
flokkurinn undir forystu Margrétar
Thatcher forsætisráðherra tapað
verulegu fylgi frá því í kosningunum
á síðasta ári, og munar nú aðeins
einu prósenti á honum og Verka-
mannaflokknum.
íhaldsflokkurinn fengi, sam-
kvæmt könnuninni, 40,5% at-
kvæða ef nú væri gengið til kosn-
inga, Verkamannaflokkurinn
fengi 39,5% og Bandalag jafnað-
armanna og frjálslyndra fengi
18%.
S.-Afríku-
menn áfram
í Angóla?
ióhannesarhorg, 9. jan. AP.
Suður Afríkumenn halda því
fram að þeir haft kallað herlið sitt
frá Angólu, en heimildarmenn í her
þeirra segja að einhverjar hersveitir
verði enn um kyrrt í landinu til að
leita uppi skæruliða svartra þjóð-
ernissinna sem hafast við þar.
Herlið Suður-Afríkumanna fór
upphaflega inn í Angólu 6. des. til
að reyna að tefja fyrir árás
skæruliða SWAPO inn í Namibíu
eða Suðvestur-Afríku.
Stjórnar-
skipti
í Suriname
Paramiribo, Suriname, 9. janúar. AP.
DESI BOUTERSE, einn af leiðtog-
um hersins í Suriname, greindi frá
því á sunnudag að Errol Alibux, for-
sætisráðherra, hefði beðist lausnar
fyrir sig og ráðuneyti sitt. Bouterse
sagði að afsögn ríkisstjórnarinnar
kæmi til framkvæmda í dag og þá
yrði ný stjórn skipuð.
Tilkynningin um stjórnarskipti
kom í sjónvarpsávarpi herforingj-
ans og kom mjög á óvart. Tveir
dagar eru síðan herforingjastjórn-
in dró til baka ákvörðun um
skattahækkanir í því skyni að
lægja öldur á vinnumarkaðnum.
Nokkur órói hefur verið í Surin-
ame að undanförnu og á föstudag
má heita að verkfallsaðgerðir
starfsmanna rafveitunnar hafi
lamað allt líf í landinu.
Níu Rauða
kross menn
látnir lausir
Kampala, 9. janúar. AP.
NÍU AF ellefu starfsmönnum
Kauða krossins í Úganda, sem
skæruliðar rændu sl. laugardag,
hafa verið látnir lausir.
Franskur læknir og Cgandabúi
eru enn í haldi, að því er útvarpið
í Úganda og talsmenn Rauða
krossins skýrðu frá í dag. Búist er
við því að þeir tveir verði látnir
lausir innan skamms.
Skæruliðarnir sem rændu
Rauða kross fólkinu eru taldir til-
heyra andspyrnuhreyfingu þjóð-
ernissinna í Vestur-Kampala-
héraði.
r
Arangurs-
laus fundur
tjsló, 19. janúar. Frá
Jan-Erik Lauré, frétUriUra Mbl.
ENGINN árangur varð í dag á fundi
samninganefnda Dana og Norð-
manna í deilunni um skiptingu haf-
svæðisins milli Jan Mayen og
Austur-Grænlands. Af hálfu samn-
inganefndanna hefur verið lögð
áhersla á það að þessi fundur sé
aðeins einn af mörgum, og engin
kaflaskipti hafi orðið í málinu.
Danir gera kröfu til 200 mílna
fiskveiðilögsögu við Grænland, en
Norðmenn vilja að miðlína verði
dregin. Ef krafa Dana næði fram
að ganga mundu þeir fá í sinn hlut
70 þúsund ferkílómetra hafsvæði
sem nú telst vera norskt yfirráða-
svæði.
Kínverjar vilja kaupa
vopn í Bandaríkjunum
Washington, 9. janúar. AF.
ZHAO Ziyang forsætisráð-
herra Kínverska alþýöulýð-
veldisins er nú í opinberri
heimsókn í Bandaríkjunum,
og á þriðjudag mun hann
eiga fund með Ronald Reag-
an forseta og ráðgjöfum
hans.
Meðal þeirra mála sem búist
er við að beri á góma í þessum
viðræðum eru óskir Kínverja
um kaup á vopnum í Banda-
ríkjunum, en Weinberger
varnarmálaráðherra Banda-
ríkjanna lýsti því yfir í Peking
í september sl. að Bandaríkja-
menn væru reiðubúnir að selja
Kínverjum hervopn.
Þá er talið að í viðræðunum
beri málefni Norður-Kóreu á
góma, en Bandaríkjastjórn
hefur vaxandi áhyggjur af
framferði stórnar Kim II
Sung. Talið er að það hafi ver-
ið erindrekar frá Norður-
Kóreu sem reyndu að myrða
forseta Suður-Kóreu, Chun
Doo-Hwan, í Rangoon í Burma
í október sl.
Kínverjar hafa stutt stjórn-
ina í Norður-Kóreu fram að
þessu, en talið er að tilræðið
við forseta Suður-Kóreu kunni
að breyta viðhorfum þeirra að
einhverju leyti.
Zhao Zhiyang forsætisráðherra
Kínverska alþýðulýðveldisins.
Alger kúvending Sovétmanna:
Heita samvinnu við könnun á
Halley-halastjörnunni 1986
Það hefur komið vísinda-
mönnum á Vesturlöndum mjög á
óvart, að Sovétmenn hafa sam-
þykkt að hafa við þá samvinnu í
öllum undirbúningi að fylgjast
með halastjörnu þeirri, sem kennd
er við Halley og fara mun í kring-
um sólina 1986.
Á undirbúningsfundi, sem
haldinn var í Japan fyrir
skemmstu, sögðust sovézkir
stjamfræðingar vera reiðubúnir
til þess að miðla starfsbræðrum
sínum í Bandaríkjunum, Japan
og Vestur-Evrópu af þeirri þekk-
ingu, sem þeir ættu eftir að afla
sér um halastjörnuna, þar á
meðal af þeirri þekkingu, sem á
að fást frá tveimur sovézkum
geimförum, er eiga að verða þau
fyrstu til þess að mæta hala-
stjörnunni, eftir að hún er búin
að fara hring umhverfis sólu i
marz 1986.
Af hálfu Sovétríkjanna var
þess farið á leit, að Bandaríkja-
menn láti í té aðstoð sína, svo að
geimförin komist eins nærri
halastjörnunni og frekast er
unnt. „Þetta er í fyrsta sinn, sem
Sovétmenn hafa beðið okkur um
að aðstoða sig úti í geimnum,"
var haft eftir bandarískum
stjörnufræðingi, sem sótti ráð-
stefnuna í Japan. „Þetta var ein-
hver árangursríkasta ráðstefna,
sem við höfum nokkru sinni set-
ið með Sovétmönnum."
Ráðstefnan hófst með því, að
Sovétmenn buðust til þess að
láta Geimferðastofnun Evrópu í
té upplýsingar varðandi þá
tækni, sem geimfar þeirra mun
beita í myndatækni 6. marz 1986
og með því ætti að fást fimm
sinnum meiri nákvæmni, er
Giotto-geimfarið frá Geimferða-
stofnuninni mætir halastjörn-
unni 13. marz þar á eftir. „Fyrir
fimm mánuðum sögðu Sovét-
menn nánast það eitt við
vísindamenn í Vestur-Evrópu,
að þeir yrðu að finna halastjörn-
una upp á eigin spýtur," sagði
bandaríski stjörnufræðingurinn.
„Hér hefur orðið alger kúvend-
ing í afstöðu Sovétmanna."