Morgunblaðið - 15.01.1984, Page 20

20
MORGUNBLAÐIÐ, SUNNUDAGUR 15. JANÚAR 1984
Steinunn Róbertsdóttir, sem var fulltrúi íslands vió opnun feróasýningar- Fulltrúi íslands við opnun ferðasýningarinnar í Olympia Hall vakti mikla athygli.
innar í London og Sylvía Briem, starfsstúlka í íslenska sýningarbásnum.
Fjórdungsa ukning breskra
ferðamanna á íslandi í ár
íslenska sýningarfólkið, sem var í Bretlandi vegna íslandskynningar, sem þar var í gangi um sama leyti og
sýningin opnaði, heimsótti íslenska sýningarbásinn. Talin frá vinstri: Anna Margrét Jónsdóttir, Svava Johansen,
Guðmundur Hreiðarsson, Helga Möller og Brynja Nordquist.
ALNÓÐLEG ferðasýning var
haldin í Olympia Hall í London í
byrjun desember og voru Flugleið-
ir, íslenskir ferðaaðilar og íslensk
ferðamálayfirvöld sameiginlega
með bás á sýningunni. Þeir sem
stóðu að básnum voru Flugleiðir,
Ferðamálaráð, Ferðaskrifstofa
ríkisins, Ferðaskrifstofan Úrval,
Ferðaskrifstofa Guðmundar Jón-
assonar, Land og Saga, Ferða-
skrifstofa BSÍ og Bandalag ís-
lenskra farfugla.
Ógnar stærstu ferða-
sýningu í heimi
Sýning þessi er haldin árlega í
London og hafa íslenskir ferða-
aðilar verið með frá byrjun og
þátttaka þeirra aldrei verið viða-
meiri en núna. Nú er svo komið
að sýning þessi í London er farin
að ógna stærstu ferðasýningu í
heimi, sem haldin er árlega í
Vestur-Berlín, hvað snertir
þátttakendafjölda og gæti hæg-
lega orðið stærst með sama
áframhaldi, samkvæmt upplýs-
ingum Birgis Þorgilssonar,
markaðsstjóra Ferðamálaráðs.
Sýningin var opnuð 30. nóv-
ember og stóð til sunnudagsins
4. desember. Fimmtudaginn 1.
desember var efnt til opinberrar
móttöku, þar sem komu 170 aðil-
ar sem eiga samskipti við ísland
á ferðamálasviðinu. Þess má
geta að hljómsveitin Mezzoforte
kom í móttökuna, en hún spilaði
um þessar mundir i klúbbi Ron
Scott í London. Þá komu einnig í
móttökuna íslensk sýningarmód-
el sem stödd voru i London
vegna íslandskynningar á Bret-
landseyjum.
Mikil aukning á
ferðamönnum frá
Bretlandseyjum
„Mikil aukning hefur orðið á
ferðamönnum frá Bretlandi
hingað til íslands, mest aukning
sem orðið hefur á ferðamönnum
frá Evrópulandi. Við erum von-
goðir um að þessi aukning haldi
áfram í kjölfarið á stöðugri
markaðskynningu okkar, sem
framkvæmd hefur verið f góðri
samvinnu við skrifstofu Flug-
leiða í London og við náum því
takmarki að tala breskra ferða-
manna nái og fari jafnvel yfir 10
þúsund á næsta ári,“ sagði Birgir
Þorgilsson, hjá Ferðamálaráði.
„Bretlandseyjar eru mikilvæg-
ur markaður fyrir islenska
ferðamannaþjónustu, enda stutt
á milli og markaðurinn stór.
Hingað sækja þeir í óspillta
náttúru, friðsæld, hreina loftið
og víðáttuna. Þetta eru alla vega
þeir þættir sem við leggjum
áherslu á í kynningu okkar á
landinu,“ sagði Birgir ennfrem-
ur.
24% aukning á árinu
— Hvaða skýringar eru á
þessari skyndilegu miklu aukn-
ingu ferðamanna frá Bret-
landseyjum.
„Um er að ræða nálægt 24%
aukningu, sem er mikil aukning
á aðeins einu ári. Það má taka til
nokkra þætti sem telja má lík-
legt að hafi þarna áhrif á. Fyrir
það fyrsta höfum við rekið öfl-
ugri kynningarstarfsemi á
breskum ferðamálamarkaði en
áður og þó það sé ávallt erfitt að
meta árangur af slíku kynn-
ingarstarfi, þá má telja víst að
það sé farið að bera árangur. Þá
fór forseti Islands, Vigdís Finn-
bogadóttir, í opinbera heimsókn
til Englands og vakti hún þar
mikla athygli, eins og heimsókn-
ir hennar hafa undantekninga-
laust gert. Breska sjónvarpið var
hér einnig á ferðinni á árinu og
tók myndir af landinu fyrir
breskan ferðamálaþátt, sem
sýndur er vikulega á einum
besta sýningartíma í breska
sjónvarpinu, BBC. Þátturinn
tókst mjög vel og myndirnar
voru mjög fallegar," sagði Birg-
ir.
Birgir sagði að ætlunin væri
að íslendingar hefðu bás á þess-
ari ferðasýningu í framtíðinni,
eins og verið hefði. Eins yrði
reynt að efla kynningu á íslandi
á Bretlandseyjum, eins og kostur
væri, enda um mikla hagsmuni
að ræða.
Börn í Borgarfirði
tryggð frá 1970
í Morgunblaðinu á fimmtudag
er sagt frá því að Kópavogsbær
hafi tryggt skólabörn í bæjarfé-
laginu á meðan þau séu í skóla
og á leið í hann og úr. Það er
jafnframt tekið fram að Kópa-
vogur sé fyrsta bæjarfélagið
sem þetta gerir. Davíð Péturs-
son, fréttaritari Morgunblaðsins
á Grund í Skorradal, hefur bent
á að skólabörn í hreppum Borg-
arfjarðar hafi verið tryggð á
meðan þau séu utan heimilis
vegna skóla, allt frá árinu 1970.
Auk þess að tryggingin feli í sér
dánar- og örorkubætur, eins og
tryggingin sem Kópavogsbær
hefur tekið, felur hún einnig í
sér sjúkratryggingu allt að
krónum 6 þúsund. Það eru Sam-
vinnutryggingar sem tryggja
skólabörnin í Borgarfirði, en
Brunabótafélag íslands börnin í
Kópavogi.
Bókhaldsstofa BÓKHALD
Guöfinns Magnússonar 0
Viö höfum yfirtekiö rekstur stofunnar.
Veitum alhliöa reikningshalds- og skattþjónustu.
Skattstoð s.f.
Sigurður H. Pálsson
Tjarnargótu 14,101 Reykjavik. James A. Wilde
sími: 22870. viðskiptafræöingar.