Morgunblaðið - 04.02.1984, Blaðsíða 23

MORGUNBLAÐIÐ, LAUGARDAGUR 4. FEBRÚAR 1984
23
... og kon-
unum fór að
vaxa skegg
London, 3. febrúar. AP.
Að undanfömu hafa farið fram tilraunir í Frakklandi með nýtt
getnaðarvarnalyf, sem sérstaklega er ætlað karlmönnum. Tilraununum
hefur nú verið hætt vegna heldur óskemmtilegra áhrifa þessa lyfs, ekki
þó fyrir karlmennina, heldur fyrir konur þeirra. Þeim fór nefnilega að
vaxa skegg.
í nýjasta hefti af enska lækna-
ritinu Lancet segja franskir
læknar frá þessu nýja lyfi, sem að
hluta er notað eins og hvert ann-
að smyrsl og borið á hörundið hér
og þar. Við tilraunirnar kom hins
vegar í ljós, að tvær konur af
sautján, sem þátt tóku í þeim,
smituðust af lyfinu af mönnum
sínum og fengu í sig hvatann
testosterone. Leið þá ekki á löngu
þar til þeim fór að vaxa skegg, og
hárvöxtur annars staðar á líkam-
anum tók einnig miklum fram-
förum. Konurnar brugðust
ókvæða við eins og skiljanlegt er
og hótuðu mönnum sínum því, að
þeir skyldu ekki í sína hvílu koma
meir nema þeir hættu þessari
óhuggulegu tilraunastarfsemi.
Þessi nýja getnaðarvörn er í
því fólgin, að mennirnir taka eina
pillu daglega af kvenhormóni,
sem kemur í veg fyrir sæðis-
myndun. Smyrslið með karl-
hormóninu testosterone er hins
vegar til að mönnunum hverfi
ekki líka öll löngun til kvenna.
Frönsku læknarnir segja, að
þeir hafi reynt að minnka skegg-
vöxtinn hjá konunum með því að
láta karlmennina bera smyrslið á
sig á morgnana en það breytti þó
engu.
Árvakrir ritskoðarar í Nicaragua:
Útgáfa dagblaðsins
La Prensa stöðvuð
95% efnisins talið óæskilegt
Managua, 2. febrúar. AP.
DAGBLAÐIÐ La Prensa í Nicar-
agua, sem er óháð, kom ekki út í
gær vegna þess að ritskoðarar ríkis-
ins neituðu að heimila birtingu á
95% af því efni sem í blaðinu átti að
vera, að sögn framkvæmdastjóra
blaðsins, Pablo Antonio Cuadra.
Þetta er í annað skipti á þessu
ári sem blaðið kemur ekki út
vegna ritskoðunar, og í tólfta sinn
frá því hin vinstri sinnaða stjórn
sandinista tók völdin. í átta skipti
önnur hefur útgáfa blaðsins verið
stöðvuð að fyrirskipun stjórn-
valda.
Cuadra sagði að útgefendur og
ritstjórn hefðu haft fullan hug á
því að kom a blaðinu út, en því
efni sem boðið hefði verið í stað
hins ritskoðaða, hefði einnig verið
hafnað.
Meðal efnis sem ritskoðurum
ríkisins féll ekki í geð voru greinar
og leiðari um vandamál í sam-
skiptum stjórnarinnar og róm-
versk-kaþólsku kirkjunnar.
Fyrsti hjartaþegi
Norðurlanda braut-
skráður af sjúkrahúsi
Osló, 3. febrú»r, frí Jan-Erik Lauré, fréítaritara Mbl.
KONAN, sem varð fyrst Norður-
landabúa til að fá í sig grætt nýtt
hjarta, hefur nú náð svo góðri heilsu
að hún hefur verið brautskráð af
sjúkrahúsi og getur framvegis lifað
eðlilegu lífi heima hjá sér.
Þrír mánuðir eru síðan hin
sögulega hjartaaðgerð var fram-
kvæmd á ríkissjúkrahúsinu í Osló.
Nokkrum vikum síðar var unnt að
leyfa konunni að flytjast í íbúð í
nágrenni spítalans, en hún var þó
enn undir daglegu eftirliti lækna.
Það er mat læknanna að aðgerð-
in hafi heppnast svo vel að nú sé
henni óhætt að flytjast heim til
fjölskyldu sinnar í Þrándheimi.
Nafn konunnar hefur ekki verið
opinberað og engar myndir af
henni verið birtar í blöðum. Hún
hefur sjálf óskað nafnleyndar og
m.a. hafnað boði norsks vikurits
um 250 þúsund norskar krónur
fyrir viðtal og birtingu ævisögu
Grænlendingar
skulda skatta
Kaupmannahöfn, 3. febrúar. Frá Niels Jörgen Rruun, Grænlandsfréttaritara Mbl.
Grænlendingar standa ekki í
skilum með skattana sína að því er
Ole Sindbæk, skattstjóri, segir í
viðtali við grænlenska blaðið
Sermitsiak. Þeir skulda nú hinu
opinbera nærri 120 milljónir ísl.
kr. sem er umtalsvert þegar þess
er gætt, að þjóðin öll er um 55.000
manns og þar af greiða um 25.000
skatt. Auk skattanna á ríkið svo
mikið fé útistandandi fyrir húsa-
leigu, rafmagn og vatn.
Á Grænlandi er viðhaft svo-
kallað staðgreiðslukerfi en í
þeim efnum er víða pottur brot-
inn hjá atvinnurekendum. Af
þeim sökum hafa lent í útideyfu
hjá þeim rúmar 20 milljónir og
afgangurinn er gamlar skalla-
skuldir og skuldir, sem hinir svo-
kölluðu B-skattgreiðendur hafa
stofnað til. Er þar um að ræða
sjálfstæða atvinnurekendur, sem
greiða skattinn sinn eftir á.
Bílasýning
. í dag frá kl. 10—5.
Nýir og notaðir bílar til
sýnis og sölu.
%
LADA bílar hafa sannað kosti sína hér á landi
sem sterkir, öruggir, gangvissir, ódýrir í innkaupi, með lítið viðhald og ódýra varahluti
(könnun verðlagsráðs) og ekki síst fyrir hátt endursöluverð.
Nú hefur útliti og innréttingum verið breytt svo um munar: mælaborð, stýri, stólar, aftursæti, grill, húdd,
stillanlegir speglar innanfrá, stuðarar o.fl. o.fl., en sífellt er unnið að endurbótum er lúta að öryggi og
endingu bílsins. 6 ára ryðvarnarábyrgð.
Verð við birtingu auglýsingar kr.
199.500.-

Bifreiðar &
Sifelld þjónusta Landbúnaðarvélar hf.
SUÐURLANDSBRAUT 14, SÍMI 38600
Söludeild sími 312 36
Verðlisti
Lada 1300 163.500
Lada 1300 safír 183.000
Lada 1200 station 175.500
Lada 1500 station 196.500
Lada 1600 . 206.000
Lada Sport . 294.000
IJ 2715 sendibíll . 109.500
UAZ 452 frambyggöur . 298.000
UAZ 452 m/S-kvöö .... . 234.100